مشكلتي مع عائلة أمي

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
678
النقاط
51
السلام عليكم ورحمة الله

دائما اقرا مواضيع القسم واليوم أردت ان اطلب منكم افادتي ورايكم في مشكلتي

اولا مشكلتي كلها مع عائلة امي ماللي كنا صغار ما يحبوناش يحوسوا غير يذلونا

آذاونا بزاف آذاو الام نتاعنا

دائما دايرين الفرق

تامنو جداتي خوالي خالاتي رجعت نكرههم ونكره نسمع كلمة عليهم

هوما خالعين رواحهم بالدراهم والاسم وحنا الحمد لله مش ناقصين مي تربيتنا صحيحة ومتركزة على الاحترام

ديفوا ندابز مع امي علاجالهم نقوللها ما تحكيليش علا ملتهم

هي الجدة نتاعي كاتاستروف حاجة جايبة عمرة حابة تزيد اخرى من جيهة ومن جيهة اخرى تفرق بين ولادها وتحب غير المادة

يعني تعطيها الدراهم تحبك والعكس

مرا لا حول ولا قوة الا بالله

وامور اخرى .. المهم هاذي كلها مشكلتها وما تهمنيش ماراحش نتحاسب مكانها

انا مشكلتي بكري كي كنا نعانيوا تمرمدنا وعشنا يامات صعاب خلاص واحد ما سمع بينا ولا وقف معانا

واليوم كي كبرنا والحمد لله اللي رجعوا مهندسين واللي قيمتو علات وربي فتح عليه بالشي اللي هوما ما صحلهمش مالقري واش يسعاو رجعوا يحسدونا

كل يوم حكايتنا على طرف لسانهم يظلوا يحوسوا في خبارنا وانا اللي يوجعني كي يخربولي في خاوتي ولا والديا وهوما رزقي الكبير فهاد الدنيا وما نحملش كي يبداو يتوشيوا فيهم

والواعرة اللي تقتلني كي يتفكرونا غير في صوالحهم مين يبقاو حاشاكم كي الكلاب وواحد ما يرونديلهم سارفيس يرجعوا لولاد سي عبد القادر يحوسا عليهم وتما عاد يتفكروهم غير على حوايجهم مي حنا متربيين وتربيتنا ما سمحتلناش باش نداتبزوهم والله غير علا وجه الميمة اللي ما نردوهمش رغم انو القلب كحل من جيهتهم

بالنسبة ليا وصلوا برميو عليا مرض ما فياش غير باش الحكاية توصل للانسان اللي خطبني ويرفضني لانهم رجعوني علاحسابهم مام نتزوج ما نجيبش دراري

المهم انا حسبي الله ونعم الوكيل

المغزي كلو حبيت تنصحوني

وانا حابة قلبي يصفى لاني في حياتي ما ظلمت واحد ولا حقدت عليه والله ابي ربانا احسن تربية والحمد لله تعبو فاد

راهو جاي رمضان مانيش حابة ربي سبحانو يقطعني لاني عارفة بللي اللي يقطع رحمو ربي يقطعو وانا الحمد لله متحجبة حجاب شرعي وملتزمة ومحافظة على صلاتي وراضيا والديا

مي والله غير لوكان نشوفهم ولا نروحلهم نمرض اكثر وربي ادرى راني غير من بعيد وراني نعاني

نتمنى لوكان ما نشوفهمش حياتي كاملة

قوم في حياتي ما شفتش كيفهم

سامحوني على كلامي اذا كان ثقيل عليكم

نتمنى تنصحوني ولو بكلمة طيبة وما تنساونيش مالدعاء

ربي يصلح احوالنا واحوالكم




 

راضية حامدة

*أستاذة* عضو شرفي
إنضم
30 أفريل 2010
المشاركات
1,279
النقاط
71
تم الاعتماد

حذاري توقعي في قطع صلة الرحم
وكلي ربي عليهم و ادفعي بالتي هي احسن
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
وعليكُم السّلام ورحمةُ اللّه تعآلى وبركــآتُه
أولا أختي الكريمة أٌقول لكِ رمضان كريــم وكُل عام وأنتِ والعائلة بألف خير
ثانــيا : والله يا أختي الغالية كلّ مــاذكرتيه أعيشه يوميــاً ولكن عائلة الأب وليس الأم
وبالإضافة لكلّ ما ذكرتِه من إساءة فلم يستغنُوا حتّى عن قطعِ الغاز في الشتاء القارص و الكهرباء في الصّيف الحار
وبالإضافة لأشياء لا يمكِنُ حتّى ذكرها فنحن مقبِلُون على شهر الصيام والغفران و نرجو من الله أن يغفر لهم بدلاً من ذكر مساوئهم
ولكن ما أوّد التأكيد عليه هو مقابلة الظُّلم بالإحسان ،، فمهما تواصلت الإساءة قابليها دوما بالإحسان
أُتركِ أمركِ دائما على الله تعالى وهو لن يخيّبكِ ،، وأنا أقول هذا عن تجربة أختي الكريمة
وارجو من الله أن ينزل الرحمة في قلوب جميع البشر ويهديهم في هذا الشّهر الفضيل
واسألُ الله ان يوفّقك أختِي الكريمة ، تقبّلي مروري
 

Telemly

:: عضو مُشارك ::
إنضم
18 جانفي 2009
المشاركات
224
النقاط
13

mon frère , un conseil , pour moi la famille s’arrête sur le PÈRE , LA MÈRE, FRÈRES ET SŒURS
autres choses c'est de la foutaise pour moi , que chacun s'occupe de ses propres enfants ; et c'est TON BONHEUR pas le leurs !
regarde juste les problèmes qui existes dans les couples ou dans les familles ! c'est toujours LA GRANDE FAMILLE qui est responsable ; tu trouvera toujours un oncle , une tante un cousin une cousine !!
ya Alah , c'est vrai " silate El Rahim " mais ya des limites a tous ça !
basta ; c'est ta vie
bon courage
 

عاشقة الصمت 13

:: عضو مُتميز ::
إنضم
2 سبتمبر 2013
المشاركات
733
النقاط
31
وعليكم السلام ورحمة الله وبركاته
المغزى من الحكاية
قابلي السيئة بالحسنة
ماعلباليش اذا غادي تنبلع معاك مي النتيجة مضمونة هي كي تحطي راسك على الوسادة وتتفكري غادي تحمدي الله على العقل اللي عطاهلك ربي سبحانه
(بالتجريب)
 

زيزي احمد

:: عضو مُشارك ::
إنضم
27 أكتوبر 2011
المشاركات
270
النقاط
13
عيشي حياتك كما تشائين و اتركي ما لا تحبين و اجتهدي لإرضاء الله و الوالدين تنالي ما ترغبين و تفرحي بإذن رب العالمين
 
الحالة
مغلق ولا يسمح بالمزيد من الردود.
Top