مغمومة و مهمومة

[maryama louma]

السلام عليكم

مغمومة و مهمومة و راني نبكي في هادي اللحظة و ليس لي سواكم

انا اكتب لمجرد الكتابة لأخفف العبئ عن قلبي و عن عيني

حساسة أنا و اعجز عن علاجي ,, انا التي اطمع في علاج الملايين

انا انسانة مخلصة و وفية و ملتزمة و اطمع في بناء بيت بالحلال

خطيبي يعرف قاع وين راني رايحة و وين راني جاية

من نهار خطوبتنا عمري ما عتبت البيت بلا ما نخبرو

و يقتصر حديثنا على هاد الاشياء راني هنا راني لهيه لأني اعلم خطورة الخلوة بين الخطيبين

اليوم خرجت مع ماما نقضو حوايج الدار

و خبرتو بلي راني خارجة و أمنوني كل خطوة نخبرو بيها

و فجأة قالي بلي تيليفونو ديشارجا و راح يطفا

انا قلت ماعليهش كييوصل للدار يشارجيه

فاتت ساعة و 2 و 3 , 4 و الان فاتو 10 ساعات و مابان عليه حتى خبر

تحيرت و قلبت الدنيا و بكيت و ماما قاعدة تواسي فيا تقولي بالاك راه في بلاصة بعيدة بالاك عندو شغل بلاك بلاك ,,

حتى عيطت لأختو قالتلي رفد الكابة و راح للبحر

اتجننننننت ,, انا مقلقة و محيرة و مقيمة الدنيا و السي سيدي راه يبحر و يستجمم ,,

بكيت حتى قلت خلاااص

و قعدت غير نعيط و تجيني ديك اللي تقول بلي هاتف مراسلكم مغلق

و ماما دارتلي محاضرة قاتلي نتي ماعندكش شخصية انتي هكا و انتي هكا و انتي حليتيلو العين و ولفتيه

هو مبحر و انتي تندبي على راسي

قاتلي ما تقيميهش كي يعيطلك

راني حايرة و كارهة حياتي

و لحد الان تجي ديك المسخوطة اللي تقول ان جهاز مراسلكم مغلق

رااح نهبببببببل

 

[sahiko hamza]

رد: مغمومة و مهمومة

هههههههه

المسخوطة هذيك وش راح تقلك .. راح يتبحر متلا
انا نقلك ماتديريهاش في بالك
انا خطيبتي عادي كي مانقوللهاش اني مسافر
تعيطلي تقلي وينك نقلها اني في كذا
تتقلق صح مي من بعد والفت

الموصيبة انتوما لبنات كي مايحكيش معاكم زوجكم ولا خطيبكم تضنو غي الحاجة لي مش مليحة
وهنا بليس يبدى يتسلى بيك صح

ربي يبعدد علينا اخبار السوء
ربي يصلح حالنا اكل

.
​

 

[الزهرة الحمراء]

رد: مغمومة و مهمومة

السلام عليكم أختي
اولا استغفري مولاك وصليلك 2 ركعات باه تهداي
من بعدة كي يرجع ويحل التليفون تاعو ماشي تروحي شاعلة فيه وتتقابضوا حتى يولي مشكل كبير بيناتكم فحكي معاه وفهميه بلعقيلة برك وقوليلو انا مانحبش عفايس كيما هكا على خاطر نتحير علييك بلعقل برك يتحل كل شي وربي يفرج
​

 

[♫الباحثة عن الحظ♫]

رد: مغمومة و مهمومة

اهلين اختي ما تقلقي ما والو يمكن هو جاته الطريق للبحر وراح بدون ما يشارجي تيليفونه

استنى ومتقلقيش و يرجع بخير ان شاء الله

 

[ضآحكة مستبشرة]

رد: مغمومة و مهمومة

استغفري مولاك و استهداي بالرحمان حنونة
ميكون غير الخير
خليه على راحتوا و انتي متعبيش روحك​

 

[الباندي]

رد: مغمومة و مهمومة

بصحته هذا الراجل عنده وحدة تتقلق عليه و تبكي على جاله لدة غاب 10 سوايع برك ...ربي يتمملك بخير ..اختي و يجمع بيناتكم عن قريب ان شاء الله

متتقلقيش من بعد في الليل يرسلك ميساج و لا يعيطلك رضيك بيه

 

[بنقابي افتخر]

رد: مغمومة و مهمومة

ماتخمييييييش يديروها الاوادم هديوفعايلهم
دوك توالفي والله فكرتيني بايام الخطوبه هههههه ضحكتيني اضحك الله سنك
وكيماقالك هاديك المسخوطه علاه........ مسكينه هههههه
ايه هظي هيا الظنيا وهدا هو العدل انت مقلقه وقاتله روحك وهو يبحر ولا هلابالو
بصح نقولك عفسه الا عيط ماترديش عليه ولما تردي اشعلي الميوزيك وقوليلي راني في العرس مانيش نسمع فيك
وغلقي تم تم
وخليه يطيب .ههههه

