خبي سرك يا الغااافل ...

[قرصان الساحل]

جماعة الحلولو سكان جنوب المتوسط ... واش بيكم تشوفو معايا هكذا يقول ضربتكم صاعقة ايه هدا وين نضت من رقاد وزيد عمركم شفتو واحد ياكل الفستق مع السمك المشوي تحت ضوء القمر المحلى بالشيكولاطا وعسل سان فرانسيسكو .. اااه عمركم كليتوها ليس ذنبي شوفو مع قسم طبخ تاعكم مزالو ديمودي وانتوما مزالكم غير تاع شخاشيخ ... اشهــــــــــــــــــــــــــــــــــــــــــــار
فاه راح نحكيو اليوم فاه راح نحكيو خلوني كاش ما نلقى سوجي تاع صح اني فاتح موضوع وغير نكتب ومش عارف واش راح نكتب اصبروووا اني لقيت واحد السوجي مسوفج شوي مي نحكيو فيه غير قاعدين حنا ... نحكيو اليوم على ؟؟ نخليكم مع هاد الاغنية للمرحوم دحمان الحراشي .. خبي سرك يا الغافل واقرا حذرك لا تبين سرك للغير ... ناس طول الكلام والحيط بوذنيه .. ناس الحومة قاع دارو على جال هذا يقول جارو ... كل واحد زاد في خبارو بكلام كثيرررر ...
بعد هذا الفاصل الموسيقي الرائع راكم فهمتو موضوعي .. الحيط او بوذنيه احكو غير بشوي خاوتي ... نعم انه موضوعنا يا سادة الســـــــــــــــــــــــــر

خبي سرك يا الغافل هادي كانت بكري بين زوج يحكو ايا وصاحبو يقولو يا ودي احكي غير بشوي او الحيط بوذنيه ايا كي يحكو تماك شد مد السر مات رميتو في بير في صحرا تاع تندوف وغطاتو زوابع الرملية .. كلش كان في سترة لتحت لتحت ناس كامل تقضي امورها هكدا اي السترة مليحة تاني مي اليوم اي عندنا كيما قال رؤوف خليف ... ويوزززززززززززززززززززززززززززززززززززززززع

اليوم السر ما بقالو حتى معنى حتى ودير عليه ختم سري للغاية معندها حتى معنى او بزاف عندنا كيما قال رؤوف خليف تقولو منا كي يطول ساعة وهو شادو في قلبو يا ودي او دار لافار .. كيما صرا مع خونا مراد
مراد يحكي لمحمد : يقولو امحمد خويا نحكيلك سوجي بيني بينك والله ما حكيتو لواحد ..
محمد : خسارة عليك راك حبيبي تقولي هكا تقول عرفتني البارح
مراد : والله عارفك انت برك صاحبي اني شفت البارح صبرينة اي ولات تهبل وهزت صحتها مبقاتش كشرودة كيما بكري وزيد اك تعرف بكري كانت كشرودة واحد مكان يدور بيها واليوم اي تعدلت حبيت نشوف مع العجوز نديو حبيبات ميلفاي ونجيبوها
محمد : والله اني شفتها سمانة لي فاتت في سوق نسا والله مرا ونص ربي يسهل لك خويا ويتحضنو
محمد غير يتفرقو يهز تلفون يعيط لمجيد لي عندهم دراهم اسمع انت قتلي البارح بلي تحوس على طفلة شوف الطيب او عندو طفلة مليحة بزاف يسموها صبرينة زين وطاي وعقلية لو يمدوهالي غدوة نرسل والديا ... السي مجيد على الطاير يروح ويخطب صابرينة ويفكسيو لدات تاع العرس
وفي الجهة التانية السي مراد مزالو يخمم ويكتا يقول ليماه على هادي صبرينة وهي وقيل قريب تولي بولدها ...
ومبعد كي يسمع السي مراد يديكلونشي وميتزوجش حتى يولي في عمرو 50 سنة ومو مسكينة تظال طبع فيه اك كبرت وما شفت ولادك
وهادي على فكرة قصة واقعية

نرجعو نتكلمو ديما في موضوعنا اليوم رانا نشوفو ادا حبيت تعرف على كاش واحد حياتو اي ساهلة ادخل للفايس بوك وشوف حياة محمد هذا
سيلفي محمد يفطر بالخبز والكونفتير ويشرب حليب بيان نوار
سيلفي محمد في حملة تطوعية لتنظيف المقابر من الكادنات
سيلفي محمد يتغدا مع جماعة الحملة التطوعية ربي يجازيهم
سيلفي محمد مع صحبتو داير سيلفي وكاتب انا والمقلشة تاعي موتو يا الغيارين
سيلفي محمد يصلي صلاة المغرب مع اصحابو تاع الحملة التطوعية
اااوف بالسيف خلاصت قصة هذا محمد واخيرا ددار سيلفي وهو راقد
حبيت نقول اليوم ما بقات اسرار في بيوتنا او كلش كاين في الفايس بوك ناس العالم كلها علابالها وش راك دير وش تاكل ويكتا ترقد ووين معروض غدوة ومع من راك مرندف وشكون الطفلة لي تحبها صح ولي تخدع فيها والسنة وين راح تعقب الكونجي تاعك والعام الجاي وش راح دير سيرتو حنا جابولنا فكرة السيلفي ونسينا بلي حنا مجتمع تاعنا محافظ مش كيما حنا كيما هوماااااااا ياووووووووووو مرانااااااااااااااااااااش كيفهم يا عباد ربي بالسيف

انا واحد نعرف خوه مليح نروح لدارهم جامي شفت يماه مرة مشا خو صاحبي عمرة مع امو وكان آمي معايا في الفايس بوك اول حاجة دارها صور روحو هنا في مطار دزاير وقال اخر سيجارة ربي يبارك حبس دخان -_-.. ومبعد صور روحو في الطيارة كاتب انا والحاجة وانا كنت نقلب في الفايس بوك ايا وخوه مريح معايا قتلو اي الحاجة ههه قالي اااوووووو هادي العجوز وش جابها هنا يجي من العمرة نتفاهمو... ومبعدا كي هبطو تماك ياك جوزت معاه عمرة كاملة من دارنا ربي يحتسبلي الاجر ... حتى هداك اللي اسمو محمد سليمان العمري من اليمن وصور روحو كيفاه تغدى معاه

البنات اكم باينين مكانش لي ما تشدش سر كيف المرا تموتو على عقلية ويوووووووووووزززززززززززززززززززع هادي نعرفها من بكري انا ... كي شغل راكي تصب في الما على الرمل وحاب الرمل يشد ليك الما ههههه

المهم اني عارف طولت بعد ما كنت مش عارف وش راح نكتب المهم السر هذا او امانة في الرقبة والسترة مليحة حتى في الدين تاعنا يقولك اقضي صوالحك في السترة .. احنا قالك سيدي من بكري مليح وزادولو الهوا والريح ... من بكري حنا تربة غضارية وزادولنا السيلفي والامورات هادو جات سوا سوا ههه

مشكووووورين لي صبرتوا معايا
نوصيكم رقاد العشية اك تنوض وراسك مدودن
تحيـــــــــــــــــــــــــــــاتي
​

 

[Skor m@k]

رد: خبي سرك يا الغااافل ...

السلام عليكم
خويا هشام راني نولي​

 

[زهرة اللمة]

رد: خبي سرك يا الغااافل ...

ههههههه عندك الحق نحن في زمن يوزززززززززع

والله هذا الفيس بوك ما خلى اسراااار و عاد الواحد كي تقولوا راني حاب نقولك حاجة و بيناتنا عرف بلي راك تحفر في الرمل يااوو يبيعك يا محاينك

انا واش نقلك لي ما عندوا هم هموا الناس

 

[قرصان الساحل]

رد: خبي سرك يا الغااافل ...

السلام عليكم
خويا هشام راني نولي​

وعليكم السلام مرحبا خويا سكر
اسمع خليها بيناتنا راك تولي هه اني نستناك تولي ان شاء الله
شكرا على الاعتماد
​

 

[زهرة اللمة]

رد: خبي سرك يا الغااافل ...

حالياً الأعضاء النشيطين الذين يشاهدون هذا الموضوع: 11 (3 عضو و 8 ضيف)
‏المدريدية, ‏هشام هشام, ‏sosobibicha+

 

[قرصان الساحل]

رد: خبي سرك يا الغااافل ...

