لي حابة تزوج تشري كادنة ...عرض محدود

[الزهرة الحمراء]

رد: لي حابة تزوج تشري كادنة ...عرض محدود

يفعل الجهل بصاحبه مالا يفعله العدو بعدوه ، للأسف الشديد، كل وحدة ربي كاتبلها مع من تعيش علاه تروح للحرام باه تلقى وتحكم واحد مسكين تفسدلو حياتو يولي مهبول والله حرام عليهم هاذ الشيئ ولوكان كانت الكادنة صح تصلح علاه ماتجيبيش فوطو من النت لواحد زين ومولا دراهم وديريلو كادنة وتتهناي ؟

صدقت أخي ...كل شيء بمكتوب ربي ومكتوبنا رايح يجينا يجينا علاه علينا نعقدو فالامور وندخلو في حوايج تغضب ربي
هي المشكل ماشي في تصلح الكادنة ولالا المشكل انو بناتنا من قوة ضعف الدين تاعهم وين عادو يروحو جهلوا صح يحبو يوصلو لواش راهمم حابين بأي طريقة حتى لوكانت ضد تعاليم ديننا
ربي يحفظك خويا على المرور الطيب
تحياتي​

 

[الامين محمد]

رد: لي حابة تزوج تشري كادنة ...عرض محدود

السلام عليكم انا رحت نجري للتصاور قبل ما تنحيهم لقيت غير نص ياو راسك ماكانش وانا ندير كادنة ولوكان يجي واحد لاطاي كيما انت:d:d:d
ايا حطنا تصويرة مسقمة اموا الواحد يشقى يشري كادنة على الصح :yahoo01:
:yahoo01::yahoo01:

ههههههههههههه
يا خليتي الأتراك كيف دايرين
و جيتي لواحد كحلوش كيفي هههههههههه
شكرا أختي التوأم

 

[الزهرة الحمراء]

رد: لي حابة تزوج تشري كادنة ...عرض محدود

سلام عليكم
ياو نقولك الصح راكي كادنتيني في الموضوع شوفي راهي ال11 نتاع الليل جيت نضرب طلة خفيفة رجعت نكتبلك في رد هههه
نرجعوا للموضوع نتاعك حقيقة قلة الوازع الديني هي لوصلت بيهم لهذي الحالة :down: وحدة تدبر في التصاوير و وحدة تدبر في الكادنات نحكيلك نكتة مي ماهيش نكتة بل حقيقة ههه خويا مرة راه للكنكاري لقا وحد الشيخ كبير قال لمولا الحانوت اعطيني كادنة قالي خويا بدا يستغفر هذاك الراجل و الشيخ مسكين منين ماذهوش من رواد عمي الفايس قعد حال فمو :-o و ماشي غير البنات لي يديروا الكادنة كاين رجال و راهم يديروا الكادنة ههه
و الله ما لقيت واش نزيد فوق واش حكيتي و زيد الوقت تأخر راني مزروبة شوية هههه شوفي دبري كاش واحد و لا وحدة يديرولي كادنة لسيد باك باش نجيبوا ب 17 برك راني ما كثرتش ههه :p
الله يعطيك الصحة على الموضوع الجميل بارك الله فيك
و نقولك I kadn you بلغة اخرى احبك ههههههه
تحية ^^​

وعليكم السلام مصيبة ههه
وهذا وين فقتي راني درتلكم كامل الكادنة شوفي لي يدخل مايقدرش يخرج هذا عقار صحيح لي درتو هههههه تحبي نعطيك نعطيك ماكانش مشكل مبصح كي نكونوا وحدنا شششش ماشي قدامهم
وهي صح قلة الوازع الديني كيما قلتي .....هو صح الواحد مايقدرش يتحكم في قلبو تحبي واحد أدعي واتقربي لربي انو يجمعكم في حلالو مبصح باه تروحي للعفايس هادو لي مايقبلهم لا ربي ولا عبدو لالا
شوفي نقولك الامور هاذو كامل يجو غير من النساء انا جامي شفت راجل دار السحر صح تلقاي سحار ولكن لي روحلو غير النساء جامي شفت راجل دار سحر لعروسة باه ماتولدش ولا راجلها يكرها ديما النساء يديرو هاد لعفايس
ربي يهدينا برك
تجيبيه 17 برك اووووووو شوية انا راني درتلو كادنة باه نجيبو ب 19 وتشوفوني عند بن غبريط تسلم عليا ههههه ياخي ماطلبتش بزااف
الباك خير من مليون راجل
يعطيك الصحة على مرورك الرائع
انا تاني نحبك وانا نحبك ماشي بلغة الكادنة هههههه
اخطينا منها هاديك راهي لغة خطيرة​

