- إنضم
- 18 سبتمبر 2012
- المشاركات
- 2,192
- نقاط التفاعل
- 5,221
- النقاط
- 111
- العمر
- 39
بما انو رانا في فصل السفرجل او كيما نقولو حنا القصاص .
و احنا عندنا شجرة السفرجل في بيتنا نحيت حبات و درتهم معجون جا يممممي .
و هاذي مراحل اعدادو بالتفصيل :
*اولا انت حسب الكمية لي عندك تحتاجي للسكر انا منحبش نكثر بزاف السكر لاني نحب لقروصية لي فيه و انت كيما تحبي عينك هي ميزانك .
* تغسلي حبات السفرجل مليح .
* تقشريهم لكن القشور مترميهمش راح نستخدموهم
* افتحيه بموس على نصفين و و قطعيه قطع و مترميش الزريعة تاعو و القلب القاسي ايضا لانك تاني راح تستخدميهم .
* جيبي قدرة بالكسكاس تاعها و ديري في القدرة كمية من الماء هاداك الماء راح نخدمو بيه المعجون
* هادوك القشور و الزريعة و القلب تاع السفرجل كلهم لميهم في شاش و اربطيهم و ديريهم في هاداك الماء و ديري قطع السفرجل في الكسكاس
* ديري القدرة على النار و خلي قطع السفرجل تفور حتان تطرى مليح .
* بعدي القدرة على النار و هادوك القطع تاع السفرجل لي فارو ارحيهم او امرسيهم او اذا حبيتي المعجون يكون فيه قطع خليهم مترحيهمش .
* اجبدي هاداك الشاش و اعصري منو كل السوائل مليح و ارميه خلاصت مهمتو لانو السر في الجيلاتين تاع المعجون من زريعة السفرجل .
* هاداك الماء ديريه في قدر آخر و ديري عليه قطع السفرجل المهروسين و ضيفي كمية من السكر على حساب الكمية لي خرجتلك من السائل .
* و ديريه فوق نار و خليه حتى يخثار و منين داك خلطيه باه ميلصقش .
و تمتعي مع عائلتك بمعجون بيتوتي مفيد و لذيذ.
ألف صحتين .
هاهي النتيجة هذا المعجون لي صنعتو اليوم واش رأيكم فيه .