ههههههه عندك الحق نحن في زمن يوزززززززززع
ايه يا ختي المدريدية كون تبقى في قلبو اي تحرقو ما ينجمش لازم يوززززع باه يرتاح ويخلي صاحبو يماركي
والله هذا الفيس بوك ما خلى اسراااار و عاد الواحد كي تقولوا راني حاب نقولك حاجة و بيناتنا عرف بلي راك تحفر في الرمل يااوو يبيعك يا محاينك
ههه الفايس بوك او عرا ديارنا اليوم كلش ديرو راه يلحق على الطاير لجميع الناس .. واذا حاب سرك يبقى في الحفظ والصون خليه في قلبك
انا واش نقلك لي ما عندوا هم هموا الناس
وي هاديك هي يعطيك الصحة علخاطر ما يلقى واش يدير

يعطيك الصحة ختي المدريدية على مناقشتك الموضوع .. نورتي اختي
موفقــــــــــــــــــــــــة
​

 

[زهرة اللمة]

رد: خبي سرك يا الغااافل ...

هذي من عندي و بيناتنا

خاليها في قلبك تحرق

و لا تقولها للناس يحرقوك بيهااااااا

 

[قرصان الساحل]

رد: خبي سرك يا الغااافل ...

هذي من عندي و بيناتنا

خاليها في قلبك تحرق

و لا تقولها للناس يحرقوك بيهااااااا

ههه اها يا ختي خليها في قلبي تحرق ولا يحرقوني ناس
ياسر ما تحرقنا من الناس او الواحد ولا كي القط المشوط ما عندو ما يتحرق فيه اخخخ
ربي يهنيك ختي
​

 

[ليليا مرام]

رد: خبي سرك يا الغااافل ...

السلام عليكم اهلا وسهلا خويا هشام
والله سبق وطرحت نفس الموضوع مي اكيد لمستك مميزة
يا خويا حياة الناس ما رجعتش اسرار وكانو الرجال كلمتهم رصاص ولما الواحد يصاحب يعرف شكون يصاحب ويحكي سرو لحبيبو نورمال ضرك اول اللي يضربو فالظهر هو صاحبو
كانو يحكو على النسا يخرجو السر مي نقولك الصح والله كاين صاحبات عز الصحابات لو تموت ما تخرجش سر صحبتها مهما يكون مي كاين شي رجال اعوذ بالله داوها للنسا
بالنسبة للسيلفيات والله انا نعتبرها جياحة واحد يحط حياتو فالنت او صورة يماه اللي ما يخاف على عرضو ما بقاتلو حياة ولو بنية جات من العمرة او مريضة او شي هذي مرا مش راجل لو مع صاحبو ربي يسهل مي يحط نسا هذا مش عادي
والله نقول انو الجياحة غلبت على شعبنا للاسف
شكرا

 

[قرصان الساحل]

رد: خبي سرك يا الغااافل ...

السلام عليكم اهلا وسهلا خويا هشام وعليكم السلام مرحبا بيك ختي
والله سبق وطرحت نفس الموضوع مي اكيد لمستك مميزة ههه اه واش لازم نرجع للأرشيف قبل ما نكتب ولا كيفاه
يا خويا حياة الناس ما رجعتش اسرار وكانو الرجال كلمتهم رصاص ولما الواحد يصاحب يعرف شكون يصاحب ويحكي سرو لحبيبو نورمال ضرك اول اللي يضربو فالظهر هو صاحبو وي ما بقى لا سر لا والو الا من رحم ربك تحكي منا ناس تماك تدي الخبر تاعك وتبدا تشعل في نار نميمة ونقل الخبر من هذا ل هذا
كانو يحكو على النسا يخرجو السر مي نقولك الصح والله كاين صاحبات عز الصحابات لو تموت ما تخرجش سر صحبتها مهما يكون مي كاين شي رجال اعوذ بالله داوها للنسا ايه هوما نسا معروفين يموتو في الهدرة والحكايات عكس رجال مي كيما قلتي ما بقاتش كي بكري اهم ذكورة حتى منقولش رجال ونسا خير عليهم تقول سرك لمرا ولا ليه هو
بالنسبة للسيلفيات والله انا نعتبرها جياحة واحد يحط حياتو فالنت او صورة يماه اللي ما يخاف على عرضو ما بقاتلو حياة ولو بنية جات من العمرة او مريضة او شي هذي مرا مش راجل لو مع صاحبو ربي يسهل مي يحط نسا هذا مش عادي والله المشكل او ولا ناس حياتها تشوفها بلي ديطاي تاع لي ديطاي في الفايس بوك صوت وصورة وهكدا نهدمو بيوتنا بيدينا وبلا منحسو
والله نقول انو الجياحة غلبت على شعبنا للاسف وي هذا هو التعبير المناسب والكلمة صحيحة جياحة
شكرا

مشكورة ختي مريومة على مرورك ومناقشتك المميزة لموضوعي
شرفني حضووورك
ربي يوفقك
​

 

[Skor m@k]

رد: خبي سرك يا الغااافل ...

