غاظني ولد عمي وهي ديرونجي فيا

[yani thiziri]

تماردي فيا وولد عمي في الريسك

بون صواغ خاوتي

نحكيلكم قصة حب ولد عمي مع وحدة بالمختصر المفيد

هاذي وحدة تعرف عليها ولد عمي من 7 سنين

وهاذي الطفلة شيطانة بزاف وولد عمي نية المخلوق

وشحال من مرة يقبضوها في الgروديلي هو ولا اختو ولد اختي

تحكي مع دي جان اخرين في التليفون و في skyp

وشحال من مرة يقلها صاي ويتسيبارا منها تبدا تبكي في هاذوك دموع التماسيح

تبعثلو كامل لافامي ديالها وخالاتها يستيكوه بالهدرة وهو مسكين نية

وانا مكنتش سامع بهاذو الحكايات بويسك منيش قرعاجي

ليصونسيال هاذي المرة انا فقتلها كنت في دار عمي وهي عندهم جاتني قاتلي

اغلقلي لكونت تاع الفيسبوك ومتقولها لحتى واحد انا لعبتها بهلول قتلها سرك في بير

وطول هاذي سمانة لي عقبتها في دار عمي حسيتها لاصقة فيا تبعني وين نروح

وتعيطلي باش نحكي معاها وانا محبيتش نعفس ولد عمي وليت نخرج لبرا

وقاتلي اعطيني تيليفونك وسجلت نومروها وقاتلي اعطيني نومرو تاعك قتلها مانيش حافظو

وقاتلي راني رايحة لسوق اهراس ونخليلك ميكرو بورطابل وراني نجيك لداركم نديه

انا والله غير عطيتها قوصطوها ولاعبها نية في الهبال حتان راحة لسوق اهراس وبديت نبش

غير بشوية وحكمتني بنت عمي قاتلي معليش تفهمني وش قصتك معاها

قتلها جيست مون حكيتلها واش كاين كلش وحكيناهلها لوليد عمي

قتلو راك وليد عمي ونحبلك غير الحاجة الملحية اخطيها قالي قالي اسكت ماكش فاهم

راني عارف شراني ندير وحكايتها معايا قاتلي بنت عمي كاين 2 احتمالات

قاتلي حسيتها تحب لي صغر منها ولا تحوسك لختها لي صغر مني

والمشكل دار عمي ما يقولو والو كي تجيهم هاذي الابليسة مالقري عارفين عليها كلش

وانا والله لقيت ماندير لازم كامل نقنعوه بلي راهي تضرو مي هو حاب يكمل معاها

وباش نزيدكم حاجة هاذي الطفلة تكره اختي لكبيرة بويسك شابة عليها بزاف وعندها نيفو

واختي كي تروح لدار عمي تروح هادي الطفلة لدار عمي علاجال ولد عمي خيفتها تديه عليها

ويما قاتلي كون تجيني لداري نتلفها ديغاكتمون

وانا حاب نبعدها علينا كامل خطراكش رانا دار وحدة مع دار عمي

ليصونسيال هاذي ليستوار تاعي معليش تعطوني افكار شابة تعاونوني بيها باش نليكيدو

هاذي الفاسقة علينا كامل​

 

[sahiko hamza]

رد: غاظني ولد عمي وهي ديرونجي فيا

وعليكم السلام ورحمة الله


ياخويا وش راح نقلك
انا نقلك حاول تبعد عليها وبليس راه بوندي كبير
حلاوتها من الاول كي تشوفها غي بعد
اما وليد عمك انت درت لي عليك
وخليه وربي يفرج عنه .
​

 

[NASRO DZ]

رد: غاظني ولد عمي وهي ديرونجي فيا

والله واش نقلك خويا الامزيغي من الاحسن يتركها لانها تحكي مع شحال من واحد وماشي حكيات نورمال اعطيني رقمك والفيس بوك