 

[الزهرة الحمراء]

رد: لي حابة تزوج تشري كادنة ...عرض محدود

السلام عليكم
انا هاذ سوجي تاع الزواج راني دايمن نخمم فيه
راني حاب نتزوج بصح ملقيتش

ههههههههه

:-r
:up:
:-h

السلام عليكم خويا
أنوي برك دزاير معمرة نساء
واذا ماعجبوكش لمتنا فيهأ غير الفحلات والحرة لختها :d
يعطيك الصحة على مرورك الطيب
تحياتي ​

 

[لؤلؤة قسنطينة]

رد: لي حابة تزوج تشري كادنة ...عرض محدود

السلام عليكم
راني رجعت ماجدولينتي كيما وعدتك البارح
انا كنت حابة نهرب ساع الكادنة تاعك صحيحة رجعتني بالسيف هههههه
المهم نداء عاجل للبنات لي تتفرج الافلام الهندية وحلمها تتلاقى بشاروخ خان ماعليك غير بكادنة صحيحة ومليح تكون مصددة
اقفليها بـ 5 مفاتح والمفتاح ارميه في البحر ماتدريش هههه وماتعياي في بوليوود هههه
لي تتفرج التركية وتستنا في مهند زوج خطوات وتصبحي عايشة في تركيا شوي تعويذات وكادنة والحلم يصبح حقيقة ههه
ربي يهدينا برك وربي يعافينا ويسترنا، خاطر الناس هبلت صح وجهلت ولات تفضل الدنيا على الآخرة وتفضل تغضب
ربي باه تلحق لحاجة ماهيش مكتبتلها، يعني كي يكتبلك ربي عبد راهو يلحقك ولا راهي تلحقك خاطر حتى الرجال
ماش ساهلين، قداه من جبانة لمت صور نساء في كادنات بصح النساء مشهورين بالعفايس هادو كتر من الرجال
يعني الرجال نسبة قليلة، درك انا لي حابة نفهمو راكي درتي كادنة وجبتي شخص لعندك وتزوجتي ومن بعد؟؟ خلاص
هادي هي السعادة؟ السعادة كي تعيشي مع شخص كي الروبو ماش فايق حتى كيفاه حياتو، وياسيدي تم اكتشاف
الكادنة هاديك وتنحى السحر هاداك كيفاه من بعد؟؟ تطلقي؟ يتشردو ولادك؟؟ الناس تولي تنعت فيك بالصبع بلي
تاع سحر وزيد لي تجهل راكي غضبتي ربي، يعني السعادة عمرها ما تتبنى على غضب الله تعالى، خاطر ربي اذا شافلك
خير في الشخص هاداك راهو يجيك وحدو ماش حتى تكادنيه ولا تسحريه ولا تربطيه ، يعني زعما نتي رايحة تعرفي مصلاحتك
خير من ربي سبحانو؟؟ يعني واحد الجهل، ومن بعد تقولك انا انثى، واينة انثى ونتي تدوري في الجبانة في الليالي وتغرسي
في الكادنات وتروحي عند السحارات هنا كن بعتوك تجوزي العسكر احسن ولا تعسي الحدود راكي مابقات فيك حتى
ريحة للأنوثة هادا بلا مانذكرو علاقتك بربي خاطر هادي راهي خط احمر بمجرد تعديه يسمى مابقاتش هدرة معاك
يعني واش نقولو؟؟ ربي يهديهم ويهدينا وربي يستر بناتنا وشبابنا ويعافيهم
شكرا حبيبتي على الموضوع ربي يوفقك ان شاء الله في امتحانات الباكالوريا وتنجحي بمعدل لي حابتو
تحياتي
​

 

[الزهرة الحمراء]

