العلاقة بين العجوز و الكنة ... صراع أو سوء تفاهم ؟

[ذات الشيم]

السلام عليكم

موضوع جد حساس وكل واحد عنده رأي مخالف

انا من رأيي لازم الكنة اذا تعرف روحا انها تحب تعيش حياتها كيما حابا هي لازم من الاول تشترط بيت لوحدها إما إذا قبلت لازم تكون حريتها في غرفتها فقط اما خارجه فيجب احترام والدة زوجها هكذا يكون هناك حدود و يحافظون على الاحترام والقدر ولازم يكون القلب كبير واللسان طيب من الطرفين

اذا عاشت مع اهل زوجها حتى في عرفتها وما عندها حرية !!
سكنت في هذا الموضوع رجعتله كم مرة

 

[ام أمينة]

السلام عليكم

موضوع جد حساس وكل واحد عنده رأي مخالف

انا من رأيي لازم الكنة اذا تعرف روحا انها تحب تعيش حياتها كيما حابا هي لازم من الاول تشترط بيت لوحدها إما إذا قبلت لازم تكون حريتها في غرفتها فقط اما خارجه فيجب احترام والدة زوجها هكذا يكون هناك حدود و يحافظون على الاحترام والقدر ولازم يكون القلب كبير واللسان طيب من الطرفين

الوضوح من البداية مهم جداً بس أحياناً الظروف تفرض على الكنة تعيش مع أهل الزوج و هنا يجي دور التفاهم و الصبر من الطرفين الإحترام المتبادل و النية الطيبة هم أساس نجاح أي علاقة سواء في بيت مستقل أو مشترك

مشكورة على الموضوع و الرد في الموضوع

 

[ام أمينة]

و كل المشكل يكمن بطبيعة الحال في الرجل لما مايوازنش بين علاقته بين أمه و بين زوجته، ويبيح من هب و دب يتدخل في زوجته و يتأمر عليها.
و بين ترك الزوجة تصول و تجول و تظلم أمه او أخاوته و هو يبين عظلاته و أحباله الصوتية عليهم.
يعني الرجل لازم يكون حكيم و واقعي في اتزان العلاقة بين زوجته و أمه

الرجل هو اللي يضبط التوازن و إذا غاب دوره الحكيم تتحول العلاقة لصراع بدل ما تكون مودة و رحمة

مشكورة على المرور ثانية

 

[ام أمينة]

طالما هما عائشين في بيت واحد فالمشاكل ستستمر إلى مالا نهايه ، وستؤل إلى أمور لا تحمد عقباها ، والحل معروف وسهل وحق شرعي للزوجه ان تكون مستقله في بيت وبس ..

السكن المستقل يحمي العلاقة من التوتر و يضمن حياة أكثر هدوء و إستقرار

مشكور على المرور و الرد في الموضوع

 

[طمطومة مصطفى]

السلام عليكم و رحمة الله تعالى و بركاته



العلاقة بين العجوز و الكنة ... صراع أو سوء تفاهم ؟


في المجتمع الجزائري العلاقة بين العجوز و الكنة تبقى من أكثر العلاقات اللي فيها حساسية و تقدر تولي مصدر توتر كبير داخل العائلة

بزاف من المشاكل يبداو من أول يوم تدخل فيه الكنة للدار وين العجوز تحس أنو مكانتها تهزت خاصة إذا كانت موالفة تكون هي اللي تسيّر كلش

تحس أنو الكنة جات باش تغير النظام و تفرض طريقتها و هذا يخلق نوع من الغيرة حتى و لو ما تتقالش بصراحة

من جهة أخرى الكنة تكون داخلة بعقلية جديدة تحب تعيش حياتها بحرية و تحب تكون عندها خصوصيتها بصح تلقى روحها تحت المجهر كل حركة و كل كلمة تتفسر بطريقة سلبية

يزيد على هذا إختلاف الأجيال وين العجوز تشوف أنو طريقتها هي الصح و أنو الكنة ما تعرفش تسير دار و لا تربي الأولاد و لا حتى تطبخ كيما الناس

الكنة من جهتها تحس أنو العجوز تتدخل بزاف و تحب تفرض رأيها في كل صغيرة و كبيرة من الطياب للتربية حتى في العلاقة بينها و بين راجلها

و ما ننسوش دور الزوج اللي مرات يزيد يعقّد الأمور كي يكون ساكت و ما يعرفش كيفاش يوازن بين مرته و أمه

إذا مال لجهة وحدة تولي الثانية تحس بالظلم و تبدأ المشاكل تكبر مرات حتى الجيران أو أفراد العائلة يزيدوا يصبوا الزيت في النار بكلامهم و لا بنصائحهم اللي ما تزيد غير التفرقة

كل هاد الأسباب كي تتجمع تولي العلاقة مشحونة و كل يوم فيه مشكل جديد بصح لو كان يكون شوية تفاهم و إحترام و حوار صريح

بزاف من هاد المشاكل تقدر تتحل و تولي العلاقة فيها محبة و تعاون بدل الخصام و الغيرة


و باش العلاقة بين العجوز و الكنة تكون طيبة لازم أول حاجة يكون الإحترام المتبادل

الكنة لازم تحترم العجوز و تعرف بلي هي أم راجلها و عندها مكانة كبيرة في قلبو و ماشي من السهل تنحيها

و في نفس الوقت العجوز لازم تحترم الكنة و تشوفها كيما بنتها ماشي دخيلة و لا منافسة

