تجربتي مع طفلي في التخلص من الحفاضات

[يعقوب 1967]

رد: تجربتي مع طفلي في التخلص من الحفاضات

اااااااااااااسف انى ما شاركتش فى الموضوع السابق تجربتى فى نوم طفلى لان الجهاز كان به خلل كنت اتمنى ان اشارك لكن اعجبتنى طريقة ملينة الشاوية كانت حكيمة جدا فى دلك

 

[يعقوب 1967]

رد: تجربتي مع طفلي في التخلص من الحفاضات

امونة الشاوية غلطت فى الاسم عدرا ماشاء الله عليك كملى هاك اكيد رايحة تخرجى بنتيجة رائعة وتفتخرين

 

[أم أمين23]

رد: تجربتي مع طفلي في التخلص من الحفاضات

السلام عليكم ما شاء الله عليكم قريت تجاربكم كامل الله يبارك ممكن تفيدني مع السنفورة الي عندي ضرك
في ابني الكبير لقيت شوي صعوبة واطول بالكوش نحتهالو بعد الطهارة وبعد ما اكمل 3 سنين لخاطر شافية كنت في البلاد طهرتو وطبعا تعرفو نصايح الاهل بالي الكوش مليح في الطهارة فخليتهالو وكان خوه عام ونصف تقريبا خليت حتى روحت لداري وبديت معاه وكنت جربت قبل في العامين وما حبش يترقلى ديما يعملها في الارض وخاصة الكبيرة نحطو في الحمام اكرمكم الله ما يديرهاش ينزل للارض هوب يجيبها في الارض البو ما حبش يقعد فيه بالمرة نحطو يقعد يقعد وينوض وكان يخاف من الكاكا اكرمكم الله كي يشوفها تنزل يتصرع بالبكاء لازم انا نبقى قدامو وحاكمة في يدو ونلتيه حتى ينساها ويكمل
وانا في البيبي كنت نخليه بالكوش اما الكبيرة نعرف وقتها نديه للحمام وما نحاهاش حتى فات ال3 سنوات وتعبت معاه مرة بالمسايسة ومرة بالضرب وفي 4 سنوات خلاص ما بقاش اديرها على روحو ولا في الفراش وكي تجيه انوضني ديما
اما الثاني ما شاءا لله ما حسيتش بيه بالكل ما شفيتش حتى كيفاش كان هو وحدو اقبد خوه وما يحبش اديرها في الكوش يقولي حطيني في الحمام كيما خوه والحمد الله ما تعبتش معاه بالكل ان شاء الله تكون مريومة كيفو

 

[ام منصف]

رد: تجربتي مع طفلي في التخلص من الحفاضات

ساندريلا زماني
منورة الموضوع
تابعي معانا راكي قريب تحتاجيهم هذ المواضيع ان شاء الله
شكرا على المرور
​

 

[ام منصف]

رد: تجربتي مع طفلي في التخلص من الحفاضات

om ahla hadi

الحمد لله انو المواضيع عجبوك واستفدتي منها
وهذا هو هدفنا الافادة والاستفادة
شكرا ليك ام هادي
خلي يجي الصيف وابدايلو هكذا ما تتعبيش معاه
بالتوفيق
​

 

[ام منصف]

رد: تجربتي مع طفلي في التخلص من الحفاضات

magique
ان شاء الله اختي
ربي يعطيها وقفة ساهلة
وتزيدي تشاركينا
منورة حبيبتي
​

 

[ام منصف]

رد: تجربتي مع طفلي في التخلص من الحفاضات

أم محمد وأمين
فصل الصيف يساعد الطفل والام على تسهيل عملية التخلص من الحفاضات
وعملتي خير كي سنيتيه يكبر شوية حتى تفوت مرحلة الغيرة من خوه والا راكي تعبتي معاه
يعطيك الصحة اختي على المرور ومشاركتنا
بارك الله فيك
​

 

[ام منصف]

رد: تجربتي مع طفلي في التخلص من الحفاضات

يعقوب 1967
اهلا بيك سيدتي
ممكن تجربتك تكون اصعب من تجاربنا حنا بين لي كوش ولكاريات ولي بوانت عندكم خدمة كبيرة نتاع الغسيل والنشير
يعطيك الصحة على مرورك وسردك لتجربتك افدتينا بخبرتك
بارك الله فيك
بخصوص المواضيع الاخرين اللي فاتوك تقدري ترجعيلهم وتشاركينا فيهم تجربتك
مازال ماراحش الحال
المواضيع كلها مفتوحة في كل وقت للمشاركة
​

 

[ام منصف]