الخ...... راك تعرف
وزيد هدي اوكان يتزوج بيها راح sur تعبلو حياتو وبصراحة كما راك تهدر عليها تبان ماشي تع دار حسب ماراك تحكي عليها والله يعلم
بصح نقول لخويا الامزيغي ديرو شحال من عفسة المهم لازم يخطيها انا خويا مانيش نقولك باش تفرق بينتهم
لكن راهي في مصلحة ابن عمك وانا نحبو غير الخير اوكان جات بنت مليحة والله ماتحكي مع اللجان وتعطيلهم نوامر تعها
والانسان الي حبها واش يدير هدا المخلوق والله يغيض ماشي فايق لعمرو الشيطان راه يلعب بمشاعرو
المهم انا نضن تحولو معاه بالشوية ولازم ديرو عفسة باش يشوفها مع واحد ولا يشوفها تحكي مع واحد في السكايب ولا تيليفون هكدا ربما يبدل رايو فيها
وربي يسهلو امورو ويلقى بنت الحلال الي تقدرو وتعرف مسؤالية الي يحبها
سلام...

 

[yani thiziri]

رد: غاظني ولد عمي وهي ديرونجي فيا

ماغسي على راياتكم

خويا NASRO DZ يعيشك على ردك

مي ولد عمي فايقلها بكلش

وشحال مرة تسيبارا عليها وتبدا تبكي صافي تخدعو بدموع التماسيح

 

[chr-ndj]

رد: غاظني ولد عمي وهي ديرونجي فيا

سلام أخى .................انا القص ماقدرتش نتقبلها من جانب ولد عمك خاطر ماشى ساهلة يبقى مع وحدة كيفها ف المواصفات ...........................و انت ماعليك غبر تبعد قدما تقدر الشيطان واعر
ياخويا لى كيفها مافيهمش رحمة ربى غير بعد و ربى يجيب لخير ليك و لولد عمك و مام هى و ربى يهدينا تانى ​

 

[yani thiziri]

رد: غاظني ولد عمي وهي ديرونجي فيا

وباش نقول بلي كل ليلة تجيني

لشومبغا ديرلي ديجاست منذكرهاش افضل

وانا خممت بلي نفكرولها فيلم انا وولد عمي

مادامها دارتلي ديجاست تبينلي بلي راهي تحوس عليا في حاجة

صافي نقدر نجورجيها في التليفون

ونسيي بشوية نستيكيها والا شفتها قبلت

ثم يعرف ولد عمي بلي سي فيني الغولاصيون معاها

لازم تكمل ويتسيبارا منها والا غير هذا

يبقى كلش يرجع لولد عمي

مي راني خايف نحكي لولد عمي ديجاست لدارتهملي

ونقلو راهي قاتلي ادي الميكرو تاعي لداركم

يويلي يشكك فيا

ونولي انا لي غالط وماشي مليح​

 

[ammmmoula]

رد: غاظني ولد عمي وهي ديرونجي فيا

سجلها هدرتها ولا ديرلها واحد من صحابك يتاستيها وريلو لابروف

 

[HâDjêr kRâlîçe]

رد: غاظني ولد عمي وهي ديرونجي فيا

مالقيت واش نقول و الله..ربي يهديها ان شاء الله..و ابن عمك لازم يبعد عليها على خاطر رح يتعب بزاف معاها...و انت دير واش تقدر عليه هادا مكان

 

[adel._dz]

سجلها هدرتها ولا ديرلها واحد من صحابك يتاستيها وريلو لابروف

تفكير خطير لكنو أقصر الحلول:d

 

[زهور الشوق]

السلام عليكم

اسمحلي خويا كاين سؤال محيرني..الطفلة هادي معندهاش عائلة؟ معندهاش اللي ينصحها ويوجهها ويحذرها من هاد الطريق؟
قلت قصة حب ولكن بأي صفة تجي لدار حبيبها؟؟
أسيدي نقولو جات ومرت عمك قابلة بهاد الشي ؟
مانيش ندخل في شؤونكم ونتجاهل الموضوع الرئيسي ولكن بعض المبادئ لقيتها غير موجودة وهذا أمر حيرني بزاف
من وجهة نظري الطفلة اللي يوصل بيها الامر انها تروح لدار حبيبها كفيلة بتبيان انعدام اخلاقياتها وذهاب عفتها وحيائها
وطبعا ان غاب الحياء فالمرء يفعل مايشاء
ربي يبعد عليكم الشر ويرزقكم كل خير
اعذرني أخي ما لقيت مانقول ...لانو نظن الامر غلط تمااااااما وقادرة بكلمة من عمك او مرتو تنتهي هاد المهزلة
الحب ماشي هو كلش كاين حاجات بزاف يسبقوه..والحب ماشي هو الزواج..الزواج مودة ورحمة وباش تكون فيه الراحة لازم يكون مبني ع طاعة ربي سبحانو اساسا لانو يا اخي الفاضل اللي يبدا بلحرام عمرو ما يكمل بلحلال والا كمل عمرو ما ينجح
تحياتي اخي الكريم​

