ولن تسقط بنت الجزائر من الحصان ........مش ستيل تاعي

الحالة
مغلق ولا يسمح بالمزيد من الردود.

لاجودان شاف

:: عضو بارز ::
أحباب اللمة
إنضم
6 جويلية 2011
المشاركات
2,434
نقاط التفاعل
648
النقاط
91

السلام عليكم ورحمة الله وبركاته
أهلا بكل رواد قسم واش راك تهدر
ندخل ديراكت في الموضوع ......المورال مش مليح ...الحالة المالية مزيرة ....الحالة العاطفية تكح من البرد قالش ناس العاصمة ....الvidد ...لونقواص ...الخلعة...والحليب مكانش

اليوم حبيت نحكي برك على واحد المثل الشعبي لي يقول
القط كي ما يلحقش للشحمة يقول تعيف

حال بنات الجزاير كامل

كيما يعلم الجميع بلي الدراما التركية غزات البيوت تاع الجزاير
بنات الجزاير من لي يدخلو للدار وهوما لاصقين في التلفزيون يتبعو في المسلسلات التركية

هدا عشق مرط خالو ....
هديك زوجت من واحد ساهم في اغتصابها ....
واحد عشق في بائعة الزلاميت كي شعلتلو قارو وماحبتش تحكم عليه البقشيش
مالا طلعت في عينو ومن بعد باع السيارة الفحمة تاعو وشراها كامل زلاميت ورجع حتى هو يبيع في الكبريت كيعاد حبها
واحد عندو 3665425 جارية يبدل فيهم كي لموس تاع لحفافة

المهم ماعليناش

مسلسلات طويلة وأجراء بزاف ودراما واعرة تحبسلك قلبك ...صوراد كبار صرفوهم الأتراك على هاد المسلسلات تنظيم كبير وتخطيط بعيد

وباين بعد كل التعب هدا والصوارد هاذو لازم يجيبلك أكتور ثاني يكون قوة لي يمثل دور البطل

جابو مهند : عينيه يبانو ****ب قزاز ...بيض تشوف الدم كيفاه يسركل في وجهو ..لحية روجية وشعر روجي..شوارب كي الطماطم
كل مريقل كل منظم على الشعرة ... كور وديكور

جابو ثاني كريم هداك تاع فاطمة : تالمو شعر رطب وباهي حتى شكو بلي عندو دودة القز في راسو مش بصيلات تاع شعر كيعاد شعرو يبان حرير ...بيض وفي وجهو البراءة ...تقعد قدامو برك تهز صحتك وترتاح

دارو شهرة كبيرة وهزو العالم وخصوصا الجانب النسوي
حتى قالك لو تحكم النساء العالم راح يطبعولنا صورة مهند في الدراهم نعودو ديما نشوفوها
النسا في العالم العربي تسمع غير : كريم يأبر قلبي ومهند يأبر كلوتي :-o

والكارثة العظمى لي حبسلك راسك ودوخك
وتخليك تتمنى لو أنك زايد في جامايكا ومعاشر بوب مارلي كي تسقسي اي بنت في الجزاير تقولها واش رايك فيهم هل يعجبوك ولا أها
تسمع مالا يرضيييك :
اخخخخخخخخ يعيف زي الطفلة :-o:-o:-o:-o:-o
اقتشي والله ما يشبهو لوالو :-o:-o:-o:-o:-o
والله منين يبقاو هوما مانديش راجل كيفهم :-o:-o:-o:-o:-o
ماوش ستيل تاعي:-o:-o:-o:-o:-o:-o:-o
خطبني واحد فوطوبي على كريم وما قبلتش بيه :-o:-o:-o
:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o

وركزولي برك على هادي : مش ستيل تاعي


مهند وكريم طلقو نسا وفرقو ديار تالمو نص العالم معجبين بالجمال تاعهم
دارو فتنة كبيرة في العالم العربي والتركي وحتى الاوروبي
شهرة كبيرة ومعجبات بالملايين

