السلام عليكم سكان اللمة واش حوالكم معليكش
خلوني نوجه اولا تحية لأصدقائي في لندن هلللووووووو :regards01:
نرجعو لأحباب اللمة
توحشتوني ولالا لي يقول لالا اليوم نطيرلوا راسو ونعلقو فوق الموش تع البالي كيما كانوا يديرو الهنود الحمر :-o:sport01:
المهم مانعرف اذا كانوا يديروا هكا ولا اذا ماساعدتكمش الطريقة هاذي نديرلكم طريقة داعش :yahoo01::bravo01:
عالعموم بدون تشخمير فالهدرة سمعتو كلمة الزواااج كامل دخلتو تجروا :yahoo01::d شابات وشبان آه تموتوا على الزواج :$:$
ياسيدي قالكم العنوسة في ارتفاع وحرقولنا مخنا بهاذ الميضوع عنوسة بوران عنوسة بوران ماهذا ياهذا :tongue02::tongue02:
والآن لقينا الحل او بالأحرى ماشي حنا لقينا الحل هوما لقاو وماتسقسونيش شكون هوما
قالك ماعليك يا سيدتي العزيزة الا أنك تروحي تشري كادنة :up: ودبري صورة الزوج العزيز لي راكي حابة تصيديه مع إلقاء بعض التعويذات مبعدة رايحا نقولكم واش هوما ويكون الزوج عندك
يعني حتى اذا راكي حابة مهند اون بيغصون اكدولي على لفرونسي رايح يجيييك من تركيا لدزاير باه يزوجك
ايوا درك بعد ماجبتي الكادنة والصورة تع الميسيو :love01: ابداي قولي
بخرتلك بالقصبر ...وانت عليا ماتصبر
بخرتلك بالجاوي ....تجيني تجري من القهاوي
بخرتلك بالقرفا..تجيني تجري بلحفا
بخرتلك بالسكنجبير ...على جال ترمي روحك فالبير ...اووووو هادي واعرة خخخخخ
بخرتلك بالمعدنوس ...على جالي تولي تضرب بالموس
أيااااااااااااا ستووووووووب وااااات ذي هيل ياعمري على انجليزيتي الجميلة
واقيلا صح امنتو ودرتو في بالكم كاينة منها وبديتو توجدوا فالكادنات والتصاور
نداء لكل شاب حاط تصويرتو في اي موقع من مواقع التواصل الاجتماعي ....قبل مايفوتك القطار روح اجري نحيها لا يوخذوك فيها :smile02:
والله صح صح خاوتي نرجعو لصلب الموضوع يعني للدرجة هاذي لحق بينا الجهل والشرك بالله أنو نفسدو حياة شاب او شابة بالشعوذة
يعني هو كل شي مكتوب وفي يد ربي سبحانه شغل هاد الناس وبتصرفاتهم راهم يعاكسوا في واش قال ربي
كاين شيء بنات صح صح هبلوا حتى عادوا يديرو كل شيء على الزواج
يا اختاه يعني معقول تلحقي دمري حياة شاب هو مايحبكش خلاه تروحي عند المشعوذات باه تخليه يحبك .... مايحبكش مايحبكش تساليه ا بنتي ماتشاليهش يعني لوكان شاف فيك حاجة تتحب راهو حبك :tongue02:
لحقت بالبنات تع الوقت هذا وين عادوا يحوسوا كيفاه يديروا هاذ الشعوذة حتى لحقت وحدة فالفايسبوك حطت تصويرة تع واحد وقاتلهم نحبو وهو لالا وراهي عندي الكادنة وخصتني غير التعويذة ......من نيتك صديقتي .. انا من رايي هاذيك الكادنة روحي ديريها فهاذيك البذيرة لي عندك في راسك وتهناي ......
لحقت بينا تاني وين عدنا نديروا حملة تنظيف المقابر .....شغل حنا ماكملناش من شوارعنا حتى تخلونا نروحوا للمقابر .....