رد: لي حابة تزوج تشري كادنة ...عرض محدود

مديلي لامارك تاع الكادنة لي درتيه 23:51
موضوعك شباب بزاف عينيه خضرين و سنانه بيضين خلاص نرجع للموضوع متزعفيش
اولا :البنات بزاف في الفاسبوك رجعو يحطو صور و يطلبو تعويذة و تلقيها طفلة عاد في متوسط (كارثة) المهم حسبو هذي كما غوسات تاع gاطو خلط جلطو مد للعربي ايوا هكدا
معلابالهم غير هذاك الكلام حرام ...درك فاسبوك تعمر بصور و تقوللهم ربي يخليكم حبيت تعويدة
يعرفو ربي ...مكانش علاابالي
المهم و تاني حاجة و تتزوجيه من بعد
تجيبي اولاد مرضا ...السحر يمشي في الحمل تعشي ضيعتي حياتك على جال زواج فاشل
يعني يتزوجك هو الاهم و سعادتك وين !!
باختصارالسحر كاين فيكل بلاص و من بكري غير درك ولا لامود
مثال بسيط في الحانوت تاع الاخ بزاف ناس يجيبولهم حلوى حلويات ماكلة بلا مناسبات و هما مياكلوش
واحد مرة واحد معاهم جاع قاله عندك حلوة ..حله خزنة و قاله خير بدا هديمشكوك فيها و هذي و هذي ايا بسم الله ناكل هذي
و السيد هذا مداوم على قران و صلاة هذيك الليلة بات يستفرغ ...ماذا تستنتجي ؟؟؟
حنا ماشي مرة ماشي زوج لقينا سحر في دار المهم درك باشتاكلي عند جارتك و فلانة و فلانة مستحيل التقة مكانش
مهما تختلف طريقة يبقا السحر نفسه
يبقا شرك بربي شرك الاكبر ..
درك مبقاوش غير نسا رجال و يسحرو و راكم شفتو موضوعي على سحار تاع لاسيتي لي بسبته جيرانه رحلو
ربي يلطف و خلاص
و لحد الان بابا مزاله فيه بقايا السحر لي كان راح يفرق دار لا زواج لا والو غير غاضتهم معندهش و فرحان قالو لالا لازم يولي زعفان مي واش ربحووو 00 هما يروحو عنك الشياطين و حنا عندنا رب العباد

كتبة مخلطة هههه غدوا بادن الله نديرلها تعديل بالميكرو

السلام عليكم قرعاجة
خلي مبعدة نعطيك لامارك تع الكادنة نمدها غير لحباب هههههه
تفريلك كامل امورك
وبركاي ماتكحلي على موضوعي عجبوك عينيه ههههه
بكري قالك عيش تسمع درك عادت عيش تشوف وعلى طريقة HD تشوفي صورة ولون واضحة
الجهل ماعادش حاكم طائفة وحدة لالا راهو ينتقل حتى كيما قلتي لحقت لبنات المتوسط هابنتي اقعدي عاقلة خيرلك قالها كادنة روحي حلي. تماريناتك
وكي قلتي على سحار حومتكم هي صح تلقاي راجل مشعوذ ولكن لي يروحولو غير النساء انا نشوف الشعوذة يروحولها غير النشاء وكيما قلت من قبل شكون يسحر لعروس نساء شكن يسحر الراجل لمرا وخلي وخلي
والله هاديك المرة شفت صورة تع عريس وعروسة في ليلة حنتهم قاسمينها على زوج وكاتبين فيها من لور كتبة ماهيش مفهومة حطوها فالفايس
يعني ولينا نشوفوا لعجب صح
وبالنسبة لحكايةلشاب تع الماكلة الواحد عاد يفيتي قد مايقدر ماياكلش من عند ناس مايعرفهمش وحتى لي نعرفوهم والله مابقاش لامان
ربي يهدينا ويصلح احوالنا
بالمناسبة راكي قلتي مبعدة ترجعي تعدلي ردك مارجعتي ماندبتي هههههه
تحياتي​

 

[الزهرة الحمراء]