 

[Malware Analyzer]

رد: مغمومة و مهمومة

maryama louma
في حياتنا هذه لازمو نبقاو عزاز صدقيني البشر كامل لو كل دقيقة تعيطيلهم وتتكلمي معاهم يملو منك ومايحسوش بقيمتك خلاص حتى ولو كنتي تخافي عليهم وتحبيهم حب شديد حتى ولو كان الأم ستمل منك إن كل دقيقة أحبك يا أمي أحبك يا أمي تفقد الكلمة مذاقها ومعناها .....

كذلك نحن البشر من تجارب رأيتها وعشتها بنفسي ووو
لازم تكون وسطي التجاهل يولد التجاهل
والاهتمام الزائد يولد النفور والكره والشبع وعدم الاحساس بقيمة الشيء
مثلا انا كي كنت صغير نحب الزيتون بزاااااااف لانو مايدخل للدار غير مرة كل عامين او ثلاث ... كي تاكلو تحس بواحد البنة لذيذ جدا بصح كي كبرت ولا كلما تحب تشريه تشريه فقد مذاقه وأصبح شيء عادي جدا ومع الوقت وليت ننفر حتى من أكله

هكذا الناس سواء كانوا نساء أو رجال إن شبعو من حاجة فقدت نكهتها ... على هذا تلقي انسان مرتو تحبو حب شديد وفي كل دقيقة تقولو نحبك ونعزك ومي يهرب يحوس على مرأة متقيموش هذيك يحس بقيمتها .....
وكذلك النساء
كلنا هكذا ...........
اذن الحل : يا اختي الطبيبة النفسانية التي انا اثق بها انها ستكون خير انسانة تفعل الخير لوجه الله عز وجل لترضي الله فقط
لا تتصلي بيه في كل خرجة بل أجعلي نفسك من الآن عزيزة ومديريش المشاكل معاه وماتحكيش بزاف .. النساء يحبو يحكو في التفاصيل احكي كلمة زوج وخلي واغلقي خلي غموض في شخصيتك هذا الشيء فطريا زوجك يحس بقيمتك ومايبدلكش بكنوز الدنيا
واعتذر على الإطالة في الكلام



لقد جربتي الاهتمام الزائد الآن نصيحة أخ لوجه الله إياك ثم ايااك من التجاهل الشديد
كل شيء في هذه الدنيا وسطي
ما بين الاهتمام والتجاهل تجاهل لحظات واهتمام لحظات متساوية الكمية ان طفت احداهما على الأخرى سببت مشاكل كثيرة ولو كان الطفو قليلا :]

 

[الزهرة الحمراء]

رد: مغمومة و مهمومة

ماتخمييييييش يديروها الاوادم هديوفعايلهم
دوك توالفي والله فكرتيني بايام الخطوبه هههههه ضحكتيني اضحك الله سنك
وكيماقالك هاديك المسخوطه علاه........ مسكينه هههههه
ايه هظي هيا الظنيا وهدا هو العدل انت مقلقه وقاتله روحك وهو يبحر ولا هلابالو
بصح نقولك عفسه الا عيط ماترديش عليه ولما تردي اشعلي الميوزيك وقوليلي راني في العرس مانيش نسمع فيك
وغلقي تم تم
وخليه يطيب .ههههه

والله الرد تاعك ضحكني هههه
جامي ولا جاات في بالي عطيتيني فكرة نجربها يعطيك الصحة ​

 

[maryama louma]

رد: مغمومة و مهمومة

ههههههههههههههه ضحكتوني ربي يخليكم

ليدي افكارك شيطانية هههه

 

[بنقابي افتخر]

رد: مغمومة و مهمومة

والله الرد تاعك ضحكني هههه
جامي ولا جاات في بالي عطيتيني فكرة نجربها يعطيك الصحة ​

لا لا يقولك تاني راها تعمرلها في راسها ههههه :graduation:
وزيد تانيك انا وين علابالي عقلية خطيبك :smile02:
انا كنت مهبلاتو :p

 

[maryama louma]

رد: مغمومة و مهمومة

ربي يخليك اخي اناليزر

 

[sami44]