ووصلت بيكم تنتهكوا حرمة القبور باه تمارسوا أبشع طرق الشعوذة
ربي يهدي ماخلق
أختي الشابة ربي كي يكون كاتبلك هذاك الشاب والله لوكان تروحي وراء البحر رايح يكون مكتوبك ...وكي مايكونش كاتبهولك ومانعرف بواه تبخري غير مايكون مكتوبك امالا حطي رجليك في ماء بارد .وهاديك الكادنة لي شريتيها مديها لباباك ولا لخوك يديرها في باب داركم ماشي خير
ربي يهدينا ويصلح أحوالنا
سكان اللمة نحول الميكروفون آه قصدي الكلافي ليكم باه تتكلموا وماتخلوهاش في قلبكم ....وماعندكم وين تهربوا راني دايرتلكم كامل الكادنة على موضوعي :yahoo01::p:-h ياتجاوبوا ياتجاوبوا خخخخخ
كانت معكم الزهرة الحمراء من وراء الشاشة
تحياتي
خلوني نوجه اولا تحية لأصدقائي في لندن هلللووووووو :regards01:
نرجعو لأحباب اللمة
توحشتوني ولالا لي يقول لالا اليوم نطيرلوا راسو ونعلقو فوق الموش تع البالي كيما كانوا يديرو الهنود الحمر :-o:sport01:
المهم مانعرف اذا كانوا يديروا هكا ولا اذا ماساعدتكمش الطريقة هاذي نديرلكم طريقة داعش :yahoo01::bravo01:
عالعموم بدون تشخمير فالهدرة سمعتو كلمة الزواااج كامل دخلتو تجروا :yahoo01::d شابات وشبان آه تموتوا على الزواج :$:$
ياسيدي قالكم العنوسة في ارتفاع وحرقولنا مخنا بهاذ الميضوع عنوسة بوران عنوسة بوران ماهذا ياهذا :tongue02::tongue02:
والآن لقينا الحل او بالأحرى ماشي حنا لقينا الحل هوما لقاو وماتسقسونيش شكون هوما
قالك ماعليك يا سيدتي العزيزة الا أنك تروحي تشري كادنة :up: ودبري صورة الزوج العزيز لي راكي حابة تصيديه مع إلقاء بعض التعويذات مبعدة رايحا نقولكم واش هوما ويكون الزوج عندك
يعني حتى اذا راكي حابة مهند اون بيغصون اكدولي على لفرونسي رايح يجيييك من تركيا لدزاير باه يزوجك
ايوا درك بعد ماجبتي الكادنة والصورة تع الميسيو :love01: ابداي قولي
بخرتلك بالقصبر ...وانت عليا ماتصبر
بخرتلك بالجاوي ....تجيني تجري من القهاوي
بخرتلك بالقرفا..تجيني تجري بلحفا
بخرتلك بالسكنجبير ...على جال ترمي روحك فالبير ...اووووو هادي واعرة خخخخخ
بخرتلك بالمعدنوس ...على جالي تولي تضرب بالموس
أيااااااااااااا ستووووووووب وااااات ذي هيل ياعمري على انجليزيتي الجميلة
واقيلا صح امنتو ودرتو في بالكم كاينة منها وبديتو توجدوا فالكادنات والتصاور
نداء لكل شاب حاط تصويرتو في اي موقع من مواقع التواصل الاجتماعي ....قبل مايفوتك القطار روح اجري نحيها لا يوخذوك فيها :smile02:
والله صح صح خاوتي نرجعو لصلب الموضوع يعني للدرجة هاذي لحق بينا الجهل والشرك بالله أنو نفسدو حياة شاب او شابة بالشعوذة
يعني هو كل شي مكتوب وفي يد ربي سبحانه شغل هاد الناس وبتصرفاتهم راهم يعاكسوا في واش قال ربي
كاين شيء بنات صح صح هبلوا حتى عادوا يديرو كل شيء على الزواج
يا اختاه يعني معقول تلحقي دمري حياة شاب هو مايحبكش خلاه تروحي عند المشعوذات باه تخليه يحبك .... مايحبكش مايحبكش تساليه ا بنتي ماتشاليهش يعني لوكان شاف فيك حاجة تتحب راهو حبك :tongue02:
لحقت بالبنات تع الوقت هذا وين عادوا يحوسوا كيفاه يديروا هاذ الشعوذة حتى لحقت وحدة فالفايسبوك حطت تصويرة تع واحد وقاتلهم نحبو وهو لالا وراهي عندي الكادنة وخصتني غير التعويذة ......من نيتك صديقتي .. انا من رايي هاذيك الكادنة روحي ديريها فهاذيك البذيرة لي عندك في راسك وتهناي ......
لحقت بينا تاني وين عدنا نديروا حملة تنظيف المقابر .....شغل حنا ماكملناش من شوارعنا حتى تخلونا نروحوا للمقابر .....
ووصلت بيكم تنتهكوا حرمة القبور باه تمارسوا أبشع طرق الشعوذة
ربي يهدي ماخلق
أختي الشابة ربي كي يكون كاتبلك هذاك الشاب والله لوكان تروحي وراء البحر رايح يكون مكتوبك ...وكي مايكونش كاتبهولك ومانعرف بواه تبخري غير مايكون مكتوبك امالا حطي رجليك في ماء بارد .وهاديك الكادنة لي شريتيها مديها لباباك ولا لخوك يديرها في باب داركم ماشي خير
ربي يهدينا ويصلح أحوالنا
سكان اللمة نحول الميكروفون آه قصدي الكلافي ليكم باه تتكلموا وماتخلوهاش في قلبكم ....وماعندكم وين تهربوا راني دايرتلكم كامل الكادنة على موضوعي :yahoo01::p:-h ياتجاوبوا ياتجاوبوا خخخخخ
كانت معكم الزهرة الحمراء من وراء الشاشة
تحياتي
آخر تعديل بواسطة المشرف:
