العلاقة بين العجوز و الكنة ... صراع أو سوء تفاهم ؟

[فادي محمد]

اميين يا رب العالمين و ربي يرحم جميع موتى المسلمين

اللهم امين يارب العالمين

 

[ام أمينة]

كامل لي جيت نقولوا قلتوه
ربي يجيب الخير بين الكنة و ام الزوج

مشكور على المرور و الرد في الموضوع

 

[إلياس]

مشكور على المرور و الرد في الموضوع

العفو

 

[أم عبد الله]

السلام عليكم غاليتي
ما أسباب الخلافات الشائعة بين العجوز والكنة؟
(البيت ) الحل هو ان من أول يوم العروسة يكون لها بيت مستقل
لا أشجع الزواج ف بيت العائلة لان المشاكل تتراكم وتتفاقم
كيف تؤثر تدخلات العجوز في حياة الزوجين؟
ع حسب هناك تدخلات جيدة أحيانا ع شكل نصائح وهناك من تفرض رايها ع حساب كنتها وترى انها احظرت خادمة وهنا تصبح الحياة صعبة ع الزوجة ولهذا يكثر المشاكل المؤدية للطلاق

هل تغيرت هذه العلاقة في الزمن الحديث؟ كيف؟
نعم تغيرت اصبح شرط البنات البيت المستقل لتفادي المشاكل

 

[في مهب الريح]

السلام عليكم و رحمة الله تعالى و بركاته



العلاقة بين العجوز و الكنة ... صراع أو سوء تفاهم ؟


في المجتمع الجزائري العلاقة بين العجوز و الكنة تبقى من أكثر العلاقات اللي فيها حساسية و تقدر تولي مصدر توتر كبير داخل العائلة

بزاف من المشاكل يبداو من أول يوم تدخل فيه الكنة للدار وين العجوز تحس أنو مكانتها تهزت خاصة إذا كانت موالفة تكون هي اللي تسيّر كلش

تحس أنو الكنة جات باش تغير النظام و تفرض طريقتها و هذا يخلق نوع من الغيرة حتى و لو ما تتقالش بصراحة

من جهة أخرى الكنة تكون داخلة بعقلية جديدة تحب تعيش حياتها بحرية و تحب تكون عندها خصوصيتها بصح تلقى روحها تحت المجهر كل حركة و كل كلمة تتفسر بطريقة سلبية

يزيد على هذا إختلاف الأجيال وين العجوز تشوف أنو طريقتها هي الصح و أنو الكنة ما تعرفش تسير دار و لا تربي الأولاد و لا حتى تطبخ كيما الناس

الكنة من جهتها تحس أنو العجوز تتدخل بزاف و تحب تفرض رأيها في كل صغيرة و كبيرة من الطياب للتربية حتى في العلاقة بينها و بين راجلها

و ما ننسوش دور الزوج اللي مرات يزيد يعقّد الأمور كي يكون ساكت و ما يعرفش كيفاش يوازن بين مرته و أمه

إذا مال لجهة وحدة تولي الثانية تحس بالظلم و تبدأ المشاكل تكبر مرات حتى الجيران أو أفراد العائلة يزيدوا يصبوا الزيت في النار بكلامهم و لا بنصائحهم اللي ما تزيد غير التفرقة

كل هاد الأسباب كي تتجمع تولي العلاقة مشحونة و كل يوم فيه مشكل جديد بصح لو كان يكون شوية تفاهم و إحترام و حوار صريح

بزاف من هاد المشاكل تقدر تتحل و تولي العلاقة فيها محبة و تعاون بدل الخصام و الغيرة


و باش العلاقة بين العجوز و الكنة تكون طيبة لازم أول حاجة يكون الإحترام المتبادل

الكنة لازم تحترم العجوز و تعرف بلي هي أم راجلها و عندها مكانة كبيرة في قلبو و ماشي من السهل تنحيها

و في نفس الوقت العجوز لازم تحترم الكنة و تشوفها كيما بنتها ماشي دخيلة و لا منافسة

ثاني حاجة مهمة هي الحوار لازم يهدرو مع بعض بلا عياط و لا سب و لا معايرة كل وحدة تقول واش حابة و تشرح وجهة نظرها

