رانا في 2014 مزال نسمعو هذو الأمور ؟؟

الحالة
مغلق ولا يسمح بالمزيد من الردود.
إنضم
6 مارس 2009
المشاركات
4,443
النقاط
191


هاني رجعتلكم من جديد
ان شاء تكونو كامل بخير

علبالكم قلبي وجعني صح
رح نحكيلكم لحكاية مباشرتا

و انا في الخدمة جاني زبون باه نديرو فاكتور بروفورما تاع عمي لونساج
الي ره كل الشعب الجزائري طامعين فيها
الشعب المغبون

المهم هذا الراجل أب لزوج بنات



تخايلو معلبالوش حتى واش هو المشروع الي رح يديرو المهم قالي الفاتورة متوصلش المبلغ كذا..... و خلاص


قلتلو مي لازم تعرف واش رح تدير باه نعرف واش راح نحطلك انا ثانيك
:(:(:(
قالي معلباليش
:-o:-o

المهم انا يمدولي دراهم مش طامع في لبروجي طامع غير في دراهم



قالي عندي زوج بنات وحدة انا نربيها ووحدة مديتها لأهل زوجتي يربوهالي
الله غالب مقدرتش نعيشهم في زوج


ثم تنصعقت انا


معرفتش نتشوكا من لبروجي الي معلبالوش واش رح يدير فيه


ولا ذوك لخيات الي فرقوهم و هوما صغار


قولولي درك كيفاه رح يترباو بعاد من بعض؟
واش من اخوة هذي ؟


و هذا كامل و حنا في 2014 و ريحين من غدوا نزيدو
نشوفو مستقبل لبلاد كيفاه رح تتطور
و وين رح يوصل بينا التطور مثل هذا


صح انا مرضني هذا الموقف
و درت روحي في بلاصت البنت هذيك الي شايفة ختها مع باباها و يماها
و هي مرمية عند جداتها كلي درت غلطة كي جات لهذي الدنيا





كانت معاكم mlina4algeria








 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,661
النقاط
1,471
محل الإقامة
تبسة 12
الجنس
ذكر
رد: رانا في 2014 مزال نسمعو هذو الأمور ؟؟

السلام عليكم ورحمة الله وبركاته
غريب امر هاذ الشخص
وامثالو الاف يعملو مشروع وهمى ويدو الدراهم او واش يبعو ويضيعوه ومن بعد
يصبحو فى الشجون ويضيعو عائلاتهم وعمرهم
.. اما بالنبسة للبناتو لى فرقهم غريب امرهم وخاصة زوجتو لى فرطت فيها مع انو الام تحن كثيييير لبنتها
وتعمل اى حاجة باه تخليها قريبة منها
ربي يجيب الخير هاذ ما نقولو
وشكراا اختى ميلينا على الموضوع
ربي يهنيك


 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,310
النقاط
821
محل الإقامة
الشرق-الوسط
الجنس
أنثى
رد: رانا في 2014 مزال نسمعو هذو الأمور ؟؟

وعليكم السلام


هادا من الناس لي هاكداك برك عايش باه يدي دراهم خصو غير يدير تخطيط للمشروع تاعو


كي عاد ماش قادر على تربية زوج بنات علاه مزوج اصلا




قمة شعب يحبسلك راسك




بلاهدف عايش على الزهر


بارك الله فيك
 
إنضم
6 مارس 2009
المشاركات
4,443
النقاط
191
رد: رانا في 2014 مزال نسمعو هذو الأمور ؟؟

السلام عليكم ورحمة الله وبركاته
غريب امر هاذ الشخص
وامثالو الاف يعملو مشروع وهمى ويدو الدراهم او واش يبعو ويضيعوه ومن بعد
يصبحو فى الشجون ويضيعو عائلاتهم وعمرهم
.. اما بالنبسة للبناتو لى فرقهم غريب امرهم وخاصة زوجتو لى فرطت فيها مع انو الام تحن كثيييير لبنتها
وتعمل اى حاجة باه تخليها قريبة منها
ربي يجيب الخير هاذ ما نقولو
وشكراا اختى ميلينا على الموضوع
ربي يهنيك



هذا نقولول متقدرش تدير دار علاه تتزوج اصلا؟
اوبعد تروح تحوس وين تسرق الدراهم ؟
هذا امر خطير وحنا في عام 2014 ومدذزالنا نحكيو على هذي لحوايج
و من بعد نزيدو نقولو حالة لبلاد رهي مزالها لباس بيها
قبل مانشوفو لهذي الحالة نشوفو وعلاه وصلو للهنا و دار هذا الشيء ؟
و الي يخسر هم الاطفال لا غيرهم
الله يصلح الاحوال يارب
 
