== ارواح نتا ولقى الخدمة في لالجيري ==

[جليلوس]

السلام عليكم
لحباب كيراكم ان شاء الله بخير
راني جاي اليوم وقلبي معمر حبيت نحكيلكم حاجة كامل علابالكم بيها
وهي كيفاش راح تلقى خدمة في لالجيري عفوا كيما يقول بويااا الزازاير :d:d
....
عزيز الشاب لكي تجد عمل في الجزائر هناك عدة مراحل ..
و لكي تمر على هذه المراحل يلزمك عدة اسلحة لتقاوم بها فكيف تعمل في الجزائر ؟
عندما تنهي دراستك الجامعية ستبدأ رحلتك في بحر التشومير و العدو الريفي و سباقات ال 1500 متر فراشة و سباحة على الظهر
اول حاجز ستجده في طريقك هو الجيش الوطني الشعبي حيث يجب عليك ان تجوز العسكر في الجبال الشاهقات الماحقات و من هنا ستذهب للعسكر مرغما و ستترك حبيبتك و امك و اخوك و حومتك لتكون القاريطة مكانك الجديد
بعد انقضاء العام ستعود للمنزل و كلك امل في اكمال حياتك و لكن ستجد انك ستعيد السنة اي رودوبليت و في تلك السنة حبيبتك التي كنت معها قد تزوجت و انجبت طفل و اولاد حومتك نصفهم حرق لاوروبا و الباقي فتحو حوانت و منهم من تزوج و تلقى 2 او 3 قعدو هوما هوما لغبائهم و سذاجتهم
من بعد ستبدأ رحلة البحث عن عمل و سنك هنا 26 سنة و في الوقت الذي تبحث فيه عن العمل ستكون مشومر لانك لا تعمل و ستبدأ النافيقاج في الدلالات و الخردوات لكي تؤمن دراهم السيفيات و الطرونسبور والخروطي هادا كامل
و من شركة لشركة تجري و انت مثقل بالسيفيات اللي درتهم و كلاسوغ رافد فيه كل اوراق حياتك على امل تصيب عمل
و تدخل لشركة ما فتقابلك ميمي لافلوغ التي كانت تدرس في الليسي و التي خرجت في السنة الثانية ثانوي تجدها شادة بيرو كمديرة ماركيتينغ او مسؤولة التسيير في الشركة
فتسقسيها كيف دخلت فتقول لك انا دخلت المعريفة ؟؟ هادي باسكو باباها ولا فاميلتها ارقاز
هنا انت بصدد مواجهة اصعب تحد و هو المعريفة اي لكتاف و رغم ان السيفي تاعك مليح و نقولو قبلو و عيطولك ستجد حاجز لونتغوتيان ..
هههه تحسب ارواح و ادخل فتذهب للاونتغوتيان فتجد ذلك الشخص السامط و سيسالك اغرب سؤال في تاريخ كرة القدم
علاش راك حاب تخدم ؟؟؟ واش عجبك في الخدمة ؟؟ و من ثم سيمر لهزمك في ارضك و امام جمهورك و يقولك
شوف السيفي تاعك ناقص شوية ما عندكش تجربة كبيرة..ايه قرايتك مليحة بصح ما تعرفش تهدر لونقلي و ناقص في لانفورماتيك روح اتعلمهم و ارواح
ايا نتا تروح تزيد دير سطاج تاع اونقلي و انفورماتيك لمدة سنة ايا تعاود تولي لتلك الشركة يقولولك عاود حط سيفي تعاود تحط على 6 شهور يديرولك اونتغوتيان
ايا تلقى نفس السيد يعاود يشوف يلقى بلي طورت و لكن يقولك
يا حبيبنا اللاج تاعك شوية كبير راك 29 سنة و حنا في شركتنا ندو شوية لمصاغر
نتا تقولو بصح قوتلي اتعلم لونقلي و ارجع نخدموك
فيجيبك بصح في هذاك الوقت كنا محتاجين للخدامين و دخلنا بنت في مكانك اسمحلنا
.
الجزائر محطمة الاحلام للأسف

