كيك جزائري مالح خفيف وبنين

[nada arayhan]

طبقي للغداء لليوم كيك المالح بالطماطم , الجبن , الزيتون , دجاج ويجي خفيف وبنين حبيت نفيدكم بالوصفة ومع الصور طبعا من مبطخي

المقادير :
كاس سميد
كاس فرينة
2 ملاعق كبيرة زيت
بياض بيضة واحدة
ملعقة كبيرة خميرة الخبز
ملعقة كبيرة سكر
2ملاعق صغيرة ملح { ملعقة للسميد وملعقة للفرينة كيما في الصورة }
فنجان حليب دافي



أولا : في وعاء نحط سميد + ملح ونبلو بالماء حتى يتلم ويكون شوي متخوم يعني العجينة تكون مبللة وتحطية بكيس ونخليه يرتاح



في كاس نخلط الحليب الدافي + الخميرة + السكر نخليهم يطلعو


ونوجد الطماطم المقطعة مربعات + زيتون مقطع + جبن + دجاج مفتت طايب في المقلاة مع شوي توابل وثوم


من بعد كي تطلع الخميرة نصبها فوق السميد ونحاول ندخل العجينة في بعضاها من دون أي قوة باش ميروحش مفعول الخميرة


ونزيدلهم الفرينة مع الملح + بياض البيضة والاصفر نحتفظ بيه للدهن في الاخير



ونعجن مليح لمدة 10 د ونتخمها وكل ما نعجن نسقيها بالماء الدافي طبعا ونحلها اي نفردها بيدي ونحط مكونات الحشوة فوقا ونروليها



ندهن المول بالزبدة ونرش الفرينة


ونحط الرولو في المول ونخليها تتخمر لمدة 45د



من بعد ندهنو بصفار البيضة وشوييييييي قهوة لكي تتحمر مليح




ونحطو يطيب وهذه النتيجة


هذا من الداخل ممممممممم


وتقدميه مع حساء الخضر



وانشاء الله يعجبكم تحياتي

 

[أم منيــــــر]

رد: كيك جزائري مالح خفيف وبنين

حاجة مليحة يعطيك الصحة
للاسف الصور مكانش

 

[خفيفة الروح]

رد: كيك جزائري مالح خفيف وبنين

يعطيك الصحة

 

[ريحـان]

رد: كيك جزائري مالح خفيف وبنين

جزاك الله خيرا

 

[samah06]

رد: كيك جزائري مالح خفيف وبنين

بارك الله فيك

 

[ام حوحو]

رد: كيك جزائري مالح خفيف وبنين

والله تبان مليح بصح كون الصور راح تحليها ياسر يا ريت تنزلي الصور ومشكورة حبيبتي

 

[iman-dz4ever]

رد: كيك جزائري مالح خفيف وبنين

مشكورة ختي
خسارة مكنش الصور
​

 

[rihabhalouma]

رد: كيك جزائري مالح خفيف وبنين

mmm rah yban bnin radi njarbou