كفرنا كي حبينا نعيشو حياتنا

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
677
النقاط
51
السلام عليكم

انا فتاة ابلغ من العمر 26سنة كل شيء في حياتي عيب وحرام لايصح
عندكي كلام الناس وبالاكي وبالاكي
يعني حتى نهار لي نمرض نحس روحي درت ذنب علاش تمرضي
ضرك يقولو بنت فلانة مرضت مرضوني بهدرتهم
وليت مقلقة على كل شيء مانتامن حتى واحد ومانقبل نثيق في حتى واحد
قالولي حبسي قرايتك وريحي فالدار قلت ماعليش جابولي نت وقالولي حرام اديري صحاب قلت ماعليش دخلوني لمنتديات نسائية قلت ماعليش
مي مازالني انثى على الاقل خلوني نتنفس
راني كي الزاوش لي مقطعيلو جناحتيه
متمنية نهار لي نلقى فيه واحد يقولي كلمة نحبك
يقولو الحب هبة من عند الله
علاش ربي يعذبني انا وواش هو ذنبي
ملي كنت بنت ماشاء الله وليت ضرك نستمني نكذب وفي الاخير رفدت البورطابل وبديت محادثة مع شاب على التناش تع الليل كلها كلمات فاسقة عيب حتى نقولها بيني وبين نفسي مي معاه قلتها
حسيت روحي بعدا فاسقة ومنحطة
مي على الاقل عشت ليلة كيما لبنات ضحكت لعبت زهيت
علابالي بلي غلط واش ساويت مي هاذاك هو تفكيري ضرك
راني طميت ادراهم باش نشري بورطابل بالسر ونديرها علابالي ونهدر بيه نصاحب نعيش حياتي
نشوف حاجات ونكتشف حاجات راهم غايبيلي
علاش ديما انا لي يلزم نكون ذيك الطفلة الشريفة العفيفة
لي يجو يشوفوها الرجال كي البقرة ويساومو فيها شحال تسوى بحجة الخطبة والرؤية الشرعية
وهي كي المهبولة تفرح اخيرا راح تعيش مي يكسرلها حلمها بكلمة وحدة اسمحولنا بنتكم ماعجبتناش

علاش ولينا سلعات رخاص اتجو تشوفو الا يوالموكم ولا لالا
انا صايي مابقيتش نقبل بهذا الشيء وماكاش منها لا رؤية شرعية لاهم يحزنون
راني مليت ياخاوتي
قولولي واش هو الحل
كل مانقول صايي راهي فرات وانشاء الله نولي كيما كنت زاهية نتلقى في لي قولي اسمحيلنا ماعجبتيناش
امالا علاش جا دقدق في بابي خخخخخخخخخخخخخخ مليت خلاص
حبيت نسويسيدي ونريح روحي من هذا لعذاب

نقول نخرج يقولك حرام الطفلة تقعد فالدار
نقول نقرى بالمراسلة يقولك لالا فيها مخالطة
واش اندير حتى ستاج ماحبونيش نديرو يادين الرب شكون راح يقبل بوحدة حابسة ماتعرف كوعو من بوعو

واش هو الحل في رايكم
ماشي الموت خير
 

حكيك

:: عضو شرفي ::
إنضم
22 مارس 2009
المشاركات
8,010
النقاط
351
رد: كفرنا كي حبينا نعيشو حياتنا

تم الاعتماد
ربي يهدينا
 

amina-amina

:: عضو مُتميز ::
إنضم
21 جوان 2013
المشاركات
650
النقاط
51
رد: كفرنا كي حبينا نعيشو حياتنا

moi a mon avie ma soeur nti li khalitilhoum la libeté kan min galoulek habsi 9raytek konti za9iti w beyenti ha9ek tema pasq douka khlase ma3andek madiri raki déja 3atethoum la main bach ydirou fi wach yhebou dork esseye kifah kan yekhetbek wlid hlal 9ebliw 3ichi hyatek 3and rajlek balak tchoufou sa3a mliha nchalah
 

دعاء19

:: عضو فعّال ::
إنضم
18 أوت 2009
المشاركات
2,309
النقاط
83
رد: كفرنا كي حبينا نعيشو حياتنا

لي بغا يعيش حياتو كاينين بزاف ديال الطرق لي هي مزيانة وبعيدة على حاجة خايبة
انتي واش كظني انك الى تكلمتي مع دراري وتقولي كلام فاسق يعني عشتي حياتك راكي غالطة وكتضحكي على راسك
شوفي كملي قرايتك وحاولي تفهمي اهلك راه قراية ماشي عيب ومبقاوش الناس كسمنعو بناتهم على قراية كولشي الناس يتمناو يوصلو مكانة زوينة بالقراية او تعلمي شي لغة او اعلاميات او اي حاجة لي تنسيك هاد افكار وديري صحبات تبقاي تخرجي معاهم مرة مرة متبقايش غير في الدار
وانا متافقة معاك فيكلام لي قلتي ان البنات بحال بقر يساومو فيها يجو يشوفو والى معجبتهومش يمشو بحال الى سلعة ولكن حيدي هاد افكار سلبية زواج راه غير مكتاب من عند ربي
النساي الهم باش الهم ينساك وعيشي حياتك بما يرضي الله عز وجل
 

