واش هو الحل

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
637
النقاط
51
السلام عليكم
انا طفلة عندي 27سنة نحب نريح وحدي في بيتي حدي حد شغلي والروتين انتاع الدار ونولي لشومبرتي مانحبش نحكي مع الغاشي ولا نقصر مع انو انا بنت ولبنات كامل يحبو الكلام الفارغ مي انا العكس تماما غير يبداو فالقيل والقال انوض من المجلس هذاك
وراني كبرت بذيك السيرة وليت مانحبش الاجتماعات العائلية الكبيرة بلخف نتضايق مالكثرة والعدد
وحتا كي يجو خياتي وولادهم نحس بالضيق وندخل لشومبرتي ونغلق الباب بالمفتاح ونرقد باش مايهبلونيش والا غلطو نص غلطة نضربهم
شحال من مرة نقول لخياتي ادو ولادكم وماتجيبوهمش وديما المشاكل بسبابي كي يجو علابالي
مي والله ماقدرش نتخيل روحي في جو عائلي كبير
نحب الوحدة والعزلة وراني ضرك وليت نحب نرقد كثر مالاول
قالولي عندك حالة اكتئاب مي المشكل انو نحب الناس مانيش نكرهم مي غير لي نعيش معاهم مدة مالزمن يعني مانقبلش بالضياف مي الا قعدو كثر من يومين تتبدل المعاملة انتاعي معاهم
ولهاذا السبب بالذات انا خليت قرايتي فالليسي من قبل لانو حكايات لبنات ولات تعييني بزاف
خرجت ندير ستاج زعما باش نخرج مالدار ونتعرف على ناس جدد كيف كيف بلخف نمل من النسا والتفاهات انتاعهم
نحس بلي عقلهم محصور غير في قصص الحب والغرام ولا فالمسلسلات التافهة وقيل والقال وقليل وين تلقاي وحدة اديري فيها الثقة
والمشكل انتاعي بصراحة انو نهدر مع الشباب يعني كثرتها نجمع مع ليجان لانو نحس بلي الفكر انتاعهم في مستوى علمي ومايخونوش بالعكس الا عندهم حاجة ضدك يقولوها بلا مايجاملوك على ذيك كي عدنا في مجتمع مسلم قلت اخطيني من الصداقات وقعدت فالدار مي هذا مامنعش بلي نكون عدة صداقات فالفيس ولا فالنت

ضرك انصحوني علابالي بلي ماشي مليح نهدرو مع ليجان في كل شيء مي مانقدرش نقول سراري للبنات هذا من سابع المستحيلات الحوار الوحيد بيني وبين اي طفلة مايتعداش السلام حتى فالنت قليل وين تلقاو عندي صديقة ولا اصلا نحكي مع وحدة

كيفاش نبني ثيقتي في النساء بعيد على آدم عموما
ووعلاش المجتمع انتاعنا مايقبلش الصداقات عندي 10سنوات فالنت وصحابي عمرهم ماتعدينا في جلساتنا لب التحاور صح كاين لي عقلهم صغير ولكن نعرفو كيفاش نتفاداوهم
مي الفتيات قليل وين تلقى وحدة عقلها كبير وتكون على قدر ثيقتك فيها
 

