- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
صحا رمضانكم يا جماعة بطرس بطرس غالي ايها الافارقة الصايمون
اخخخ تيري عليهم .. عندي بزاف ما درت ليكم هادي المقدمات .. ايه شفتكم تكتبو مهبول ومهبولة قلت نشاركم بحكايتي هنا
ايه في يوم من الايام كنت نعيش انا وواحد صاحبي ابارتومو
المهم في صباح ذلك اليوم هو خليتو راقد وانا رحت نخدم علطخاطر هو ناض في غرضو وراح يجوز الويكاند في دارهم وانا كنت باقي تماك باه نكمل هداك الويكاند البائس في العمل
..
ايا رجعت مع العشية شعلت الضو نلقى تريسيتي راحت الله لا تربحك سونلغاز ويكاند بلا تريسيتي اه يا طحاحنة تحبو تخلصو بك
.. ايه حتى هنا الامر عادي انقطاعات افريقيا
ايا مشيت للدوش نغسل روحي .. وهنا نلقى الكارثة .. نص تيبانة خبز تحت لافابو ..
بديت نخمم وش جابها هنا
اممم الخبز في الدوش اواه هادي ما جاياش وزيد الخبز كان باين واحد كلا منو المهم ضربتها بتوسويسة وبعد هاد التحريات بيني بن راسي
بدا وقت التحليل اممم يمكن صاحبي داخ ولا ناض يمشي في الليل جا حطو هنا ..
لكـــــــن .. حكمت بلاصتي وشعلت الميكرو نلقى الويفي تاع ناس طالع اووو وش ياك قلنا تريسيتي مكانش ... ايا رحت نلقى الكونتور مكوبي تبا هذا راك انت مي شكون لي كوباك مش من عوايدنا
..
ايا باه نقضي على توسويس عيطت لهذا صاحبي في التلفون
..
أنا : اسمع قلي انت لي كوبيت الكونتور تاع التريسيتي ..
صاحبي : ايه انا كي كنت خارج ..
أنا: قتلو واه قالك رب العالمين حياتك بكل ما كوبيتوش حتى اليوم ايا قلي قلي والخبز لي فالدوش علاه
..
صاحبي : خبز في الدوش ؟؟ راح يدوش يعني ..
أنا: اي ما تلعبش روحك بهلول نص خبزة تحت لافابو تبانلي رحت تغسل المواعن تماك طاحلك
...
صاحبي: علاه من ويكتا نغسلو لماعن في الدوش تحرش بيا
زيد الخبز خويا مش مريض نديرو في الدوش وتحت لافابو انت كاش ما راك ماكل اليوم ..
انا: هيه بالصح انت لي خرجت لخر يعني طاح من السما هذا ..
صاحبي: معرف روح برك خلينا نفوتو ويكاند يصلح لاحقنا حتى هنا
أنا: في وذني طيط طيط طيط .. ايه كوبالي في وجهي رخيس انت رجعي انت ضد التقدم والتقدمية انت عندك بلوكة في راسك كنت مع نفسي اتكلم ..
ايا من بعد انا قلت اخطيني من التوسويس اشرب الكوكاكولا ومزمز حياتك نهار ويكاند طلقت لاطاي نتفرج ونغني والحياة حلوة
حتى جا الليل وين سكتت الحالة والذبانة تسمعها نبدا نسمع في واحد يخربش في لابارتومو يا الهي هل انا احلم
.. نقصت للصوت تاع البي سي وين كنت نتفرج في فيلم فتحت الباب وبقيت نحوس على مصدر الصوت نمشي غير على مشاطي رجليا ونفتح باب الكوزينا .. اووووووووو ما نلقى والو ..
وش بيك خويا قاتلك توسويس مكان والو وليت تسمع اصوات برك .. حكمت بلاصتي لواحد ربع ساعة نفس الفيلم
وليت درت الكتمان ورقدت باه ما نسمع والو ..