والبنت الجزائرية مايعجبوهاش
وعلاه التنيفيق يابنت بلادي وعلاه
الحاجة لمليحة لي اجمعو عليها الناس كامل بلي مليحة تبقى مليحة مافيهاش هدرة

ولا راكي تهدري هكا كيعاد المكتوب الحاضر لي وصلك الله غالب عليها مالا راكي تخرجي في القنطة تاعك وتفاجي في الغمة وطلعي في المورال لروحك ؟؟؟؟

وتجي وحدة تقولك مش ستيل تاعي هادوك
ايملا ختي تعيشي قوليلنا برك وشي هو الستيل تاع الرجال لي حابة تزوجيه ؟؟؟

ماكسيان نص وجهو مخمج بلاgراس ....سمر ...عندو شعر في شوافرو ومباشرة مع يخلصو شوافرو
تبدا لحيتو وفيه ريحة الخردل

وتزيد تقولك ايه هادي هي الرجولة
عييت نفهم علاه يربطو الرجولة بالدمير والتعب والشقا والميزيرية

تحير مع البنات الجزاير ...مهند و كريم والجماعة لي كيفهم مش ستيل تاعها
وتامر حسني ستيل تاعها

ماوش يعني الواحد يعتزل الانوثة في الجزاير هادي خلاص

ماعجبتهاش العين الخضر والشعر لرطب كي لحرير
وعجبوها حواجب كي الطريق السيار شرق غرب بففففففففففففففففففففف

علاه عليكم يا بنات الجزاير علاه ؟؟؟؟
خلاصة القول :
علماء الجمال اجمعو بالي البشرة البيضاء مليحة للراجل وللمرا
لعين لخضرة مليحة سواء للرجل ولا المرأة
الشعر لرطب لحريري مليح سواء للرجل ولا المرأة
مافيها لا ماكسيان لا مخمج بلاgراص لا بانتر وجهو كامل فينيل
شرح بعض المفردات الواردة في النص :
اقتشي : كلمة في اللهجة الباتنية معنها اععع

 
رد: ولن تسقط بنت الجزائر من الحصان ........مش ستيل تاعي

السلام عليكم ورحمة الله
تمت الموافقة خويا
ولى عودة للرد ان شاء الله

 
رد: ولن تسقط بنت الجزائر من الحصان ........مش ستيل تاعي

السلام عليكم

صحيت نبيل على الموضوع عجبني النص:)

عندنا نقولو الزين للمرا مش للراجل

الجمال كي يكون بزاف في الراجل مش مليح
وجمال الرجل العربي جمال معتدل مش كما القور تالمون شباب حتى يسماط
الخشونة في الملامح تاني تحسسك بالرجولة وهذا لي ماكانش عندهم

أنا تاني مانحبش الاتراك
ممكن نحب نشوف أفلامهم ولكن شكلا ..ماهمش نتوعنا باش مانقولش ماهمش الستيل نتاعنا
 
رد: ولن تسقط بنت الجزائر من الحصان ........مش ستيل تاعي


السّلامـ عليكم
رايحة ندخلها طول:)
وعلاه شكون اللي قالك مكانش رجال ملاح في دزاير؟
انا نعترف ونقول كاين الزين في دزاير
مختلف الاشكال والانواع الاسمر و الابيض العين الخضرا و الزرقا و .....
أصلا أنا ما يخلعني لازين لاوالو ديجا راني موالفة العين الخضرا
لاه شكون هذا مهند واحد زير نساء برك
عندي خوتي لـ 3 الزين والعين الخضرا ولاطاي بصح هوما خير من مهند
مايتقارنوش بيه طول
كي يشوفو خويا يقولو ياي يهبل يشبه لمهند
مانهدرش طول نقولهم هذا رأيكم
نقولك لاه مايتقارنوش بمهند
؟
أوّل شي هوما متخلقين ومسلمين على الصح ماشي علمانيين
يسكرو و يشربو ويضلو مع البنات
هوما جزايريين عندهم النيف والعقلية نتاع دزاير مكانش في بلاد وحْدة
صح كريم باهي مانكذبوش
ومليح واحدة تدي واحد باهي وفيه صفات خلقية ملاح


انا امنيتي كي نشوف واحد ونقول ان شاء الله يكون زوجي المستقبلي كيفو
ماشي على الزين ان شاء الله يكون متخلق ومتربي.
الزين ما يبني الدار
صح مليح الشخص يكون باهي مي ماهوش شيء ضروري
vive أولاد بلادي عقلية dz مكانش غيرها.