السلام عليكم
واش راك خوبا هشام اسمحلي معدتش نرد بزاف على مواضيعك الوقت معنديش بزاف ندخل نضرب طلة خفيفة كاش موضوع نعتمدو ونخرج

السر هذا لازم يكون صاحبك من المقربين باش تحكي سرك ليه
وخاصة على مشاكل الدار ولا كبما قلت انت على لزواج
انا عندي طبيعة صاحبي علبالي بلي ميهدرش وداير فيهه ثقة مي منهدرشلوش سري سورتو المشاكل تاع الدار
ولا على كاش وحدة نقدر نهدرلو مي ماشي بزاف هههه
والناس ضرك تبيعك وتشريك بكلامك وسرك
دير ليزافير بالسر تاعك
إلفو لازم الحيط والحذر خويا لعزيز هههه
ربي يحفظك خوو​

 

[شاعرة الأمل]

رد: خبي سرك يا الغااافل ...

حمدو لله مابقاش السر في بلادنا طرارارا :bravo01:
ايه راح تولي هاكا نحاو الاستقلال ودارو في بلاصتو السر
موضوعك توب خويا هشام
ايه كون جات ناس تحفظ سرها كون ماراهمش في المشاكل تاع الاصحاب
كيفاش يا عجبة نتا ماقدرتش تحفظ سرك وحاب الناس تحفظو لا لا
ناس بكري قالو الفم المزموم ماتدخلو ذبانة لوكان يغلق فمو ويشد سرو عندو حد مايجيب خبرو ولا مشاكلو مي الله غالب
عندو دودة حمرا في فمو لازم تتحرك هههههه
وعلى داك السلفي يايما ولاو يمدو الصدقة للمتسولين يديرو معاه سلفي بكري كانت دير الخير ونساه ودرك ولات دير الخير ودير سلفي معاه
شكون كان راح يعرف بلي نتا صدقت كون ماشي هاداك الجياح
الله يهدينا وخليها بيناتنا هشام موضوعك ولا اروع
تقبل مروري ​

 

[قرصان الساحل]

رد: خبي سرك يا الغااافل ...

السلام عليكم
وعليكم السلام مرحبا بيك خويا سكر
واش راك خوبا هشام لباس الحمد لله وانت راك مليح ؟ اسمحلي معدتش نرد بزاف على مواضيعك الوقت معنديش بزاف ندخل نضرب طلة خفيفة كاش موضوع نعتمدو ونخرج
معليش خويا الغايب معاه عذرو ربي يكون في عونك خويا
السر هذا لازم يكون صاحبك من المقربين باش تحكي سرك ليه
وخاصة على مشاكل الدار ولا كبما قلت انت على لزواج
وي ودرك نادرا وين تلقى هذا الصديق الصدوق لي تنجم تحكيلو سرك وانت مهني ولات صعيبة بزاف في وقتنا
انا عندي طبيعة صاحبي علبالي بلي ميهدرش وداير فيهه ثقة مي منهدرشلوش سري سورتو المشاكل تاع الدار
ولا على كاش وحدة نقدر نهدرلو مي ماشي بزاف هههه
ههه مليح ماشي بزاف هادي صح مرات الواحد يتعمر ولازم يحكي مي كيما قلت خويا لازم تعرف مليح لمن راك تحكي
والناس ضرك تبيعك وتشريك بكلامك وسرك
دير ليزافير بالسر تاعك
والله كاينة لي دير ليزافير كيما واحد المرة لي فاتت شاف طونبيل عجباتو مد سومة للسيد وتفاهمو وكلش ايا حكا لواحد صاحبو عليها اي غير حكالو شافها سومة مليحة راح زاد في السيد عشر ملاين باه يبيعها ليه هو
إلفو لازم الحيط والحذر خويا لعزيز هههه
ههه وحزام الامان ما تنساهش
ربي يحفظك خوو​

صحيت خويا سكر شرفتني بالرد تاعك ربي هنيك خويا
موفـــــــــــــــــــــــق
​

 

[قرصان الساحل]

رد: خبي سرك يا الغااافل ...