علي الفاضلي

:: عضو شرفي ::
إنضم
4 جويلية 2013
المشاركات
2,900
النقاط
111
محل الإقامة
batna
الجنس
ذكر
رد: كفرنا كي حبينا نعيشو حياتنا

يبدو انك تعيشين ضغطا مرتفعا ...قد يسبب انفجارا .. من نوع خاص.

ويبدو ان اهلك لم يتفهموا مشاعرك وسلوكك ..

ويبدو انهم محافظين من الدرجة الاولى الى حد خنق الحريات ..وكتم الانفاس..الله يلطف بك.

وهل بقي اليوم رؤية شرعية ؟؟؟ راه كلش على المكشوف ..اللي عينو يشوف من بعيد ..يشوف

وما يجرحش مشاعر الناس ..

عندك الحق في هذي متاع الرؤية يقلب ويشوف ويخرج ...( سلعه والا بقر ...:d)

اما الحديث مع الشبان ...ومحاولة الخروج من هذا الكبت بنقيضه فانت تعلمين ان هذا الشيء حرام.:(

فابحثي عن طرق مباحة مشروعة ..

والحمد لله ما دمت عضوا في المنتدى وتكتبين ....تستطيعين تكوين صديقات ..وفتح بابا للحوار مع العاقلات

لمساعدتك في مشاكلك مع حفظ الخصوصية ..:up:

الله يفرج عليك ...ويصلح لنا ولكم البال والحال.
 

aljentel

:: عضو متألق ::
إنضم
14 نوفمبر 2013
المشاركات
4,150
النقاط
491
رد: كفرنا كي حبينا نعيشو حياتنا

هذه نتائج الكبت المبالغ فيه !! اللهم لاحول ولاقوة الا بالله ...
ليس لدي ما أضيف على ماقاله العمدة هنا .....

يبدو انك تعيشين ضغطا مرتفعا ...قد يسبب انفجارا .. من نوع خاص.

ويبدو ان اهلك لم يتفهموا مشاعرك وسلوكك ..

ويبدو انهم محافظين من الدرجة الاولى الى حد خنق الحريات ..وكتم الانفاس..الله يلطف بك.

وهل بقي اليوم رؤية شرعية ؟؟؟ راه كلش على المكشوف ..اللي عينو يشوف من بعيد ..يشوف

وما يجرحش مشاعر الناس ..

عندك الحق في هذي متاع الرؤية يقلب ويشوف ويخرج ...( سلعه والا بقر ...:d)

اما الحديث مع الشبان ...ومحاولة الخروج من هذا الكبت بنقيضه فانت تعلمين ان هذا الشيء حرام.:(

فابحثي عن طرق مباحة مشروعة ..

والحمد لله ما دمت عضوا في المنتدى وتكتبين ....تستطيعين تكوين صديقات ..وفتح بابا للحوار مع العاقلات

لمساعدتك في مشاكلك مع حفظ الخصوصية ..:up:

الله يفرج عليك ...ويصلح لنا ولكم البال والحال.
الله يهدي ما خلق ....
 

YAHIA S

:: عضوية محظورة ::
إنضم
10 ديسمبر 2011
المشاركات
1,333
النقاط
71
YAHIA S، تم حظره "حظر دائم". السبب: مخالفة القوانين
رد: كفرنا كي حبينا نعيشو حياتنا

السلام عليكم

اختي انا مراحش انجاوبك من ناحية الدين و هاذي امور

ارجوا من اشراف عدم اخفاء الرد لانها رسالة للجميع البنات

راح انقولك حاجة وحدة

كاين انواع من نساء نوع داير كي بعض الاماكن الغير نظيفة ( اعزكم الله ) يمشي غير مع لجان الى احبوا هداك المكان

ميحبوش حاجة نظيفة و نقية و انتاعهم خصوصية

و كاين نوع الى اتحب اتخلي روحها عالية في سماء مش كيما الاماكن الاخرى ا

انتي اختاري اذا حابة اتولي مثل هذه الاماكن الغير نظيفة ؟؟؟

لجميع الشبان الذين يحبون العمومية و لا يوجد فائدة فيها لانها عمومية ليس فيها خصائص جميلة و جيدة

ام لشباب يصونك في زوج و يكون لك في لحلال و تحلين له كيما يحلك

و في حلال تعشين و تتمتعين و تصبحي له

على العموم كيما يقال المثل حنا عندنا الشباب

الزين اكون في ديار مش يتباع برا

 
آخر تعديل بواسطة المشرف:

أم البتول مارية

:: عضو مُشارك ::
إنضم
19 ماي 2009
المشاركات
119
النقاط
7
رد: كفرنا كي حبينا نعيشو حياتنا

الله المستعان... اختي هل لانو اهلك غلطو في حقك و حرموك من كلش بحجة الخوف عليك و على سمعتك انت تزيدي تكملي على روحك و تولي فاسقة كيما قلت؟؟؟؟
هل لما تكلمي الشبان و تخالطيهم تكوني عشتي حياتك؟؟ في اي قاموس لقيتي هاذ التفسير
و الله كل فتاة خالطت و لعبت و زهات مع الشبان تلقايها في الاخير نادمة و مغبونة لانها بعد ما تخلاص فترة الزهو و الشاب يقوللها باي باي تحس بروحها ارخص من حشرة حتى و ان كان بالكلام فقط و بدون التقاء....
كوني قوية اختي و خلي عندك كرامة و نحي الافكار الشيطانية من راسك التجئي للصلاة اشكي همك لربي سبحانو و اطلبي الهداية لك و لاهلك و هذا الضغط اللي داروهولك اعتبريه ابتلاء من عند ربي و اصبري حتى يفرجها عليك لانك لو تكملي بهاذ التخمام راح تهلكي روحك فقط!
 

روز

:: عضو شرفي ::
إنضم
9 نوفمبر 2008
المشاركات
7,098
النقاط
351
رد: كفرنا كي حبينا نعيشو حياتنا

السلام عليكم

سوف أتجه مباشرة لقولك هذا وركزي معايا


حسيت روحي بعدا فاسقة ومنحطة
مي على الاقل عشت ليلة كيما لبنات ضحكت لعبت زهيت
علابالي بلي غلط واش ساويت مي هاذاك هو تفكيري ضرك

قلتي انك حسيتي روحك فاسقة ومنحطة
وقلتي انك عشتي ليلة ووليتي كما البنات
طيب ، هذ البنات لي يشاتو ويقولو الكلام العيب هل هادوم بنات دايراتيهم قدوة ليك ؟
يعني دايرتيهم مثل أعلى وتبعيهم وعاجباتك عيشتهم ؟
هذا البنات ألمفروض تدعيلهم بالهداية لأنها على الأقل على الأقل البنت هاذي ماتوليش محترمة روحها قدام نفسها
حتى لما تقعد في جماعة تولي تهدر على روحها وهي عارفة روحها انها منحطة وتولي تروج للانحطاط نتاعها باش البنات يتبعوها وماتوليش وحدها منحطة
يعني لما يأنبها ضميرها تتفكركم وتتتشجع
أنتي ياترى الانحطاط هذا حاجة مليحة؟
أكيد تقوليلي مش حاجة مليحة طيب علاه راكي ماشية في هذ الطريق
تقوليلي باش نعيش كما البنات
وهذ البنات مرة أخرى في قبرك هل رايحين يدافعوا عليك وينحولك الذنوب؟
أكيد لا
رايحة تتحاسب وتتعاقبي وحدك على هذ الكلام البذىء
وعقابو شديد خافي من ربي راه الشيطان هو لي راه يمشي فيك ولقاك مستسلمة ليه
فتمادى ومش بعيد تعملي اشياء اكثر من هاذي فمادامك مع الاول حبسيه وقاومي افكارو الشيطانية

أختي في الله يمكن أهلك صح مذيقين عليك وهذا أسلوب تربية خاطىء
ولكن هل كاين هذ الطريق فقط تمشي فيها حتى تدي حريتك ؟
الحرية عندك أنك تمشي مع رجالة وتبهدلي بروحك؟
على بالك بلي هذ الشاب لي حكيتي معاه زعمة راه يشوف فيك مرا ؟
راه يشوف فيك أحقر وحدة على الارض
ولما يفكر يتزوج يروح لوحدة أهلها محافظين كما أهلك

وأنا وحدة من الناس عمري لنفكر نخطب مثلا لأخي وحدة تتصرف تصرفك
بل رايحة نشور عليه بوحدة أهلها محافظين كما أهلك

أما قضية الزواج والرجل لي يجي يشوف ويروح من حقك ترفضي هذ الامر
وتقوليها انك من سلعة يجو يتفرجو فيها ويروحو
ولو فرضو عليك هذ الامر قوليه للرجل لما يجي يشوفك ( بأدب طبعا )
هذا حقك وولا واحد يقدر يناقشك فيه
لكن أنك تمشي في الطريق لي مش مسقمة هاذ هو الخطأ والعيب
نتي هكذا راكي تحطمي في روحك مش في أهلك
وقدام ربي هاذاك أمر أخر تماما
نصيحة فقط أختي
قبل لتعملي أي تصرف بينك بين نفسك شوفيه هل هذ التصرف رايحة يغضب ربي ولا يفرحو ؟
ومن هذاك المنطلق تصرفي
مش شرط تتفكري أهلك فكري في الله سبحانه وتعالى ماتفكري في حتى واحد
وحتى تتفقهي في الدين
اعملي حلقات ودروس من التي تقدم في المسجد ودورات ورايحة تفهمي الدنيا مليح حولك كفاش عاملة
نظن مفهومك للحياة راه غالط
وماكيش فاهمة الدنيا هاذي وربنا علاه خلقنا فيها
هل خلقنا باش نفسقوا وننحطوا ونعملو الامور العظيمة لي قلتي عليها ؟
عزيزتي مازال باب التوبة مفتوح استغفري واذكري الله كثيرا
وتوبي والموبايل لي باش تهلكي روحك بيه روحي اتصدقي بدراهمو لاي مسجد صدقة جارية تنفعك في قبرك
عوض ماتجيبي بلوة لروحك انتي في غنى عنها
ديري ثقة في ربي وادعيه واخلصي الدعاء وانشاءلله يرزقك بزوج صالح يعوضك على كل لي شفتيه
لانو الحمدلله مازال عندك حياة اخرى وان شاءلله تولي أجمل حياة
 

أم عبد الله

:: عضو شرفي ::
إنضم
20 مارس 2010
المشاركات
8,913
النقاط
351
محل الإقامة
Zeralda
الجنس
أنثى
رد: كفرنا كي حبينا نعيشو حياتنا

السلام عليكم


ملي كنت بنت ماشاء الله وليت ضرك نستمني نكذب وفي الاخير رفدت البورطابل وبديت محادثة مع شاب
كلمة الاستمناء هي لي خلاتني نكتب الرد اكثر من مرة ونحذفو قبل مانبعثو
اختي شوفي انا ماراحش نقولك ديي وديري وديري لانو حبيبتنا روز وكل الاعضاء تكلمو معاك من منطق المضلومة والمستسلمة للامر
مي حبيت نلفت انتباهك لحاجة بالاك راهي غايبتلك انت قلتي تستمناي يعني هاذي عادة سيئة في حد ذاتها تقدري تفقدي بسبتها اغلى شيء عندك وهو العفة ديالك هاذا الا ماقلناش راكي فاقدتها اصلا
مانحبش اللف والدوران في امور كيما هاك
مي لوكان صح واش قتلك الا ترين ان الله يحميك من الزواج بدل فضحك ليعيدك الزوج لاهلك ويقوول اين شرف ابنتكم وكيف ضاع وكيف ستبريين له الامر
غلاتي لست الومك ولكن احيانا يجب علينا اتخاذ كلام قاس لعل المتلقي يفيق من غيبوبته
ممممممممم وبالنسبة لكلام الليل ليس حلا بل هو مجرد وهم فاااااااااااسد تريدين الغرق فيه لتجدي نفسك في الاخير عبارة ع . . . .​
واش هو الحل في رايكم
ماشي الموت خير
هههه الموت لهنا تفكرت نفسي كل ما احس نفسي في ضيق اطلب الموت ان يأتيني فابتسم حينما اجد يد الله ممدودة لي لتساعدني عند كل موقف اقع فيه

غلاتي ان الله يـٌمهل ولا يهمل فادعيه يستجب لك
ولا تتجاهلي نصائحه و اوامره ثم تطالبيه بعفوه وجنآآته


آسفة ع قسوة ردي مع اني حاولت ان اكون لطيفه

سلامي​
 
آخر تعديل:

حسان

:: عضو شرفي ::
إنضم
6 أوت 2006
المشاركات
2,681
النقاط
83
رد: كفرنا كي حبينا نعيشو حياتنا

ندعوا الله أن يهديك و يفتح عليكي الأبواب المغلقة التي هي في الحقيقية مفتوحة و انت تشاهدينها مغلوقة

يقول الله سبحانه (( { لا يكلف الله نفسا إلا وسعها لها ما كسبت وعليها ما اكتسبت ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا } ))

( لا يكلف الله نفسا إلا وسعها ) أي لا يكلف أحد فوق طاقته وهذا من لطفه تعالى بخلقه ورأفته بهم وإحسانه إليهم

و ندعوا الله ان يفتح قلبك و تشاهدي الحياة سعيدة حقيقية التي تبدأ من الزواج الإسلامي سعيد

ندعو الله ان يفتح قلبك بالسعادة الحقيقية و نور الحياة و السكينة و رحمة

اما ما تقولينه عن البنات اليل فصديقيني أنت غالطة 100 بالمئة فهم يستمتعون بغرائزهم و تزيدهم الهم و الغم لانفسهم و انحطاط

هل تحلين مشكلة بمشكلة أكبر منها و اخطر ؟؟؟؟؟؟؟؟؟؟؟

سلعات رخاص با صديقتنا العزيزة هي الفتياة التي تتحدث في ليل عن فسق و العفن
و ليس عن المرأة التي ياتي الرجال ليتزوجوا بها و تصبح ام أبنائهم كما فعل أبوهم و تزوج بامهم و اصبحوا لها أبناء


