واش راكم ياناس اللمة
ليوم جيت لهاد القسم نهدر شوي
وجيت نهدرلكم على واحد الموضوع
الpروفيـــــــــــــــــــــــــــــــــــــــــــــــــــــــــــتآج
وانا مخصصة هدا الموضوع للبروفيتاج في الجامعة-الاقامة الجامعية- بالتحديد
اي مالا نحكيلكم على البنات كيفاه يديروا يديروا الفدة في كلش
ايماجينيو برك انا نوض على الصباح ع 8 ميتة بالغلبة نوض غلبانة هه وكي نوض نزيد نريح شوي من الرقاد
ايه نكون نقرا على الثمانية نوض على السبعة مانجي نوجد روحي ونجرر روحي للفوايه نفطر وهنا كامل مازال مافتحتش عينيا مليح حتى نوصل للكوس بيسك نكمل الرقدة فيه خاطر مانبعش نوم :p
ايه نوصل للفاك هدا كور هدا td حتى ساعات 3 ولا 4 وماكاين لا وقت الغدا يالاطيف الادارة تقول شي ماعندهمش كروش
المهم مانجي نكمل لقراية نولي حبة قارس
وساعات نزيد نروح لكاش مكاتب تاع البلدية ولا غيرها على جال البحوث نروح للاقامة على 5 تاع لعشية..نروح كاااااو نريح شوي... ومبعد نتعاشا باه نعاود كشما ندير ايكس بوزي ولا فيش تيدي المهم
انا دايرة لاشومبر وحدي لعدة اسباب نحب نبقى على راحتي ووحدة ماتكسرلي راسي ... :thumb_up02:
ايه نكون جبت بدبت راح نقرا يطبطب الباب جاو جاراتي يقراو معايا في القسم وقريب مانعرفهمش خاطر يقراو td برك
وهذا هو المشكل ...:down:ايه ويجيو يقولولي اعطينا نكتب لي كور
يسما انا واشنو هنا زعما انا رومبو ونتوما؟؟ انا نهار كامل وانا لبرا هاملة واحد ماسقسا عليا وضرك لي كور اي روووووووووووووحي يابنت الناس رووووووووحي
وعلى بالكم كي مانمدش يوليو يقولولي هادي هيا برك الصحبة يابنتي واش من صحبة الخرشف راكي تهدري عليها عينك في لي كور اضرب ذراعك تاكل لمسقي نهار نكون كاتبة على جبيني نخدم عندك ثما نعطيلك.. ياعجابا ياربي والله تحير تقول ماعندهمش وجه عندهم طرق على خاطر كل يوم نفس السيناريو يجيو يقولولي مديلنا نقولهم لا كل يوم مايفهموش وانا مانيش مادا
والله تغيضني عمري نخرج من الصباح نقرا وهوما راقدين آلاز ويجيو بالموسيقى يقراو سويعة ويروحوا يتغداو ويزيدوا يضربوها بتقييلة وانا في هداك لونفي نجري على البلاصة لولا باش نقدر نسمع والاستاذ يهدر وانا نكتب المهم حتى يطير ذرآعي وخلي خلي
وفي الاخير اعطينا نكتبوا فهمينا علاه جينا هنا باه نرقدوا انا لوكان عيني في td راني نروح مانديرش اقامة خلاه لاحول ولا قوة الا بالله
ياناس اللمة واش رايكم في هاد الشي ؟؟
بصح انا اني مانمدش كراررسي ههههخ
ان شاء الله مانكونش طولت عليكم بزاف باه مانسماطش :yahoo01:
سلامي ~
كنتم مع اماني
آخر تعديل:
