هل من مساعدة

carmene

:: عضو منتسِب ::
إنضم
2 أكتوبر 2009
المشاركات
87
النقاط
3
العمر
41
انا زوجي يتهمني كل مرة باخد امواله مع العلم هو يعطيني الشهرية باش نتصرف فيها لحاجات البيت و خاصة 3 اولاد لكن مليت كل مرة نقولو تصرف وحدك لكن ماعلابالوش كون ما نشريش و الله ما يشري هو و مرات فقط بناتي يشرو و بحكم انهن مازالو شوي صغار ما يعرفوش الثمن ما العمل انه ينضر الي و كانب خاينة لكن ربي عالم نصرف فقط للبيت و الله ما نفرح روحي حتى ببدعية لان اهلي كافييني من ناحية اللباس انا و الاولاد ما العمل
 

hadda0425

:: عضو شرفي ::
إنضم
12 أفريل 2009
المشاركات
5,657
النقاط
351
رد: هل من مساعدة

اختي الكريمة زوجك مشكاك بزاف رغم انو ما يقضيش هو ويحب الواجد لكن يحب الشهرية تاعو ما تخلاصش
هذا كيما يقولو ما نضربك ما نوض عليك ربي يهدي
اذا ما حبش يشري هو ويحبك انت تقضي وزيد يحاسبك ننصحك كل ما تشري حاجة مركيها ومركي الثمن تاعها وكل ما يجي يحاسبك تلقاي الدليل هاك تتخلصي من شكو
وينقل الموضوع الى الركن المخصص
 
آخر تعديل:

علي الفاضلي

:: عضو شرفي ::
إنضم
4 جويلية 2013
المشاركات
2,894
النقاط
111
محل الإقامة
batna
الجنس
ذكر
رد: هل من مساعدة

كان الله في عونك اختي ..

عليك بتعلم المحاسبة والميزانية ..

ضعي كناش -كراس- خاص بالمصروف ..

كلما تم شراء شيء يسجل .. وفي اخر الشهر يتم الجمع ويقارن بالمتبقي من الراتب ..

وتتهناي من التقجقيج والتقرعيج والتقربيع ..

اصلح الله تعالى لنا ولكم الحال والبال ..​
 

M3TaZ eLLMa

:: عضو متألق ::
إنضم
7 مارس 2008
المشاركات
4,989
النقاط
351
رد: هل من مساعدة

السلام عليكم

أولا أشكرك أخت الطيبة على زيارتك لهذا القسم وإفراغ كل ما يقلقك وهنا نحن اسرة واحدة

نتعلم من أخطأ غيرنا

ندخل في الموضوع

أولا كان زوجك يشكرك على تربية الاولاد والعمل في البيت وزيد على ذلك شراء كل مستلزمات البيت يعني ما شاء الله عليك

انت قدوة لغيرك من نساء ونحن عنا نفتخر بيك اخت الطيبة على ما تقدمنه للأسرتك وسهر على سعادتها

وبالمقابل أنت تأخذين التوبيخ من زوجك لا حول ولا قوة إلا بالله ربي يهديه على كل حاااال وما عليش اخت ساعفيه حتى هو راه يتعب من أجلكم .

أما بخصوص المصروف حوالي انك تقنعيه أنو الشهر يصرف هو ويحكم يعني حاولي معاه حتى يرضى لكي يتأكد بأنو كل شيء راه غلا

يعني الشهرية راهي ما تكفيش وخاصة الموظفين حولي معاه لربما يرضى ويحكم على نفسوا .

هذا ما نقدر ننصحك به

وشكرا مرة أخرى اخت الكريمة على ما تقدمنه للأسرتك واسعادها

ربي يحفظكم وربي يعطيك ما تتمني يارب وربي يجزيك الخير وربي يعطيك راحت البااال يارب وربي يرزق بحلال وربي ينجحلك أولادك وتفرحي بيهم يارب وربي يحفظلك زوجك ويهده يارب

تقبلي شكري وتقديري

موفقة​
 
آخر تعديل:
إنضم
9 أفريل 2009
المشاركات
5,472
النقاط
351
العمر
30
محل الإقامة
بسكرة
الجنس
ذكر
رد: هل من مساعدة

ربي يكون معاك

و ربي يهديه

كيما سبق الدكر ورقة و قلم و كوني صافية مع ربي

و ان شاء الله خير
 

ريانة

:: عضو مُتميز ::
إنضم
15 سبتمبر 2013
المشاركات
503
النقاط
23
العمر
28
رد: هل من مساعدة

سلام يا أختي ربي يكون في عونك هدا راجلك ربي يهديه وعلاه ما تهدريش معاه بالعقل وتحاولي تفهميه والحاجة لي تشريها أكتبيها وزيد راهو من حقك تشري لروحك داركم صرفو عليك وأنت معاهم مي دوك عندك راجلك من واجبو عليك يصرف عليك على قد امكانياتو حاولي تتناقشي معاه بهدوء الأعصاب وربي يجيب الخير بلاك مازالو صغير ساعفيه
 

MISS ROSE

:: عضو مُتميز ::
إنضم
7 جوان 2013
المشاركات
920
النقاط
71
رد: هل من مساعدة

الله يكون في عونك اختي الغالية غير بالشوي برك مش البروبلام في انو مشكاك هاذ الحكاية تصرا عندنا في الدار الراجل مايقضيش ويحاسب على المصروف بويسك الاسعار غلات بزاااااف المليون درك مية والمية اذا تصرفت انساي الحل اخرجي انت وياه مرة اشريو كيفكيف وخليه يعرف مليح الاسعار ولا ماتزيديش تقضي انت خليه يشري وحدو مرة زوج يتفهم وماتقلقيش روحك وديري الكاينة ماكانش واحمدي ربي وماتخليش امور تافهة تقضي على مستقبلك انت وعيلتك واذا راجلك متوسط الدخل ولا ماعندوش مش عيب رانا كامل ماعندناش مش عيب ماتبذريش برك كوني اقتصادية سيرتو انت بلولاد ربي يفرج على اختي​
 
Top