قالت لك دعاء

ل
ي بغا يعيش حياتو كاينين بزاف ديال الطرق لي هي مزيانة وبعيدة على حاجة خايبة
انتي واش كظني انك الى تكلمتي مع دراري وتقولي كلام فاسق يعني عشتي حياتك راكي غالطة وكتضحكي على راسك
شوفي كملي قرايتك وحاولي تفهمي اهلك راه قراية ماشي عيب ومبقاوش الناس كسمنعو بناتهم على قراية كولشي الناس يتمناو يوصلو مكانة زوينة بالقراية او تعلمي شي لغة او اعلاميات او اي حاجة لي تنسيك هاد افكار وديري صحبات تبقاي تخرجي معاهم مرة مرة متبقايش غير في الدار
وانا متافقة معاك فيكلام لي قلتي ان البنات بحال بقر يساومو فيها يجو يشوفو والى معجبتهومش يمشو بحال الى سلعة ولكن حيدي هاد افكار سلبية زواج راه غير مكتاب من عند ربي
النساي الهم باش الهم ينساك وعيشي حياتك بما يرضي الله عز وجل
و قالت لك روز


قلتي انك حسيتي روحك فاسقة ومنحطة
وقلتي انك عشتي ليلة ووليتي كما البنات
طيب ، هذ البنات لي يشاتو ويقولو الكلام العيب هل هادوم بنات دايراتيهم قدوة ليك ؟
يعني دايرتيهم مثل أعلى وتبعيهم وعاجباتك عيشتهم ؟
هذا البنات ألمفروض تدعيلهم بالهداية لأنها على الأقل على الأقل البنت هاذي ماتوليش محترمة روحها قدام نفسها
حتى لما تقعد في جماعة تولي تهدر على روحها وهي عارفة روحها انها منحطة وتولي تروج للانحطاط نتاعها باش البنات يتبعوها وماتوليش وحدها منحطة
يعني لما يأنبها ضميرها تتفكركم وتتتشجع
أنتي ياترى الانحطاط هذا حاجة مليحة؟
أكيد تقوليلي مش حاجة مليحة طيب علاه راكي ماشية في هذ الطريق
تقوليلي باش نعيش كما البنات
وهذ البنات مرة أخرى في قبرك هل رايحين يدافعوا عليك وينحولك الذنوب؟
أكيد لا
رايحة تتحاسب وتتعاقبي وحدك على هذ الكلام البذىء
وعقابو شديد خافي من ربي راه الشيطان هو لي راه يمشي فيك ولقاك مستسلمة ليه
فتمادى ومش بعيد تعملي اشياء اكثر من هاذي فمادامك مع الاول حبسيه وقاومي افكارو الشيطانية

أختي في الله يمكن أهلك صح مذيقين عليك وهذا أسلوب تربية خاطىء
ولكن هل كاين هذ الطريق فقط تمشي فيها حتى تدي حريتك ؟
الحرية عندك أنك تمشي مع رجالة وتبهدلي بروحك؟
على بالك بلي هذ الشاب لي حكيتي معاه زعمة راه يشوف فيك مرا ؟
راه يشوف فيك أحقر وحدة على الارض
ولما يفكر يتزوج يروح لوحدة أهلها محافظين كما أهلك

وأنا وحدة من الناس عمري لنفكر نخطب مثلا لأخي وحدة تتصرف تصرفك
بل رايحة نشور عليه بوحدة أهلها محافظين كما أهلك

أما قضية الزواج والرجل لي يجي يشوف ويروح من حقك ترفضي هذ الامر
وتقوليها انك من سلعة يجو يتفرجو فيها ويروحو
ولو فرضو عليك هذ الامر قوليه للرجل لما يجي يشوفك ( بأدب طبعا )
هذا حقك وولا واحد يقدر يناقشك فيه
لكن أنك تمشي في الطريق لي مش مسقمة هاذ هو الخطأ والعيب
نتي هكذا راكي تحطمي في روحك مش في أهلك
وقدام ربي هاذاك أمر أخر تماما
نصيحة فقط أختي
قبل لتعملي أي تصرف بينك بين نفسك شوفيه هل هذ التصرف رايحة يغضب ربي ولا يفرحو ؟
ومن هذاك المنطلق تصرفي
مش شرط تتفكري أهلك فكري في الله سبحانه وتعالى ماتفكري في حتى واحد
وحتى تتفقهي في الدين
اعملي حلقات ودروس من التي تقدم في المسجد ودورات ورايحة تفهمي الدنيا مليح حولك كفاش عاملة
نظن مفهومك للحياة راه غالط
وماكيش فاهمة الدنيا هاذي وربنا علاه خلقنا فيها
هل خلقنا باش نفسقوا وننحطوا ونعملو الامور العظيمة لي قلتي عليها ؟
عزيزتي مازال باب التوبة مفتوح استغفري واذكري الله كثيرا
وتوبي والموبايل لي باش تهلكي روحك بيه روحي اتصدقي بدراهمو لاي مسجد صدقة جارية تنفعك في قبرك
عوض ماتجيبي بلوة لروحك انتي في غنى عنها
ديري ثقة في ربي وادعيه واخلصي الدعاء وانشاءلله يرزقك بزوج صالح يعوضك على كل لي شفتيه
لانو الحمدلله مازال عندك حياة اخرى وان شاءلله تولي أجمل حياة
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
رد: كفرنا كي حبينا نعيشو حياتنا