هادي قطرة من بحر العجااائب في الجزائر طبعاااا
واش رايكم خاوتي ... اسكو راني غي نشكل ولا عندي الحق ؟؟
ادا عندكم اضافات مادابيكم تزيدوهاااا .... الدار داركم
راني نسنى في ردودكم ... ماتبخلونيش
خيكم جليلوس
​

 

[Skor m@k]

رد: == ارواح نتا ولقى الخدمة في لالجيري ==

السلام عليكم
جبتها سواسوا خويا جليلو بصح مكملتناش كيفاه تخلاص عليه مال ههههه
ضرك نكملك شويا خخخخخ

كي ملقاش خدمة عفس على قلبو قال نفتح طابلا فالمارشي
كاردا شويا دراهم وفتح طابلا تاع الخضرة
جا صباح ربي البوليس يجري موراه .. السيد هرب وخلى الخضرة داها البوليس
تنارvا راح لدار قاللها ليماه روحي خطبيلي كيراحو قالولو لازم تكون عندك الدار
كي راح لاميري قالولو لازم تزوج
هناك السيد طلعلو السكر للراس وتخروش في راسو
كاين لي يقولو راه فسبيطار لمهابل اوو كاين لي
يقولو عليه راهو يمشي مع نكاز في تيميمون خخخخخ

هذي هي حياة الزازائري البسططططططططططط
يعطيك الصح خوو​

 

[hadil2044]

رد: == ارواح نتا ولقى الخدمة في لالجيري ==

قتلتني بالضحك بصح الموضوع يقهر صح لانو الشباب ما عندهم قيمة في بلادنا كيما راني نشوف
ياما شادينها شياب "شيوخ كيما نقولو" ما عمبالو بوالو غير يعمر جيبو
والا ناسات المعريفة اللي ما عندهمش مستوى اصلا ويهدر زعما لا شكون وصلو

حوايج يعيي وديرلك الفشلة في الركبين بفففففففف
البلاد قوية بشبابها لكن شكون يسمعلنا والا يخمم في مستقبل بلادنا

ربي يوفق جميع الشباب
اسعى اهم حاجة وربي يكون في عونكم
​

 

[Oussama.GF]

رد: == ارواح نتا ولقى الخدمة في لالجيري ==

عادت خدمة بالمعريفة ورشوة كل في بلادنا فاسد

 

[ليليا مرام]

رد: == ارواح نتا ولقى الخدمة في لالجيري ==

السلام عليكم جليلووووووس
والله اللي يقرا موضوعك يروح ينتحر ديركت واذا انتحر ممكن يحرق روحو ويطفوه وممكن يشرب دوا فبلاصة يموت يبرا من مرضو واكيد يروح يخمم يشرب الرهج نتاع الطومبة حتى يلقى روحو فالمجاري يدراقي في كاش طونبة ههههههههههههههه
يا جليلوس وربي وين والله ما عندها البلاد علاقة صح راني معاك الزهر ماكانش هنا والخدمة يجيب ربي مي والله ما تدي غير اللي كاتبلوك ربي مهما دير
ارواح تشوف انت مسلسل الطفلة فالبلاد هذي
تقرا وترجع للدار تغسل تسيق طيب وتشوف خاوتها وبالسرقة تشوف فايس وتلفون تقرعج تحكي شوي من حقها تتلاقى وتتعرف وتبات تحب وتسمع اليسا ويوعدها ويقولها اسمحيلي يمى زوجتني انا ما نقدرش كانو بيبي صغير ويجي يدها اخر ما تعرفو ما يعرفها وتتزوج وطيط طيط وقاطو وغاشي فرحان وسمانة تولي عينها زرقها وشعرها مقطع دابزت مع ختو او يماه وتجي غضبانة وقالك واع واع راهي بالحمل ويروح يكريلها ويخرجوه والديه ويدعو عليه يولي مسكنها وحدها وليكوش والحليب ويخدعها برا والبيبي واحد يرجعو زوج لازم تربط الراجل تحط واحد 4 او 5 وخلاص المسلسل انها تموت قبلو ويروح يعاود يتزوج هههههههههههه
هذا على حسابك انت واحد ما يتزوج واحد ما يخدم يا جماعة نتلاقو غدوة فتيارت نحرقو رواحنا حرق جماعي قدام دار جليلوووووووووس
تحياتي

