ساعدووني راني نبكي

[العـآئـدة إلـى الله]

رد: ساعدووني راني نبكي

معليش يا ختي ، ماتقلقيش منّا
سواء من مشاركتي أو من اقتراحات خويا اسماعيل او غيرنا
رانا بنيّة صافية نحاولو نعاونوك ، ونلقاو حل فلربما كاين من هم في مثل مشكلتك

حسب واش فهمت ، انتي تبحثي على مكان في الانترنت فيه ناس محترمين
نعم انا نقولك بلي المنتدى احسن في هذه الحالة ، ولو بنسبة أقل شوية من الفايسبوك
لكن المشكل ، ماتخليش هاذ الأمور تأثر فيك كيما راهو مأثر فيك إدمان الفايسبوك حاليا

ومهما نشرحولك كيف تحصني نفسك في الفايسبوك يبدولي راكي مقتنعة أنو مضرّة
وما نخالفكش الرأي مادام هاذي قناعاتك ، رانا هنا على كل حال خاوة نتناقشو ونتحاورو
في حدود الاحترام وربي يبارك فيك
​

هذا هو بالضبط الآن صح راك فهمتني هذا وش راني حابة راني حابة مكان فيه اناس محترمين صدقني هذا وش حبيت لانو انا عجبني الحال فالمنتدى يعني متزوجين وهم هنا فالمنتدى وهذا وش شدني كتر وكتر
يا اخي انا فحالة مزرية صدقني قول عليا وش حبيت مي صدقني والله مقدرتش انا درك عندي ثلاث ايام مدخلتش فيسبوك مي وليت نبكي على خطرش موالفتش الفيسبوك انا والفت ,,, معلاباليش معرفتش كيفاش نوضحلك يا اخي
والله كرهت كلش حبيت نصيب لي يحكي معايا على الدين وعلى القران وعلى الثقافة التعليم هنا على الاقل ميطلبوش صورتك او صوتك او حاجات اخرى
قد ما حاولت نفهمكم مقدرتش نوصل للفكرة
ربي يخليك ويحفظك
وانا فرحت لانو اخي اسماعيل عطاني افكار هايلة وكلمات فرحولي قلبي
وحسيت انو مزالت الدنيا بخير كي كاين كيما انت يا اخي رؤوف وكيما اخي اسماعيل
ربي يخليك يعيشك

 

[stelllo]

رد: ساعدووني راني نبكي

تحتاجي الى الوقت والعزيمة
ربي يوفقك
والموضوع مش مستاهل تبكي عليه
وقرار مليح راكي درتيه

 

[بنت الـ25]

رد: ساعدووني راني نبكي

تخلعت مين قريت العنوان
وكي دخلت لقيت المشكلة متعلقة بالفايسيوك؟؟ معليناش، متزيديش تخلعينا هههه
مشكلتك انك كان عندك وقت فراغ كبير وكنتي تقضيه فالفيسبوك والحكايات اللي ما عندها حتى معنى
مي كي قفلتيه حسيتي بالفراغ هداك يطغى على ريتم حياتك
ادمان الفيسبوك فات علينا كامل مي كانت مرحلة وتجاوزناها
مثلا انا كنت كون ما ندخلش الفيسبوك نهار ديرلي الضيقة، وزدت والفت المزرعة السعيدة خخخخخخخخ إدمان صح
مي نهار قررت نحيه نحيتو وما تراجعتش ، شوية إرادة برك وعقل
ممبعد كي توالفي تولي تدخلي وتخرجي عادي
مع اللول صح رح تحسي بفراغ رهيب مي ممبعد كي تلقاي حاجة مفيدة أكثر تملاي بيها هداك الفراغ تحسي بلي ضيعتي وقت ثمين فالفيسبوك
علابالك ؟ ربي رح ما يسقسيكش وش كليتي وشحال عندك أصدقاء ووشمن عندك شهادة علمية .......الخ
الحديث التالي يوضح ثلاث اشياء يسأل عنها العبد يوم القيامة و هي مختصرة لدرجة توضح ما أريد قوله له
عَنِ النَّبِيِّ صَلَّى اللَّهُ عَلَيْهِ وَسَلَّمَ , قَالَ : " لا تَزُولُ قَدَمُ ابْنِ آدَمَ يَوْمَ الْقِيَامَةِ حَتَّى يُسْأَلَ عَنْ عُمُرِكَ فِيمَا أَفْنَيَتَهُ ، وَعَنْ شَبَابِكَ فِيمَا أَبْلَيْتَهُ ، وَعَنْ مَالِكَ مِنْ أَيْنَ اكْتَسَبْتَهُ وَفِيمَا أَنْفَقَتَهُ ، وَمَا عَمِلْتَ فِيمَا عَلِمْتَ " ​