وشكرا على الموضوع وعلى الطرح:)
تقبّلـ مروريـ
كان هذا مجرّد رأيْ





 
آخر تعديل:
رد: ولن تسقط بنت الجزائر من الحصان ........مش ستيل تاعي

وش رح نقولك يا حضارات
قريت الموضوع تاعك لعبت عليا الغمة , تفكرت وش داروا الفحلات مع تامر حسني (-_->)
وراني خايفو لوكان نرد عالموضوع ونفاجي يسحتوني من المنتدى
مالا نقلك الهه يهدي وخلاص
ملاحظة : علابالك انا ثاني نشبه لمهند....
-
-
-
-
-
-
-
-
-
-
-
لالا راني نGسر برك
يعطيك الصحة عالموضوع
 
رد: ولن تسقط بنت الجزائر من الحصان ........مش ستيل تاعي

أهلا بيك حبيبنا لاجودان
يعطيك الصحة على الموضوع الباهي راك فرغت قلبك ههه
واش نقلك انا هاذ الأمور ومواصفات الراجل والرجولة تعرفها لمرا اكثر من الراجل كيما الراجل يعرف مواصفات الأنثى والنوثة كيفاه
الفطرة تاع ربي هكذا حلق لمرا تحب الراجل راجل وقبيح وواعر وفي نفس الوقت حنين وعاطفي
لأنها ماتقدرش تعيش مع راجل كيما صاحبتها حنان ولا فريال هههه
والراجل كيف كيف مايقدرش يعيش مع طفلة مايش انثى وتعيط وقبيحة وبزاف صفات ينحيولها انوثتها ...
الراجل لحنين لحريري قالش زاكي الناس ملاح العاطفي تكرهو لمرا لأنها ماتحسش بانوثتها معاه
تحبو قبيح واعر يمنعها يعيط عليها طبعا بلا قهر وظلم هكذا تحس بلي راهي ضعيفة ومن ثم تحس بأنوثتها وتحس بالأمان معاه ..
والراجل كيف كيف ..
بقال هل لازم يكون باشع وخامج قالش نتا هاذي لا يستلزم
ماعليهش يكون بوقوس وباهي بصح راجل وقبيح ولا ماكانش ؟؟ هههههه
لبنات ثاني يخيرو الراجل المعدول وعليها ربي شرع النظرة الشرعية قبل الخطوبة لأجل هذ المور ولكن لازم يكون راجل وفحل وكلش
اما باهي وهو مفملط وحنين وحريري لالا