 

[Princesse Diyor]

رد: == ارواح نتا ولقى الخدمة في لالجيري ==

ادا كنت تحوس على خدمة في الجزائر فإن الله مع الصابرين

 

[السلطانة]

رد: == ارواح نتا ولقى الخدمة في لالجيري ==

وعليكم السلام
صح خويا عبد الجليل واش تحكي فيه غير هو في بلادنا
أنا يغيضوني لي جون لي يقراو ومباعد ميلقاوش خدمة وفي المقابل تلقى لولو وسوسو وكاتيا حاكمين المناصب ويتكسلو على الناس
تلقاها حاكمة خدمة في عمرها 21 سنة وقل حتى كان مقراتش المعريفة تفريلها كلشي
والراجل لي لازم يفتح دارويجب مصروف عايش في البطالة ولامسكتينو بزوج دورو تاع العقود وقاعد اوناطونت يصبرو فيه بالمسابقات لي دارولها اشهارات كبيرة وتمضي الأيام حتان يلقى روحو لاخدمة لاgدمة لادار لادوار فوق راسو
علابيها كاين ناس تروح تضرب على ذراعها تخدم في ارض وتدير حرف ،فاتحين سيبار فاتحين محلات يهربو للتجارة
متتكلش على مناصب شغل من الدولة
وكاين تخصصات تخلي العبد يلقى خدمة وكاين تخصصات صعيب باه يلقى مولاها وتاكلو الرتايلة وهو يسنى
ايواه ونزيد نكملك مباعد فيفي وسوسو تشوف فيها واحد ماركانتي وتقولو انت هو لي نبني معاك الدار مام مقريتش والزوالي لي قرى يكمل في مشوار البحث عن العمل لأن سوسو تقولو انا منتزوجش بواحد
خدمتو مافيهاش الدراهم وفيها الريسك تاع لي مالادي نخخخخخخ هاذي سبيسيال لخويا حكيم :p:p:p


هيا تقبل مروري

​

 

[بنفسج]

رد: == ارواح نتا ولقى الخدمة في لالجيري ==

السلام عليكم

اواه درك نبطل القراية وخلاص هههههه ميزيريا كحلة
واش حكيت كامل صح هادا هوا الواقع المر اللي يدمر في احلام شبابنا
زازاير على قولت باباك راحت و لا كلش بالمعريفة و اللي عندهم كتاف
و زيد الرشوة و اللي تقتل انك تلقى واحد مبوشي لا نيفو لاوالو وحاكم منصب
وزيد متعب متمرمد اففف تبا ههه
وزيد يتامر هنا صح تكره
نقولو ربي يجيب الخير وتسقم الاحوال
شكرا خويا جليلو على الموضوع يعطيك الصحة
تحياتي ,,,,,​

 

[جليلوس]

رد: == ارواح نتا ولقى الخدمة في لالجيري ==

دخلت طليت طلة خفيفة على ردودكم خاصني كاس قهوة ونقراهم بالعقل ...
راجعلكم العشية راجعلكم
ههههههههههههههه ضحكتوني والله ... الله يفرحكم حبابي
​

 

[Hakan]