بزاف من المشاكل يجو من سوء الفهم و كلمة تتقال و تتفسر بالغلط تولي نار ما تطفاش

كي يكون الحوار كل وحدة تفهم الأخرى و تولي الأمور أسهل

و كذلك الصبر و التسامح،ماشي كل حاجة نردو عليها مرات نسكتو باش نتهناو و مرات نعتذر باش نبنيو جو مليح

الكنة كي تغلط تعتذر و العجوز كي تشوف روحها زادت شوية تقول مع نفسها أنها لازم تتجاوزها

و الزوج لازم يكون حكيم ماشي يميل لجهة و يخلي الأخرى لازم يعرف كيفاش يرضي مرته و يكون بار لأمه بلا ما يظلم وحدة فيهم هو الرابط بيناتهم و إذا كان عاقل يقدر يصلح بزاف أمور

و ثاني لازم ما يدخلوش الناس في المشاكل كي تكون مشكلة بين العجوز و الكنة ماشي لازم الجيران و لا العائلة يزيدوا يتدخلوا لأنو مرات يزيدوا يعقدوا الأمور و هي ما تستاهلش كل تلك الضجة

لازم الناس تفهم بلي العائلة تبنى بالمحبة ماشي بالعناد

العجوز و الكنة يقدروا يكونوا صحابات و يعيشوا في جو فيه تعاون و ضحك و إحترام إذا كانت النية صافية و القلب مفتوح ماشي لازم نكونوا كامل متفاهمين بصح لازم نكونوا عائلة و كل واحد يعرف قيمتو و يعطي للآخر مكانته
في رأيكم :
ما أسباب الخلافات الشائعة بين العجوز والكنة؟
كيف تؤثر تدخلات العجوز في حياة الزوجين؟
هل تغيرت هذه العلاقة في الزمن الحديث؟ كيف؟
ما رأيكم في موضوع اليوم
أنتظر ردودكم و تعليقاتكم و آرائكم
تحياتي للجميع
....
​

أنا من خلال تجربتي عرفت أنو الكنة لي تدخل بالنية الزايدة ونتاع تحشم من بيت شيخها ووو رايحا تفتحلهم المجال انو يهينوها ويشربوها الخل عكس لي تدخل بعقلية تحتارميني نحتارمك تعفسيني نمحيك
وثاني الزوج مستحيل يمد الحق لمرتو ويخلي يماه حتى ويشوف مرتو هي لي مضلومة
ربي يهدينا إن شاء الله

 

[في مهب الريح]

و عليكم السلام و رحمة الله و بركاته..
كيما بدات الأخت @ذات الشيم المقولة"إذا تفاهمت العجوز و الكنة يدخل إبليس الجنة"
مشكلنا في مجتمعنا و كنساء بالتحديد مانحبوش المشاركة، حيث أن الرجل (المسكين) تربى لقرابة 30سنة بين يدين أمه، و اللي تعبت و تعذبت و ربات، و رجع عندها ولدها هذا كيما نقولو (قيسها في عينيها و ماتقيسش ولدها)، و بين زوجة جات أو بعبارة أخرى عقدت قرانها على هذا الرجل، تحب تبدلو من العادات و التغيير في كلش (بداية من طريقة الطعام و قس عليه) و تحب ثان أنه الشخص هذا يرجع ملك ليها هي فقط و يكون متفرغ ليها.. النقطة هذي هي بداية الصراع أصلا بين الكنة و العجوز من يسيطر على ذلك المسكين..
و يبداو أنت سحرتيلي ولدي و لا أنت حابة ولدك مايعيشش هاني و يبدا الصراع العمالقة، و يا ويل العروس لما تتزوج وحيد أمه.. هذا حكاية ثانية.
بالنسبة لي مهما كانت الظروف الراجل قبل مايقرر الزواج لازم يقرر الاستقلالية و يشوف كيف يخرج من دارهم لتجنب المشاكل و هذا الحل الأمثل، أصلا ساعات و حتى ولو بعيدة كل البعد يلحقوك مشاكل و هموم.
و كاين للأسف عجايز يخبو حتى يتصرفو في الكنة بأسلوب مستفز و توصل بيهم حتى الوقاحة أنه تقولك شحال عندك في البنك، شحال مخبية دراهم، ماتجيبيش أولاد بزاف زوج يكفو أمور عيب أنه من الأساس تدخل روحها فيهم.
نظن من الأفضل و الأولى يبقى كل واحد في حده هذيك أم الزوج واجب احترامها و توقيرها، و الأخرى زوجة الابن الانسان يتمنى أنه ولده يعيش هاني.. و كمجتمع إلا من رحم ربي ماكانش كنة و عجوز داكور.
و في الغالب تلقاهم انت في مرضك و نفاسك أهلك لي واجب عليهم يقيمو بيك و يوقفو معاك، في حين هوما لو يصرالهم شيء لازم أنت الخادمة الوفية ومالازمش تقول لا و إلا يحرشوا ولدهم عليك بالخصوص كي يكون مايحبش المشاكل و يرجع ضد مرتو (مغلوبتي مرتي)..
هههه والله يا أختي @ام أمينة علاش فتحتيلنا هذا النقاش.

