نديها بوقوصة

[ThIs Is Me]

السلام عليكم و صحا رمضانكم


ان شاء الله قاع تكونو بيااااااان

نظن فهمتو الموضوع مالعنوان

plupart ايgولو انا نديها بوgوصة
مفهمتش اعلاش ؟؟



فهموني
​

 

[Ma$Ter]

السلام عليكم ورحمة الله
مش الناس كامل تحوس على الزين
اذا كانت مقبولة الجمال ومتربية احسن من بوقوسة وما تتعاشرش
ربي يرزقنا الزوجة الصالحة

..
ملاحظة صغيرة اختى
المرة الجاية حاولى تتوسعس فى الموضوع شوى
لانو هذا محتواه صغير ومخالف للمنتدى لاكن وافت عليه
صحا فطورك
​

 

["Màrià"]

ههههه
يحبو الزين
​

 

[شاعرة المستقبل]

حبيبتي كاين يحب يتقلش بيها قدام صحابو

وكاين الي مريض بالزين يحبها زينة

 

["Màrià"]

يا ودي راكي تشوفي
تمسخير !!
​

 

[barca.moha]

نكدبو على رواحنا نبغو الزين الله غالب
الخرطي نتاع انا نبغي العقلية ومش عارف قاع مكاش منه
يلقاها ماشي شابة يسمح فيها
وتاني الزين مابنى الدار الواحد كيبغي يتزوج يجيب وحدة مقبولة الشكل .. الأخلاق .. الدين .. تعرف طيب .. وو وو
أياا ســـــلآم
​

 

[prince of love]

السلآم عليكم


ايه كاين لي يحب الجمال

ومن حقو ثــآني
​

 

[جمال أمي]

السلام عليكم

الدين

التربية الحسنة

الأخلاق الحميدة

قبل كل شئ و من ثم يأتي الجمال

من أراد زوجة صالحة عليه أن يرى للأخلاق أولا قبل الجمال

 

[شاعرة المستقبل]

انا نوافق الي يحب الزين
خويا قال لماما شوفيهالي مقبولة قلتلها شوفيلو زينة خير ههههه

 

["Màrià"]

هههههه
كل واحد و رايو
​

 

[الحلم الوردي]

السلآم عليكم
بالنسبة انت كي قولتي نديها بوقوسة
باسكو هدا واش راهو كاين في وقتنا
مي لوكان الواحد يحوس غير على الزيين تكون العقلية ماشي مليحة
صح الله جميل يحب الجمـآل
هي تكون مقبولة الشكل وناس ملاح وزيد تكون تعرف كل شيء قصدي على الحياة المنزلية
ومام يقولك الزيين زيين لفعايل ماشي حاجة اخرى
هدا مكان
صحا فطورك
​

 

[Louiza R]

يكذب عليك لي يقلك ميهمنيش آلزين.
بصح تختلفة درجة آلأهمية تــآعو بين كل فرد و فرد; كـآين لي يقلك يحوسهـآ فآئقة آلجمــآل كـآين لي يقولك نورمــآل متوسطة.. تسمــآ منقدروش نحكمو على آلجميع كل وآحد و تخمـآمو و أولويــآتو ودرجة النضج تــآعو.​

 

[Ma$Ter]

كاين حاجة اخرى
انو مثلا تجيب طفلة وخمس رجال
وتسال الرجال واش رايكم فى جمال هاذ البنت
ما راح تكون نفس الاجابة
كل واحد وواش يعجبو
كاين لتعجبو البيضاء وكاين لى يحب السمراء ....

​

 

[نَدَى اليَآسَمين]

الزين ماشي كلشي

كي تكون زينة و فعايلها مش ملاح وش راح يدير بيها يعلقها كادر يشوفها ؟

المهم تكون بنت فاميليا و فحلة و مقبولة الشكل

الله يرزقنا كاملين ولاد الحلال
​

 

[MiriRina]

كل واحد واش يحب
مي الزين مايهمش بزاف المهم تكون مقبولة
والصح كامل في الاخلاق والتربية

 

[السلطانة]

وعليكم السلام

كل واحد وكيفاه يشوف الزين في المرا لي حاب يتزوج بيها lol

اخرتها ربي يمد على قد القلوب

صحيت

سلامي

 

[djamila bella]

السلام عليكم أنا من رايي مابقاش لي يحوس على العقلية الا من رحم ربي كل يحوسو على الزين الرجال و النسا كيفكيف
كيما اختي خطبها واحد ماقبلاتوش خاطر ماهوش مليح و انا ديما نقولها شوفي العقلية قبل الزين يزيد شوي يروح ياما بنات نعرفهم يهبلو في الزي مبصح شريرات و انانيات و يتكبرو بزاف biensure مش كل البنات ولا الولاد هك

 

[salma zayna]

الله يهديهم راهم طايحين على لبنات لي تحت 20 كي الدبان تقول هي لي راح ترجعوا راجل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مافهمتش يمشي مع وحدة 5 سنوات ومن بعد يقولها يما خطبتلي

 

[farah mira]

السلام عليكم ورحمة الله
الأخلاق أولا قبل الجمال
​

 

[ThIs Is Me]

salamo alaikom
saha ftorkom
ana tani rayi men rayokom il faut tkoun chaba
mais kayen wahdin meme tkoun mechi metrebiya me ki jat chaba saye normal
cest graaaaaave