إنضم
6 مارس 2009
المشاركات
4,443
النقاط
191
رد: رانا في 2014 مزال نسمعو هذو الأمور ؟؟

وعليكم السلام


هادا من الناس لي هاكداك برك عايش باه يدي دراهم خصو غير يدير تخطيط للمشروع تاعو


كي عاد ماش قادر على تربية زوج بنات علاه مزوج اصلا




قمة شعب يحبسلك راسك




بلاهدف عايش على الزهر


بارك الله فيك

شفتي ياساندي والله هذيك هي هذا الي يقول نتكلو على ربي و هو راقد

هذا كامل امر يحطم لقلوب والله و نشوفو انو كلما يكبرو الناس كلما تقول لعقلول فارغة

الله يستر برك​
 

الورد الأحمر

:: عضو شرفي ::
إنضم
6 مارس 2008
المشاركات
18,163
النقاط
671
محل الإقامة
سكيكدة
الجنس
أنثى
رد: رانا في 2014 مزال نسمعو هذو الأمور ؟؟

ييه لوكان أنا نبقى بعقدة علاش مدوني انا مش هي وعلاه هي بقات معاهم وأنا هنا !!! ونشبع بكى ونديرها قية رأي عام، ونقول يحبوها خير مني و و و .
مش حق عليهم وحرام على والديها يسمحوا فيها هكا، وربي ما يقطعش الرزق لأي كان، لوكان يحطوا برك الرحمة والقناعة في قلوبهم راه كل إنسان يخلق للدنيا هذي يجي برزقو معاه، برك الناس ولاو ما يقنعوش وما يشبعوش ربي يهديهم .
ما تتشوكايش من لبخوجي لي ما عارفوش اتشوكاي من بنتو لي مدها !!!
ربي يهدي، ومغسي عالموضوع الكيوت :p .
شكرا .
 

عاشقة الأحلام

:: عضو مُشارك ::
إنضم
17 أفريل 2014
المشاركات
212
النقاط
21
العمر
20
محل الإقامة
سطيف
الجنس
أنثى
رد: رانا في 2014 مزال نسمعو هذو الأمور ؟؟

هذا الراجل طماع وكيما يقولو علاجال كرشو يخلي عرشو
وهاذا الراجل ما يحشمش يفرط في بنتو علاجال مصلحتو

وكي عاد موش قاد يربي بناتو معا بعضاهم لاه جابهم لهاذي
الدنيا وخلاهم يتعذبو

 

BiG JoE

:: عضو مُتميز ::
إنضم
3 أوت 2010
المشاركات
628
النقاط
51
رد: رانا في 2014 مزال نسمعو هذو الأمور ؟؟

الواقع ما يتخباش ميلينا
لوقت صعاب
خليني نسكت برك بويسك كون نبدا نحكي ما نفضش
 
إنضم
6 مارس 2009
المشاركات
4,443
النقاط
191
رد: رانا في 2014 مزال نسمعو هذو الأمور ؟؟

ييه لوكان أنا نبقى بعقدة علاش مدوني انا مش هي وعلاه هي بقات معاهم وأنا هنا !!! ونشبع بكى ونديرها قية رأي عام، ونقول يحبوها خير مني و و و .
مش حق عليهم وحرام على والديها يسمحوا فيها هكا، وربي ما يقطعش الرزق لأي كان، لوكان يحطوا برك الرحمة والقناعة في قلوبهم راه كل إنسان يخلق للدنيا هذي يجي برزقو معاه، برك الناس ولاو ما يقنعوش وما يشبعوش ربي يهديهم .
ما تتشوكايش من لبخوجي لي ما عارفوش اتشوكاي من بنتو لي مدها !!!
ربي يهدي، ومغسي عالموضوع الكيوت :p .
شكرا .
ممكن انت تهدري و تقولي نديرها قضية رأي عام مي كاين الي يسكت ويخليها في قلبو و يديها عقدة طول عمرو

عندك حق رحمة ربي واسعة مي كما قلتي غير الي عندو كشرو كبيرة
و درك غير الي راسو فارغ للاسف