رد: == ارواح نتا ولقى الخدمة في لالجيري ==

السلام عليكم خويا جلال نبدالك من لخر اللي معول على الدولة عاش حزينا ومات مغبونا
نحكيلك قثة وليد عمي اللي قرا اداب في الجامعة
ايا كان مسكين يخدم اجير عند واحد مول حانوت كبير و وكان يروح يقرى نهارين ويجي يخدم الباقي
ومن بعد بالشويا دار فيها شركة هو وصاحب المحل هذا وفتحلو حانوت اليمونتاسيون خاص بيه
ايا عام يجيب عام خلص وليد عمي قرايتو الجامعية وخرج بزوج حوانت ملك له مع شاحنة هاربين
وسيارة اخرى علاش ذكرتلك القصة
خوه مسكين قرى في المدرسة العليا للاقتصاد في دزاير زعما ايا كمل قرايتو بعد ما قرى
خمس سنوات راح لشركة سوفيتال باش يدفع الدوسي وكان هو وزميلة ليه راحو لنفس السطااج كي دخل رغم انو مطلع الاعوام خير منها
ولانو هي ماديرش خيمار وزينة في الشكل وما عندهاش مشكل في الخدمة الوطنية قالولو لازم تفوت لارمي
مانضمونش في اي وقت يرفدوك المهم راح فوت لارمي نتاعو ما قبلوهش رجع
وضركا راهو عمرو كيما قلت 29 سنة وراهو خدام عند خوه في احد المتاجر نتاعو ويئس انو يلقى خدمة
في دزاير ياخويا ما تعولش انو قرايتك تخدمك لكن الواحد يدير كل الاسباب ينافيقي منا ويزيد يقرى
باسكو اذا عولت على خدمة الدولة 30 سنة باش تلقى سباط لانو صعيب واحد يحكم خدمة في 30 سنة وعند الدولة وبشهرية ضئيلة ويحب
يكون روحو صعيبة بزااف
انا ربي سبحانو بعثني بيطري فيها حكمة كبيرة منها انو خدام عند روحي وواحد ما يحاسبني واذا كتب ربي لواحد يشوف مشروع مليح
تربية الدواجن او الابقار وان شااء الله التوفيق للكل سلام خويا وميرسي على السوجي توحشت مواضيعك هنا ​

 

[Hakan]

رد: == ارواح نتا ولقى الخدمة في لالجيري ==

ايواه ونزيد نكملك مباعد فيفي وسوسو تشوف فيها واحد ماركانتي وتقولو انت هو لي نبني معاك الدار مام مقريتش والزوالي لي قرى يكمل في مشوار البحث عن العمل لأن سوسو تقولو انا منتزوجش بواحد
خدمتو مافيهاش الدراهم وفيها الريسك تاع لي مالادي نخخخخخخ هاذي سبيسيال لخويا حكيم :p:p:p


هيا تقبل مروري

​

ههههههه لا لا ختي ساندي انا ما نجيبش سوسو وفوفو
انا نجيب سعدية وام الخير و خيرة اللي ما يفرقوش بين العقرب والنملة
مانجيبش اللي تخاف من الصرصوور
وتغسل يديها يهذاك نتاع 99/100 قاتل للبكتيريا نجيب وحدة نهار تشوفني لابس البوط نتاع الخدمة
والطابلية البيضة وتشوفني كيفاه مبهدل تزيد تعشقني كثر وكثر
اما سوسو وفوفو رانا خليناهم ل انوش ومريول :p صحيتي ​

 

[لؤلؤة قسنطينة]

رد: == ارواح نتا ولقى الخدمة في لالجيري ==

السلام عليكم
ههههههههههههه الله يهديكم برك اليوم قتلتوني ضحك
وفي الأخير أخرج العامل صاحب 29 عاماً المسدس من جيبه وصوبه نحو رأسه وأطلق رصاصة النهاية
ولكن للاسف ضهر المسدس تاع بلاستيك ههههههه ( الموت ومالحقلهاش مسكين ههههه )
والله واش تحب يا خويا هادي حالة لبلاد وهادي هي حالة المعريفة، يروحو 100 يديرو كونكور
باه واحد برك فيهم يدي المنصب هاداك وفي الأخير يرسبو كامل ويجي واحد من برا
وبالمعريفة يدي المنصب هاداك لي كان موجد ليه من الاول
يعني واش تحب، الانسان يتوكل على ربي والارزاق بيد الله سبحانه وتعالى الناس
هادو ماراهم غير اسباب برك، نهار يكتب ربي حاجة تلحقلها بإذن الله
وربي يفرج على كل واحد ويرزقو بواش حاب ان شاء الله
شكرا خويا على الموضوع المميز والجميل ^^ والله توحشنا مواضيعك
ربي يحفظك ويهنيك ويوفقك ان شاء الله
تقبل مروري
​

 

[جليلوس]

رد: == ارواح نتا ولقى الخدمة في لالجيري ==

السلام عليكم
جبتها سواسوا خويا جليلو بصح مكملتناش كيفاه تخلاص عليه مال ههههه
ضرك نكملك شويا خخخخخ