رد: لي حابة تزوج تشري كادنة ...عرض محدود

يعطيك الصحة على الموضوع
العباد بعدت على مولاها وتعمر في راسها حوايج لا تدي لا تجيب
ما يحصلو منها غير غصب ربي سبحانو كل ما نسمع بواحد مسحور يوجعني قلبي وطيحلي الدمعة كيفاش العباد تخمم
حبيتي حاجة ادعي ربي سبحانو يسهللك في طريقك ليها مش تغضبي ربي سبحانو وتحوسي على الربح في حياتك
لوين وصلنا والعياذ بالله
في الاخير لا حول ولا قوة الا بالله ربي يهدينا

​

السلام عليكم اختي
لوكان جا الواحد قريب لربي سبحانه مجرد مايخمم فالعفسة هادي ......يخمم في عواقبها وفي غضب الله
ولكن كي عاد الواحد ماهوش حاط سخط الله في بالو قادر يدير كل شيء واحد مايخافش من ربي واش تتوقعي منو !!!!!
ربي يهدينا ويصلح احوالنا ويبعد علينا كل شوء
تحياتي لك اختي
بوركت على المرور ​

 

[الزهرة الحمراء]

رد: لي حابة تزوج تشري كادنة ...عرض محدود

وعليكم السلام
وها الكادنااا الكادنااااا ... انت جيبي سحارتك وانا ليا ميمتي -_-
عاجل ارتفاع اسعار الكادنات في الاسواق السوداء وهذا بعد نفاذها تماما من عند الكانكاري ... مي انتوما تاع لندن كيفاه وصلت ليكم الكادنة ؟؟؟ انت ديتيها لهم منا مكانش كي توصل هه
والله ختي راد فلاور وش راح نقلك الوقت ولا يخوف سيرتو البنات دوك ما هداهمش ربي تحب تصيد هدا الشاب وتعمل كلش حتى ان تحطم ليه حياتو المهم تحب تشوفو مهبول عليها ولا يقطع في حوايجو ولا يبان بهلول ... حتى ورديتيه يجري لعندك وريقو يسيل كي يشوفك بهاد السحور او ما يحبكش او مش هو لي يجي عندك او واحد خلاف ... واللي زاد عليها هاد اليام ختي هو الفايس بوك والاعلام ولاو منين يلقو يديرو فوطو تاع واحد يقولو اجرو عليه ليه يعرفو دوك اي انتاشرت في الفايس بوك اما بضحكة واما بناس حبت تعمل الخير مي المشكل ان حصل اشهار كبير لهادي الكادنة وهنا الكارثة ان اصحاب القلوب الضعيفة راح يجربو كل الطرق باه يكادنو كاش شباب مسكين.
طريقة طرحك للموضوعك هايلة بزاف يا لي تسكني وراء الشاشة يعطيك الصحة ختي
​

السلام عليكم
مرحبا بيك خويا هشام ....خلاص اي واحد تشومر ومالقاش خدمة يحل طابلة تع كادنات معاها صور تع فنانين بقاقيس هههههه وهو دار لافار واصبح لديه مصدر للربح السريع .....نخمم آه لاداعي للتصفيق
حنا تع لندن هاذ العفسة عدنا من بكري ولكن انتم في ما افريقيا عموما والجزائر خصوصا ديما تعوجوا الحاجة حنا عدنا جسر الحب الراجل والمرا يجيبو كادنة بعلم الطرفين يكتبو فيها اساميهم ويحطوها فالجسر دليل على الحب والأبدية مبصح نتوما ياصديقي لالا ياحليش تسلل واضح عوجتو كل شيء
والله فالوقت هذا ماشي غير الرجال لي يخافو من النساء حنا النساء وعدنا نخافوا من النساء يابن عمي طيروها لإبليس
انا وحدة من الناس وليت نتوسوس خلاه وزيد نقولك عفسة الوحدة درك دير ثقة في طفل وماديرهاش في طفلة
عجب الوقت لي لحقنالو
واذا كاش ماراك حاب كادنة صحيحة باه ديرها لكاش خدمة قولي برك نعطيك في. الاشكال والالوان والارقام هههههه
وكاين لي المفعول تاعها ضعيف وكاين متوسط وكاين لي قوية كي البومبا ههههههه
ربي يحفظك خويا ويبعد عليك كل شر
كانت معك الزهرة الحمراء من وراء الشاشة خخخخخ
تحياتي الكادنية وبلا توسويس ​

 

[الزهرة الحمراء]

