وعلاش صرالي هكا ؟؟؟؟؟؟؟؟؟

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
692
النقاط
51
السلام عليكم
يا خاوتي ارواحوا ليا راني رايحة نموت خلاص ما لقيت واش ندير حكايتي طويلة بزاف لكن انا نختصر فيها و ان شاء الله تفهموني
حاولت شحال من مرة نننتحر لكن ما قدرتش
انا فتاة في عمري 18 سنة انا حبيت واحد حكيت معاه في البورتابل برك ما نعرفوش في وجهوا لكن هو يعرفني 3 سنوات و حنا نحكيوا كيما جا يخطبني ما قبلوش دارنا و رفضوه خلاص خلاص حاولت معاهم بكيت مرضت على جالو دخلت لسبيطار والو ما كانش الرحمة في قلوبهم قلتلو خلاص ما عندي ما ندير هو بقا متمسك بيا و قالي نحبك و نموت عليك و ما نقدرش نعيش بلا بيك قتلو انا ثاني لكن ما عندنا واش نديروا قالي كاين واش نديروا هيا تهربي معايا انا تشوكيت و ما حبيتش لكن هو حطني انا اللي ما حبيتش و مرة انا ماشية في الطريق حتى خطفني اتصوروا ما يحشم لاوالو اداني و اغتصبني الله لا تربحوا رحت لدارنا قلت لماما و الله كانني ماهدرتش قتلي واش دخلني شوفي هذي ام هذي والآن انا حامل ما لقيت غير حل واحد فقط هو انني ننتحر و نتهنى عييت واش ندير لروحي درك شوية نولي نبان و نتفضح و الله يا خاوتي خاطيني هو و الله هو يا ربي واش ندير قولولي انا واش دنبي واش درت راني في الشهر 5 و الحمل بدا يبان عليا لكن ما حبوش يمدوني ليه اداوني لطبيب باش يطيحولي البيبي لكن ما حبش يطيح شربت كلشي عملت كلشي ما طاحش و الآن انا مجبرة باش نقتل روحي
ما لقيتش حل خلاف يا ربي يا ربي انا علاه انا علاه كل ما عملتوا اني حبيتوا و هو واش دار فيا لا حوله و لا قوة الا بالله العلي العظيم
نتمنى تنصحوني الله يجازيكم خير لكن ما تجرحونيش اللي فيا مكفيني
 

راضية حامدة

*أستاذة* عضو شرفي
إنضم
30 أفريل 2010
المشاركات
1,279
النقاط
71
رد: وعلاش صرالي هكا ؟؟؟؟؟؟؟؟؟

الان عمرك 18 معناها كي بديتي تهدري معاه كان عندك 15
و هو يحبك بزاف و ربما دفعو حبه باش عمل وش عمل وين راه الان؟ و وش راه يقول؟
و شكون لي داك للطبيب حبو يطيحولك البيبي؟
و اذا كانو اهلك اذن علاش تقولي ننتحر
راهم عارفين خلاص خليهم

خليتيلي بزاف اسئلة في راسي ما عرفتض وش نقولك
ربي يجيب الخير
و يا ريت تفهمينا في التفاصيل
 

hadil21

:: عضو مُتميز ::
إنضم
27 فيفري 2015
المشاركات
1,402
النقاط
71
رد: وعلاش صرالي هكا ؟؟؟؟؟؟؟؟؟

اسمحيلي اختي مالقيت واش نقولك
ربي يجيب الخير وخلاص
 

اسماعيل22

:: عضو فعّال ::
إنضم
26 جوان 2011
المشاركات
1,759
النقاط
111
العمر
26
محل الإقامة
sidi bel abbes
الجنس
ذكر
رد: وعلاش صرالي هكا ؟؟؟؟؟؟؟؟؟

كلامي من نفس كلام الأخت راضية حامدة
لم تتكلمي إذا كان يعلم الوالد بالحمل ؟واش قال؟
الأهل هل تقدمو بشكوى ضده؟
ظروف العائلة كيفاه؟ حتى نفهم العقلية اللي تتمشى بيها عائلتك؟

إن شاء الله تعطينا التفاصيل و نحاولو نساعدوك بحول الله
لكن برك نقول المسؤولية هادي راهي مشتاركة بيناتكم مهما كان الحال أنت و هو
سلام
 

@R@ZIK

:: عضو بارز ::
إنضم
2 أكتوبر 2007
المشاركات
6,761
النقاط
351
رد: وعلاش صرالي هكا ؟؟؟؟؟؟؟؟؟

لا حول ولا قوة الا بالله
انت فتاة 18 سنة مازالك صغيرة
انت قلتي قلتي للماماك واش قالت
هنا السؤال محير
الاهل عارفين وكيف راكي عايشة معاهم المعاملة
وقاع واش صرا مازالو رافضين ما فهمتش