كي ملقاش خدمة عفس على قلبو قال نفتح طابلا فالمارشي
كاردا شويا دراهم وفتح طابلا تاع الخضرة
جا صباح ربي البوليس يجري موراه .. السيد هرب وخلى الخضرة داها البوليس
تنارvا راح لدار قاللها ليماه روحي خطبيلي كيراحو قالولو لازم تكون عندك الدار
كي راح لاميري قالولو لازم تزوج
هناك السيد طلعلو السكر للراس وتخروش في راسو
كاين لي يقولو راه فسبيطار لمهابل اوو كاين لي
يقولو عليه راهو يمشي مع نكاز في تيميمون خخخخخ

هذي هي حياة الزازائري البسططططططططططط
يعطيك الصح خوو​

اهلا اخي الكريم
اولا اشكرك على اعتمادك للموضوع بورك فيك يا طيب
هههههههه مليحة هادي كملت لاسويت بصح خرجت معاها نيشان :d:d
ها شفت مسكين ماعندوش الزهر حتى في الطابلة وسيزاوهالووو مانعرف كي صرالو المخلوووق
بسباب هاد الهم لي راه عايش فيه الشاب الزازايري جعله ينحرف ويلجأ الى طريق اخرى معبدة والخروج منها مستحيل
للأسف هادي هيا بلادنا ماعندنا مانديرو وكما قلت في موضوع مقبرة تحطيم الأحلام هي العقول التي ترأسها مع كل احتراماتي للجميع
الله يجيب الخير وربي يفتح على كل واحد .... شكرا لردك المفعم بالحيوية ... الله ينورك
تحيتي

 

[جليلوس]

رد: == ارواح نتا ولقى الخدمة في لالجيري ==

قتلتني بالضحك بصح الموضوع يقهر صح لانو الشباب ما عندهم قيمة في بلادنا كيما راني نشوف
ياما شادينها شياب "شيوخ كيما نقولو" ما عمبالو بوالو غير يعمر جيبو
والا ناسات المعريفة اللي ما عندهمش مستوى اصلا ويهدر زعما لا شكون وصلو

حوايج يعيي وديرلك الفشلة في الركبين بفففففففف
البلاد قوية بشبابها لكن شكون يسمعلنا والا يخمم في مستقبل بلادنا

ربي يوفق جميع الشباب
اسعى اهم حاجة وربي يكون في عونكم
​

السلام عليكم
اهلا اختي هديل نورتينااا
هههههه اضحك الله سنك :d:d
ايوا هاديك هيا يا إما شدوها القماهم كيما قلتي وصحاب المعريفة ولكتاااف
ربي يهنينا منهم وخلاص باسكو مابقاتش عيشةمعاهم كبروا فيها غير هوما
الله يفرج على كل واحد مغبووون في هاد البلاد .... آمين آمين آمين يااااارب

شكرا يعطيك الصحة:up::up:

 

[جليلوس]

رد: == ارواح نتا ولقى الخدمة في لالجيري ==

عادت خدمة بالمعريفة ورشوة كل في بلادنا فاسد

وي خويا اسامة للأسف هادي حالة البلاد
ربي يهدي ماخلق ويوفقنا لما يحبه ويرضااااه
شكرا لمرورك

 

[أم منيــــــر]

رد: == ارواح نتا ولقى الخدمة في لالجيري ==

السلام عليكم
قريت موضوعك و كامل الردود و الله ضحكتوني الله يعطيكم الخير
ما لقيتش واش نزيد
المهم الحاجة الاكيدة يلا بغيت تخدم في بلادنا لازم يكون عندك شوية زهر و بزاف نتع المعرفة و النفود هكدا ضامن الخدمة 100 في ل100 دون نقاش
و ادا ما عندكش غي روح دبر على راسك وحدك
الله يفتح على كل واحد
بارك الله فيك جاليلو
​

 

[أم منيــــــر]