لي عودة لمناقشة الموضوع مع نبيل والمناقشات ههه
 
رد: ولن تسقط بنت الجزائر من الحصان ........مش ستيل تاعي

أهلا بيك حبيبنا لاجودان
يعطيك الصحة على الموضوع الباهي راك فرغت قلبك ههه
واش نقلك انا هاذ الأمور ومواصفات الراجل والرجولة تعرفها لمرا اكثر من الراجل كيما الراجل يعرف مواصفات الأنثى والنوثة كيفاه
الفطرة تاع ربي هكذا حلق لمرا تحب الراجل راجل وقبيح وواعر وفي نفس الوقت حنين وعاطفي
لأنها ماتقدرش تعيش مع راجل كيما صاحبتها حنان ولا فريال هههه
والراجل كيف كيف مايقدرش يعيش مع طفلة مايش انثى وتعيط وقبيحة وبزاف صفات ينحيولها انوثتها ...
الراجل لحنين لحريري قالش زاكي الناس ملاح العاطفي تكرهو لمرا لأنها ماتحسش بانوثتها معاه
تحبو قبيح واعر يمنعها يعيط عليها طبعا بلا قهر وظلم هكذا تحس بلي راهي ضعيفة ومن ثم تحس بأنوثتها وتحس بالأمان معاه ..
والراجل كيف كيف ..
بقال هل لازم يكون باشع وخامج قالش نتا هاذي لا يستلزم
ماعليهش يكون بوقوس وباهي بصح راجل وقبيح ولا ماكانش ؟؟ هههههه
لبنات ثاني يخيرو الراجل المعدول وعليها ربي شرع النظرة الشرعية قبل الخطوبة لأجل هذ المور ولكن لازم يكون راجل وفحل وكلش
اما باهي وهو مفملط وحنين وحريري لالا

لي عودة لمناقشة الموضوع مع نبيل والمناقشات ههه
كلامـ كافي و وافي
المهم الراجل يكون باهي برك
امّا الشعر الحريري والومنسية الزائدة على حدودها خاطيتنا
لأنو هذا يرجع قضية ذوق
كاين اللي يحب الزين و كاين اللي يكره سواء أنثى أو ذكر
يعطيك الصحة
 
رد: ولن تسقط بنت الجزائر من الحصان ........مش ستيل تاعي



عندي خوتي لـ 3 الزين والعين الخضرا ولاطاي بصح هوما خير من مهند
مايتقارنوش بيه طول

اووووووووووووووو شتو شتو هادي هي لي درت عليها موضوع
آآآآآآآآآآآآي راسي
منين الفيييييييييييييييزا تاع جامايكا منيييييييييييييين ؟؟؟؟

 
رد: ولن تسقط بنت الجزائر من الحصان ........مش ستيل تاعي

كلامـ كافي و وافي
المهم الراجل يكون باهي برك
امّا الشعر الحريري والومنسية الزائدة على حدودها خاطيتنا
لأنو هذا يرجع قضية ذوق
كاين اللي يحب الزين و كاين اللي يكره سواء أنثى أو ذكر
يعطيك الصحة


ربي يحفظك فطيمة
كي يكون رومنسي وراجل وفحل وواعر وتحس لمرا بلي تحت راجل ومايظلمهاش هاذاك هو المفيد
اما تعيش مع واحد شغل عايشة مع صاحبتها نعلبوها معيشة هههههههههه
 
رد: ولن تسقط بنت الجزائر من الحصان ........مش ستيل تاعي

وعليكم السلآم ورحمة الله،.
قريت شويا برك من الموضوع،.
منبعد إن شاء الله راني نولي.​
 
رد: ولن تسقط بنت الجزائر من الحصان ........مش ستيل تاعي

السلام عليكم ورحمة الله
تمت الموافقة خويا
ولى عودة للرد ان شاء الله

شكرا خويا على الاعتماد
بارك الله فيك
وأهلا بك

 
رد: ولن تسقط بنت الجزائر من الحصان ........مش ستيل تاعي

السلام عليكم

صحيت نبيل على الموضوع عجبني النص:)

عندنا نقولو الزين للمرا مش للراجل

الجمال كي يكون بزاف في الراجل مش مليح
وجمال الرجل العربي جمال معتدل مش كما القور تالمون شباب حتى يسماط
الخشونة في الملامح تاني تحسسك بالرجولة وهذا لي ماكانش عندهم

أنا تاني مانحبش الاتراك
ممكن نحب نشوف أفلامهم ولكن شكلا ..ماهمش نتوعنا باش مانقولش ماهمش الستيل نتاعنا
أهلا بيك ختي روز
أول مرة نشوف مشاركتك في موضوع في قسم واش راك تهدر :)