عاودي حساباتك اختي وبركايك مالبكاء على الأشياء التافهة
ابكي على الأشياء اللي تستحق البكاء
​

 

[حياتي ابداع]

رد: ساعدووني راني نبكي

نصيحة لوجه الله
يخي انت لي نصحتيني بحفظ القرآن و حفظتي جزء عم بالأحكام. يعني راكي انسانة فيك خير.
أنا نقولك ابكي على نفسك ماشي على الفايسبوك.
الانسان المؤمن يبكي على فوات الطاعة و انتي تبكي على معصية مدرتيهاش.
اتقي الله و افطني.
زيد بالزايد فالمنتدى و راكي درتي صديق ماشي صديقة علاه خلاصو البنات من الدنيا. احذري صداقة الشباب حرام حتى و ان كنت تتكلمو في أشياء عادية ولا في القرآن و هذا من تزيين الشيطان للمعصية.
فاحذري كل الحذر من هذه الصداقات "و تحسبونه هينا و هو عند الله عظيم"
و في الأخير اسمحيلي على صراحتي.

 

[Oussama Golden Bird]

رد: ساعدووني راني نبكي

مساء الخير أختي عابرة السبيل ألف شكر لكي على الجرأة ولفت الإنتباه في طرح المشكل فهو ليس مشكلتك وفقط بل مشكل كل الناس مشكل العصر، عصر التطور والتقدم الذي يمتاز بعدة فوائد وبالمقابل مجموعة مشاكل فلكل شئ في الدنيا إيجابيات وسلبيات يعتمد على طريقة الإستعمال فقط. أنا من جهتي أهنئك أختي العزيزة والفاضلة على شجاعتكي في التخلص من الفيس بوك تلك المشكلة الأبدية التي تؤثر على وقتك وعملك وتؤثر على حياتك الاجتماعية بشكل كبير فبالإرادة يمكنكي الآن التخلص منه نهائيا ففي البداية عليكي أن تكوني مؤمنة من داخلك أنكي تريدين التخلص منه بدون أي شك ولا أي تردد فللعلم أن كل الخبراء يؤكدون أن “الوقت الضائع” على الإنترنت يكلّف الحكومات مليارات الدولارات، إنتاجيتنا في العمل تنخفض يوماً بعد يوم لأننا نقضي معظم ساعات النهار نتفقّد آخر تحديثات صفحتنا على “فايسبوك”، أو المواقع الإلكترونية الأخرى، وعوضاً أن نعمل على التخلّص من هذه الآفة، نجد أنفسنا غارقين أكثر فأكثر في العالم الإلكتروني، غير آبهين بعواقبه الوخيمة، حيث قال الله تعالى (وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ) فوجهة نظري أن تفكري في البحث عن بدائل فأكثري من قراءة كتاب الله للرفع من حسناتك فكل شئ فاني إلا أعمالك، مطالعة الكتب مثلا والجلوس مع العائلة فهو أهم وأجمل شئ فأهنئك أختي العزيزة للمرة الثانية وللمرة الألف على تخليكي لحسابك على الفايسبوك فهو شئ لا يستحق البكاء أو الندم عليه فأنتي إمرأة حرة لا تجعلي حياتك تتوقف وتتقيد بشئ كهذا فأنا هنا ونحن كل أعضاء المنتدى هنا كلنا أخ وأب وأم أخت وأصدقاء.​

 

[العـآئـدة إلـى الله]

رد: ساعدووني راني نبكي

نصيحة لوجه الله
يخي انت لي نصحتيني بحفظ القرآن و حفظتي جزء عم بالأحكام. يعني راكي انسانة فيك خير.
أنا نقولك ابكي على نفسك ماشي على الفايسبوك.
الانسان المؤمن يبكي على فوات الطاعة و انتي تبكي على معصية مدرتيهاش.
اتقي الله و افطني.
زيد بالزايد فالمنتدى و راكي درتي صديق ماشي صديقة علاه خلاصو البنات من الدنيا. احذري صداقة الشباب حرام حتى و ان كنت تتكلمو في أشياء عادية ولا في القرآن و هذا من تزيين الشيطان للمعصية.
فاحذري كل الحذر من هذه الصداقات "و تحسبونه هينا و هو عند الله عظيم"
و في الأخير اسمحيلي على صراحتي.