يا اختي عندك تغلطي وتندمي خاصة راهو الظاهر عليك ناقصك احتواء وحنان ووو
عندك اطيحي في واحد خبيث اللسان يقلك كلش ويخدعك خدعة ألي تسويسيدي صح
مادامك لاباس بصحتك صلي صلاتك وديري حاجة تنفعك وادعي ربي يرزقك من فضلو
وين راهو الصبر ؟؟؟
العاسلة كي يكونو مايعرفوش التربية ويزيرو على بنتهم وماتخرجش وماتقراش وماديرش ماتصلحش وصعيبة بزاف
ولكن الحل ماهوش ألي قلتيه ...
 

أميرة الأمل

:: عضو مُشارك ::
إنضم
27 ديسمبر 2013
المشاركات
132
النقاط
7
رد: كفرنا كي حبينا نعيشو حياتنا

حبيبتي أنا عندي حاجة نقولهالك عمري ما نقول الوالدين غالطين علاه لأنهم كي يقولك ديري هك ولا هك ماشي يحبسوا فيك هذا من كثر خوفهم عليك عمرك متلقاي لي يخاف عليك أكثر منهم صحيح خوفهم مبالغ فيه لكن هذا ما يعطيكش الحق تعاقبي روحك بهاذي الطريقة لأن الطريق لي مشيتي فيه عقاب ليك قبل ما تكملي في هذا الطريق أنضري في المرأة وأسألي روحك يا ترى الحوايج لي راني ندير فيها هيا لي راح تخرجني من هاذي الحالة بالعكس راح دمرك سواء في الدنيا أم في الأخرة ربي يهديك حبيبتي ويهدينا كامل
 

عاشقة الصمت 13

:: عضو مُتميز ::
إنضم
2 سبتمبر 2013
المشاركات
735
النقاط
31
رد: كفرنا كي حبينا نعيشو حياتنا

السلام عليكم

وعليكم السلام ورحمة الله وبركاته
انا فتاة ابلغ من العمر 26سنة كل شيء في حياتي عيب وحرام لايصح
عندكي كلام الناس وبالاكي وبالاكي
يعني حتى نهار لي نمرض نحس روحي درت ذنب علاش تمرضي
الله يكون في عونك

مي مازالني انثى على الاقل خلوني نتنفس
الانوثة نتنفسوها بالحيا
متمنية نهار لي نلقى فيه واحد يقولي كلمة نحبك
ااااودي هاد الكلمة ساهلة مي حنونة شوفي واش من موراها
يقولو الحب هبة من عند الله
ايه هبة ..مي ماشي نطيحو كاو في باباه
نخلو شوي العقل مصحصح معانا
علاش ربي يعذبني انا وواش هو ذنبي
علاه كامل اللي ربي بلاهم راه يعذب فيهم مولانا؟؟؟
ملي كنت بنت ماشاء الله وليت ضرك نستمني نكذب وفي الاخير رفدت البورطابل وبديت محادثة مع شاب على التناش تع الليل كلها كلمات فاسقة عيب حتى نقولها بيني وبين نفسي مي معاه قلتها
حسيت روحي بعدا فاسقة ومنحطة
التزيار يولد الانفجار مي تحاولي على روحك ..تفوت ساعة الدحك وتجي ساعة الغيض وتقولي ياندايمي
مي على الاقل عشت ليلة كيما لبنات ضحكت لعبت زهيت
بينك وبين روحك هادي تتسمى عيشة

راني طميت ادراهم باش نشري بورطابل بالسر ونديرها علابالي ونهدر بيه نصاحب نعيش حياتي
حاجة السر خاصتا اذا كانت من موراها زgا توصلك الى مالا يحمد عقباه
نشوف حاجات ونكتشف حاجات راهم غايبيلي

