المتنافسة الأولى.........serinee

[aljentel]

رد: المتنافسة الأولى.........serinee

س/ يقال العمل عباده !! هل انتي مع عمل المرأه ام ضدها وماهي وجهة نظرك فيمن يقول بعدمها ؟
س/ هل هناك اي اشكالية من مخالطتك لزملائك الرجال بالعمل ؟!
س/ من تؤيدي اكثر حينما تكون رئيستك بالعمل إمرأه ام رجل ؟!

ولنا عوده فيما لو استجد جديد .

شكرا .

 

[الزهرة الحمراء]

رد: المتنافسة الأولى.........serinee

السلام عليكم حبوبة
راني جيييت سامطة الله غالب
وطبعا رايحة نسقسيك نفس الاسئلة باه نشوف وجهات النظر (حاسة روحي عالمة في علم الاجتماع هههه)
مواصفات شريك حياتك واش هي
من وجهة نظرك انت هل يوجد حب عبر الانترنت
واش تخيري حب قبل الزواج ولا بعد
بالنسبة ليك انت فارق العمر يؤثر فالعلاقة الزوجية او لا
هاذ الساعة هذا واش كاين كي نتفكر نرجعلك هههه

 

[serinee]

رد: المتنافسة الأولى.........serinee

س/ يقال العمل عباده !! هل انتي مع عمل المرأه ام ضدها وماهي وجهة نظرك فيمن يقول بعدمها ؟

أنا شخصيا مع عمل المرأة
خصوصا ادا كان محترم فلا يوجد أي اشكال في دلك

أما من يقول بعدمها فممكن له وجهة نظرته الخاصة
فقط اقول له المرأة يمكن أن تقدم في جميع المجالات
فمثل ما هي أم و ربة بيت ناجحة بامتياز باستطاعتها أن تثبت ذاتها و تكون عاملة متقنة لعملها
فلا عيب لي عمل المرأة
فهو سند لها في حياتها
كدلك فهي تساعد زوجها و أبنائها
​

س/ هل هناك اي اشكالية من مخالطتك لزملائك الرجال بالعمل ؟!
صراحة و بما أنني فتاة فمخالطة الرجال ليس بالجيد لي
انا شخصيا تعاملي مع زملائي يبقى دائما في اطار العمل و ان تجاوز العمل فيبقى في حدود النقاش فقط
س/ من تؤيدي اكثر حينما تكون رئيستك بالعمل إمرأه ام رجل ؟!
في الحقيقة ليس لديا اي اشكال من هاته الناحية
فقط سواء كانت مرأة و رجل أي يكون رجل يطبق القانون أو تطبق القانون و لا تمييز فالعمل.
في البعض الأحيان قد تجد المرأة هي الانسب للمرأة بحكم أنهم من نفس الجنس و هي المقدرة لظروفها و لكن في هاته الحالة قد تتطغى الغيرة
و قد يكون الرئيس الرجل الانسب بحكم ممكن رشادة عقله و تفهمه للمرأة.

ولنا عوده فيما لو استجد جديد .
في انتظار عودة اخي
شكرا .

العفو لا شكر على واجب

 

[serinee]

رد: المتنافسة الأولى.........serinee

السلام عليكم حبوبة

أهلا أهلا بالزينة
​

راني جيييت سامطة الله غالب

لا بالعكس انتي سكر
​

وطبعا رايحة نسقسيك نفس الا
سئلة باه نشوف وجهات النظر (حاسة روحي عالمة في علم الاجتماع هههه)

اوكي يا فيلسوفة عصرك و زمانك
مواصفات شريك حياتك واش هي

ههههههههههه راكم كامل تسألوني على شريك حياتي
اوكي نجاوب
1/عاقل
2/متدين و يخاف ربي
3/ وليد فاميلي
4/ قادر على تحمل المسؤولية
5/ متفهم
6/ بار بالوالديه
7/مقبول الشكل
8/ما يقوليش نجيب 2 3 و 4 انا و بس هههه
9/فيه و لو جزء بسيط من الرومنسية
10/خدام
كشما زدت تفكرت راني نزيد نخبرك:p
​

من وجهة نظرك انت هل يوجد حب عب
ر الانترنت

من وجهة نظري ممكن هناك حب عبر هدا العالم الافتراضي
و لكن تبقى نسبة نجاحه ضئيلة
لان كلا الطرفين
أولا بعيدان عن بعضهما البعض
و ممكن واش يحكي كل واحد فيه على نفسو يكون متناقض مع الواقع
يعني ك واحد يبني احلام خيالية
و ممكن بمجرد وصول العلاقة للواقع قد تموت
​