ناس بكري يقولك اذا تفاهمت العجوز والكنة يدخل ابليس للجنة

رغم الحداثة ورغم التطور وتفتح العقليات إلا أنو الصراع بين العجوز والكنة مزال قائم لكن بطريقة مودارن شويا

مثلا مؤخرا سمعت عن قريبة داوست مع عجوزتها رفدت هاتفها بالتخبية وسجلت كل وش قالت عجوزتها كدليل عليها إذا كذبوها ..
والسبب هو انو كل واحد مدّي فكرة عن الطرف الاخر من قبل

العروسة قبل الزواج دير في بالها رايحة داخلة في حرب مع عجوزتها وهي ماشي معاشرتها حتى وزيد العائلة يزيدو فيها ( احرزي من أهل زوجك ، بلاك يهدرو معك بلاك بلاك )

و العجوزة ثاني داية فكرة على عروستها انو هذي عدوة ماشي كنة

وانت راكي قلتي كلشي اللهم بارك

لذلك من رأيي أن الزوج يستقل ببيته أفضل حل لأنو صحيح الزوجة تحب ان تعيش بعض الخصوصية لي ربما تحرم منها في بيت شيخها وعندها الحق في انها تربي اولادها كيما تحب واحد ما يسالها

لذلك السكن اصبح امر ضروري وكيما يقولك البعد يجيب السلام كل ما كانت لقاءاتهم قليلة يكون فيها التحترام المتبادل

وكل عجوز تحط في بالها أنها كانت كنة وكل كنة تحط في بالها أنها رح تصير عجوز والدائرة تدور وكما تدين تدان

بارك الله فيك على الطرح امينة

احسنتي الرد

 

[ذات الشيم]

هههه في حيثية شحال عندك في البنك و اعطيني دراهم مع أنه يما ربي يرحمها قرابة 4سنوات قبل زواج و ماقالتهاليش شحال تخلصي او شحال مخبية
ههههه بزااف أختي خلينا كذا حلوين

هههه وش ديري ربي يهدي ما خلق
كاين صح لي ما يعرفش حدودو وكاين لي يتغابى

 

[ذات الشيم]

العجوز و الكنة قصة قديمة بحلة جديدة
المشكل ماشي فيهم المشكل في الأفكار اللي يزرعوها قبل ما حتى يتلاقاو
كل وحدة داخلة و هي حاطة درعها ( الدرع تع الحروب ) مستعدة للمعركة
لكن في الحقيقة الأمر سهل جدا الإحترام و السكن المستقل و الكلمة الطيبة يقدرو يبدلو كلشي ( حتى و كان السكن مشترك كي يكون الإحترام و العجوز تعرف قدرها و الكنة تتجاوز و تتسامح يعيشو كيف كيف عادي )
اليوم راهي كنة و غدوة تولي عجوز و هي رايحة

مشكورة على المرور و الرد في الموضوع

لالا شوفي كل ما عاشو مع بعض يبقاو يعسو في بعضهم
راحت لدارهم قعدت يومين ماراهيش تنوض بكري الصباح والكنة تقولك تظل تعس فيا غير نتحرك تهدر
الاستقلال السكني ضروري وصدقيني ماراهو لا طمع لا عيب ابسط الحقوق ما شي شرط يكن مريح الله الله فيلا
لوكان ابارتومون صغير دار وكوزينة وكاين الهنا الدنيا وما فيها
يبقى هذا رأيي والله اعلم