انت علاه تحوسي تقتلي روحك لانك حامل ولا لانهم ماحبوش يزوجوك بيه رغم واش صرا
لازم نفهموا شوية كيما قالت الاخت راضية والاخ اسماعي
باه نقدرو نعونوك
ربي يجيب الخير
اتق الله في نفسك الانتحار عمرو ما حل المشاكل
بالعكس
هذا الشي حرام في حق نفس


لي عودة



 

نجيب

:: عضو متألق ::
إنضم
28 فيفري 2007
المشاركات
4,723
النقاط
191
محل الإقامة
تلمسان
الجنس
ذكر
رد: وعلاش صرالي هكا ؟؟؟؟؟؟؟؟؟

انا ما فهمت والو و الى حد الان القصة منيش فهمها


لازم تحكي بكل صراحة انا شخصيا فاتو علي هد الصوالح


و مشي ساهل باش لبنت تولي حامل
 

آهات القلب

:: عضو مُتميز ::
إنضم
11 جانفي 2015
المشاركات
1,016
النقاط
71
رد: وعلاش صرالي هكا ؟؟؟؟؟؟؟؟؟

لا حول و لا قوة الا بالله
ادعي ربي اختي واش من تقتلي روحك قلتي بلي هو ماشي انت رحتي برجليك ليه
و الله قصة نشوفوها غير في المسلسلات التركية
ربي يجيب الخير
اختك في الله
 

chr-ndj

:: عضو مُتميز ::
إنضم
26 جانفي 2012
المشاركات
1,341
النقاط
71
محل الإقامة
فلسطين
رد: وعلاش صرالي هكا ؟؟؟؟؟؟؟؟؟

الله اكبر

ختى القصة تاعك فيها حلقة مفقودة و الحاجة اى نقدر نقولهالك مع كا احتراماتى للحالة تاعك هى الانتحار لى راكى تخمى فيه ماعندو حتى معنى من واش راكى خايفة مدام ربى علابالو بلى نتى ضحية و اهلك تانى علابالهم و تانى مع ربى موش حل توبى لربى و انت مازالك صغيرة باش تقدرى تلقاي الحل خلى والديك يخمو و يديرو حل و من الاحسن يشكيو بيه و سامحينى ماتزيديش تقولى يحبنى لى يحب مايديرش هكذا و انت تانى غلطتى لازم تتحملى العواقب خااااااااااااطر غلطتى كى عرفت انسان كيفو فى عمر تاع 15 سنة راهى كااااااااارثة و نقولو عرفتيه ماقبلوش داركم مش راح تخلا دنيا ولا طيح سما حاولى تكبرى قلبك و توبى لربى و مازالت الدنيا قدامك ربى يتقبل توبتك و يعوضك على وش فات و ربى معاك _____________لا جا فى بالك و قدرتى من الاحسن توضحى القصة باش نفهمو و نعاونوك لبغى بالدعاء و ربى معاك ختى مازال الامل و باب التوبة مفتوح و ربى يجيبلك لى فيها خير و تفهمى ردة فعل اهلك ديرى روحك فى بلاصتهم تقبلى مرورى المتواضع
 

الباندي

:: عضو فعّال ::
إنضم
8 ديسمبر 2014
المشاركات
1,803
النقاط
71
رد: وعلاش صرالي هكا ؟؟؟؟؟؟؟؟؟

لكن ما حبوش يمدوني ليه اداوني لطبيب باش يطيحولي البيبي لكن ما حبش يطيح

اختي راكي دوختينا شويا شكون اللي داك ؟ و هذا الطبيب اللي داوك ليه ميخافش ربي ؟؟
واش معناها يطيحولك bébé غي ساهلة هذي الكلمة باش نgولوها... معناها رايحين تقتلو ا في روح كي انتي كي الطبيب كي اللي داك
اختي قصتك ناقصة من كل الجوانب من العائلة ذكرتي امك و من عائلته قلتي جاء خطبني معناها على الاقل فيها الشيبانية تاعه و لا خوه و لا الوالد تاعه .....اذن..... فاميلت السيد هذا نورمالمون عندهم دخل في وليدهم ....او على الاقل يكون منهم عاقل .....!!!!
اختي على حساب مانعرف نهار اللي تكبر الامور و توصل للحمل موالين الطفلة هوما اللي يحوسو بنتهم تنستر و تتزوج و تصلح ما يمكن اصلاحه انتي على العكس هوما و انتي بالحمل محبوش يزوجوك....غريبة قصتك فعلا
اذا بغيتي ديري تعقيب و حولي تشرحي اكثر ممكن جدا هنا الاعضاء يساعدوك ....
 