واش تخيري حب قبل الزواج ولا بعد

أفضل الحب الدي يأتي بعد الزواج ﻷنه حلال و هو لي رايح يدوم.
​

بالنسبة ليك انت فارق العمر يؤثر فالعلاقة الزوجية او لا

أجل بالنسبة ليا فارق السن يؤثر في العلاقات الزوجية
​

هاذ الساعة هذا واش كاين كي نتفكر نرجعلك هههه

هههههههههههههه
هدا كامل و مازال ترجعي
معليش مرحبا بيك يا الزينة
​

 

[أمــ وليــد الجزائرية]

رد: المتنافسة الأولى.........serinee

ايه ياسرين تغيضي حمد الله انا المحققين دياولي خفاف و ضراف

كنت نشكي في اسراء ياعمري درك نروح نبوس راسها

اسمعي نسقسيك سؤال برك و نروح

كيفاه تشوفي اللمة بدون mlina4algeria و بكل سراحة

سؤال واحد و منبعد الله اعلم
​

 

[serinee]

رد: المتنافسة الأولى.........serinee

ايه ياسرين تغيضي حمد الله انا المحققين دياولي خفاف و ضراف
اي شفتي انا المحققين دياولي دارسين تحقيق صح
كنت نشكي في اسراء ياعمري درك نروح نبوس راسها
اي غير روحي بوسيلها راسها و قوليلها مام كي تجي ليا تكون خفيفة ظريفة
اسمعي نسقسيك سؤال برك و نروح
اوكي اتفضلي
كيفاه تشوفي اللمة بدون mlina4algeria و بكل سراحة
صراحة و بدون مجاملات
لا يمككني تصرف اللمة بدون مشرفتنا الجديدة
أكيد هي مضنيتش تستغنى على اللمة و حتى ادا فكرتي فيها انا رايحة نمنعك
و ادا رحتي انا نروح معاك ما تبقالنا قعدة هنا
اللمة بلا بيك سامطة خالية من الروح المرحة و مشاغباتك الرائعة يا حلوة انتي

سؤال واحد و منبعد الله اعلم
​

اهلا بيكي في انتظار رجوعك
يا حلوة
​

 

[serinee]

رد: المتنافسة الأولى.........serinee

تصبحون على خير
باقي الاسئلة سأجيب عنها غدا بحول الله
جمعتكم مباركة
سلام
​

 

[ام رحاب]

رد: المتنافسة الأولى.........serinee

اهلا بيك سيرين رانا ماتلاقيناش من ايام رمضان ان شاء الله تكوني بخير

انا جيت باه نبش فيك شوية

1- اي الناس احب الى قلبك بعد واليدك
2- ماذا تفعلين في هذا الوقت بالذاات
3-هل توابدين على صلة الرحم
4- ماهو اكثر شي تتصفحينه بالانترنات غير اللمة
5- من هو الشخص الذي تتمنين ان يكون في مكانك على كرسي الاعتراف

تعرفي والله شبت باه دبرت هاد الاسئلة الله يبارك الجماعة الي فاتت ماخلاو والو

المهم دمتي سالمة وشكرا على التطفل
​

 

[serinee]

رد: المتنافسة الأولى.........serinee

اهلا بيك سيرين
يا صباح الانوار

رانا ماتلاقيناش من ايام رمضان ان شاء الله تكوني بخير

اي صح رانا ما تلقيناش من ايام رمضان
اي ياك رمضان يجمعنا
بخير الحمد لله
و انتي ما اخباركي و اخبار البنات ان شاء الله بخير و عافية
انا جيت باه نبش فيك شوية
هههههههههه يا اهلا
بالعربية خوفتي شوية


1- اي الناس احب الى قلبك بعد واليدك

بعد والديا ربي يحفظهم عندي اخوتي ربي يحفظهم
و نحب نبات و اولاد خلاتي هههه ثاني نعاملهم كي خاوتي مام هما يحبوني
نزيد نقولك ثاني شكون نحب بعد هدوما

2- ماذا تفعلين في هذا الوقت بالذاات
في هدا ا لوقت بالدات جالسة على سجادة فوق الارض
و نرد على أسئلة الجميلة مثلك ممبعد نروح نكمل شغلي باش نزيد نرجع ليكم
3-هل توابدين على صلة الرحم

صراحة أحيانا نروح نزور أهل بابا أو ماما
مي ديما نحكي في التيليفون مع جدي و جداتي ....و اخرون... نسأل عليهم
اي هدي الوسيلة لي تركتنا معجازين على كلشي
4- ماهو اكثر شي تتصفحينه بالانترنات غير اللمة

اولا و بعدما ندخل للمة و نضرب طاة عليها نلقايني نقرعج في الفايس بوك هدي البسة هدو اقوال و حكم هدو أحداث هدي براءة يهبلو تلقايني غير نطلع فيهم للبيسي ديالي
و عندي مجموعة في الفايس اسمها اخوة في الله أهتم بها قليلا
و كي يزيد عندي شوية وقت تلقايني نتصفح بعض الوصفات و نطلع الكتب الخاصة بالطبخ و الحلويات
ههههه راني هدرت بززززاف
5- من هو الشخص الذي تتمنين ان يكون في مكانك على كرسي الاعتراف

