هذه مشكلتي ‏2

مشكلتي

كلمة المرور: 4algeria2024
إنضم
19 أكتوبر 2013
المشاركات
785
نقاط التفاعل
4,372
النقاط
51
السلام عليكم
انا صاحب هذه مشكلتي
شكرا لكل من رد على موضعي و ساعدني
ــــــــــــــابدا مشكلتي ــــــــــــــــــــــــــــــــ
اليوم ثاني عندي مشكلة في نفس الموضوع
هذاك النهار لي حطيت فيه الموضوع غدوة من بعد رحت طلبت السماح و مشا كلشي bien
نهار الخميس لي فات كي رحت لطبيبة نسائية ديتلها التحاليل قاتلي مرضها تقدر تعالجو بالدوا برك
متتصوروش قدماه فرحت
رحت للدار باش نقول لمرتي هاذ الشي
كي دخلت للدار رحت ديراكت ليها باش نخبرها
بقينا نهدروا نهدروا حتى تقريب بديت نقوللها دقدق الباب راحت تحل
كي وقفت مانشوف غير طاحت منها بلاكة تاع دوا !
داني الفضول باش نعرف تاع واه (على خاطر زوجتي ماش مريضة )
كي قاعد نقرا تاع نقرا لقيتوا دوا يمنع الانجاب (اااااااه كان غي مهزيتوش)
كي جات قلتلها تاع من هاذا قاتلي واش هذا منعرف بالحاح مني حتى قاتلي تاعي :cray02::cray02::cray02::cray02:
انا من شدة قلقتي عمبالي بلي اذا قعدت راني راح ندير حاجة ماش مليحة خرجت بلا ماننطق حتى كلمة
و راني لحد الان مانيش هادر معاها
تعيشوا قوليلي واش ندير و الله ماعالم بيّ غير ربي




سلام
 
آخر تعديل بواسطة المشرف:
تم الاعتماد
الحمد لله حمدا كثيرا طيبا مباركا فيه

اما عن حبوب منع الحمل لي لقيتها
حبوب منع الحمل عبارة عن هرمونات اصطناعية تستعمل لمنع الحمل
لكن في نفس الوقت يمدوها في بعض الحالات للعلاج
مثلا علاج بعض حالات العقم لي سببها اضطراب هرموني يمدولها هرمونات اصناعية باش يتعدل مستوى بعض الهرمونات تاخذو لمدة شهر حتى ثلاثة اشهر حتى تتعدل هرموناتها
و ايضا يمدوه للمراه لي عندها هرمون الحليب طالع و مش شرط تكون متزوجة لانو الكثير لما يسمعو هرمون الحليب يتخيلوها مرضعة و الحقيقة لا مش شرط تكون مرضعة
و يمدوه ايضا لعلاج الحب الشباب و اضطرابات الدورة ووووو
باختصار كل شي عندو علاقة بالهرمونات

و اكيد انه زوجتك مستحيل تكون تاخذ في الحبوب هذي منذ سنوات
مستحيل
اكيد راهي تعالج في روحها و ربما خبات عليك الامر لاسباب ما
هذا مش مشكل يا اخي
اقرا و زيد اطلع على استعمالات الحبوب هاذي
ما تتوسوسش
افهم منها بالعقل و ان شاء يا رب تبشرنا قريبا جدا بحملها يا رب
 
وعليكم السلام اضافة ليما قاتلك الاخت راضية
نقولك زيد افتح باب النقاش مع زوجتك في الموضوع وافهم منها متتسرعش بالحكم عليها
ربي يوفقك
 
وعليكم السلاااااااام

خويا لعزيز ... أولا نشكرك على التعقيب والحمدولله فرحتلك كي بديت ترجع فالمياه لمجاريها

وأيضا على هداك الأمل اللي بدا يبان من طرف الطبيبة
وان شاء الله خير

أما مشكلتك الجديدة
يا خويا أول شي امسح من بالك كل الأمور السلبية لي راك تفكّر فيها .. ونحي كامل التوسويس
وأحسن الظن بزوجتك .. وحط يدك في يدها باش تخرجو في زوج من هاد الدوامة

أتحاورو ، اتناقشو ، خليو شفافية تامة بيناتكم .. مهما كانت أسبابها حاول تفهمها بطريقة هادئة
أنو مالازمش تخبيو على بعضاكم الا اذا كانت تحس بلي حابة تديرلك مفاجأة وتفرحّك
كيما قالت الاخت راضية قاعدة تعالج بطريقتها الخاصة