رد: لي حابة تزوج تشري كادنة ...عرض محدود

ههههههههههههههههههه
حذاري نسبة المهبووولات في ارتفاع مذهل في المنتدى
أكيييد اختي الزهرة الحمرا واحدة منهم
راكم تجيبوا مواضييييع طوووب هاذو ليامات
هاذ الميضوع طوب و مهبوول
غادي نشري كادنة و نلصق فيها صورة شركة باش نلقى خدمة ههههههههه

أنا نجري نحي تصاور نتاوعي من مواضيع العمرة اللي عملتهم في منتدى قبل ما تلحفوا عليهم ههههههه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نرجعوا سيريو أحم أحم
واش نقول كل هته الأمور شركيات و ضعف
الوازع الديني زيادة على التقلييد الأعمى
أراه فراغ روحي رهيب نعاني منه


​

السلام عليكم صديقي
ههههه وهذا وين فقتو بلي نسبة المهبولات في ارتفاع
ولكن انا خاطيني علاه تحصل فيا خلي بالاك كاش عريس يكون جاي تهربو
انا عاقلة احم احم
انا نقولك ماتجيب لا كادنة ولا صورة شركة ولا والو حل طابلة تع كادنة درك تشوف كيفاه يعود عندك مدخول
وحنا جماعتك وجماعة اللمة ديرلنا صولد ولكريدي تاني ماتنساش ههههه
ههههههههههخهه اواه ماتخافش منا حنا نساء اللمة لوكان حيت حاطهم فالفايس نقولك خاف
ولكن كاين عضوة رايحا طير بيهم ليليا غير اجري نحيهم
الوحدة تخلي ايمانها بربي كبير
وربي رايح يعطيلها مكتوب صحيح
يعطيك الصحة صديقي على مرورك الطيب
تحياتي
​

 

[Msb security]

رد: لي حابة تزوج تشري كادنة ...عرض محدود

السلام عليكم خويا
أنوي برك دزاير معمرة نساء
واذا ماعجبوكش لمتنا فيهأ غير الفحلات والحرة لختها :d
يعطيك الصحة على مرورك الطيب
تحياتي ​

انشاء الله ختي بارك الله فيك :d
كيما يقولو ناس بكري كلش بلمكتوب
ونديها بنت بلادي خير م برانيا
:up:

انشاء الله ربي يرزقنا الزوجة الصالحة
وتكون حنينا :-r :-h
يارب

 

[شاعرة الأمل]

رد: لي حابة تزوج تشري كادنة ...عرض محدود

هاي ماي بريتي راد فلاور
هاو ار يو اي ويش ذات يو ار فاين ..بات كان اي اسك ايو
وات داز ات مين كادنا ؟؟؟ :s
ياي شحال نعرف نحكي كادنا اودي انجليزي
موضوعك رائع بصح كادنيتوني بهاد الكادنا وين مانروح نلقاهم يحكيو عليها فيسبوك لمة ...ومشتقاتهم
ايمالا يلا هكا نقدر نكادني الباك ؟ :s
تاع الصح البنات جياحو حتى السحور ماعادش كي زمان
بكري ياو شوية شب وشوية ملح و تعويذة صحيحة تجيبولها يحبي لعندها
ضرك ولات بالكادنة ..منا على شهر تولي بالسيمان والبيطون ..ياخي حالة
لادين لا هم يحزنون ربي يهديهم وخلاص
بصح انا حاجة راهي محيرتني زعما كي ماتتزوجش عيب ولا تموت واش فيها راكي قاعدة ولي كاتبو ربي يلحق
لا اله الا الله والله غير شعبنا هبل وطار عقلو والسقف تاعو وقريب يطير هوا كامل ويطير ان شاء الله ونتهناو منو اه صبرو ماشي كامل
مشكوووووووووووووووووووووووورة على الموضوع وممبعد نكادنيك باش مايزيدوش يديرولك ختم التميز
اي كادن يو اودي اي لاف يو تايك كار اف يور سالف
:regards01:​

 

[بنقابي افتخر]