صح الزين للمرا لكن المرا ثاني من حقها راجل تقر بيه عينها ويسرها
وكاين لي ماتشرطش الجمال خلاص
اقتداء بالقول المأثور : الراجل جيبو في عيبو
والرحمة في الجمال في وقتنا هذا راهو يطايش
الجيب لي مكانش
+
الاتراك مش ستيل تاعنا مالا وشي هو الستيل ههههه


 
رد: ولن تسقط بنت الجزائر من الحصان ........مش ستيل تاعي

اووووووووووووووو شتو شتو هادي هي لي درت عليها موضوع
آآآآآآآآآآآآي راسي
منين الفيييييييييييييييزا تاع جامايكا منيييييييييييييين ؟؟؟؟

مافهمتش قصدك
 
رد: ولن تسقط بنت الجزائر من الحصان ........مش ستيل تاعي

اووووووووووووووو شتو شتو هادي هي لي درت عليها موضوع
آآآآآآآآآآآآي راسي
منين الفيييييييييييييييزا تاع جامايكا منيييييييييييييين ؟؟؟؟



انسان باهي ومسلم وظريف ومتربي وراجل وخدام وفحل خير منو اشيخ
 
رد: ولن تسقط بنت الجزائر من الحصان ........مش ستيل تاعي

السلام عليكم هادي مدة ما قريتش في هاد الركن واليوم فتحت هاد الموضوع عجبتني طريقة الطرح والفكرة في حد ذاتها اعطيك الصحة يا الشاف
بون كاين فرق بين انك اتبع الفيلم او المسلسل على جال القصة وبين انك اتبعو على جال مهند والا غيرو ونظن بلي اكثر مسلسل اخد اكبر قدر من المشاهدة وحتى من الرجال هو وادي الذئاب ولو اني ما تبعتوش وما على باليش بقصتو بالصح نهار رحت للذزاير لقيت الغاشي كامل اتبع فيه والممثل تاعو ماهش دو مواصفات عالية ههه يعني راه كاين منو بالزاف
هنا الي حبيت نقولو الي راه اشد في الجماعة للمسلسلات التركية ماشي الناس الي فيها بقدر القصة والحبكة الدرامية لهاد المسلسلات جيب نفس الممثل وحطو في مسلسل جزائري وشوف نضمنلك حد ما يشوف فيه كون يكون حتى ملك جمال الكون
ولو ترجع اامثلين الجزائريين الجدد تلقى فيهم بزاف كيما مهند واشب بالصح حد ما يعرفهم ولا يسمع بيهم
امالا ما تحتار ولا تخمم وكيما جاء في كثير من الردود الجمال نسبي وممكن الي يعجب واحدة ما يعجبش لخرى
سامحني الا طولا بصح خلاصة القول الحكاية والقصة هي الي تشد ماشي الشباب الي فيها وتعليقات بناتنا في محلها والجزائر معبية بالبوغوص وخوه الزهر برك الي ماكاش
 
رد: ولن تسقط بنت الجزائر من الحصان ........مش ستيل تاعي


السّلامـ عليكم
رايحة ندخلها طول:)
وعلاه شكون اللي قالك مكانش رجال ملاح في دزاير؟
انا نعترف ونقول كاين الزين في دزاير
مختلف الاشكال والانواع الاسمر و الابيض العين الخضرا و الزرقا و .....
أصلا أنا ما يخلعني لازين لاوالو ديجا راني موالفة العين الخضرا
لاه شكون هذا مهند واحد زير نساء برك
عندي خوتي لـ 3 الزين والعين الخضرا ولاطاي بصح هوما خير من مهند
مايتقارنوش بيه طول
كي يشوفو خويا يقولو ياي يهبل يشبه لمهند
مانهدرش طول نقولهم هذا رأيكم
نقولك لاه مايتقارنوش بمهند
؟
أوّل شي هوما متخلقين ومسلمين على الصح ماشي علمانيين
يسكرو و يشربو ويضلو مع البنات
هوما جزايريين عندهم النيف والعقلية نتاع دزاير مكانش في بلاد وحْدة
صح كريم باهي مانكذبوش
ومليح واحدة تدي واحد باهي وفيه صفات خلقية ملاح


انا امنيتي كي نشوف واحد ونقول ان شاء الله يكون زوجي المستقبلي كيفو
ماشي على الزين ان شاء الله يكون متخلق ومتربي.
الزين ما يبني الدار
صح مليح الشخص يكون باهي مي ماهوش شيء ضروري
vive أولاد بلادي عقلية dz مكانش غيرها.