هاد الهدرة والله مارانيش في بزاف قريب نهرس فم صحبتي واشنو هو غير جيت نحكم لرض
حمبوكي واش تكتاشفو ؟؟؟
الناس تكتاشف حاجة فيها فايدة ونتومة على الهالكة
علاش ديما انا لي يلزم نكون ذيك الطفلة الشريفة العفيفة
خاطرش البنت جهاد الوالدين
لي يجو يشوفوها الرجال كي البقرة ويساومو فيها شحال تسوى بحجة الخطبة والرؤية الشرعية
وهي كي المهبولة تفرح اخيرا راح تعيش مي يكسرلها حلمها بكلمة وحدة اسمحولنا بنتكم ماعجبتناش
مكتوب الله بلاك حتى واحد ماهو خير ليك عليها تجي سبة هاكدة
راني مليت ياخاوتي
gليع gلبي راكي مدوحسة:s
قولولي واش هو الحل
الحل يالعمر راه في عقليتك خمي مليييييييييييييح مليح تعرفي واش عليك
امالا علاش جا دقدق في بابي خخخخخخخخخخخخخخ مليت خلاص
بدون تعليق
نقول نخرج يقولك حرام الطفلة تقعد فالدار
نقول نقرى بالمراسلة يقولك لالا فيها مخالطة
واش اندير حتى ستاج ماحبونيش نديرو
هادي حنا وعشناها
يادين الرب شكون راح يقبل بوحدة حابسة ماتعرف كوعو من بوعو

اذا مدرتيش نتي الثقة في روحك ماكانش اللي راح يديرها فيه واللي يحبك يحبك ونتي هاكدة
واش هو الحل في رايكم
الحل كي تسمعي حكاية بنات اخرين تحمدي الله
ماشي الموت خير
نتي حاصلة في روحك وتحوسي تموتي

علابالي بللي راني مقسحة الهدرة مي درك نقولك علاه
يعني قعدة بنات
نبدوا
بسم الله
اولا هاداك الضغط تقريبا نص البنات راهم عاشينه
وانا وحدة منهم
حبيت نكتاشف علاه خاوتي خايفين عليا لهاد الحد
عرفت روحي بللي غالية وماشي انا اللي نخلي اي واحد يقرب شبر لعندي
والحمد لله لبنات كامل راهم غاليين عند اهلهم مي كل واحد وكيفاه يعز عرضه
ونقولك حاجة تجي تشوفي الناس كيفاه راهي عايشة والله ياختي تحمدي لله على اللي راكي فيه
قادر نحكيلك مي راني حاسة روحي بلي طولت في الهدرة :d
عليها مانزيدكش
واذا حبيتي نحكو على الخاص وتدي عبرة من الحكاية وتعرفي بللي مازال واقفين على رجليهم

 

نزهة الفلاح

:: عضو مُتميز ::
إنضم
1 جويلية 2013
المشاركات
1,061
النقاط
71
رد: كفرنا كي حبينا نعيشو حياتنا

السلام عليكم
الله المستعان
أختي ‘ن كانوا أهلك هداهم الله لديهم مفاهيم خاطئة هذا لا يعني أن نتبعهم
هدي مش حياة أصلا أختي هدي دمار وتحرقك أنت أولا
الإخوة والأخوات ما قصروش ما شاء الله
أنا فقط نعطيك الحل لكل المشاكل وأقسم بالله رح تشوفي العجب وتيسير كل أمورك ويرزقك ربي زوج صالح وكل ما تتمني
لازمي الاستغفار يوميا وثبتي عليه ورح تكتشفي جنة لا يدخلها إلا من عرفها حقا ووثق بربه حقا
بارك الله فيك وحفظك من كل سوء

 

nada:bouira

:: عضو مُشارك ::
إنضم
10 جوان 2013
المشاركات
388
النقاط
21
العمر
23
رد: كفرنا كي حبينا نعيشو حياتنا

kheti rabi yehdik hdo malik rayhom yediro wash ye7abo w neti ma te9ouich lala mais lraki 3a la liberté w ton eduction wash ne9oulhom .....mais bach te9ouli chedit l portabla w bedit nehadar bark w m3a wa7d bark ......kheti eem7ili raki teya7ti berou7k w bemalik rabi yehedik
 

الأسمر

:: عضو بارز ::
إنضم
14 جويلية 2008
المشاركات
5,743
النقاط
323
رد: كفرنا كي حبينا نعيشو حياتنا

السلام عليكم الله يهدينا اختي الى الطريق الصح
والصواب وبين قوسين نقلك (شوفي طبيب نفسي اختي)
والله المستعااان
 

ابو مازن

:: عضو مُتميز ::
إنضم
24 نوفمبر 2012
المشاركات
855
النقاط
51
رد: كفرنا كي حبينا نعيشو حياتنا

و من يتقِ الله يجعل له مخرجا و يرزقه من حيث لا يحتسب
 

Mr mino

:: عضو شرفي ::
إنضم
20 ديسمبر 2007
المشاركات
4,789
النقاط
351
رد: كفرنا كي حبينا نعيشو حياتنا