حمدو لله مابقاش السر في بلادنا طرارارا :bravo01:
ههه مليحة هادي قريب نولي نشطح
ايه راح تولي هاكا نحاو الاستقلال ودارو في بلاصتو السر
موضوعك توب خويا هشام
انت لي تووووب ختي ندى
ايه كون جات ناس تحفظ سرها كون ماراهمش في المشاكل تاع الاصحاب
كيفاش يا عجبة نتا ماقدرتش تحفظ سرك وحاب الناس تحفظو لا لا
وي طا غيزو ختي مي كيما يقلك الواحد مرات يدير الثقة ويشارك همومو مع ناس يظن بلي هوما قراب ليه
ولكن ولكن النهاية تكون للأسف تعيسة وكيما قلتي السر اكبر حاجة تفرق بين الاصحا لآن امانة وهاد الامانة
حتى الجبال ومشدوهاش وشدها هدا الانسان الضعيف
ناس بكري قالو الفم المزموم ماتدخلو ذبانة لوكان يغلق فمو ويشد سرو عندو حد مايجيب خبرو ولا مشاكلو مي الله غالب
عندو دودة حمرا في فمو لازم تتحرك هههههه
ههه وين من تشعل فيها الروج لازم يهدر صينو تبقى تغلي في قلبو كون ميحكيش بلاك يموت مالا نعذروهم هاد الناس اهم خايفين على حياتهم
وعلى داك السلفي يايما ولاو يمدو الصدقة للمتسولين يديرو معاه سلفي بكري كانت دير الخير ونساه ودرك ولات دير الخير ودير سلفي معاه
شكون كان راح يعرف بلي نتا صدقت كون ماشي هاداك الجياح
اي والله قلتي كلمة مليحة ختي دير الخير ودير سيلفي معاه عجبتني هادي وناس لي عرفت صح وش معني الخير يدو ليمنى تخبي على يدو اليسرى
مي دوك يصلي ويدير في سيلفي ان شاء الله ربي يهدينا
الله يهدينا وخليها بيناتنا هشام موضوعك ولا اروع
ههه بيناتنا انت الاروع على الاطلاق
تقبل مروري ​

كنت رائعة ندى ختي ردك غطى جميع الجوانب ديما ردودك في القمة
ربي يوفقـــــــــــــــــــــــك
​

 

[hadil2044]

رد: خبي سرك يا الغااافل ...

خرباشاتك مليحة هشامو واصل
ايه مع السيلفي الله يبارك يعرفو عليك كلش اللي تنساها انتا يلحقها صاحبك ههه

بصح كاين عباد تشد السر حتان من النساء صح قلال لانو احنا نموت على الهدرة وآخر الاخبار صح مام كاين اللي تحكيلها وتخبي

يعطيك الصحة على الطرح

​

 

[قرصان الساحل]

رد: خبي سرك يا الغااافل ...

خرباشاتك مليحة هشامو واصل
يشرفني انها نالت اعجابك اختي هديل
ايه مع السيلفي الله يبارك يعرفو عليك كلش اللي تنساها انتا يلحقها صاحبك ههه
ههه وي راكي شفتي سيلفي هذا مرضنا بعض الناس ام يديرو كل صغيرة وكبيرة تخصهم وهذا الشي خلا الخصوصية تاع الحياة مكانش خلاص
يعني راح تولي حياتك ما عندها حتى معنى بلا خصوصية علخاطر انت كتاب مفتوح
بصح كاين عباد تشد السر حتان من النساء صح قلال لانو احنا نموت على الهدرة وآخر الاخبار صح مام كاين اللي تحكيلها وتخبي
وي انا تكلمت على نسا علخاطر من بكري يقولك المرا ما تنجمش تشد السر في قلبها وهادي حقيقة على الاغلبية لكن اليوم سبق وقلت في رد زهرة ان فيه نسا وتحكيلهم سرك احسن من واحد ذكر
يعطيك الصحة على الطرح
الله يسلمك ختي
​

مشكورة اختي هديل على تفاعلك المميز مع الموضوع
سعدت بمرورك ووفائك
ربي يحفظك ختي
​

 

[فيتامين سي]

رد: خبي سرك يا الغااافل ...