وشكرا على الموضوع وعلى الطرح:)
تقبّلـ مروريـ
كان هذا مجرّد رأيْ





اهلا بيك ختي فاطمة
انا قلت برك لوكان جا كاين جمال كثر من مهند وكريم سير دوك رانا راح نشوفوهم
في مسلسل حريم السلطان 4
وبائعة الكبريت 2
عندي تحفظ برك على خاوتي خير من مهند مافهمتوش مليح :s
+
انا ثاني ماحكيتيش ختي على الاسلام والعقلية والرجلة
انا حكيت برك على وحدة
سقساوها قالولها لوكان يخطبك كريم نتاع فاطمة وجاركم فريد الماكسيان
بشكون تقبلي
قاتلهم بيان سير فريد
قالولها علاه
قاتلهم يفهم مليح في موتور dci ويعجبني البوك تاعو
المهم مشكورة على مرورك
وراني قريبندبر فيزا لجامايكا

 
رد: ولن تسقط بنت الجزائر من الحصان ........مش ستيل تاعي

وش رح نقولك يا حضارات
قريت الموضوع تاعك لعبت عليا الغمة , تفكرت وش داروا الفحلات مع تامر حسني (-_->)
وراني خايفو لوكان نرد عالموضوع ونفاجي يسحتوني من المنتدى
مالا نقلك الهه يهدي وخلاص
ملاحظة : علابالك انا ثاني نشبه لمهند....
-
-
-
-
-
-
-
-
-
-
-
لالا راني نGسر برك
يعطيك الصحة عالموضوع
شت خويا شت
كريم ومهند زي الطفلة
وتامر حسني ابظاي
فواخ شبعوه بروتين حتان تنفخ
ومن بعد قتلهم بلي كليب زعما يدير في لي بومب ويدير في لابار فيكسي

ياولدي سترو ربي في السودان وقت ضربة أم درمان
جراو عقابو جماعة من آفلو ماحكموش :-o

 
رد: ولن تسقط بنت الجزائر من الحصان ........مش ستيل تاعي

ماوش يعني الواحد يعتزل الانوثة في الجزاير هادي خلاص
ههههههههههه المقولة هاذي عجبتي هههه:up:
الموضوع والله مضحكـ مع لانو يمس واقع مـٌعاش
مي خويا نبيل شوف ماشي كامل لبنـآتـ كيف كيف حاذي هاجة اللولة راك تشوف بلي صباعتين يديك ماشي كيف كيف:d
يعني الزين للمرا ماشي للراجل هاذي حاجة اكيدة
يعني يكون شباب ويحسدوني فيه الف وحدى علاش عليا تكسار الراس هذا :down:يكون معقول وخلاص هههههههههههه
وكي تقول بلي الزين للراجل احنا الجزائريين عندنا زين سبيسيال يعني ماشي يلزم يكون كي مهند ولا براد بيث باش يكون راجل خويا الرجولة ماشي رداء بل دهاء خخخخخخخخ وعندك تفهم دهاء هاذي حاجة خلاف هههههه
والانسان يرضى ف الاول و الاخير بنصيبو وفقط

مي بنتلي راك غاير من التركيين خيرااااااااااات الله ههههههههههههههه
سلامي اخي ف الله
 
رد: ولن تسقط بنت الجزائر من الحصان ........مش ستيل تاعي

وعلاه التنيفيق يابنت بلادي وعلاه
الحاجة لمليحة لي اجمعو عليها الناس كامل بلي مليحة تبقى مليحة مافيهاش هدرة
سلآم،
راني رجعت، لقيتو موضوع contre les filles جيت نجري،.
شوف آ خويا نبيل، أنا ما يعجبني لا مهند ولا هذا كريم ولا هذاك أسمر ولا ما علاباليش وش يقولولو، نكرههم كامل و صدقني جامي تبعت مسلسل تركي، قول عليا منافقة ولا قول وش حبيت،.