 

[ذات الشيم]

أنا من خلال تجربتي عرفت أنو الكنة لي تدخل بالنية الزايدة ونتاع تحشم من بيت شيخها ووو رايحا تفتحلهم المجال انو يهينوها ويشربوها الخل عكس لي تدخل بعقلية تحتارميني نحتارمك تعفسيني نمحيك
وثاني الزوج مستحيل يمد الحق لمرتو ويخلي يماه حتى ويشوف مرتو هي لي مضلومة
ربي يهدينا إن شاء الله

هذي قاعدة عامة فالمجتمع لي تسكتيلو يعفس عليك
ربي يهدينا

 

[في مهب الريح]

هذي قاعدة عامة فالمجتمع لي تسكتيلو يعفس عليك
ربي يهدينا

هذي قاعدة عامة فالمجتمع لي تسكتيلو يعفس عليك
ربي يهدينا

اللهم أمين اجمعين يارب

 

[أم إسراء]

السلام عليكم
هذا أول موضوع ليا هنا حبيت نشوف رايكم في وجهة نظري
ملي كانت الدنيا وكان الزواج دايما نلقاو الكنة والعجوز مش متفاهمين واذا تفاهمو راه الدرك طايح على وحدة فيهم .. معناها وحدة راهي ساكتة وحاملة كل شييي
وجامي خممنا شكون السبب الرئيسي فهذي المشاكل
لوكان نشوفو الأمر من واحد الجهة نلقاو بلي الرجل هو السبة رح تقولولي علااااه ؟؟؟
جوابي كاين زوج احتمالات
الرجل كي يتزوج يا يجيب المرة لدار اهلو او يديها لبيت مستقل
في الحالة الأولى لي يقولي مايصرا حتى مشكل بين مرتو ويماه نقولو راك كذاااب اي مكاانش منها .. المرة تربات زي واكيد رح يكون اختلاف وابسط الامور في الطبخ ورح تبدا الغيرة من الطرفين .. العجوز تقولك هذي جات داتلي ولدي انا نربي ونكبر داتو بالساهل ولازم تعقب لارمي هنا سينون ماتستاهلش سيد الرجال الي ربيتو وكبرتو ... والمرة كي تشوف يماه تأمر وتتأمر اذا كانت بنت فاميلة راهي تقول راهي كي يما وماعليش نصبر يجي نهار ويفرج ربي واذا كانت :sport01: اي رح تصرا حرب من ليام الاولى وتتفرق الحالة
ومرات تكون العجوز يالطيف والطف بينا من اليوم الأول تبدا تنقد وتحوس عالمشاكل وكأنو ولدها ملاك ولازملو وحدة مثالية مافيها حتى غلطة واي كلمة قالتها العروس بقصد وبدون قصد رح تدفع ثمنها غالييي
ولو بدارها وحدها راهي الحمد لله منعت الا اذا طاحت في عجوز من النوع الثاني اجيني يا بلا ولا نجيك
بصح السبة كيما قلنا الرجل مش لا المرة ولا العجوز النسا خاطييين ههه
لوكان كل واحد كي يروح يخطب يصارح مرتو بطبايع يماه رح تقولولي رح تتزوجو هو و لا يماه نقولكم ايه في بلادنا المرة تتزوج بالعايلة مش الرجل والدليل حالات الطلاااق نسب كارثية ونلقاو السبة 70 بالمئة من عائلة الزوج دارو مشاكل بيناتهم وتفارقو ودايما نلقاو حالات الطلاق في مثل هاته الحالات نتيجة رجل يكون عديم الشخصية ويسمع ليماه بزاف (وليد ماما)
امالا نصيحتي ليكم يا بنات كي يتقدملك انسان شوفي عايلتو صح لازم يكونو راضيين عليه والديه مي لازمك تشوفي روحك تقدري تصبري وتتحملي واذا ماعندكش صبر غييير اشرطي دارك وحدك ...
ونصيحتي ليكم يا شباب قبل ما ترتبط ببنت الناس تفكر بلي هي ثاني عندها باباها ويماها تعبو باش رباوها وولات بنت فاميلة وجيت خطبتها انت .خاف ربي في مرتك وتفكر بلي الظلم مش مليح اذا كان مشكل بين يماك ومرتك تفكر بلي انت السبة لوكان ماشي انت مايتعارفو ما يتعاركوو
تحياتي :regards01:

رد الأخت في موضوع مشابه.. عساها تكون بخير و صحة و سلامة هيا ثان ألمت جدا بالواقع

 

[أبو عاتكة]

في الاساس يزوجوه حتى يتحمل مسؤوليتو ويبني حياتو مع الشريك اللي اختارو

ومع الوقت هو وزوجتو يلقاو الجميع... الام الاخت الخالة الجارة الحفافة مولات الحمام مرت الخضار طفيليات العائلة المحلية وماوراء البحار عابري السبيل هاذو كلهم الزوجين راح يتفاجئو ويلقاو نفوسهم تحت رحمة مسؤوليتهم تحت منظارهم تحت سيطرتهم تحت تقييمهم

لهذا يفقدوا الاساس في بناء اسرة ويجبرون على دخول دوامة اما تبعدهم وتفرقهم واما تلهيهم عن الامور الهامة واللي فيها الففايدة ويبقاو يتصارعو على الدخلة والخرجة والروبة والتسياق ...
المفروض كل واحد يتحمل مسؤوليتو والاخرون يتلهاو بانفسهم تمشي الحياة بسيطة وغير معقددة وغير مشحونة

 

[ام أمينة]

السلام عليكم غاليتي
ما أسباب الخلافات الشائعة بين العجوز والكنة؟
(البيت ) الحل هو ان من أول يوم العروسة يكون لها بيت مستقل
لا أشجع الزواج ف بيت العائلة لان المشاكل تتراكم وتتفاقم
كيف تؤثر تدخلات العجوز في حياة الزوجين؟
ع حسب هناك تدخلات جيدة أحيانا ع شكل نصائح وهناك من تفرض رايها ع حساب كنتها وترى انها احظرت خادمة وهنا تصبح الحياة صعبة ع الزوجة ولهذا يكثر المشاكل المؤدية للطلاق

هل تغيرت هذه العلاقة في الزمن الحديث؟ كيف؟
نعم تغيرت اصبح شرط البنات البيت المستقل لتفادي المشاكل

في كثير من البيوت تتحول العلاقة بين الكنة و العجوز إلى صراع غير معلن سببه الحقيقي غياب الحدود و إحترام الإستقلالية البيت المستقل ليس رفاهية بل ضرورة لحماية الحياة الزوجية من التآكل بسبب التدخلات غير المحسوبة
و الزمن الحديث علّم البنات أن الإستقرار يبدأ من الخصوصية لا من المجاملة

مشكورة على المرور و الرد في الموضوع

 

[ام أمينة]

أنا من خلال تجربتي عرفت أنو الكنة لي تدخل بالنية الزايدة ونتاع تحشم من بيت شيخها ووو رايحا تفتحلهم المجال انو يهينوها ويشربوها الخل عكس لي تدخل بعقلية تحتارميني نحتارمك تعفسيني نمحيك
وثاني الزوج مستحيل يمد الحق لمرتو ويخلي يماه حتى ويشوف مرتو هي لي مضلومة
ربي يهدينا إن شاء الله

الخجل الزايد يفسَّر ضعف و يفتح باب للإهانة أما الكنة اللي تدخل بثقة و تحط حدود من الأول تفرض إحترامها
و الزوج غالبًا يميل لأمه حتى لو زوجته مظلومة لأن العاطفة تتغلب على الإنصاف الإحترام المتبادل هو مفتاح السلام داخل العائلة

مشكورة على المرور و الرد في الموضوع

 

[ام أمينة]

لالا شوفي كل ما عاشو مع بعض يبقاو يعسو في بعضهم
راحت لدارهم قعدت يومين ماراهيش تنوض بكري الصباح والكنة تقولك تظل تعس فيا غير نتحرك تهدر
الاستقلال السكني ضروري وصدقيني ماراهو لا طمع لا عيب ابسط الحقوق ما شي شرط يكن مريح الله الله فيلا
لوكان ابارتومون صغير دار وكوزينة وكاين الهنا الدنيا وما فيها
يبقى هذا رأيي والله اعلم