الشخص لي نتمنى يكون مكاني
هي انتي اختي أم رحاب
هههه

تعرفي والله شبت باه دبرت هاد الاسئلة الله يبارك الجماعة الي فاتت ماخلاو والو
هههههههههه
اي ياو اسكتي حتى الكلام تلفلي و الافكار هربت و ما لقيت واش نقول
او ما تشيبيش برك خمي بلا ما تشيبي
المهم دمتي سالمة وشكرا على التطفل
​

اهلا اهلا بيك شحال فرحة كي جاتني المتطفلة الحلوة
ان شاء الله كنت وفقت في الاجابات
في انتظار عودتك لكي مني أكبر تحية
بوسيلي البنوتات ربي يحفظهم
​

 

[ام رحاب]

رد: المتنافسة الأولى.........serinee

شكرا سيرين لبنات راهم بخير يسلمو عليك هه

 

[serinee]

رد: المتنافسة الأولى.........serinee

شكرا سيرين لبنات راهم بخير يسلمو عليك هه

العفو طاطا لا شكر على واجب
الحمد لله ربي يدومها
يسال عليهم الخير
قوليلهم يصوتولي باش نبعتلهم هديتهن
هههه
و انتي طاطا كاش سؤال ارواحي اليوم مش كيما كل يوم:up:
​

 

[ام رحاب]

رد: المتنافسة الأولى.........serinee

سؤال واحد وبس

ميين طاطا انتي ولا انااا

انا الي لازم نقولك طاطا سيرين

راهم مصوتيلك من دووووووووووووووك

 

[serinee]

رد: المتنافسة الأولى.........serinee

سؤال واحد وبس

ميين طاطا انتي ولا انااا

انا الي لازم نقولك طاطا سيرين

راهم مصوتيلك من دووووووووووووووك

هههههههههههه
اي صح انا الاكبر منك
لكن شوف التحليل المنطقي بما أنك متزوجة و أم معناها واجب عليا نقولك طاطا:-r
ادا ما عجبتكش نغيرها
هههه

​

 

[أم عبد الله]

رد: المتنافسة الأولى.........serinee

عــٌدنــآ:d

سيرين اللمة واش غيرتـ فيكـ
والا تغيرتي هذا للاحسن ولا
نينا مجرد عضوة ياكـ واش تعرفي عليها ( بلا مجاملاتـ )
علاش تحبي اللمة
وتقدري اتجوزي رمضان بلا لمه:p
سيريو
واش هي الحاجة لي تلفت انتباهكـ للاعضاء
وماهي المواضيع التي تهمك للاطلاع عليها عدى الطبخ
علاش خيرتي تدخلي ف المسابقة هاذي
وعجبك الحال كي طحتي مع حبيبتكـ

سلامي


​

 

[أمــ وليــد الجزائرية]

رد: المتنافسة الأولى.........serinee

سؤال واحد وبس

ميين طاطا انتي ولا انااا

انا الي لازم نقولك طاطا سيرين

راهم مصوتيلك من دووووووووووووووك:-o:-o

ركي هنا ياو حكمتك

علاه تقولي ليمن تصوتي

ركي تشارشي عيناني

كنتي تخليها سوكري منحسش بالخيانة

استنايني في رمضان رني معولة عليك السنة تفكري mlina4algeria و الكاميرا كاشي ديالها :d:p




سيرين ياو عجبتني القعدة عندك

انا طحولي غير على الفيلة و الابقار و المعز هههههه

​

 

[serinee]