AmiR@RoRo

:: عضو شرفي ::
إنضم
6 جوان 2013
المشاركات
13,145
النقاط
401
الجنس
أنثى
رد: وعلاش صرالي هكا ؟؟؟؟؟؟؟؟؟

سبحان الله شحال شفنا من هاد القصص ومزال فنفس العقلية ومكانش الاتعاظ
ونتي واش داك تحكي معاه فالتلفون و3 سنين تاني ادا كان من لول ناويك للحلال بلا حكايات عليه يجي نيشان لداركم
وفالاخير راه باين واش كان يحوس لانو لو كان يحبك تع صح ميضعكش
ومزال ما فهمتش قصتك قد قد ياريت لو كان وضحتيلنا كتر
لانو شكون هادو لي يشوفو بنتهم هاك ويخلوها
ربي يهدينا ويبعد علينا ولاد الحرام
ربي يكون فعونك اختي
+مش اي حاجة تصرا تروحو للانتحار
استغفري مولاك وكما قالو تقتلي 2 ارواح
ربي يسهلك ويفرج عليك
 
آخر تعديل:

أم لينة

:: عضو شرفي ::
إنضم
18 سبتمبر 2012
المشاركات
2,193
النقاط
111
العمر
36
رد: وعلاش صرالي هكا ؟؟؟؟؟؟؟؟؟

لا حول و لاقوة الا بالله لا حول و لا قوة الا بالله العظيم ربي يغفرلك راها روح في احشاءك اذا انتحرتي راح تقتلي زوج ارواح استغفري ربك يا أختي الانتحار ليس حل كيفاش تحلي خطيئتك ممكن يغفرهالك ربي لكن الانتحار و قتل النفس لا يغتفر كيفاش تلاقي مولاك بعدها ؟؟؟توبي و استغفري و لكل مشكل حل باذن الله.
 

Amine7N

:: عضو فعّال ::
إنضم
1 أفريل 2008
المشاركات
2,651
النقاط
611
محل الإقامة
بين صفحـات التاريخ
الجنس
ذكر
رد: وعلاش صرالي هكا ؟؟؟؟؟؟؟؟؟

سهلة باه تنتحري !!!
تقتلي روحك وولدك !!!
و ربي بأي وجه تقابلينه !!!
ماوجديتش حل
روح أقرب فرقة للدرك الوطني وحرري شكوى ضد هذاك السيد
بالقانون العايلة نتاعك تتحط أمام الأمر الواقع
السيد يدير العقد والعايلة تقبل بالذراع
 

نجيب

:: عضو متألق ::
إنضم
28 فيفري 2007
المشاركات
4,723
النقاط
191
محل الإقامة
تلمسان
الجنس
ذكر
رد: وعلاش صرالي هكا ؟؟؟؟؟؟؟؟؟

سامحوني لاكن القصة هدي فيها أسرار كثيرة


من يخطف حبيبته؟؟؟؟


انا اد اردت ان التقي بحبيبتي ساتصل بها و ألتقي معها عادي؟؟؟؟


و كيف يكون الحمل من أول علاقة حميمية غصبا عنك؟؟؟

ربما الحمل كان ناتج من علاقة حميمية مقتنعة أنت بها و راضية بها


القصة يا صديقتي فيها اسرار كثيرة لاكن لا احد من الاعضاء ارد ان يجرك بالصراحة و لا تنزعجي من كلامي


نحن فقط نريد مساعدتك


اما عن الحمل تكلمتي و قلتي انك حاولت مع اهلك التخلص منه

كنتم قادرين على التخلص منه حتى الشهر الثالث

و انت كنت تعلمين بحملك من اول شهر

أولا العادة الشهرية

ثانية كنت تعلمين انك في تلك المدة اقمت علاقة جنسية.


لهدا انا اقول و اكرر هناك اشياء لا تريدين ان تتكلمي عنها و انت حرة في دالك.


نحن هنا فقط من اجل مساعدتك.
 

Hakan

:: مشرف ::
منتدى بوح القلم الحر
طاقم المشرفين
إنضم
10 أوت 2013
المشاركات
9,825
النقاط
2,201
الجنس
ذكر
رد: وعلاش صرالي هكا ؟؟؟؟؟؟؟؟؟

نقلك ختي روحي انتحري
وكي تنتحري راكي عارفة وين رااايحة تروحي
نعرف وااحد يحب طفلة مستحيل يتجرئ يمس شعرى من شعراتها
لانو عشق الروح اللتي تسكن جسدها
لكن هذاا العبد احب الجسد الذي تملكينه
وقام بخطفك بدون ان يفكر ولا لحظة بما سيكون من مشاكل تتعرضين لها
اختي انت حامل الان
فما ذنب هذا الصغير الذي تريدين اجهاضه
تقولين لم تستطيعي الاجهاض سبحان الله
كاين النساء النهار اللي يحملو يديرو البوسيبل باش ما يطيحوش البيبي ومن بعد يطيح هكاك ترفد مغرف يطيح البيبي نتاعها
وانت الطفل ما طاحش بالدواوات
وزيدي حااجة اخرى
تهدري مع واحد في التيليفون وما شفتيهش ابداااا
سبحان الله يعني ما تخميش طوول
هذا الانسان اللي ما قبلوش بيه البنات اللي عايش معااهم في الوااقع حتى تقبلي بيه انت
وفي الاخير ربي يغفرلك
وتوبي لربي راهو يغفر وحراام عليك الطفل هذاا اللي حابا طيحيه...
 
الحالة
مغلق ولا يسمح بالمزيد من الردود.
Top