العيش المشترك يولّد التوتر و المراقبة المستمرة و الكنة تحتاج لمساحة خاصة و خصوصية في مرحلة من حياتها الزوجية تحفظ كرامتها و راحتها الإستقلال السكني أبسط حق و ليس طمعًا

مشكورة على المرور ثانية

 

[ام أمينة]

رد الأخت في موضوع مشابه.. عساها تكون بخير و صحة و سلامة هيا ثان ألمت جدا بالواقع

الأخت تقول إن سبب مشاكل الكنة و العجوز هو الرجل لأنه إما يختار العيش مع أهله فيخلق الصراع أو يمنح زوجته بيتًا مستقلًا فيتجنب المشاكل
ضعف شخصية الزوج و تحيّزه لأمه يؤدي لكوارث زوجية و الوعي بالمسؤولية هو الحل

نتمناو الاخت تكون بخير شكرا @سحائب الشوق للإلتفاتة

 

[ام أمينة]

في الاساس يزوجوه حتى يتحمل مسؤوليتو ويبني حياتو مع الشريك اللي اختارو

ومع الوقت هو وزوجتو يلقاو الجميع... الام الاخت الخالة الجارة الحفافة مولات الحمام مرت الخضار طفيليات العائلة المحلية وماوراء البحار عابري السبيل هاذو كلهم الزوجين راح يتفاجئو ويلقاو نفوسهم تحت رحمة مسؤوليتهم تحت منظارهم تحت سيطرتهم تحت تقييمهم

لهذا يفقدوا الاساس في بناء اسرة ويجبرون على دخول دوامة اما تبعدهم وتفرقهم واما تلهيهم عن الامور الهامة واللي فيها الففايدة ويبقاو يتصارعو على الدخلة والخرجة والروبة والتسياق ...
المفروض كل واحد يتحمل مسؤوليتو والاخرون يتلهاو بانفسهم تمشي الحياة بسيطة وغير معقددة وغير مشحونة

الزواج شراكة بين الرجل و زوجته
أساسها الإحترام و المسؤولية
التدخلات من العائلة أو المجتمع تُعرقل الإستقرار لذا من الضروري الحفاظ على الخصوصية لضمان حياة زوجية متوازنة و بعيدة عن التوتر

مشكور على المرور و الرد في الموضوع

 

[Oktavio_hinda]

السلام عليكم

موضوع جد حساس وكل واحد عنده رأي مخالف

انا من رأيي لازم الكنة اذا تعرف روحا انها تحب تعيش حياتها كيما حابا هي لازم من الاول تشترط بيت لوحدها إما إذا قبلت لازم تكون حريتها في غرفتها فقط اما خارجه فيجب احترام والدة زوجها هكذا يكون هناك حدود و يحافظون على الاحترام والقدر ولازم يكون القلب كبير واللسان طيب من الطرفين

 

[أم إسراء]

الأخت تقول إن سبب مشاكل الكنة و العجوز هو الرجل لأنه إما يختار العيش مع أهله فيخلق الصراع أو يمنح زوجته بيتًا مستقلًا فيتجنب المشاكل
ضعف شخصية الزوج و تحيّزه لأمه يؤدي لكوارث زوجية و الوعي بالمسؤولية هو الحل

نتمناو الاخت تكون بخير شكرا @سحائب الشوق للإلتفاتة

و كل المشكل يكمن بطبيعة الحال في الرجل لما مايوازنش بين علاقته بين أمه و بين زوجته، ويبيح من هب و دب يتدخل في زوجته و يتأمر عليها.
و بين ترك الزوجة تصول و تجول و تظلم أمه او أخاوته و هو يبين عظلاته و أحباله الصوتية عليهم.
يعني الرجل لازم يكون حكيم و واقعي في اتزان العلاقة بين زوجته و أمه

 

[aljentel]

طالما هما عائشين في بيت واحد فالمشاكل ستستمر إلى مالا نهايه ، وستؤل إلى أمور لا تحمد عقباها ، والحل معروف وسهل وحق شرعي للزوجه ان تكون مستقله في بيت وبس ..