ايمان الهدى

:: عضو مُشارك ::
إنضم
5 جوان 2013
المشاركات
215
النقاط
509
العمر
40
السلام عليكم

اختي الكريمة انا اكبر منك في السن وسني ستة وثلاثين ولدي تقريبا نفس مشكلتك ابقى في غرفتي واغلق الباب لاتفادى مجلس العائلة المليئ بالثرثرة ويظنون ان لدي اكتئاب هذه هي فكرتهم عن كل واحدة تفعل هذا ولايراعون مشاعر الفتاة اذا كبرت ولم تتزوج وتريد ان يراعوا مشاعرها ولايضغطون عليها في البيت وكملت دراستي الجامعية ولم اجد عمل وعملت عدة ستاج مثلك حجة لك اخرج من البيت فوجدت نفس الشيئ لانتيجة تذكر فتيات تافهات همهن معاكسة الشباب والغيرة بدون سبب رغم انها لاتعرفك فالبتالي نلجا الى الشباب للتكلم معهم لكنني انصحكي ان لاتتمادي في الصداقة مع الشباب عندما تنتهي مدة تربصك مثلا او عملك تخلصي وتوقفي عن الكلام مع ذالك الشاب لانها ستقودك ربما والعياذ بالله الى مااكثر من ذالك اي تتعدى حدود الصداقة لتصبح شيئ اخر مثل قصة حب وماتابع ذالك فاستعيني بالله وادعيه ان يرزقك زوجا صالحا يخلصك من هذه الظروف المحيطة بكي استغلي اوقات الاجابة كركعتين الساعة الثانية بالليل ودمعتين وادعي بما تحبين اما عن الصداقة بيت الفتيات فانا ايضا ليس لدي صداقات مع البنات واين اجدها وانا ماكثة بالبيت الا اذا اشتغلت وحتى هذه تكون صداقة مصلحة وليست حقيقية فاصبحنا نعاني فراغ رهيب عاطفي واجتماعي وانا في نقطة مثلك كذالك فاذا جاءؤا ضيوف وتعدوا اليومين او حتى يوما مبيت معنا احس بالضجور والقلق منهم واتضايق منهم جدا لاننا اصبحنا وتربينا غير اجتماعيين فكيف يطلبون مننا تحمل مالانطيق اسال الله ان يفرجها علينا يااختي اجمعين ويرزقنا ربما زوج صالح يعوضنا عن اللي فات ويريحنا من مثل هذه الظروف التي فعلا لسنا نحن السبب فيها وربي يفرج عليك وعلينا والسلام عليكم
 

علي الفاضلي

:: عضو شرفي ::
إنضم
4 جويلية 2013
المشاركات
2,900
النقاط
111
محل الإقامة
batna
الجنس
ذكر
رد: واش هو الحل

لم افهم ليست عندك مشكلة ....من وجهة نظري ..

بني آدم اصناف وأصناف ...

هناك الاجتماعي اللي يحب الاختلاط وكثرة العلاقات ...

وهناك الانعزلي الانطوائي الذي يحب الخلوة والعزلة ويكره الضجيج والفوضى والثرثرة ..

وهناك صنف وسط ما بينهما ...

عادة العقلاء والمفكرين والحادين والفلاسفة هم من الصنف الثاني ..

***********

ما دمتي عاقلة ...وامورك ماشيه ....خليك في راحتك وعزلتك ..ومتهنية من تكسار الراس

راهي راحة وعبادة ......

ادعي مولاك يجيبلك ولد الحلال ...وتنتهي المشكلة التي هي ليست مشكلة عندنا ...

والسلام ..
 

ام الحلوين

:: عضو فعّال ::
إنضم
18 أفريل 2013
المشاركات
1,689
النقاط
71
رد: واش هو الحل

اختي الكريمة انا عكسك تمامااااااااا
نحب نهدر بزااااااف و مانحبش نبقى وحدي (مزية ماجيتيش اختي كون راكي قضيتي عليا يا زمان ههه)
و الثقة لازم نتعلمو نثقو في الناس بصح ماشي ثقة عميا يعني كاين امور نقدرو نحكوها و كاين امور لازم تتخبى
تحياتي اختي
 

دعاء19

:: عضو فعّال ::
إنضم
18 أوت 2009
المشاركات
2,309
النقاط
83
رد: واش هو الحل

اختي اصلا جو الوحدة وعزلة خلقتيه لنفسك لدرجة انك حسيتي براسك ماشي بحال البنات ولهدا حطيتي موضوع في المنتدى
شوفي اختي لي يقدر يخرجك من هاد انغلاق هو انتي لازم تعطي حد لهاد تهرب من البنات والنساء وختالطي مع النساء راه ماشي كلهم تافهات كيما دكرتي وماشي الشباب كلهم مزيانين حتى هوما فيهم تافيهين وغدارين وخايبين ومزيانين الناس طوب وحجر
انتي كظني ان عزلة وتغلقي عليك بيتك هو الحل بالعكس راكي كتقهري راسك نوضي قراي لك حاجة ولا تعلمي لك شي حاجة وخرجي من دار وتعرفي على الناس وستافدي منهم وهكا تخرجي من قوقعة الوحدة شوية راه الدنيا ماشي غير الاكل ونوم
وربي يكون معاك اختي
 