رد: لي حابة تزوج تشري كادنة ...عرض محدود

ههههههه
يا عمري على الانجليزية يا عمري يا عمري. بوسه في الدوك الخدود وزيدي حتى قرصة خخخخخ
وين جبتي هاد الميضوع. احم احم ايا ستفي روحك
اوكي. بون السيجي ديالك. مهم وزتي حتى اعطيتيهم التعوذات آويا بقاو على رقبتك. هههه سيئة جاريه يا وخلاك خخخخخخخخ
البنات هبلو جات غير على الكادنات يالعجب رانا نسمعوه هادي تڨزن وهادي تسحر وهادي تكتب أييييه طفرت غير فهداك المخلوق. الله يكون في عونو اللي يتكودا. الله غالب ماعندناش الموت باس. شوفلك كانش سلك. سلك روحك بيه ( اعني يجيف روحو خير من اللي يعيش كي الكانيش ) الله يجيرنا من الاعظم
هدي اضافتي لميضوعك خفيف ظريف. اني مقلقا هههههه
سلااااااام​

 

[بنقابي افتخر]

رد: لي حابة تزوج تشري كادنة ...عرض محدود

السلام عليكم خويا
أنوي برك دزاير معمرة نساء
واذا ماعجبوكش لمتنا فيهأ غير الفحلات والحرة وختها :d
يعطيك الصحة على مرورك الطيب
تحياتي ​

اممممممم الفحلات آه.
تاكلي الدجاج آه :p
على من راكي تمعني. يا السلعوطة خخخخخ​

 

[الزهرة الحمراء]

رد: لي حابة تزوج تشري كادنة ...عرض محدود

السلام عليكم

كنت رح ندير رد البارح ومبعد خفتك تكادنيني انا وش داني هههه ومبعد لقيتك زهرة
امم صراحة هادي الكادنة عياونا منها في الفيسبوك خخخ الشباب كامل حكمتهم الخلعة
وولاو ينحوفي تصاورهم الشخصية من البروفايل خوفا انو كاش وحدة تربطهم بالكانة
الا من رحم ربي
والله في شوكوبستان هادي كل يوم خرجة جديدة تحيرلي صح كيفاش يخمو
هاد البنات يغضبو ربي ووكان غير جا داك المخلوق حابها
يعني متحبنيش نكادنيك ونديك بالسيف عليييك ربي يهدي
هاهو يوسف زروطة كادناوه خخخخ الرجاء لي يعرفو يبلغو خخخ

ربي يهدي

:regards01::regards01::regards01:​

وعليكم السلام ايتها السمراء
هههههخخ ماتخافيش انا مانكادنيش النساء نكادني غير الرجالة :$
خلي تحكمهم الخلعة هكا بالاك ينقصو علينا من صورهم الفايسبوك عاد البوم صور وين دوري تلقاي واحد واصفلنا حياتو الشخصية غير بمجموعة صور بنات بلادنا من النوع لي يحبو التغنانت
تلقى واحد يحبها ويموت عليها تروح وتخليه تلقى واحد مايحبهاش دير لامبوسيبل تاعها باه تديه زكارة هههه
يوووووو زاروطة مسكين كادناوه وانا نقول علاه ماعادش يدير لي فيديو مسكين روحو قولولو يروح عند شمسو يرقيلو رقية صحيحة
يعطيك الصحة اختي على مرورك تحياتي ​

 

[الزهرة الحمراء]

رد: لي حابة تزوج تشري كادنة ...عرض محدود

السلام عليكم و رحمة الله تعالى و بركاته
مشكورة ماجدة موضوع تخيزانبوغتون هاد اليامات
و لي راهو مدايرة ضجة كبيرة في فئة الشابات اكثر من الشبان
و الله حالة واش تحبي نقولك الناس جهلت ولا تخمامها كامل في الزواج لكن للاسف مفهوم الزواج مقتصر عن البعض
و نساو بلي الزواج مسؤولية كبيرة رح تكون على عاتقهم
مي دومااااج ولا كامل يحبو يكونوا اون كوبل ميهمش كيفاش المهم يلقاو طريقة تساعدهم و اخرها الكادناات
يا بن عمي الناس خرفت و راحت فيها
و هاد الشيء كامل راجع لنقض الوازع الديني في بلادنا بصفة خاصة
و التقليد الاعمى للغرب و اجتهاد الكفار على طمس الهوية الاسلامية خلا كل هاد الشرك يزيد بلا منحسوا عليه
الشبان ولاو يمشو و خلاص جسد بلا عقل كالشجر بلا ورق
و الله الواحد ولا قلبو يوجعوا
نطلبوا من الله سبحانه و تعالى يبعدنا على هذه الفئة من الناس و يهديهم و يهدينا الى الصراط المسقيم

