طاجين بكويرات الدجاج ما شاء الله

Soumia hadj mohammed

:: عضو بارز ::
صُنّآع آلمُحْتَوَى
إنضم
28 أوت 2011
المشاركات
7,378
نقاط التفاعل
19,473
النقاط
1,786
محل الإقامة
/
الجنس
أنثى

السلام عليكم ورحمة الله تعالى وبركاته


اسعد الله اوقاتكن احبتي في الله


:)
وش نقولكم طريقة تحضير الطبق هذا رآئعة خاصة طريقة طهو الدجاج

على بركة الله

رآئدات المطبخ يلزمنا :
دجاجة متوسطة حسب عدد افراد العائلة انا درت نصف دجاجة
بطاطا بحجم صغيييير
علبة فطر
فصوص الثوم
2 حبات بصل

التوابل : ملح، فلفل كحل وكركم
معدنوس وقصبر
صدر الدجاج رح نديرو بيه الكويرات،أما الاطراف الباقية دك نقلكم كيفاه
بالنسبة للخلطة :
احكمي يا ختي ولا يا طااطا الثوم حوالي فصين رابيهم ورابي نص حبة بصل على العيون الصغيرة تع هذيك لي ترابي وزيدي عليهم شويا كركم ، فلفل كحل، ملح ، قصبر ومعدنوس مقطعين وشويا صوص تومات انا استعملت لي تتباع فالعلبة تع الكرطونة وملعقة صغيرة خردل ، واذا معندكش رابي طوماطيشة صغيرة مع مغرف صغيرة طماطم مصبرة وخليهم
فيما يخص الكويرات:
احكمي يا ختي ولا يا اطااطا صدر الدجاج نحيلو العظم /مترميش لعظم خليهم مع باقي اطراف الدجاج /
اذا عندك الالة لي ترحي ارحي الصدر
واذا معندكش كيما انا قطعت الصدر الى قطع صغيرة وهرستو فالمهراس :sport01:
ثم تاخذين من تلك الخلطة وتبلي بيها الصدر ضربي حبة بيض وديري نصها فالصدر وشيحي بالخبز المرحي حتى تحكم روحها وشكلي كويرات وخليهم فالثلاجة
اللحم لي بقى رابي عليه نصف حبة البصل لي بقات وديريلو ملح وفلفل كحل وزبدة وثوم وخليه وحد ربع ساعة هك
قشري حبات البطاطا وغسليهم بيان سير
اه دوكا حكمي قدرة ديري فيها الماء باسكو راح نفورو هذاك اللحم :thumb_up02:
ديري فالقدرة الماء وشويا زيت وملح والبطاطا والفطر ، وهذاك اللحم ديريه فالكسكاس وغلقي مليح وخليه يفور متخافيش يطيب على البخار عادي ويجي طري وبنييين
المهم متنسايش برك البطاطا متخليهش تروح فيها باسكو رح نحيوها به نقلوها
كي يطيب الدجاج المفور /متخليهش يطيب بزاف /
جيبي طنجرة قلي البصل فالزبدة وثوم وهذاك اللحم المفور على نار هادية ومنبعد مرقي بهذاك الماء اللي فار عليه الدجاج لي فيه الفطر ثم ستفي كويرات صدر الدجاج فالمرقة
اقلي هذيك البطاطا /اذا كان حجم الحبة كبيرة شويا انا قسمتها على زوج/

بالصحة عليكم نتمنى تجربوه ويعجبكم :-r




p_166b7jt1.jpg


p_166cxaj2.jpg


صح فطـــوركم :smile02:





 
رد: طاجين بكويرات الدجاج ما شاء الله

السلام عليكم غاليتي
علاه عليكم ههه والله الواحد صايم وين يدور راهو يلقى طبق جديد عمري بغات تخرج هههه
يعطيك الصحة خرجلك باهي وباين يشهي
هكا مرة على مرة الواحد ينوع فالاطباق تاعو
ربي يحفظك حبيبتي
تحياتي
 
رد: طاجين بكويرات الدجاج ما شاء الله

السلام عليكم غاليتي
علاه عليكم ههه والله الواحد صايم وين يدور راهو يلقى طبق جديد عمري بغات تخرج هههه
يعطيك الصحة خرجلك باهي وباين يشهي
هكا مرة على مرة الواحد ينوع فالاطباق تاعو
ربي يحفظك حبيبتي
تحياتي
وعليك السلام غاليتي
ههه باين فيك حرقتي البيسي ديالك بلاغوشاغش المطبخية ،ابعثيلي الله يسترك كاش طبق جديد راني من لبارح نحوس:s حقا ويخصني واحد بالسمك اذا عندك :-r
آمين ،ربي يحفظك ويحميك ختي الزهراء البلونش ااائئ عفوا الزهراء الغوج :-r امزح فقط :d
تحياتي :regards01:
 