ثاني حاجة مهمة هي الحوار لازم يهدرو مع بعض بلا عياط و لا سب و لا معايرة كل وحدة تقول واش حابة و تشرح وجهة نظرها

بزاف من المشاكل يجو من سوء الفهم و كلمة تتقال و تتفسر بالغلط تولي نار ما تطفاش

كي يكون الحوار كل وحدة تفهم الأخرى و تولي الأمور أسهل

و كذلك الصبر و التسامح،ماشي كل حاجة نردو عليها مرات نسكتو باش نتهناو و مرات نعتذر باش نبنيو جو مليح

الكنة كي تغلط تعتذر و العجوز كي تشوف روحها زادت شوية تقول مع نفسها أنها لازم تتجاوزها

و الزوج لازم يكون حكيم ماشي يميل لجهة و يخلي الأخرى لازم يعرف كيفاش يرضي مرته و يكون بار لأمه بلا ما يظلم وحدة فيهم هو الرابط بيناتهم و إذا كان عاقل يقدر يصلح بزاف أمور

و ثاني لازم ما يدخلوش الناس في المشاكل كي تكون مشكلة بين العجوز و الكنة ماشي لازم الجيران و لا العائلة يزيدوا يتدخلوا لأنو مرات يزيدوا يعقدوا الأمور و هي ما تستاهلش كل تلك الضجة

لازم الناس تفهم بلي العائلة تبنى بالمحبة ماشي بالعناد

العجوز و الكنة يقدروا يكونوا صحابات و يعيشوا في جو فيه تعاون و ضحك و إحترام إذا كانت النية صافية و القلب مفتوح ماشي لازم نكونوا كامل متفاهمين بصح لازم نكونوا عائلة و كل واحد يعرف قيمتو و يعطي للآخر مكانته
في رأيكم :
ما أسباب الخلافات الشائعة بين العجوز والكنة؟
كيف تؤثر تدخلات العجوز في حياة الزوجين؟
هل تغيرت هذه العلاقة في الزمن الحديث؟ كيف؟
ما رأيكم في موضوع اليوم
أنتظر ردودكم و تعليقاتكم و آرائكم
تحياتي للجميع
....
​

موضوع شائق شائك، رغم أن الأوان قد فات بالنسبة لي للحديث عنه. ما عساي إلا أن أقول إن الكلمة الطيبة صدقة. ورحمها الله

 

[ام أمينة]

موضوع شائق شائك، رغم أن الأوان قد فات بالنسبة لي للحديث عنه. ما عساي إلا أن أقول إن الكلمة الطيبة صدقة. ورحمها الله

لا تعليق .... !!!
مشكورة على المرور و الرد في الموضوع

 

[طمطومة مصطفى]

لا تعليق .... !!!
مشكورة على المرور و الرد في الموضوع

الأذى بالكلمات لا يزول أثره أبدا. لذلك أوصانا رسول الله صلى الله عليه وسلم، بأن نقول خيرا أو أن نصمت

 

[ام أمينة]

الأذى بالكلمات لا يزول أثره أبدا. لذلك أوصانا رسول الله صلى الله عليه وسلم، بأن نقول خيرا أو أن نصمت

صلى الله عليه وسلم
صدقتِ الصمت أحيانا أرحم من قول يؤلم

شكرا لمرورك ثانية

 

[Amine7N]

القضية راهي تصادم عواطف وأفكار
غيرة ، سيطرة ، عدم وعي .. .
هو حل سهل اللي يتزوج يدير دار وحده كما الأوروبيين
إما يكري ولايبني ولا يشري
نصيحة اللي ميقدرش يدير وحدة منهم مكلاه يغبن روحه بالزواج خاطرش يلقا روحه وسط مشاكل وتكسار راس

 

[زاد الرحيل]

دورة الحياة تنتهي بالادوار فالكنة الي تشوف العجوزة سبب المشاكل راح يجي الدور عليها و تصبح عجوزة و تجيب كنة و ثم تتقمص دور العجوزة الي كانت تكرهها.
بنت الاصل تبقى بنت الاصل مهما كان

 

[ام أمينة]

القضية راهي تصادم عواطف وأفكار
غيرة ، سيطرة ، عدم وعي .. .
هو حل سهل اللي يتزوج يدير دار وحده كما الأوروبيين
إما يكري ولايبني ولا يشري
نصيحة اللي ميقدرش يدير وحدة منهم مكلاه يغبن روحه بالزواج خاطرش يلقا روحه وسط مشاكل وتكسار راس

الزواج يحتاج وعي و إستعداد ماشي مجرد خطوة تقليدية
العيش في بيت مستقل بعد الزواج يضمن خصوصية و يقلل المشاكل الناتجة عن تدخلات العائلة

شكرا لك على المرور و الرد في الموضوع

 

[ام أمينة]

دورة الحياة تنتهي بالادوار فالكنة الي تشوف العجوزة سبب المشاكل راح يجي الدور عليها و تصبح عجوزة و تجيب كنة و ثم تتقمص دور العجوزة الي كانت تكرهها.
بنت الاصل تبقى بنت الاصل مهما كان

الكنّة الواعية تخلق جو طيب و العجوزة المتفهمة تسهّل العيش
الأصل يبان في الأخلاق مش في الأدوار

مشكورة على المرور و الرد في الموضوع

 

[Ēya Ēljana]

أنا لست متزوجة لايوجد عندي فكرة....