شرفتيني حبوبة الله يخليك
 
إنضم
6 مارس 2009
المشاركات
4,443
النقاط
191
رد: رانا في 2014 مزال نسمعو هذو الأمور ؟؟

هذا الراجل طماع وكيما يقولو علاجال كرشو يخلي عرشو
وهاذا الراجل ما يحشمش يفرط في بنتو علاجال مصلحتو

وكي عاد موش قاد يربي بناتو معا بعضاهم لاه جابهم لهاذي
الدنيا وخلاهم يتعذبو


مش بيه الطمع مي بيه يسلك راسو بأي وسيلة
مي كما قلت غير لولاد الي يخلصوها في سوء تصرف الاولياء
وكما قلتي ولا مقدرلهمش كان يخمم في هذي قبل مايجيبهم لدنيا

 
إنضم
6 مارس 2009
المشاركات
4,443
النقاط
191
رد: رانا في 2014 مزال نسمعو هذو الأمور ؟؟

الواقع ما يتخباش ميلينا
لوقت صعاب
خليني نسكت برك بويسك كون نبدا نحكي ما نفضش
صح الوقت صعاب لاكن يا اخي مش لدرجا تسمح في الذرية ديالك
كان خير حكيت و سمعناك مش مليح تخليها في قلبك
:regards01::regards01:
 

nanoche

:: عضو مُتميز ::
إنضم
19 مارس 2013
المشاركات
1,093
النقاط
71
رد: رانا في 2014 مزال نسمعو هذو الأمور ؟؟

السلام عليكم و رحمة الله
والله يا أختي ما همتني حكاية لونساج لأنو مثلو مثل بزاف ناس حابين الدراهم حتى و هوما عافينها فلوس حرام كيما الحكاية الاخرى اللي قال فيها بليك راهو سمح في فلذة كبده لأنو ما يقدرش يربي زوج في خطرة فأنا لتماتيك راسي تزير ياك ناس زمان يقولو (يموت النفاق و يبقى الرزاق) لوكان جا يعرف واش معناتها هاذ ال....... انا نعتبرها حكمة لوكان جا يعرف معناها في حياتو ما رايح يخمم باش يتخلى على بنتو و يشتكي من قلة المال ......يا خااااااااااااه كاين ناس متمنيين ظفر طفل في بيتهم ربي يمد اللحم للي ما عندو اسنان ..... لوكان انا في بلاصة هاذ الطفلة و الله ما نعيطلو أبي لأنو بعيييييييد جدا على الأبوة
الله يهديه و يهدينا اجمعين ياااربي
 

أم عبد الله

:: عضو شرفي ::
إنضم
20 مارس 2010
المشاركات
8,913
النقاط
351
محل الإقامة
Zeralda
الجنس
أنثى
رد: رانا في 2014 مزال نسمعو هذو الأمور ؟؟

اهلين فيفي راكي ناشطة
خلينـآ م لونساج وحكايتو ونهدرو ع الطفلة هاذيك
انا نقولكـ بلي هذاك سيستـآم مدروس وبعناية فائقة ثان
شوفي كي يكوني الذراري صغار يبعثوهم لدار جداهم يتعلمو وياكلو باش مايصرفوش عليهم بزاف راكي تعرفي بلي ماشي ساهل اتربي طفل صغير المتطلبات ديالو بزاف والمصاريف كبار
ايا يلعبلها ع المورال بلي باباك عندو وخليله ليماك واش فيها تربيهولك وراهي تعرف خير منك ومن هاذو لحكايات والام تقبل فاسيلمو باسكو هي ثانيت ماذا بيها تتهنى م المسؤولية والبكا ف الليل وتكسار الراس هههههههه
وهوما يعيشو لابال في زعما بالزوج دورو لي جيبهم الاب والطفل يعيش معزز مكرم ف دار جدو فهمتي لحكاية كيفاش
ونقولك ثان الا جابو طفل جديد يتعاود السيستام يدو الكبير ليهم بحجة يقروه ف المسيد لي قدامهم ويبعثولك الصغير تشديه وهكذا دواليك

ويبقى هذا الاستغلال الزوج الجزائري الزوالي زعما ههههههههه
سلامي
 
إنضم
6 مارس 2009
المشاركات
4,443
النقاط
191
رد: رانا في 2014 مزال نسمعو هذو الأمور ؟؟

السلام عليكم و رحمة الله
والله يا أختي ما همتني حكاية لونساج لأنو مثلو مثل بزاف ناس حابين الدراهم حتى و هوما عافينها فلوس حرام كيما الحكاية الاخرى اللي قال فيها بليك راهو سمح في فلذة كبده لأنو ما يقدرش يربي زوج في خطرة فأنا لتماتيك راسي تزير ياك ناس زمان يقولو (يموت النفاق و يبقى الرزاق) لوكان جا يعرف واش معناتها هاذ ال....... انا نعتبرها حكمة لوكان جا يعرف معناها في حياتو ما رايح يخمم باش يتخلى على بنتو و يشتكي من قلة المال ......يا خااااااااااااه كاين ناس متمنيين ظفر طفل في بيتهم ربي يمد اللحم للي ما عندو اسنان ..... لوكان انا في بلاصة هاذ الطفلة و الله ما نعيطلو أبي لأنو بعيييييييد جدا على الأبوة
الله يهديه و يهدينا اجمعين ياااربي
صباح الخير ياوجه الخير

تعرفي يا طاطا غير الولدين الي متقدريش تبدليهم
ولسوء الحظ هذي الطفلة أكيد رح تتربا على الكره
و كم هي صعيبة التفرقة
نتمناو هذي الامور تكون عبرة للأخريين و ميغلطوش غلطة كما هذي
و ربي يثبتنا على ديننا

 
إنضم
6 مارس 2009
المشاركات
4,443
النقاط
191
رد: رانا في 2014 مزال نسمعو هذو الأمور ؟؟

اهلين فيفي راكي ناشطة ;)
خلينـآ م لونساج وحكايتو ونهدرو ع الطفلة هاذيك
انا نقولكـ بلي هذاك سيستـآم مدروس وبعناية فائقة ثان
شوفي كي يكوني الذراري صغار يبعثوهم لدار جداهم يتعلمو وياكلو باش مايصرفوش عليهم بزاف راكي تعرفي بلي ماشي ساهل اتربي طفل صغير المتطلبات ديالو بزاف والمصاريف كبار
ايا يلعبلها ع المورال بلي باباك عندو وخليله ليماك واش فيها تربيهولك وراهي تعرف خير منك ومن هاذو لحكايات والام تقبل فاسيلمو باسكو هي ثانيت ماذا بيها تتهنى م المسؤولية والبكا ف الليل وتكسار الراس هههههههه
وهوما يعيشو لابال في زعما بالزوج دورو لي جيبهم الاب والطفل يعيش معزز مكرم ف دار جدو فهمتي لحكاية كيفاش
ونقولك ثان الا جابو طفل جديد يتعاود السيستام يدو الكبير ليهم بحجة يقروه ف المسيد لي قدامهم ويبعثولك الصغير تشديه وهكذا دواليك

ويبقى هذا الاستغلال الزوج الجزائري الزوالي زعما ههههههههه
سلامي

هذي العقلية الي ذكرتيها كانو بكري يديروها درك خلاص بلا مقدمات هاك ربي
و معلبالو كامل بحالة وليدو ولا بنتو ومن بعد نشوفو الدنيا الي تربي هذوك الأطفال
و كي تحوسي الأعماق تلقيهم كامل موخذين نفسيا
هذا الموضوع انا يوجعلي قلبي و بزااااااااف

 

احلى لمة

:: عضو فعّال ::
إنضم
26 جوان 2007
المشاركات
2,156
النقاط
77
العمر
31
رد: رانا في 2014 مزال نسمعو هذو الأمور ؟؟

الله يجيب الخير ناس راهى ادير العجب على جال الدراهم
 

luna lunitta

:: عضو مُشارك ::
إنضم
13 جوان 2014
المشاركات
363
النقاط
31
محل الإقامة
الجزائر
رد: رانا في 2014 مزال نسمعو هذو الأمور ؟؟

ايه والله اا صاحبي ماكش قادر على تربيتها ما تجيبها ما تطيشها
رانا ولينا في وقت يا لطيف
ميرسي على الموضوع
 

loula loulita

:: عضو منتسِب ::
إنضم
16 جوان 2014
المشاركات
36
النقاط
3
رد: رانا في 2014 مزال نسمعو هذو الأمور ؟؟

l wa9t s3aaab w rajel ma9adrch y3aychhom éhhh ya dnya s3iiiba bzfffffffff walah mé t7iiiir fiham kifah y9adro y7amlo bla wliiidtahom


تقبلي مروري
 
الحالة
مغلق ولا يسمح بالمزيد من الردود.
Top