اوه درك مكانش حاجة اسمها سر
او كما نقولو سر بين زوج انت و نفسك كي يعرف الثالت هذا بي عنده صاحبه يثيق فيه باف يحكيله و هدا الصاحب يحكي لمرته و مرته تحكي لامها و امها لخالتها تلقى حتى جنوب افريقيا عرفو بالسوجي تاعك
و الصح حنا في دزاير صعيب باش تخبي حاجة كلش ينفضح
تحب تخبي اقلحاجة جيران يعرفو وذنيهم راهم معاك
و كون نكشو كما وصانا خير خلق الله (اقضو حوائجكم في السر و الكتمان)نعيشوهانيين مي هنا كامل تغيضهم
قصة في فاسبوك رغم انه عالم افتراضي مرة جروب تاع نسا او كما نسموه سوق النسا طفلة كل مرة تصور لبسة ولا حاجة تقوللهم رايكم فيها لحبيبتي لاختي كل مرة هكدا جا نهار غابت شافو اسمها حطت بلي تزوجت مخلاو معايروها علاش مخبرتيناش رغم جروب بكبره كامل مجرد اعضاء في عالم افتراضي مي قلبهم يضرهم يخص كلش تحطه ولا يزعفو مكانش خصوصية
مكانش اسرار مكانش عقل مكانش مخيخ
سر خليه عندك ياو ادا خرج راه تنفضح
و الحاجة لي يسمعها العربي غير حط يدك و رجلك في ما بارد و كونك هاني متصدقلكش

 

[فيتامين سي]

رد: خبي سرك يا الغااافل ...

اسفةعلى الاخطاء
راني بالهافت النقال
كلمة بي متفهمهاش حط تحتها 99 سطر و انا نشرحهالك

 

[قرصان الساحل]

رد: خبي سرك يا الغااافل ...

اوه درك مكانش حاجة اسمها سر اولالالالا اولالالا دخول مباشرة في صلب الموضوع لا سلام لا كلام -_- مرحبا بيك هبة
او كما نقولو سر بين زوج انت و نفسك كي يعرف الثالت هذا بي عنده صاحبه يثيق فيه باف يحكيله و هدا الصاحب يحكي لمرته و مرته تحكي لامها و امها لخالتها تلقى حتى جنوب افريقيا عرفو بالسوجي تاعك ههه وي هاديك هي راهم ينقلو الاخبار خير من الفيبر اوبتيك اسرع من سرعة الضوء غير كون جات الكوناكسيو عندنا كيما نقل السر رانا حنا الرائد في عالم النت
و الصح حنا في دزاير صعيب باش تخبي حاجة كلش ينفضح
تحب تخبي اقلحاجة جيران يعرفو وذنيهم راهم معاك وي كيما قال دحمان الحراشي دير في حسابك الحيط او بوذنيه
و كون نكشو كما وصانا خير خلق الله (اقضو حوائجكم في السر و الكتمان)نعيشوهانيين مي هنا كامل تغيضهم صحيتي كون جينا نمشو بهاد الpرانسيب رانا عايشين هانيين
قصة في فاسبوك رغم انه عالم افتراضي مرة جروب تاع نسا او كما نسموه سوق النسا طفلة كل مرة تصور لبسة ولا حاجة تقوللهم رايكم فيها لحبيبتي لاختي كل مرة هكدا جا نهار غابت شافو اسمها حطت بلي تزوجت مخلاو معايروها علاش مخبرتيناش رغم جروب بكبره كامل مجرد اعضاء في عالم افتراضي مي قلبهم يضرهم يخص كلش تحطه ولا يزعفو مكانش خصوصية
هههه هادو صرالهم كي خونا محمد الامين حاب ياكل الطمينة تاع ام ياسمين بالسيف .. شفتي كيفاه ولا لي ديطاي تاع الناس في العالم الافتراضي كثر من الواقع وياما شنفا زواجات و طلاقات وووو في الفايس ما سمعناش بيهم في الواقع
مكانش اسرار مكانش عقل مكانش مخيخ مكانش بصلة سيسائية -_- كاين غير النخاع الشوكي اخخخ
سر خليه عندك ياو ادا خرج راه تنفضح
و الحاجة لي يسمعها العربي غير حط يدك و رجلك في ما بارد و كونك هاني متصدقلكش هههه والله عندك حق ادا عيطو عليك العرب اقرا على الدنيا سلام وما تغضيكش علخاطر درتها بيديك

صحيتي الحاجة هبة هدرتي كلام رزين بزاف تحساب فيك عجوزة عايشة من وقت الاستعمار ههه
شكررررررااا على مرورك الجميل ختي هبة نورتيني
موفقة
​

​

 

[قرصان الساحل]

رد: خبي سرك يا الغااافل ...

اسفةعلى الاخطاء
راني بالهافت النقال
كلمة بي متفهمهاش حط تحتها 99 سطر و انا نشرحهالك

ما تقلقيش روحك الحاجة اني فهمت كلش انا نكتب بالميكرو ونغلط كثر منك
ههه هاتي بيعي ليا تلفونك نعطيك فيه نص مليون
ربي يهنيك ختي
​