خويا صدقني هدا مش مشكل .. بسّطها ورح يفرج عليكم ربي إن شاء الله
 
و عليكم السلام
و الله كيما قريت في الاول فرحت بزاف و كامل دعينالك و ربي ان شاء الله ما خيببكش
اما عن زوجتك فتناقش معها في هذا الموضوع و اعرف السبب ثم قرر يمكن سبب خلاها تاخذ هذا الدواء
ربي يرزقكم بالذرية الصالحة
 
الحاجة اللي نردلك عليها هيا انك فرحتنا كي مرتك عندها امل بالانجاب الحمد لله اللي خلق مايضيع اتاكد...يامحاينك نورمالمون ديرلنا عرضة (امزح طبعا)

المهم و هذاي تاع البلاكة جابلي ربي ماهيش مشكلة اصلا لانو عندها بزاف استعمالات هذاك الدواء وسع بالك و اتفكر انك قبل اشهر كمن تخمم باش تطلgها و دروك راه رجعلك امل اكبير باش تولي اب ......نسيت كلشي يا صديقي.انا نظن تروح تصالح مرتك و تبشرها بالخبر و فيه خير ان شاء الله .
 
رايي من راي الاخت راضية
لكن اسكوت عمرو ما يكون الحل
ناقش الموضوع معها وافهم منها
ومن بعد احكم

بالتوفيق
 
رد: هذه مشكلتي ‏2

ربي يهدي سركم خويا وترجع المياه لمجاريها
وتصلح الامور بينكم
 
رد: هذه مشكلتي ‏2

وعليكم السلام اضافة ليما قاتلك الاخت راضية
نقولك زيد افتح باب النقاش مع زوجتك في الموضوع وافهم منها متتسرعش بالحكم عليها
ربي يوفقك
 
رد: هذه مشكلتي ‏2

السلام عليكم ورحمة الله وباركته

لاتقلق اخي الكريم دواء عدم الانجاذب ليس له اضرار ولكن عند افراط بتناوله اكيد توجد اضرار

ولكن سوف انصحك بطريقة اتمنى تجدو طريقة للحل المشكلة التي بينكم

وان شاء الله مايكون الا الخير
 
رد: هذه مشكلتي ‏2

بالحسني فرفقا بالقوارير فهن رغم ضعفهم لا تفهم فيما يفكرون
 
رد: هذه مشكلتي ‏2

وعليكم السلام
اخي حاول تجلس مع زوجتك وتتحاور بالهداوة معاها و سقسيها علاش راها تستخدم فيهم
ربي يهدي سركم
 
رد: هذه مشكلتي ‏2

السلام عليكم

ملاحظة فقط وإن كانت للمشرفين قبل الأعضاء وخاصة للأعضاء الجدد
مثلا اليوم تتتابع مشاركات في هذا الموضوع وكما نعلة الموضوع عنده سنة منذ أن طرح يعني المشكل قد يكون إنتها لامحال باي صيغة من الصيغ ونتمنى أن يكون أنتهى بتوطيد العلاقة وإنجاب الذرية الطيبة إن شاءالله *
ملا حطتي هي على كل مشارك أن ينظر مع العنوان التاريخ كذالك ونوع القضية هل باقية سارية المفعول أو أن حالها قد يكون مرحلي فقط ولا داعي للنبش فيما مضى*
حتى وأنا أكتب لم اطلع على من هم المشرفون على هذى المنتدى ولكن ملاحظتي عامة أخص بها كل منتديات اللمة*​

تقبلوا تحياتي
 
رد: هذه مشكلتي ‏2

ان شاء الله خير و ان شاء الله يرزقك بالذرية الصالحة
 
رد: هذه مشكلتي ‏2

اعتبر الحياة الزوجية كخطي السكة الحديدية ، لا يتباعدان ولا يتصدمان حتى يصلا سويا إلى المحطة . حاول إجاد حل لما انت فيه فأنت الرجل . و الرجال قوامون على النساء
 
رد: هذه مشكلتي ‏2

أصعب حاجة انك ما تحكيش مع زوجتك تضرو رواحكم برك
ممكن هي تاعبة هادي المدة ماشي تحوس على ولاد ديجا غلطت كي مهدرتش معاها نورمالمو تتفاهمو
و تعرف علاش
ماشي ترفد روحك و تروح
المهم الي فيها الخير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top