بان هلالكم ولا مازال هههه

[حروف تائهة]

السلام عليكم ناس اللمة
رمضانكم مبارك
ياجماعة راهم خيوط راسي تماساو خخخ
كنت مريحة في امان الله و فجأة يتكلم الماسنجر
صاحبتي قاتلي : سلام . وقتاش رمضان ؟
موالفين نسمطوها لبعضانا :p مالا حسبلي تتمسخر
قلتلها: و عليكم السلام . مازالو ماعينونيش في لجنة مراقبة الأهِلّة هههه
الطفلة قاتلي : راني قلقت حابة نرقد!
انا حرت مالها هذي
قلتلها: ههههه روحي ارقدي يابنتي
مالا قاتلي : واش ندير راهو بابا قالي عسّي
قلتلها فواش راكي تعسي
انا قلت بلاك تعس في الدار ولا كاش حاجة خخخ :X3:
قاتلي: نعس فيهم واش راح يقولو
هههه اهنا انا بديت نتوسوس
قلتلها منهم هاذم و واش راح يقولو
هي تحسبني نتمسخ بيها
قاتلي روحي عليا انتي فوتي في الوقت
الطفلة دوختني قلتلها واش بيكي يامخلوقة وقيلا كاشما شاربة هههههه
بدات تبان جادة وقاتلي ماتقوليليش بلي ماكش عارفة بلي اليوم ليلة الشك !
اهنا انا بدات تتلفلي ههههه
قلتلها واشمن ليلة شك ياطفلة وقيلا كاشما كليتي اليوم
قاتلي بلي دارهم يستنو صح في اللجنة باه يقولو وقتاش رمضان
ههههههههه انا هنا متت ظحك ماوليتش عارفة نكتب ولا نظحك
قلتلها طيري غدوة ليلة الشك و اصلا واشمن ليلة شك تبقا لل11 و مايقولوش خخخخ
ولات ثبتت بعد ربع ساعة ههههه قاتلي صح غدوة الشك هههه
وانتم ياجماعة وقتاش ليلة الشك تاعكم هعهعهعهع ​

 

[Oussama.GF]

كل واحد وش يقول
مفهمت والو من هذا الفيديو خخ

 

[إلياس]

hhhhhhhhhhhhhhhhhhhhhhhhh
مميزون اخوتنا في اللمة بالسكاتشات

 

[الصحافية الساخرة]

هههههههههههه أنا كامل مهمنيش منسمعش بليلة الشك ، يبان النهار اللي نصوموا فيه يبان ، علاش نظل نستنى
مي والله عجبتني صحبتك هذي و عايلتها شغل رايح يدخل عليهم غول ، يا رمضان هذا ، ديجا تشمه من الحصص والبرامج الجزائرية والمسلسلات كي يحطوا التوقيت ههههخهه افهم بلي ليلة الشك وقتها

 

[الصحافية الساخرة]

كل واحد وش يقول
مفهمت والو من هذا الفيديو خخ

ياااو هذا الناس يسمعولوا ، خليك من الهدرات يظلوا يدورو ويدوروا برك ، مكلاه تعب روحك ، ومتخافش اول نهار نصوموا فيه ديما نعرفوه بلا ما ينتبعوا هذو الهدارين برك

 

[ضآحكة مستبشرة]

هههههه صحبتك هذي رايحة فيها هي ودارهم علاش زعمآ رآهم ساكنين في كوكب زحل هههههه
و من نيتهم يستناو في لجنة الاهلة خخخخخخ
أحنا يا ختي هلالنا اليوم يبان آمالا صح رمضانكم كل عام وانتم بخير​

 

[حروف تائهة]

كل واحد وش يقول
مفهمت والو من هذا الفيديو خخ

هههههه ماديرش عليهم هاذم مشاغب
مبعد تجي اللجنة و تتكلم و صحا رمضانك مسبقا

 

[حروف تائهة]

hhhhhhhhhhhhhhhhhhhhhhhhh
مميزون اخوتنا في اللمة بالسكاتشات

هههههه دوم الضحكة خويا الياس
مروركم هو المميز شكرا لكم

 

[حروف تائهة]

هههههههههههه أنا كامل مهمنيش منسمعش بليلة الشك ، يبان النهار اللي نصوموا فيه يبان ، علاش نظل نستنى
مي والله عجبتني صحبتك هذي و عايلتها شغل رايح يدخل عليهم غول ، يا رمضان هذا ، ديجا تشمه من الحصص والبرامج الجزائرية والمسلسلات كي يحطوا التوقيت ههههخهه افهم بلي ليلة الشك وقتها

هههههه هو يبان صح
مي انا لازم نسمعو من اللجنة هههه فيها واحد الgو سبيسيال :Love: هههه
نورتي اختي فاطمة

 

[حروف تائهة]

هههههه صحبتك هذي رايحة فيها هي ودارهم علاش زعمآ رآهم ساكنين في كوكب زحل هههههه
و من نيتهم يستناو في لجنة الاهلة خخخخخخ
أحنا يا ختي هلالنا اليوم يبان آمالا صح رمضانكم كل عام وانتم بخير​

هههههه لتو مافهمتش كيفاه هذي الغلطة
ايا مليح مالا راكم كيفنا هههه
رمضانك مبارك اختي اسماء

 

[miss victoria]

هلالنا راهو باين ان شاء الله يكون يوم الجمعة اول ايام رمضان بادنه و صح رمضانكم
و اليوم ليلة الشك نتاكدو فيها

 

[Malika Tlm]

ههههههههههههههههههههههههههههههههههههههههههههههههههههههههه
ضحكت من قلبي
وعلاه هذي عايشة في كوكب زحل ههههه
باينة مسمعتش وزير الشؤون الدينية
تعرفي فكرتيني بوةحدة جارتنا مسكينة كانت ليلة الشك باش نصوموا رمضان ولجنة الاهلة علنوا بلي غدا يكون اول ايام رمضان
املا صبحت اليوم الاول نتاع رمضان رحت نشوفها نلقاها مطيبة القهوة مسكينة ورايحين يتقهواو قلتلها واش بيك اليوم رمضان قالتلي يابنتي والله معلابالنا هههههه
ربي يبلغنا
تحياتي اختي
رمضان كريم

 

[البحر الهادي]

هههههه
السلام عليك
ذكرتني بعام لي أكثر الجزائريين صبحوا كالين رمضان وكاين لي خرج داير قارو في فمه
حتى قالولو واش راك تعمل واك اليوم رمضان
الدولة أعلنت عن رمضان حتى ل11ليلا ههههه

 

[Mårőųā Řāhïł]

هههههه شعب لاحول له ولا قوة