رد: == ارواح نتا ولقى الخدمة في لالجيري ==

ههههههه لا لا ختي ساندي انا ما نجيبش سوسو وفوفو
انا نجيب سعدية وام الخير و خيرة اللي ما يفرقوش بين العقرب والنملة
مانجيبش اللي تخاف من الصرصوور
وتغسل يديها يهذاك نتاع 99/100 قاتل للبكتيريا نجيب وحدة نهار تشوفني لابس البوط نتاع الخدمة
والطابلية البيضة وتشوفني كيفاه مبهدل تزيد تعشقني كثر وكثر
اما سوسو وفوفو رانا خليناهم ل انوش ومريول :p صحيتي ​

ههههههههههههههه
و الله يا حكيم انت وحدك
​

 

[Salah eddin]

رد: == ارواح نتا ولقى الخدمة في لالجيري ==

ههههههههههههه
والله لعندك الحق

ههههههههههه

انا مول نقلبها فارماسيي
بالاك نلقى خدمة
ههههههههههههه
​

 

[جليلوس]

رد: == ارواح نتا ولقى الخدمة في لالجيري ==

السلام عليكم جليلووووووس
والله اللي يقرا موضوعك يروح ينتحر ديركت واذا انتحر ممكن يحرق روحو ويطفوه وممكن يشرب دوا فبلاصة يموت يبرا من مرضو واكيد يروح يخمم يشرب الرهج نتاع الطومبة حتى يلقى روحو فالمجاري يدراقي في كاش طونبة ههههههههههههههه
يا جليلوس وربي وين والله ما عندها البلاد علاقة صح راني معاك الزهر ماكانش هنا والخدمة يجيب ربي مي والله ما تدي غير اللي كاتبلوك ربي مهما دير
ارواح تشوف انت مسلسل الطفلة فالبلاد هذي
تقرا وترجع للدار تغسل تسيق طيب وتشوف خاوتها وبالسرقة تشوف فايس وتلفون تقرعج تحكي شوي من حقها تتلاقى وتتعرف وتبات تحب وتسمع اليسا ويوعدها ويقولها اسمحيلي يمى زوجتني انا ما نقدرش كانو بيبي صغير ويجي يدها اخر ما تعرفو ما يعرفها وتتزوج وطيط طيط وقاطو وغاشي فرحان وسمانة تولي عينها زرقها وشعرها مقطع دابزت مع ختو او يماه وتجي غضبانة وقالك واع واع راهي بالحمل ويروح يكريلها ويخرجوه والديه ويدعو عليه يولي مسكنها وحدها وليكوش والحليب ويخدعها برا والبيبي واحد يرجعو زوج لازم تربط الراجل تحط واحد 4 او 5 وخلاص المسلسل انها تموت قبلو ويروح يعاود يتزوج هههههههههههه
هذا على حسابك انت واحد ما يتزوج واحد ما يخدم يا جماعة نتلاقو غدوة فتيارت نحرقو رواحنا حرق جماعي قدام دار جليلوووووووووس
تحياتي

ههههههههه وعليكم السلام ليلياااا
يا وحدك وحدك نتي حالة خاصة والله اليوم حكمتني هستيريا الضحك صفر عليا لاربيت خلاص:d:d .... قريب يجيبولي الكارطة الحمرا تاع المهابل :p
ههههههههههه :thumb_up02::thumb_up02: علابالنا هاد الشي مكتوب ربي سبحانووو بصح كيما رانا نشوفوا صحاب المعريفة والتشيبا من تحت لتحت ماشكيتش الزهر بخر بيه تمااا
الله يجيبها زينة برك .... ههههههه واش تجي عليك مخرجة وكاتبة سيناريوهاااات ...... ماخليتي والو ... انا بديتها ونتي كملتيها ... راهم مخلوعين فينا هههههههه
الله يداوي الحال ... ويرزقنا الحلال الطيبة والخدمة الحلالية لي ناكلو منها الخبز بعرق الجبين ربي يسهلنا فيها هادا مانقولوا
ارواحووو نديرو حرق جماعي وعلى حسابي بصح قادم دارنا غير فوتيها :d:d

دمتم بخير

 

[جليلوس]

رد: == ارواح نتا ولقى الخدمة في لالجيري ==

ادا كنت تحوس على خدمة في الجزائر فإن الله مع الصابرين

سبحانووو ربي يقدرنا ويصبرنااا ان شاء الله
شكرا لمرورك