 

[yani thiziri]

السلام عليكم

اسمحلي خويا كاين سؤال محيرني..الطفلة هادي معندهاش عائلة؟ معندهاش اللي ينصحها ويوجهها ويحذرها من هاد الطريق؟
قلت قصة حب ولكن بأي صفة تجي لدار حبيبها؟؟
أسيدي نقولو جات ومرت عمك قابلة بهاد الشي ؟
مانيش ندخل في شؤونكم ونتجاهل الموضوع الرئيسي ولكن بعض المبادئ لقيتها غير موجودة وهذا أمر حيرني بزاف
من وجهة نظري الطفلة اللي يوصل بيها الامر انها تروح لدار حبيبها كفيلة بتبيان انعدام اخلاقياتها وذهاب عفتها وحيائها
وطبعا ان غاب الحياء فالمرء يفعل مايشاء
ربي يبعد عليكم الشر ويرزقكم كل خير
اعذرني أخي ما لقيت مانقول ...لانو نظن الامر غلط تمااااااما وقادرة بكلمة من عمك او مرتو تنتهي هاد المهزلة
الحب ماشي هو كلش كاين حاجات بزاف يسبقوه..والحب ماشي هو الزواج..الزواج مودة ورحمة وباش تكون فيه الراحة لازم يكون مبني ع طاعة ربي سبحانو اساسا لانو يا اخي الفاضل اللي يبدا بلحرام عمرو ما يكمل بلحلال والا كمل عمرو ما ينجح
تحياتي اخي الكريم​

نسيت باش نقلكم واش تجيه

ولد عمي عندو بنت خالتو

وهاذي الطفلة هي بنت عم بنت خالتو

ودار عمي اوفار في العقلية ميقولوش كي تجي اكي تعرفي

لقبايل

ومغلتطيش كي قلتي هاذي الطفلة ماشي مربية وقبيحة

وقادر نكون معاها ذيب وندير معاها علاقة غير شرعية

ونبعدها على ولد عمي ونفسلدها سمعتها يعني نخدعها

وتخلصها غالية على مخالطتنا

مي واش داني للبلا ولد عمي هو لي يتحمل المسؤولية

والمالوغ انو عمي متوفي الله يرحمو سي تا ديغ ولد عمي

كلمتو مسموعة في الدار

 

[ضيوف وسـنغادر]

عجيب عجيب عجيب !!!
صرآحة اعتذر انها من جنس حوآء فهي لا تستحقــ هذا
ايضا انا لا انخرط ولا اهتم بهكذا امور لكن اتعجب لكل ما يحصل
اين اوليائها ؟ اين عفتها ؟ اين ضميرها ؟
حسبي الله ونعم الوكيل ربي يهدي من خلقــ
اللهم ابعدنا عن طريقــ الضلال
........​

 

[عاشقة الصمت 13]

مادام ولد عمك داير عليها هاكدة هيمالا الهدرة ماتكلش معاه .....
اجيه بالحجة ...حكم عليها les preuves هاكدة بلا على ربي يصدق ......واذا عيطتلك هز قدامه وخليه يسمع بوذنه وعطيها الريح اللي هو دير روحك بهلول وخليها الحفرة اللي حفرتها بيدها طيح فيها ......
الله يجيب الخير ويكون فعونك ​

 

[jojo chawiya]

يا خويا حكايتك مخلطة فيها شخصيات بزاااااااااااف

المهم من خلال الجزء البسيط لي قدرت نفهمو نقلك اخطيك لي يحب يدير حاجة ربي يسهل ليه المهم انت خليك بعيد على المشكل لكل