مي بيناتنا ماجدة عجبتني تاع : بخرتلك بالجاوي ....تجيني تجري من القهاوي
خيرلي كاش زينون من اللمة نديرهالو بلاك يجيني يجري
خهخخخخخخ
تحياتي القلبية لكي يا حلوتي
مشكوورة على الموضوع

وعليكم السلام اسومة
شفتي حبيبتي شي بات عاد كل واش يهمها انها تقول عندي راجل مايهمش كيفاه مداير ولا منين المهم يقولوا فلانة زوجت لا بغا دير على جال هداك الزواج العجب العجاب هك شوي درك يعودوا يخطفو الرجال ياسبحان الله
حاطين في بالهم بلي لي ماتزوجش راهي فيها عيب بالعكس كل وحدة وواحد واش راهو كاتبلو ربي فيها وكل حاجة ربي يعطيهالنا فيها ألف خير
علاه عليا نعاكس امر ربي بالحرام ربي يهدينا ويصلح احوالنا
هههه امالا عجباتك هاديك انا عجبتني تع بخرتلك بالسكنجبير وعلى جالي ترمي روحك فالبير
آآآ هنا حبسي مانخيرلك ماتخيريلي انت لي رايحا تعيشي معاه شوفي خيري انت وعليا الوصفة السحريه هههههه
اعطيني الاسم برك وكل شيء ساهل :-h:d:p
يعطيك الصحة غاليتي على المرور
تحياتي​

 

[الزهرة الحمراء]

رد: لي حابة تزوج تشري كادنة ...عرض محدود

مشكووووووورةعلى الموضوع الكادنات راهم دايرين رايهم

السلام عليكم اختي
دايرين حالة برك ...قالك الدزاير خمت بعد نزول سعر البترول انها تعتمد في اقتصادها على تصدير الكادنات :love01::sport02:
يعطيك الصحة اختي على مرورك الطيب
تحياتي​

 

[الزهرة الحمراء]

رد: لي حابة تزوج تشري كادنة ...عرض محدود

السلام عليكم ورحمة الله تعالى وبركاته

حاجة باينة نتوحشووك يا الزهرة ديالنا المهم

هدا الموضووع راه منتشر بزااف في هاد الفترة الاخيرة على كل حااال الله يصلح الاحواال

كيما قلتي كل شي بالمكتوووب وكل حاجة راهي مسطرة من عند ربي سبحاانو علاه عليييك هاد الكادناات والبخوووراات الله يهدي ما خلق

علبالك شكون الي مستفااد في هادي الظاهرة تاع الكادنات هو غييير السيااغ نقلك علاش بسكووو كل ما تتشرى كادنة السياااغ يبيع خاتم

المهم الله يهدي ما خلق والله يصلح احواال البلاد والعباد ..... اخطوكم مالسحور والبخوور والكادنات ادعي ربي في صلاتك ادا كان صالح ان شاء الله يكون من حلالك

مشكورة حبيبتي على الطرح الرااائع​

وعليكم السلام حبيبتي
اووووو واخيرا وحدة قاتلي توحشناك احم احم حشمتيني :love01:
ايا نرجعو للموضوع
الواحد لوكان جا حاط ربي في قلبو والله مايخممش كامل يدور بالعفايس هادو
مي كي عاد الواحد الايمان تاعوض ضعيف لي يجيبها ابليس تلقايه هو يقبلها ويديرها وعينيه مغمضين
ربي يهدينا ويصلح احوالنا ويحفظنا يارب من كل سوء
مشكورة غاليتي على مرورك الرائع تحياتي
​

 

[الزهرة الحمراء]