رد: المتنافسة الأولى.........serinee

عــٌدنــآ:d
اهلا أصلا كنت نستنى فييك
هههههه
سيرين اللمة واش غيرتـ فيكـ

اللمة واش غيرت فيا
انا ما نسيمهش تغيير بقدر منسميه تطوير
لي
والا تغيرتي هذا للاحسن ولا
اجل قدرت نخرج المكنونات
ما هي هاته المكنونات لا اعلم
نينا مجرد عضوة ياكـ واش تعرفي عليها ( بلا مجاملاتـ )
لازم بدون مجملات ما نقدرش بالمجاملات
صراحة نينا احلى شيء فيها يعجبني قلمها و كتاباتها فعلا روووعة
و صراحة منخبيش عليك كي قعدتي على هدا الكرسي 3 ايام لي فاتت تماك زدت تعرفت عليك اكثر و اكثر
مكنتش دناتك ضغنونة و أنوشة كيما هكدا
تفكيرك و عقلك سابق لسنك مشاء الله و هدوما مش مجاملات
و فرحت و راني فرحانة كي سمحتلي اللمة اني تعرفت بيك يا نينا
علاش تحبي اللمة
اي اللمة نحبها و نحب لي يحبها
نحب اللمة ﻷن اللمة تحبني
يا الهي ما قدرتش نعبر عن شعوري
ايا درك نجاوب
نحب اللمة من خلال ناسها
و مدى طيبة قلبهم و حبهم للخير مواضيعها
نحسها عائلتي الثانية
او بالاحرى عائلتي الاولى مي ولات كبيرة
وتقدري اتجوزي رمضان بلا لمه:p
سيريو
صراحة لكان نجوز رمضان بلا لمة او معناها هداك النهار راهو غالبني
انا ما نقدرش نجوز نهار و لا رمضان بلا لمة
ياو نهار لي راحت فيه اللمة حسيت روحي مشتتة ضائعة
واش هي الحاجة لي تلفت انتباهكـ للاعضاء
مواضيعهم الحصرية
كتابتهم
الطرح الجيد للموضوع و الالمام بجميع جوانبه
أخلاقهم و احترامهم ﻷراء الاخرين
وماهي المواضيع التي تهمك للاطلاع عليها عدى الطبخ
المواضيع الحصرية التي تخص امجتمع
من قضاياه و مشكلاته
بالاضافة الى المواضيع التي تهم الصحة
و مدونات الاعضاء
علاش خيرتي تدخلي ف المسابقة هاذي
في الحقيقة ما خيرتش خيروني
هههه
في يوم من الايام طلبت مني ميلينا التسجيل و فهمتني كيفاش
فسجلت و صبحان الله حتى طيحنا المكتوب كيف كيف
و ثاني انا ما كنتش عارفة بلي رانا مع بعضانا حتى قبل يومين من الجلوس على الكرسي خبرتيني ميلينا
و بدات الفرحة تتسرب الى اعماقي
وعجبك الحال كي طحتي مع حبيبتكـ

اي اكيييييد جد سعيدة
مي خايفة ميصوتوليش و يصوتولها غير ليها ههههههههههه
​

سلامي


​

اهلين نينا محلاه اسئلة
خفيفة ظريفة كيفك
​

 

[serinee]

رد: المتنافسة الأولى.........serinee

ركي هنا ياو حكمتك
اي انا هنا
ههههه حكمني الردار

علاه تقولي ليمن تصوتي

ركي تشارشي عيناني

كنتي تخليها سوكري منحسش بالخيانة
ههههه
جات في سياق الحديث
لالا غير انتي لي منخونكش موحال
مش رايحة نديرها في السوكري

استنايني في رمضان رني معولة عليك السنة تفكري mlina4algeria و الكاميرا كاشي ديالها :d:p


و الله لكان ديريلي كاميرا كاشي نجي ليك للدار و نجيب كامل دارنا كي يقرب الادان و ما نخبركش
و ممبعد نشوفك واش ديري
غير ربي يعيشنا لرمضان

سيرين ياو عجبتني القعدة عندك

هههههههههه اهلا اهلا بيك
مي علابالك راكي قاعدة فوق حجري او كاين كرسي واحد و راني قاعدة فيه زدتيلي الثقل انتي
اي ما طاوليش
هههه مرحبا بيك الدار دارك
انا طحولي غير على الفيلة و الابقار و المعز هههههه

​

هههههههههههههههههه
مليح فلة
هكدا تتعلمي
بلاك نجيبهم للدار يعيشو معانا
و نديرو حديقة:p
​

 

[أمــ وليــد الجزائرية]

رد: المتنافسة الأولى.........serinee

مي خايفة ميصوتوليش و يصوتولها غير ليها ههههههههههه ​

متخافيش ياجارتي حاسة انك رح تديها

ركي حتى انا اديتيلي قلبي :$
​

 

[أمــ وليــد الجزائرية]

رد: المتنافسة الأولى.........serinee

هههههههههههههههههه
مليح فلة
هكدا تتعلمي
بلاك نجيبهم للدار يعيشو معانا
و نديرو حديقة:p
​

سيرين في الاول هدرت مع ام رحاب وجيتي رديتي عليا انت ههه

عاودي قراي مليح تفهمي

ضحكتيني و فضحتي روحك درك نعس روحي في رمضان هههههههه
​

 

[serinee]

رد: المتنافسة الأولى.........serinee

متخافيش ياجارتي حاسة انك رح تديها

ركي حتى انا اديتيلي قلبي :$
​

راهم بداو الاحاسيس و المشاعر
ههههههههههه
لالا يا جارتي ميهمش لي يديها
المهم تلقيت بيك و حتى هنا فررررررررررررررررررررررحت فرحة لا توصف:$:-r
​