ظاهرة الكلام الفاحش عند الجزائريين

[يارا المدية]

السلام عليكم خاوتي :-r
وشراكم صافا :up:
خاوتي خلاص انا وحدة مليت وين نروح نسمع الناس يسبو بالكلام الفاحش
بنات ودكورا يسبو وخلاص ميحتارموش اصلا بعضاهم

تلقاي طفل ولا طفلة الله يسترنا يسبو والديهم بهذا الكلام الفاحش
ربي يهدينا ان شاء الله :-r
خاوتي واش رايكم في هذي الظاهرة
انا وحدة صح ولات اتقلقني بزاف

 

[Ma$Ter]

رد: ظاهرة الكلام الفاحش عند الجزائريين

السلااام عليكم
الضاهرة هادى هلكت الجيل الحالى
حتى كى يكون انسان متربي وصحابو دايما يطيحو فى الكلام راح يصبح مثلهم
واكبر حاجة ادت الى انتشارها هو استصغار الذنوب والبعد عن الدين
وعدم النهى عن المنكر
ربي يعافينا من هاد الكارثة
بارك الله فيك اختى يارا على نشاطك وتميزك
ربي يحفظك
​

 

[ماكانش]

رد: ظاهرة الكلام الفاحش عند الجزائريين

العيب انو هاذ الظاهرة انتشرت عند لبنات بزاااف
الطفلة تكلم الكلام الفاحش والله تخرج من أنوثتها ..
يعطيك الصحة على الموضوع الباهي
​

 

[الزهرة الحمراء]

رد: ظاهرة الكلام الفاحش عند الجزائريين

السلام عليكم اختي
والله اختي وشنا رايحين نقولوا ووشنا رايحين نهدرو ذركا لبناويت راهم يشوفوا فالهدرة هاذيا مانيش عارفة تحضر ثقافة ندب والله مفهمناش ا كان عادت هاذي ثقافة معليش حنا نشرفوا نكونوا متخلفين
ونفس الامر للذكورة تلقايهم يمشوا ويهدروا هداير مايحترموا لا الرايح ولا الجاي
ربي يهدينا ويصلح حوالنا

 

[fifi27]

رد: ظاهرة الكلام الفاحش عند الجزائريين

[FONT=&quot] [/FONT]​

[FONT=&quot] [/FONT]​

[FONT=&quot]و الذي يثير الاشمئزاز أنو الوالدين صاروا بدورهم يسبوا أولادهم [/FONT]​

[FONT=&quot]أنا و الله راني متفاجئة من ظاهرة صرات أمامي [/FONT]​

[FONT=&quot]كان كاين واحد الطفل من أقاربي و كنا في نفاس ناكلو البركوكس [/FONT]​

[FONT=&quot]إمالا الطفل كي قال لماماه كلمة واعرة [/FONT]​

[FONT=&quot]و الله الشاب مايقولهاش .في رايكم واش دارت و اللي حيرني أنها ..[/FONT]​

[FONT=&quot]..[/FONT]​

[FONT=&quot]...[/FONT]​

[FONT=&quot]...[/FONT]​

[FONT=&quot]ولات تضحك و قالتنا ههههههههههههه[/FONT]​

[FONT=&quot]ولدي كبر و راه يعاير [/FONT]​

[FONT=&quot]هههههههههههههههههههههههههه[/FONT]​

[FONT=&quot]و الله لم أستطع تحليل الظاهرة [/FONT][FONT=&quot][/FONT]​

 

[أم رزق الله]

رد: ظاهرة الكلام الفاحش عند الجزائريين

عندك الحق اختي الوقت هادا ولا يخوف ملي بعدنا على الدين التاعنا ربي يسترنا و يستر ولادنا انا والله غير من درك راني خايفة على وليدي على خاطر التسوفيج ولا حتى فالابتدائي ربي يجعل الخير هادا ماكان

 

[fifi27]

رد: ظاهرة الكلام الفاحش عند الجزائريين

آمين يا رب الوالدين و الله يلعبوا دور كبير في صلاح المجتمع
راها الأم مين يزعفها ولدها تسبه بكلام فاحش من بعد تقولك مين جاب
هذي الهدرة

 

[nanoche]

رد: ظاهرة الكلام الفاحش عند الجزائريين

السلام عليكم
فعلا اختي رجعت ظاهرة الكلام الفاحش منتشرة بلبزاف في مجتمعنا وين لحقت حتى الاولاد يسبو قدام والديهم نووورمال و الوالدين فرحانين تقول شي وليدهم او بنتهم راهم يحفظو فالقرآن استغفر الله ومانحكيش قدام المدارس دياولنا بمختلف الأطوار خارجين من المسيد لا حياء ولا حشمة قدام اساتذتهم وهوما يسبو بصوت عالي فنستغرب ونقول في بالي يا ربي واش كانو يقراو هادوما في القسم؟؟؟
وكي نلحقو للبنات هنا نستحي نحكي لأنهن رجعو كيما الاولاد او اكتر راح الحيا من وجوههم ورجعوا يتكلمو غير بالكلام الساقط حتى داخل بيوتهم
ربي يهدينا ويهديهم
​

 

[يارا المدية]

رد: ظاهرة الكلام الفاحش عند الجزائريين

شكرا لكم
نعم كما قال الاخ مستر ايه والله غير الطفل يكون متربي كي يخرج ويصاحب صحاب يسبو يولي كيما هوما ىمهوش متربي

وهذي الظاهرة شوفيها غير في الاولاد الصغار الي يدخلو تحضيري و السنة اولى كيفاه يكونو ومنبعد كيفاه يولي يهدرو و خلاص لبعدا عارفين وش راهم يهدرو

 

[zagane]

رد: ظاهرة الكلام الفاحش عند الجزائريين

السلام عليكم
هده هي قوة الضعفاء

 

[يارا المدية]

رد: ظاهرة الكلام الفاحش عند الجزائريين

قوة الضعفاء وين قوة الضعفاء بالسب

 

[βŁąčĶ & ẄħîŤę]

رد: ظاهرة الكلام الفاحش عند الجزائريين

بصراحة والله فعلا هادي ظاهرة صعيبة بزاف وللاسف عمت في مجتمعنااا وهدا

الموضوع الشتم بين افراد المجتمع اسبابه واعراضه و ..... تحتاج وقت كبير للنقاش فيها

ماعسانا ان نقول ربي يهدي ماخلق ان شاء الله
​

 

[Raniia]

رد: ظاهرة الكلام الفاحش عند الجزائريين

rab

​

i yahdihom labnat hagda rahom yakhrjo malonota dyalhom

 

[يارا المدية]

رد: ظاهرة الكلام الفاحش عند الجزائريين

بصراحة والله فعلا هادي ظاهرة صعيبة بزاف وللاسف عمت في مجتمعنااا وهدا

الموضوع الشتم بين افراد المجتمع اسبابه واعراضه و ..... تحتاج وقت كبير للنقاش فيها

ماعسانا ان نقول ربي يهدي ماخلق ان شاء الله
​

ختي خلاص الاحترام بين الكبير والصغير

 

[aljentel]

رد: ظاهرة الكلام الفاحش عند الجزائريين

الله يهدي ما خلق ....

 

[الورد الأحمر]

رد: ظاهرة الكلام الفاحش عند الجزائريين

مش غير المجتمع الجزائري لي فيه الظاهرة هذي، راهي منتشرة في كل الدول عليك تحطي La télé وتتفرجي الحصص لي يتعاملو فيهم مع الناس وراح تسمعي غير طييييط طييييط هذي في مجال الإعلام تعني سب وشتم، عادي انتي عييتي من الكلام الفاحش، وأنا عييت من الأزياء الفاحشة في ركن الأناقة والأزياء راهم حاجة وحدة ولا واش قلتي أمال ؟