وزيد مآشي شرط الحاجة اللي تعجب النآس كامل تعجبني، المهم أنا رآضية بروحي وشخصيتي واش راحلي في الناس؟!، ديجا من قبيل برك جبدو البنآت هذا الـsujet قطعتلهم هدرتهم وقلتلهم منبعد راكم تكملو حكاياتكم عليهم،.
أنا شخصياً الراجل اللي يعود أشقر كما مهند مثلاً، يوجعني قلبي منو حآشا خليقة ربي، نحسو يشبه للطفلة، مام تصرفاتو تكون في غالب الأحيان نآعمة كما تصرفات الطفلة، لازم الرآجل يكون رآجل حتى في الملآمح، طبعاً ماشي للدرجة اللي وصفت بيها أنت الرجآل، زعما وجهو فيه لاgـراس، واللحية نتاعو فيها ريحة الخردل...لالا، حنا ما قلناش هكذا نحوسو يكون الراجل، صح لازم يهتم بالمظهر الخآرجي نتآعو، بصح في نفس الوقت ما يكونش أنوش كما نقولو،.
هذا واش نقلك آ نبيل خويا
سلآم.
 
رد: ولن تسقط بنت الجزائر من الحصان ........مش ستيل تاعي

أهلا بيك حبيبنا لاجودان
يعطيك الصحة على الموضوع الباهي راك فرغت قلبك ههه
واش نقلك انا هاذ الأمور ومواصفات الراجل والرجولة تعرفها لمرا اكثر من الراجل كيما الراجل يعرف مواصفات الأنثى والنوثة كيفاه
الفطرة تاع ربي هكذا حلق لمرا تحب الراجل راجل وقبيح وواعر وفي نفس الوقت حنين وعاطفي
لأنها ماتقدرش تعيش مع راجل كيما صاحبتها حنان ولا فريال هههه
والراجل كيف كيف مايقدرش يعيش مع طفلة مايش انثى وتعيط وقبيحة وبزاف صفات ينحيولها انوثتها ...
الراجل لحنين لحريري قالش زاكي الناس ملاح العاطفي تكرهو لمرا لأنها ماتحسش بانوثتها معاه
تحبو قبيح واعر يمنعها يعيط عليها طبعا بلا قهر وظلم هكذا تحس بلي راهي ضعيفة ومن ثم تحس بأنوثتها وتحس بالأمان معاه ..
والراجل كيف كيف ..
بقال هل لازم يكون باشع وخامج قالش نتا هاذي لا يستلزم
ماعليهش يكون بوقوس وباهي بصح راجل وقبيح ولا ماكانش ؟؟ هههههه
لبنات ثاني يخيرو الراجل المعدول وعليها ربي شرع النظرة الشرعية قبل الخطوبة لأجل هذ المور ولكن لازم يكون راجل وفحل وكلش
اما باهي وهو مفملط وحنين وحريري لالا

لي عودة لمناقشة الموضوع مع نبيل والمناقشات ههه
اهلا بيك خويا سفيان
يا خويا وعلاه تشوفو في لي بيض وشقر مش راجل
لازم يكون باباي ومخمج بلاgراس ولا البنتورة ولا يخدم طولي ذراع ولا يبيع التاي وشلاغمو
يربط بيهم بقرة
كاين شقر وبيض وراجل خشين في العقلية وفي الظلمة يبان وفي الليل يفرفر
ماتشوفش لهاد الجيل تاع البنات لي باغيين اللبن ويدرقو في الطاس:-h
كيما يقول المثل الشعبي

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top