رد: مغمومة و مهمومة

السلام عليكم
اولا استغفري ربي واستهدي بالله باش يروح عليك القلق
احنا نقولو الغايب حجتو معاه والشرع يقول اتخد لاخيك سبعين عدرا
اعطيك احد الاحتمالات الممكنة ربما احدها يشفي غليلك ويريح قلبك
راح يبح وطفى التلفون وما حبش يخبرك لاتقاء الغيرة
راح يبحر وطفى التلفون وما حبش يخبرك باش يعرف مدى حبك خوفك وقلقك عليه
دار حسابو باش يخبرك كي يوصل للبحر مي الله غالب لقى التلفون مديشارج ولا ضاعلو في الطريق وماكاش طاكسيفون فريب وممكن وممكن وممكن
وكما قالتلك الاخت الزهرة الحمراء
من بعدة كي يرجع ويحل التليفون تاعو ماشي تروحي شاعلة فيه وتتقابضوا حتى يولي مشكل كبير بيناتكم فحكي معاه وفهميه بلعقيلة برك وقوليلو انا مانحبش عفايس كيما هكا على خاطر نتحير علييك بلعقل برك يتحل كل شي وربي يفرج

 

[maryama louma]

رد: مغمومة و مهمومة

ان شاء الله يرجع برك


و حسابه عسييير هههههههههههه

 

[Hakan]

رد: مغمومة و مهمومة

ههههههههههههههههههههههههههههههههههههههههههههههههههههههه
والله لا ضحكتني قصتك وضحكتني ردود بعض الاعضااء السيريو ياجماعة الخير هادي حكايات الخطاب وعلابالي كي تزوج بيه ويجمعهم ربي تولي ديرلو الرونفوا #21#
وهو يولي يديرو سيلونس هههه المهم ربي يهنيك ختي مريم ضحكتيني نتاع بصح لكن نصيحة من عندك خوك غير شبعي راجلك اهتمام هكاك سقسي عليه وهبليه بالاهتمام باسكو تبقى غير الذكرى ربي يدوم المحبة ويعطيلنا مريومة كيفك تسقسي عليناا نرجع كل يوم نروح للبحر ونسكر التيليفون غير باش نهار نفتح التيليفون نسمع صوتها الحنين يبكي عليا وتقلي علاش درت فيا وعلاش عملت فيا وانا نضحك من قلبي سلاام شكرا على الرمنسية نتااعك تحيااتي...​

 

[Oussama.GF]

رد: مغمومة و مهمومة

ربي يفرج عليك همومك اختي

 

[أميرة تقرت]

رد: مغمومة و مهمومة

اولا يا ختي هاديك المسخوطة رانا كامل زعفانين
ثانيا خطيبك خليلو حريتو نورمال فاتو 5 ساعات برك
و عندو حق يروح يتبحر نورمالمو ما تزعفيش و زيدي
هو راجل ماشي لازم يقلك كي يكون خارج بصح انتي لازم تقوليلو
كي تتزوجو واش تديري فيه

 

[أم أُنٌَيسة]

رد: مغمومة و مهمومة

السلام عليكم و رحمة الله تعالى و بركاته
حالتك كي حالتي اختي و انا اكثر منك، حتى والهاتف ملول و مايردش نولي كي المهابل و ربما هماحسن مني ههههههههههههه
ولا مسكين كي يتغلق التيليفون ولا كي يطيح لاشارج يقلي او راح يتغلق باه ماتقلقيش
و ليس شرطا ان يخبركي اين سيدهب يا اختي فهو رجل و الرجل ليس كالمراة
فمكان المراة البيت لدا حين تخرج يجب ان تعلم رجل البيت
ربي يدوم المحبة اختي و يجمع بيناتكم ان شاء الله
تحياتي
​

 

[أم أُنٌَيسة]

رد: مغمومة و مهمومة

علاه اختي ؟
نصيحة من عند اخت لوجه الله
ادا كنتي خائفة عليه و تحبيه فبيني دلك غاليتي
فكثيرمن العلاقات تهدمت بسبب كلام لم يقال و ليس كلام قيل
و ادعي له ان يكون بخير و ان ييسر الرحمن طريقه و دربه و ان يحفظه لكي اينما كان و ان شاء الله خير
و الله يا اختي انا تاني نولي كي حالتك لكن منين نسمع صوتوا ونلقاه بخير كل الزعاف والقلقة يتبخروا
و ربي يكون معاك
و اسفة للاطالة غاليتي
​

 

[Rǿmẳņĉį LŎvès]

رد: مغمومة و مهمومة

سلام عليكم :/

اختاه اذا قدر ربي حاجة راها مقدرة و ان شاء الله يروح و يرجع بالسلامة ماديري والو ف بالك الحاجة لي كتبها ربي مرحبا باها

انت المطلوب منك انك تدعي لو يرجع سالم و ما يصرا لو والو و يفوت نهار تاعو بيا و الحمد لله

كي تقلقي هاكا تمرضي ف روحك و هي ما كان والو ان شاء الله

ادعي ف صلاتك و ما يكون غير الخير