مرانيش معاك سلسبيلة فهاد النقطة
احنا لا ندرس لأجل الشهادات فقط بل ندرسو لأجل العلم في حد ذاته
يعني العلم هو غاية وليس وسيلة
ربما انتوما طيحكم ربي في أساتتذة ما مدولكم والو
مي انا مثلا والحمدلله تعلمت في حياتي الدراسية الكثير ومزالني نحب نتعلم مش شرط أكاديميا
لأنو أي واحد فينا يقدر يطور من نفسو فكريا
أبسط مثال
أنا كنت نقرا علمي وتفوقت في دراستي وجبت الباك بمعدل مليح يأهلني باش ندير طب
ربي سبحانو أراد نسلك طريق آخر ودرست الإعلام وتخصصت فالعلاقات العامة والإعلان
أنا حبيت هدا التخصص رغم انهم قراونا نظريا فقط والتطبيق النافع ربي
ما فادتنيش دراستي مع اللول كي تخرجت رغم اني بديت نخدم بعد شهر من تخرجي إلا قليلا
لكني طورت روحي وبذلت مجهود باش نتعلم التصميم ببرامج التصميم
والفضل الأول يرجع لأبي اللي علمني العمل بالكمبيوتر وانا عمري لا يتجاوز 12 سنة تقدري تقولي لما كان قليل اللي يستعمل الميكرو
ودوكا الحمدلله راني نخدم في مجال نحبو وهو نفسو مجال تخصصي
خلاصة القول : أطلبوا العلم من المهد إلى اللحد
مش شرط فالمدرسة أو الجامعة
تقدر آهات قلب تتعلم من النت أو تسجل في مدارس لغات أووو
الاقتراحات كثيرة هي فقط تقرر إذا ماكانش حائل يمنعها
وربي يوفقها ويوفقنا جميعا
[/CENTER]
[/SIZE][/FONT]