رد: تجربتي مع طفلي في التخلص من الحفاضات

أم أمين23
صح يقولوا لي كوش للطفل المطهر مليحة هكذا يبرا بسرعة
قلتي انو كان يبكي اثناء عملية التبرز
كاين بزاف اطفال عندهم فوبيا التبرز وبدرجات وعندها اسباب كثيرة نفسية وبدنية
الحمد لله انك تجاوزتيها معاه بسهولة
شكرا لمورك الطيب ومشاركتك لنا تجربتك مع اولادك
بارك الله فيك
​

 

[يعقوب 1967]

رد: تجربتي مع طفلي في التخلص من الحفاضات

اشكرك جزيل الشكر

 

[أمــ وليــد الجزائرية]

رد: تجربتي مع طفلي في التخلص من الحفاضات

هاني جيت و علبالي درت روطار كبير

نبدى مع اخي محمد
نشفالو نهار نحينالو ليكوش كان في عمرو عام و شهرين هكاك
كان لازم نطهرولو في هذاك العمر و من هذاك نهار نحيناهالو و كان جامي يطيحهم في الارض كنا تقريبا كل ساعة ولا زوج ندوه لهذيك الجيهة و هكاك ولا ميقدرش يطيحهم قبل مايروح لذيك لبلاصة عرف وحدو ههه ذكي جدااا

متعذبناش طول معاه

ودرك مع لينا راه شويا البرد سينو نعملو معاها نفس الشيء الا انها بدات تعرف هي ثانيك و غير انحيولها ليكوش ديالها تقوللها مماها ولا تديري PIPI تهز براسها تقول ايه كان جينا في فصل الصيف كانت بلاك درك نحاتهم

هي برك طريقة تعودي طفلك و تخليه يتعلم من البداية

نرجع نقرا تجارب الي فاتتني مزال مقريتهمش كامل
​

 

[ام منصف]

رد: تجربتي مع طفلي في التخلص من الحفاضات

mlina4algeria
فلة يسمى راكي خبرة في هذه الامور مانخافوش عليك منو جاي
ان شاء الله لينا تجيها ساهلة عملية التخلص من الحفاضات
شكرا لك على المرور والمشاركة
​

 

[أم أمين23]

رد: تجربتي مع طفلي في التخلص من الحفاضات

تفكرت حاجة البارح وحبيت تقولها ام منصف هدرنا على الحفاظات بالصح ما هدرناش كيفاش ووقتاش نعودو الصغير يغسل لروحو وحدو بعد ... لازم هادا المموضوع هنا والا في موضوع جديد

 

[om mahmoud]

رد: تجربتي مع طفلي في التخلص من الحفاضات

بارك الله فيك ام امين
فكرة هايلة ان شاء الله
نحطو كل مشاكل الطفل والعادات لعنده لتخلص منها
ونساعدو بعض
مثل التخلص من السوسات او مص الاصبع او .............
نتمنى ام منصب تشاركنا الفكرة وتحط مواضيع لتخلص من العادات لماراهمش ملاح عند الطفل

 

[ام منصف]

رد: تجربتي مع طفلي في التخلص من الحفاضات

تفكرت حاجة البارح وحبيت تقولها ام منصف هدرنا على الحفاظات بالصح ما هدرناش كيفاش ووقتاش نعودو الصغير يغسل لروحو وحدو بعد ... لازم هادا المموضوع هنا والا في موضوع جديد

مليحة ام امين الفكرة
ممكن نتناقشوا فيها هنا
هكذا ما نكطثروش المواضيع
​

 

[ام منصف]

رد: تجربتي مع طفلي في التخلص من الحفاضات

بارك الله فيك ام امين
فكرة هايلة ان شاء الله
نحطو كل مشاكل الطفل والعادات لعنده لتخلص منها
ونساعدو بعض
مثل التخلص من السوسات او مص الاصبع او .............
نتمنى ام منصب تشاركنا الفكرة وتحط مواضيع لتخلص من العادات لماراهمش ملاح عند الطفل

ان شاء الله اختي ام محمد
راح نتطرقوا لكل هذه المواضيع
تفاعلكم برك معانا
هكذا يكتب النجاح لسلسلتنا وتعم الفائدة
​

 

[ام منصف]

رد: تجربتي مع طفلي في التخلص من الحفاضات

تجربتي في التخلص من الحفاضات مع ندى
كانت سهلة جدا بديت ندرب فيها مع بدات توقف وتمشي تقريبا عام كان في عمرها ووالات مع شهر ماي سخون الحال
نحطلها القصرية ونحطها
ونعسها سيرتو بعد الوجبات والا شرب الماء
وساعات تكلحني وديرها كنت نفهمها بلعقل وساعات نضربها بصح خفافي برك هههههه صغيرة المخلوقة ونقولها درتي كوخا في الارض
المهم تعلمت بسرعة وفي الليل تقريبا نحيتلها كي كان في عمرها 18 شهر لاحظت انو الكوش نلقاه جاف وفهمتها كي تبغي تروح للمرحاض اعزكم الله تنوضني والحق الحمد لله جامي دارتها ليومنا هذا
​