26 = 6 + 20

بِصَحْ مَآَفْهَمْتَشْ حَآَجَةٌ
حَسِيْتِيْ رُوْحَكْ فَآَسْقَةٌ وَ مُنْحَطَةٌ
وُمَمْبَعْدً بَغِيْتِيْ تْعَآَوْدِيْهَآَ
زُوْجً هَذُوْ مَآَيَرْكْبُوْشً
رَبِيْ يَهْدِيْكً هَذَآَ مَآَنْقُلْكً


 

ThIs Is Me

:: عضو منتسِب ::
إنضم
23 نوفمبر 2012
المشاركات
84
النقاط
3
رد: كفرنا كي حبينا نعيشو حياتنا

السلام عليكم اختي

سقسيتي روحك كاش من نهار اعلاه خلقك ربي ؟؟؟؟
وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ’ سوؤة الذاريات اية 51

, تزودي اختي و خير الزاد التقوى ’ اعملي لي اخرتك و ترزقين باذنه مالا رأته عين او يخطر على بال انسان

كُلُّ مَنْ عَلَيْهَا فَانٍ

وَيَبْقَى وَجْهُ رَبِّكَ ذُو الْجَلالِ وَالإِكْرَامِ )سورة الرحمن

صح مين راكي تهدري و راكي باغية الموت كيفاش غادي تقابلي ربي ؟؟؟؟؟

الدنيا امتحاناااااات سهلة على من عرفوا لذة الايمان
مي حنا صعييييبة بزاف بسكو رانا عايشين في وقت الفتن و رانا نجرو مور الدنيا و نسينا ماوجدنا والو للاخرة
تحوسي تموتي اأأ ودي غير قعدي عايشة عذاب الدنيا و لا عذاب الاخرة

شوفي اختي دوك نتي ايليق تformati عقلك و تinstalle وحد programme اسمو الاستغفار و التوبة الى الله
راكي مذنبة في حق نفسك و الله ياختي
و نزيدك حاجة ادا مازال ماتزوجتي و بطلتي قرايتك و وووو ماكانش حاجة تصرالك الا و موراها حكمة

(..وعسى ان تكرهوا شيئا و هو خير لكم . و عسى أن تحبوا شيئا وهو شر لكم و الله يعلم و أنتم لا تعلمون) - سورة البقرة آية 216

وشكون كيفك عندك اهلك يخافو عليك , هدا الافكار تجي مالفراغ نظمي و قتك

وامر الرؤية الشرعية هدي اجمل مسألة ’’’ في داركم حتى ايجي واحد متعرفيه مايعرفك يحوس اعليك شوفي ربي كي اعز المرأة و اعلى شأنها مش يشوفها مالزنقة و يقنعو منها قاع و a savoir لا يجو يخطبوها و لا لأ رانا عايشين مع الدئاب الانس ياو فيقي
و حاجة السر ديما تنكشف
سيري على نهج زوجات الرسول عليه الصلاة و السلام العفيفات النقيات العابدات الصالحات اين نحن منهن , و مادام راه عندك وقت اعلى التناش تاع الليل اغتنمي الفرصة بالذكر و قيام الليل واللي في قلبك يتحقق باذن الله
وهدا القنطة اللي راهي جايتك هدا ربي راه باغيك ترجعي اليه و تفيقي , خمي امليح و راجعي نفسك هدا الشي اللي راكي اديري فيه حرام و هدا بلاء من عند الله

(... ولا تيأسوا من روح الله إنه لا ييأس من روح الله إلا القوم الكافرون) - سورة يوسف آية 87


اما فكرة الانتحار هدي اقلعيها من بالك هدي تخسري بيها الدنيا و زيد الاخرة


قال تعالى: {مِنْ أَجْلِ ذٰلِكَ كَتَبْنَا عَلَىٰ بَنِى إِسْرٰءيلَ أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِى ٱلأرْضِ فَكَأَنَّمَا قَتَلَ ٱلنَّاسَ جَمِيعاً وَمَنْ أَحْيَـٰهَا فَكَأَنَّمَا أَحْيَا النَّاسَ جَمِيعاً وَلَقَدْ جَاءتْهُمْ رُسُلُنَا بِٱلّبَيّنَـٰتِ ثُمَّ إِنَّ كَثِيراً مّنْهُمْ بَعْدَ ذٰلِكَ فِى ٱلأرْضِ لَمُسْرِفُونَ } [المائدة 32].

{وَمَن يَقْتُلْ مُؤْمِناً مُّتَعَمّداً فَجَزَاؤُهُ جَهَنَّمُ خَالِداً فِيهَا وَغَضِبَ ٱللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً}

واخيرا كل بني ادم خطاء و خير الخطائين التوابين فعليك بالتوبة ولا غادي تندمي يوم لاينفع الندم و ندعوا ربي الهداية ليك ولينا و جميع الناس
اسفة على كترة كلامي و متضايقيش مهدرتي بسكو هاد الشي برك لصلاحك
 
الحالة
مغلق ولا يسمح بالمزيد من الردود.
Top