رد: لي حابة تزوج تشري كادنة ...عرض محدود

واو الكادنة ..الكادنة وتعدد استخدماتها كل واحد وكيفاش كاين الي تحب لزواج وهذه تقولي عليها انقطعت السبل ومالقات ليها وين بصح هذا ماشي مبرر كاين الله لو كان يدعوه عبده وخلقه سبحانه يفرج عليه . وكاين الي ناوي على دعوة الشر وهذا عندك وما تقولي عليه .. الكادنة رجعت الناس تشريها لدعاوي الشر انا في رأي يروحو توبو ويخطيهم من هذه الأمور انا نحير في الناس لي تحمل على اكتافها الذنوب وما يخافوش الله وتدير المنكرات وعلابابلها بلي ربي سبحانه راه يراقب فيها .. يحبسو الشاب والفتاة على الزواج والضمير تاعهم يبقى مرتاح تماما .. الله يستر علينا ويبعدهم ويخطينا من دعاويهم كل مرة كيفاش يخرجوا i heat it
الربورتاجات تاع التلفزيون تاع هذه الاعمال ماتقدريش تتفرجي فيهم يالطيف ​

السلام عليكم اختي
السحور تحت شعار ...تعددت الاستعمالات والغرض واحد
تبا لهم والله كيما قلتي تحيري فيهم كيفاه يكونوا هانيين في حياتهم وهوما دايرين هادو ظعاوي الشر كامل كيفاه يعطيهم قلبهم مثلا يربطوا عروسة على لولادة باه ماتجيبش ذراري ولا يربطو شابة على الزواج علاه عليهم هذا كامل واش راهم رابحين لا دنيا ولا آخرة
ربي يبعد بلادهم على بلادنا ناس كيما. هادو شحال من حياة شابة دمرت غير بسبب السحر وبلت ماننساو الشباب تاني لي وخدوهم الله يوخدهم
ربي يهدينا ويحفظنا اختي
الواحد عاد يخاف على روحو
يعطيك الصحة على مرورك وتحياتي القلبية ​

 

[باتنية و نص]

رد: لي حابة تزوج تشري كادنة ...عرض محدود

سلام عليكم

وش نقولك ميضوعك جا في وقت
ضحكتيني ولطلعتيلي لمورال بعد ماكان فالزيرو
في جرة لي كونترول..نقرا بنص عين
جامي في حياتي ننعس علا 21h...هاذ الحالة تجيني غير وقت لقراية
لدرجة قريت كلمة "حل"... حيوان. تالمو بالي كان عند. لي بروف ههه

والله مفهمتش يا انا لي مريضة يا انا لي مريضة

قتلونا بهاذ الموضوع وكانو العالم يحبس عند الزواج واذا مزوجتيش يبعثوك لغوانتانامو

اخطونا اسيدي منزوجوش -_-

ختي معليش تسقسيلي شحال تسقاملي كادنة وحدة
اني حابة نشري واحد 7 ولا 8 كادنات نحتاجهم فلي كونترول (اكي فاهمة علاه )
واذا لقيتي لي حطلهم الصولد متنساينيش ههه


ربي يهدي ماخلق
وبالنسبة لي لقات صورة الشاب ومعرفتش التعويذة

معليش نفيدوها :
قوليلها تردد هاذالشعار 7 مرات
خبشت خشمي خمس خبشات

اذا جاباتو صحيح انا نجيبلها السيد
ههه..ربي يثبت علينا لعقل

تحياتي ^^

 

[Malika Tlm]

رد: لي حابة تزوج تشري كادنة ...عرض محدود

السلام عليكم
واش حوالك ختي لعزيزة
ايه علا بيها الكادنات نقصو من السوق ههههه
يا لطيف واسم هدا ولاو يامنو بالخزعبلات وتلقايهم مشقفين ويديرو هكدا هههه زعما مثقفين
تعرفي مرة رحت عند الدقاق نشري فلفل عكري دخلت وحدة قالتلو عند الهبالة يا لطيف شفت فيها قلت يالطيف واسم هدا ختكم الفضول داها قربت ليها وقلتلها وهدي واسم هي تعرفو واش قالتلي
قالتلي هدي الهبالة ديريها معاك فالصاك نتاعك باش الرجال يهبلو عليك يالطييييييييف قلتلها وعلاه يا حبيبتي لي يحبني يجي بلا عشبة والعشاب قالها انا خطيني هاد الصوالح روحي عند ماليهم تلقايهم بهدلها
ربي ينجينا راهم غالطين بزاف المكتوب علي الجبين مايمحيوها يدين
الله يهدي ماخلق
يارب يبعدهم من طريقنا يارب
تحياتي حبيبتي موضوع ممتاز​