largo19

:: عضو مُتميز ::
إنضم
5 جوان 2008
المشاركات
801
النقاط
19
رد: واش هو الحل

السلام عليكم .... أنا نشوف بلي ما كاين حتّى مشكل .... أنا شخصيّا نحبّ الهدوء و ما نحبّش الغاشي بزّاف و تكسار الرّاس .... صح مع العائلة حاولي تقاومي نفسك شوية و تتحمليهم أمّا مع النّاس لخرين ما يهموكش .. ماشي واجب علينا نخالطو العالم كلّو ..هههه ... ربّي يوفقك اختي
 

حفيد هواري بومدين

:: عضو شرفي ::
إنضم
14 جانفي 2008
المشاركات
5,609
النقاط
323
العمر
31
رد: واش هو الحل

_نحس بلي عقلهم محصور غير في قصص الحب والغرام ولا فالمسلسلات التافهة وقيل والقال وقليل وين تلقاي وحدة اديري فيها الثقة_
يعني في الحقيقة مريت بنفس التجربة بصح وقت برك
كل نعانويو مع المجتمع والحكايات التافهة سواء كان رجال ولا نساء
وجبدت روحي ياسر لقيتها ماتخرجنيش اني وحدي بصح ولقتاه
لازم نتعاملو مع كل واحد بعقليتو ونتأقلمو هادا واش لازم العبد يدير
 

YAHIA S

:: عضوية محظورة ::
إنضم
10 ديسمبر 2011
المشاركات
1,333
النقاط
71
YAHIA S، تم حظره "حظر دائم". السبب: مخالفة القوانين
رد: واش هو الحل

المجتمع فيه فئات منافق و كذاب و صادق و .......

انتي عليك اختيار فئة تناسبك اكثر و ليس بمعني تعطي اسرارك فالسر ان خرج مابين اثنين لم يصبح سر

فعندما تتزوجي صارحي زوجك او اذا كنتي قريبة من امك او ابوك صاريحه اما الصديقات او حتى اصدقاء شبان

لا توجد صراحة معهم

حقيقتا المشكل ليس فيك بل في مجتمع اصبح ناس تحب

و تتفاهم من اجل المصلحة او تتفق مع بعض من اجل قيام باعمال السيئة
 

Malika Tlm

:: عضو متألق ::
إنضم
3 مارس 2014
المشاركات
4,023
النقاط
491
الجنس
أنثى
رد: واش هو الحل

ختي لعزيزة حالتك غريبة بزآف
حسيت محكايتك انو عندك مشكل هو لي خلاك فهاد الحالة النفسية ..بلاك شي مرة حكيتي سر وفضحوك باش وليتي ما تيقيش فالنسا
حاولي تندمجي مع المجتمع سيرتو العايلة مشي مليحة الوحدة بزاف ودعي ربي باش يفرج عليك ومن الاحسن تروحي تشوفي نفساني بلاك تتحل مشكلتك بيسك هادي مشي مشكلة كبيرة لي ما تنحلش

ربي يفرج كثري من الستغفار رهو مليح بزاف
 

full of hope

:: عضو منتسِب ::
إنضم
17 ديسمبر 2013
المشاركات
38
النقاط
3
رد: واش هو الحل

chofi ya okhti al wahda haja machi mliha khlss parsque ejib lwaswas w tog3di ghir tabni w tahdi ghir wahdak alors eviti el wihda
haja zawja nti ma nass eli mayhaboch yday3o wakthom ghir f l hadra w l jmaya3 eli matfidakch fi la culture ta3ak wala fi dinak thab klam yartaki b nafsak ila mostawa a3la w ykhalik akrab ila aalh sobhano alors c'est deja positive
alors c'est quoi la solution
bima anak mathabich jmaya3 tafhiin et tt echri des livres w takfi nafsak w lakin tani khalti ness w tkabli les mentalite ta3hom parsque ness ma3adin machi ga" KIFKIF