عجبتني صراحتك حسيت اختي الحقيقية ربي يخليك ليا
والله يا اختي انا لم اقصد اني تعرفت على صديق بالمعنى الذي فهمتموونه
انا قلت صديق يعني بنيتي
صح يا اختي عندك الحق والله غالب كشغل مرض وراني نداوي فيه بالعقل
ولحد الان مزال مرجعتش الفيسبوك وان شاء الله منرجعوش
ربي يخليك
انا راني نحاول باش نوصل 1000 مشاركة باش نحكي معكن وربي يخليكم :bravo01:
انا فرحاااااااااااانة معكم

 

[العـآئـدة إلـى الله]

رد: ساعدووني راني نبكي

تخلعت مين قريت العنوان
وكي دخلت لقيت المشكلة متعلقة بالفايسيوك؟؟ معليناش، متزيديش تخلعينا هههه
مشكلتك انك كان عندك وقت فراغ كبير وكنتي تقضيه فالفيسبوك والحكايات اللي ما عندها حتى معنى
مي كي قفلتيه حسيتي بالفراغ هداك يطغى على ريتم حياتك
ادمان الفيسبوك فات علينا كامل مي كانت مرحلة وتجاوزناها
مثلا انا كنت كون ما ندخلش الفيسبوك نهار ديرلي الضيقة، وزدت والفت المزرعة السعيدة خخخخخخخخ إدمان صح
مي نهار قررت نحيه نحيتو وما تراجعتش ، شوية إرادة برك وعقل
ممبعد كي توالفي تولي تدخلي وتخرجي عادي
مع اللول صح رح تحسي بفراغ رهيب مي ممبعد كي تلقاي حاجة مفيدة أكثر تملاي بيها هداك الفراغ تحسي بلي ضيعتي وقت ثمين فالفيسبوك
علابالك ؟ ربي رح ما يسقسيكش وش كليتي وشحال عندك أصدقاء ووشمن عندك شهادة علمية .......الخ
الحديث التالي يوضح ثلاث اشياء يسأل عنها العبد يوم القيامة و هي مختصرة لدرجة توضح ما أريد قوله له
عَنِ النَّبِيِّ صَلَّى اللَّهُ عَلَيْهِ وَسَلَّمَ , قَالَ : " لا تَزُولُ قَدَمُ ابْنِ آدَمَ يَوْمَ الْقِيَامَةِ حَتَّى يُسْأَلَ عَنْ عُمُرِكَ فِيمَا أَفْنَيَتَهُ ، وَعَنْ شَبَابِكَ فِيمَا أَبْلَيْتَهُ ، وَعَنْ مَالِكَ مِنْ أَيْنَ اكْتَسَبْتَهُ وَفِيمَا أَنْفَقَتَهُ ، وَمَا عَمِلْتَ فِيمَا عَلِمْتَ "

عاودي حساباتك اختي وبركايك مالبكاء على الأشياء التافهة
ابكي على الأشياء اللي تستحق البكاء
​

هههههه اسفة منزدش نعاود ههههه
مي صدقيني بالاك كترمن العنوان والله انا جاتني صعيبة بزاف
مي درك والله بكلامكم غير تشجعت ودرتولي ارادة وان شاء الله منوليش ليه
صح صح اشياء تافهة متستاهلش البكاء
ربي يخليكم ونتلاقاو فالجنة

 

[حياتي ابداع]

رد: ساعدووني راني نبكي

ربي يبارك فيك أختي
ماكانش اللي مغلطش في هذا الدنيا بصح الاهم انك تداركتي الأمر و راكي تصحي فيه. و خير الخطائين التوابون. و اعلمي أن الله يفرح بتوبتك فرحة عظيمة و اجعلي تركك للفايسبوك خالصا لوجه الله لتنالي أجر الصبر على المعصية.
ربي يثبتك و يقويك.

 

[العـآئـدة إلـى الله]

رد: ساعدووني راني نبكي

ان شاء الله يارب
جزاكي الله خيرا غاليتي
ان شا الله لما نطم 1000 مشاركة رح نحكي معكـ انت يا غالية

 

[Perle Blanche]

رد: ساعدووني راني نبكي

السلام عليكم
أختي مهيش الحاجة لي تجيك واعرة باه تخليها و لا تستغناي عليهاا
وهناا فاللمة رايحة تلقاي بلاك أكثر من الفايس
شوية ارادة برك و حاولي تحركي قلمك
تحياتي
​