نضت الصباح مدبز راقد رقدة الكلاب .. ايا درت دورة عامة على الابارتومو كلش مليح مكان والو
المهم وخرجت هاديك الصباح ونسيت حكاية البارح
..
المهم جيت مع العشية خلاص فتحت الباب مع دخلت للدوش والمفاجئة كانت كبيرة هاد المرة نلقى تيبانة خبز كاملة على طولها في نفس البلاصة تحت لافابو ...
وهنا لا مجال للشك صاحبي في دارهم وانا لي سكرت الباب لخر .. ايا واش ندير ..
ما فهمت والو بقيت مع راسي الخبر اليابس وهنا نهدي تحياتي لام راس يابس بالمناسبة .. واش جابو من الكوزينة للدوش واش راه يمشي فيه ..
يتبـــــــــــــــــــــــــــــــــــــــــــــــــــــــــــــــــــــــــــــع .......
صحا فطوركم
ايه في يوم من الايام كنت نعيش انا وواحد صاحبي ابارتومو
ايا رجعت مع العشية شعلت الضو نلقى تريسيتي راحت الله لا تربحك سونلغاز ويكاند بلا تريسيتي اه يا طحاحنة تحبو تخلصو بك
ايا مشيت للدوش نغسل روحي .. وهنا نلقى الكارثة .. نص تيبانة خبز تحت لافابو ..
بديت نخمم وش جابها هنا
لكـــــــن .. حكمت بلاصتي وشعلت الميكرو نلقى الويفي تاع ناس طالع اووو وش ياك قلنا تريسيتي مكانش ... ايا رحت نلقى الكونتور مكوبي تبا هذا راك انت مي شكون لي كوباك مش من عوايدنا
ايا باه نقضي على توسويس عيطت لهذا صاحبي في التلفون
أنا : اسمع قلي انت لي كوبيت الكونتور تاع التريسيتي ..
صاحبي : ايه انا كي كنت خارج ..
أنا: قتلو واه قالك رب العالمين حياتك بكل ما كوبيتوش حتى اليوم ايا قلي قلي والخبز لي فالدوش علاه
صاحبي : خبز في الدوش ؟؟ راح يدوش يعني ..
أنا: اي ما تلعبش روحك بهلول نص خبزة تحت لافابو تبانلي رحت تغسل المواعن تماك طاحلك
صاحبي: علاه من ويكتا نغسلو لماعن في الدوش تحرش بيا
انا: هيه بالصح انت لي خرجت لخر يعني طاح من السما هذا ..
صاحبي: معرف روح برك خلينا نفوتو ويكاند يصلح لاحقنا حتى هنا
أنا: في وذني طيط طيط طيط .. ايه كوبالي في وجهي رخيس انت رجعي انت ضد التقدم والتقدمية انت عندك بلوكة في راسك كنت مع نفسي اتكلم ..
ايا من بعد انا قلت اخطيني من التوسويس اشرب الكوكاكولا ومزمز حياتك نهار ويكاند طلقت لاطاي نتفرج ونغني والحياة حلوة
وش بيك خويا قاتلك توسويس مكان والو وليت تسمع اصوات برك .. حكمت بلاصتي لواحد ربع ساعة نفس الفيلم
وليت درت الكتمان ورقدت باه ما نسمع والو ..
نضت الصباح مدبز راقد رقدة الكلاب .. ايا درت دورة عامة على الابارتومو كلش مليح مكان والو
المهم وخرجت هاديك الصباح ونسيت حكاية البارح
المهم جيت مع العشية خلاص فتحت الباب مع دخلت للدوش والمفاجئة كانت كبيرة هاد المرة نلقى تيبانة خبز كاملة على طولها في نفس البلاصة تحت لافابو ...
وهنا لا مجال للشك صاحبي في دارهم وانا لي سكرت الباب لخر .. ايا واش ندير ..
يتبـــــــــــــــــــــــــــــــــــــــــــــــــــــــــــــــــــــــــــــع .......
صحا فطوركم