haja talta ntia insana tamoha c'est pour golti
نحس بلي عقلهم محصور غير في قصص الحب والغرام ولا فالمسلسلات التافهة وقيل والقال وقليل وين تلقاي وحدة اديري
alors nansahak ediri hadaf fi hyatak w tachghli nafsak bih bima anak mathabich jmaya3 w tadya3 ta3 lwakt eda t3arfi edira haja tawriha

w aham haja achaghli nafsak bi 3ibadat ellah sobhano w ta3ala.
w rabi ywafkak

 

همس الوُرود

:: مشرفة ::
منتدى واش راك تهدر
منتدى هذه مشكلتي
طاقم المشرفات
إنضم
29 ماي 2011
المشاركات
15,229
النقاط
1,576
محل الإقامة
جزر القمر
الجنس
أنثى
رد: واش هو الحل

السلآم عليكم ورحمة الله وبركآته

الصمت ميزة رآقية و مآ أجملك حينمآ تصمتين يآ أختآه وتبتعدي عن كل مجلس يتكلم بالسوء

لكن هنآك سلبيآت كضربك لأطفآل اخوآنك فهم صغآر والكل منآ يخطأ فمآ بآلك بأطفآل صغآر؟؟ ارفقي بهم أختي وأحني عليهم

حآولي أن تحبيهم يآ أختي ولآ تظلميهم وارحمي ضعفهم

و حتى أنك لآ تتقبلين ضيوفك فهذآ أمر سيء للغآية أختي

وقد أوصى ديننآ على اكرآم الضيف

حآولي أن تغيري من نفسك الى الأفضل مآدمت تعرفين مآ هي سلبيآتك

أمآ بالنسبة للثقة فلآ تثقي في النآس أبدآ تكلمي معهم لكن لآ تثقي في أحد وثقي في الله تعآلى واشتكي له فهو القآدر على ازآلة همومك أختي

أتمنى أن أكون أفدتك ولو بالقليل

في أمآن الله
 

amina logo

:: عضو منتسِب ::
إنضم
23 مارس 2014
المشاركات
3
النقاط
3
رد: واش هو الحل

صحا ختي ابعثيلي لكونت نتاع الفيس نتاعك ويشرفني يكون عندي طفلة من لي زامي عقلها يوزن بلاد مش كيما بنات نتاع القيل والقال
 