 

[ام منصف]

رد: تجربتي مع طفلي في التخلص من الحفاضات

نروحوا لتجربتي مع منصف
كانت شوية صعيبة والفت بندوشة كل شيء نتاعها ساهل
وصدقت العجايز كي كانوا يقولوا الطفل صعيب على الطفلة في كل شيء
كان يكثر البول حاشاكم وصل عامين باش بديت نعلم فيه مع انو السن عادي هذاك هو الوقت المناسب بصح انا قست على ندى كادارتش عامين تهنيت من لي كوش تماما
تعلم نتاع النهار بصح في الليل سوفريت معاه نوضو مرتين الى 3 مرات وساعات يكلحني ويديرها قبل ما نوضو
- وحبيت نقولكم حاجة
الطفل كي تنوضوه لازم يفيق تماما ماشي تهزوه وتدوه للتواليت وهو ماهوش فايق ماراحش تجيب نتيجة -
نتاع الليل تخلص منها كي كان في عمرو 3 سنوات والف ينوض وحدو
اكيد فيه تعزيزات للسلوك الحسن وعقوبات على السلوك السيء ساعات نفهمو بلعقل وساعات نعيط عليه وساعات نضطر نضربو
يعني الضرب فيها فيها كيما قالت انريس الطريقة العربية الاصلية هههههه
​

 

[ibtesem]

رد: تجربتي مع طفلي في التخلص من الحفاضات

ماذا فعلت أنت ؟ و كيف بدأتي ؟
بسم الله
بدايتي كانت لما يبلغو سنة الاولى من العمر اول مايبرو يمشو نعلمهم انهم يستعملو الحمام
هنا نبدا معاهم بكلمات بسيطة ونعودهم عليها كل يوم يسمعوها باش يعرفو
تاني تشجيع لهم نفرحهم بابصط شئ يعملوه نعمل روحي اني فرحت
الطفل لازم نحفظ اوقات لي روح فيها للحمام ادا كانت مثلا كل صباح بعد مايشربو الحليب تاعهم
ناخدهم ونجلسهم نصبر عليها لانو اهم شئ هو الصبر
والله سعات نبقا معاها اكثر من ساعة
لانو الطفل اخاف انو يعملها بدون حفاض لهدا يبقى جالس مدة طولة انت توقو ايا مكان والو اول ماتلبسي الحفاض يعملها فيها
لهدا ماعلينا غير الصبر
والحمد لله نجحت معاهم صارو اقولولي ناخدهم طبعا بلوغتهم لي انا علمتهالهم
مجات سن ونصف كانو نازعين الحفاضات انامو نضاف حتى في الفراش نضاف
ديما نعمل المنبه حسب الوقت لي نامو فيه نوض نوضهم واروحو للحمام
الا عيسى زاد شهرين على العاو ونصف الى درجة اني ضربتو
بصح جابت نتيج معاه
وكيف كانت هذه المرحلة بالنسبة لك ؟ وهل لاقيتى صعوبات كبيرة مع ابنك ؟
كانت مرحلة اني كنت على اعصابي معاهم كنت حالفة قبل العام نصف انو نرمي الحفاضات
صح كنت عصبية معاهم مي الحمد لله صبري كان له نتيجة
كيما قلت البنات ملقيتش معاهم اي صعوب حي المحيبسة مستعملتهاش استعملو المرحاض على طول نضع ليهم لي جي فوق المرحاض يجلسوهناك
غير ابني صح تاخرلي شهرين على البنات
مرة نزعتلو الحفاضات وضربتو من هداك النهار والله خلاصعاد اخاف ​

​

وكيف وصلت للنتيجة السليمة ، وهل عانيت من مشاكل من خلال تجربتك ؟
الحمد لله وصلت الى نتيجة مرضي انو اول مانزعت الحفاضات كانو نضاف حتى في الفراش
مانستعملش حتى البلاستيك او نلبسلهم الحفاض التاني
ماكنتش عندي مشاكل معاهم كان راسهم خفيف ليه ليه
هل كانت تجربة صعبة ؟ أم العكس ؟
بالعكس لم تكن صعب ابدا ولم تدم اكثر من اسبوعين معي
===============
بارك الله فيك شريف على الموضوع الشيق


​

 

[أم أمين23]

رد: تجربتي مع طفلي في التخلص من الحفاضات

اوك ام منصف يلا اعطوني تجاربكم انا لضرك مازالني ما عرفتش كيفاش نوالفو يغسل لروحو بديتلو ايامات نصبلو انا الماء وهو يغسل مي ما يغسلش مليح نزيد نعاولو انا ومن بعد بطل قالي لا لا اغسلسلي انت مازلت صغير انا لا استطيع