رد: طاجين بكويرات الدجاج ما شاء الله

يا ايتها الزهراء بارك الله فيك
واذا معندكش الوقت مشي مشكل انا ليوم راه عندي لوقت باه نحوس
كاين وحد الموقع فيه كلش مطبخ ، افكار منزلية ......روعة وسمو
pinterest
ربي يحفظك ختي
ههه مي نبريسيك السمك جيبيهلي غدوا ان شاء الله نويت عليه
مشكوورة حبيبتي

 
رد: طاجين بكويرات الدجاج ما شاء الله

السلام عليكم و رحمة الله وبركاته

الله يبارك جا يسخف يعطيك الصحة حنونتي فكرة شابة و جديدة . . تاكلوه بالصحة

صح فطوركم

 
رد: طاجين بكويرات الدجاج ما شاء الله

يعطيك الصحة
طريقة جديدة و مليحة
حبيت نيقسيك برك كريات الدجاج تقليهم وترميهم على المرق كما نديرو دايمن ول ترميهم مباشرة في المرق
اعجبتني الطريقة هادي نجربها ان شاء الله
هكدا نبدل من الطريقة العادية لي نطيبو كل شي مع يعض في القدر
بارك الله فيك

 
رد: طاجين بكويرات الدجاج ما شاء الله

السلام عليكم و رحمة الله وبركاته

الله يبارك جا يسخف يعطيك الصحة حنونتي فكرة شابة و جديدة . . تاكلوه بالصحة

صح فطوركم

 
رد:الجواب

السلام عليكم و رحمة الله وبركاته

الله يبارك جا يسخف يعطيك الصحة حنونتي فكرة شابة و جديدة . . تاكلوه بالصحة

صح فطوركم

وعليك السلام ورحمة الله ايتها المبتسمة
يبارك فيك ختيتو
الله يسلمك :)
شكرا لتواجدك المشجع:regards01:

يعطيك الصحة
طريقة جديدة و مليحة
حبيت نيقسيك برك كريات الدجاج تقليهم وترميهم على المرق كما نديرو دايمن ول ترميهم مباشرة في المرق
اعجبتني الطريقة هادي نجربها ان شاء الله
هكدا نبدل من الطريقة العادية لي نطيبو كل شي مع يعض في القدر
بارك الله فيك

الله يسلمك طاطا* ام منير*:)
الجواب: متقليهمش انا حطيتهم حتى مرقت خفت عليهم يتشردقوا باسكو كان الضيق فالطنجرة من الاحسن ان تضعيهم بعد التمريق.
ايه صح طريقة طهو اللحم تعطيلو بنة هايلة لي هي طريقة البخار
وحنا فالدار موالفين نطيبو لحم الدجاج هكذا فالكسكاس يعني تفوريه ويطيب عادي وهكذا نحطوه فيه بنة رائعة انا برك عدت ندي بيه لي بلا
حقا وتقدري بعد ما تفوريه وبعد ما تقلي هذيك البطاطا احكمي بلا وديري فيه شويا زبدة وستفي اللحم والبطاطا لي قليتيها وزيدي الفطر ورقة رند ونص عود قرفة ومرقي بالماء اللي فار عليه الدجاج ودخليه للفرن يجي ثاني هايل:thumb_up02:
اسعدني تواجدك طاطا :d


 
رد: طاجين بكويرات الدجاج ما شاء الله

يعطيك الصحة على التوضيح حبيبتي
صحا فطورك
الله يسلمك
ونتي زادة صح فطورك
حقا متنسايش شويا كمون فالصدر تع لجاج

 
رد: طاجين بكويرات الدجاج ما شاء الله

يعطيك الصحة وربي يحفظك
جاك يشهي
تسلم الايادي
ينقل الى الركن المناسب
 
رد: طاجين بكويرات الدجاج ما شاء الله

يعطيك الصحة وربي يحفظك
جاك يشهي
تسلم الايادي
ينقل الى الركن المناسب
أمين ، ربي يخليك:)
هه راكي جايبتها عقابي ب ينقل الى الركن المناسب يظهرلي الصيام مأثر فيا هه:d
شكرا:regards01:

 
رد: طاجين بكويرات الدجاج ما شاء الله

مم الله يبارك يشهي
وطريقة جديدة
يسلم ايديك حنونة
 
رد: طاجين بكويرات الدجاج ما شاء الله

و عليكم السلام و رحمة الله و بركاته
طبق شهي ويلان لذييييذ كثير
يسلمو ايديك الغلاا
 
رد: طاجين بكويرات الدجاج ما شاء الله

مم الله يبارك يشهي
وطريقة جديدة
يسلم ايديك حنونة
الله يسلمك ختيتو
شككراً
و عليكم السلام و رحمة الله و بركاته
طبق شهي ويلان لذييييذ كثير
يسلمو ايديك الغلاا
الله يسلمك ختي
انتي الغالية
شكراً لتواجدكن

 
رد: طاجين بكويرات الدجاج ما شاء الله

الله يبارك جا يسخف يعطيك الصحة حنونتي فكرة شابة و جديدة
 
رد: طاجين بكويرات الدجاج ما شاء الله

هايل اختي بارك الله فيك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top