عاشقة الصمت 13

:: عضو مُتميز ::
إنضم
2 سبتمبر 2013
المشاركات
735
النقاط
31
رد: واش هو الحل

السلام عليكم
وعليكم السلام ورحمة الله وبركاته
انا طفلة عندي 27سنة نحب نريح وحدي في بيتي حدي حد شغلي والروتين انتاع الدار ونولي لشومبرتي مانحبش نحكي مع الغاشي ولا نقصر مع انو انا بنت ولبنات كامل يحبو الكلام الفارغ مي انا العكس تماما غير يبداو فالقيل والقال انوض من المجلس هذاك
اوك حاجة مليحة كي مايهمكش القيل والقال
وراني كبرت بذيك السيرة وليت مانحبش الاجتماعات العائلية الكبيرة بلخف نتضايق مالكثرة والعدد
وحتا كي يجو خياتي وولادهم نحس بالضيق وندخل لشومبرتي ونغلق الباب بالمفتاح ونرقد باش مايهبلونيش
الله يهديك يامرا كي ماترتاحيش معا خياتك معامن راح ترتاحي .....ماشي راكي غي تغلقي الباب على روحك برك لالا عليهم حتى هوما
والا غلطو نص غلطة نضربهم
وين راهي الخالة العزيزة اللي كي ماماهم ماتسمعش يلتاجؤوا لخالتهم
ادا من نهارات خافوا منك دراري ماتقوليش قليلة حظ ......خاطرش نتي راكي ترهبيهم منك
نحب الوحدة والعزلة وراني ضرك وليت نحب نرقد كثر مالاول
ـهاكدة تصرالك انتكاس نفسي كتر ماراكي فيه
قالولي عندك حالة اكتئاب
خيتي ...راه كاين فرق بين الواحد يحب الكالم وبين الانطواء يعني كيما قالوا الاكتئاب
ونتي راكي مافاهماش روحك لحتى
بالضياف مي الا قعدو كثر من يومين تتبدل المعاملة انتاعي معاهم
الضيق فالقلوب خيتنا .....وسمحيلي هادي ماش عفسة وحدة كبيرة
نحس بلي عقلهم محصور غير في قصص الحب والغرام ولا فالمسلسلات التافهة وقيل والقال
50 بالمية اللي حكايتهم هاكدة مي هاد الشي معروف هادوا نسى ضلعة ناقسة
وقليل وين تلقاي وحدة اديري فيها الثقة
هنا صح ...انتي وجبي لناس بلا مايلوو دراعك
والمشكل انتاعي بصراحة انو نهدر مع الشباب
:-o:-o:-o:-o
روحي زيدي كملي
يعني كثرتها نجمع مع ليجان لانو نحس بلي الفكر انتاعهم في مستوى علمي
مشاء الله ماعندي مانقول ولاد لحلال الله يلقيهم في طريقنا ..مي ختي ماشي راكي ديرابيتي وقريب تروحي فيها
ومايخونوش
:s:s:s:s
ختي تحاولي عليا .....مازلني صغيرة ماباغياش نموت بغصة وحدة وحدة عليا
ايا وين كنا ...
بالعكس الا عندهم حاجة ضدك يقولوها بلا مايجاملوك
حنونة ادا نتي ماقريتيش الحسنة في البنات كيفاه قريتيها فالرجال
خدمي مخك شوي راكي في فم الغول
على ذيك كي عدنا في مجتمع مسلم قلت اخطيني من الصداقات
الحمد اللي ضرباتك الشاهدة
وقعدت فالدار مي هذا مامنعش بلي نكون عدة صداقات فالفيس ولا فالنت
صداقة من صداقة ماشي تميلي ليهم ماتنسيش روحك بللي نتي مرااااااا راكي دير عفايسهم
ضرك انصحوني
عقلك في راسك تعرفي خلاصك
علابالي بلي ماشي مليح نهدرو مع ليجان في كل شيء مي مانقدرش نقول سراري للبنات هذا من سابع المستحيلات الحوار الوحيد بيني وبين اي طفلة مايتعداش السلام حتى فالنت قليل وين تلقاو عندي صديقة ولا اصلا نحكي مع وحدة
ختي غير بينك وبين روحك ..تحسي روحك بللي راكي نورمال ؟؟؟
كيفاش نبني ثيقتي في النساء بعيد على آدم عموما
كاش حاجة صراتلك مع وحدة ؟؟؟ باه راكي مكوبليكسيا جيهت نسا
ابني ثقة بربك اولا
بين قوسين هادا يقولوله استرجااااااااااااااااال وسمحيلي عليها
مي من غير الطبيعي البنت تميل غير لرجال
اي بنت تحب تكون عندها صحبة وتحكيلها وتفتاخر بصحبتها ونحشموا ادا قلنا عندنا صديق خاطرش عارفين بللي غير عادي
ووعلاش المجتمع انتاعنا مايقبلش الصداقات عندي 10سنوات فالنت وصحابي عمرهم ماتعدينا في جلساتنا لب التحاور صح كاين لي عقلهم صغير ولكن نعرفو كيفاش نتفاداوهم
مي الفتيات قليل وين تلقى وحدة عقلها كبير وتكون على قدر ثيقتك فيها
علاه شرط نتي تحكي سرك ؟؟؟؟
يابنتي سرك ادا ماصنتيهش نتي ماكانش الللي راح يصونه
ونزيدك حاجة سقسي روحك راهي عاجباتك مين راكي مرا ولا لالا تماك تلقي حلك وتفهمي علاه راكي هاكدة


الله يجيب الخير والله ينور طريقك ويوريك الصح من الخطا
 
الحالة
مغلق ولا يسمح بالمزيد من الردود.
Top