- الأوسمة
- 1
ايامات الباك قد مافيها خلعة وحرص على قراية وضغط الا انها لم تخلو من الضحك
نشارككم هذه المواقف
عندنا استاذ العلوم اسلامية ما شاء الله عليه في الشرح ودرس يمشي روعة وتحس روحك في زمن الصحابة الكل خاشعين وحشمانين ههههه تشوفهم تقول ضارب عليهم الوقار كلهم بسم الله ما شاء الله ههههه
واستاذ اللغة العربية حتى هو حصتو هايلة لانو انسان جد محترم قليل الاساتذة اللي كيفو
استاذ الفرنسية عاااااااااااااقل وكالم مسكين تالمو نسو صوتو ساعات كيفاه كي يمسح واحد منا السبورة يقول مرسي شكرا بارك الله فيك 3 لغات استاذنا الموقر يعطي لواحد فينا ثاني يكتب في السبورة من بعد يقرا ساعات نسمعوه ساعات لالا المهم حصتو اللي يكمل فيها الدروس والا نحلو فيها مواضيع ليكور وهي ماشية
استاذ الفلسفة لا محل له من الاعراب عندي حصتو حصة رقاد بالنسبة ليا مسكين نطلعلو لاطسيون كي يجي يهدر معايا نقلو وش راح نستفاد منها يسكت ويحمص ما نتلاقوش انا وهو
استاذ الانجليزية هو اللي محيرني كيفاه حطينو يقري هو اطرش ما يسمعش وماهوش داير ابراي تاع السمع المهم دايرين راينا في هاديك الحصة اللي حال الغناء منا وساعات يقلبها محاضرات دينية و تشوف غير الاستاذ فوق المصطبة ينقز وياكل في بعضو بويسك صوتو ما يسمعش المهم حصة قصرة من كل النواحي وديما نخرج على الاقل 20 دقيقة ونجيه نتكسل والو مسكين ما يفطنش باللي دخل واللي خرج
استاذة الاجتماعيات ولا حركة ولا صوت وتموت على الذكور يتخليهم يخرجو يتحدثو عادي وجرب تهدر طفلة تبهدلها على قدر ماني نضحك في الحصص الكل في حصتها والو تقول تهرب الضحكة نحس روحي بلا مشاعر ههههههه المهم البخسة لالا
استاذ الرياضيات قداه ثقيل يحمص ننسى حتى عنوان الدرس وشيا وفي اللخر مش حتى نفهمو كل درس نقسو يقللنا الدرس الجاي تفهمو هههههه صحبتي اللي بحذايا غير تتعارك معاه واصلا نشوفو تحكمني الضحكة يقعد يحل ويسكر في عينيك نقول لصاحتي تقول هادوكم الاضواء يطفو ويشعلو هههه ويبدا يهدر بالشويا ومن بعد تلقاه يعيط تقول باف فاسد يفجع هههههههههه وفي حصتو غير نضحك يقلي يزي والو كلا ما نزيد
وكيف لحقنا لدرس Log حاجة جديدة زعما ومنتبهة في نص الحصة تقولي صحبتي تسمعيفيه وش يقول قلتلها Log قاتلي لالا ما يعرفش ينطقها راهو يقول Love والى كل ما ينطها نبداو نضحكو وسوسناه مسكين
استاذ الفيزياء مسكين الكل طلعنا ما نفهموهاش على قدر ما يفهم مسكين ساعات يحكم راسو يقللنا فشلتوني ههههه وزيد في حصة التطبيقية دايرينلو فوج كامل بنات والفوج لوخر ذكور وتعرفو لبنات كي يتلاقو يقللنا نحس روحي في عرس مسكين هههههههههه ويقللنا مانيش عارف وش ندير في وسطكم
استاذ العلوم غريب الاطوار اول حصة يقريني صوتو مانعرف كيفاه يقتل بالضحك وزيد الوقفة والاسلوب خلاص نطيح ميتة بالضحك في الاول كيما قرانا راسي ديما مهبطاتو ما يشوفش وجهي شادة فمي ونضحك ودموع ما نحكلكش وصحبتي سامطة تبقى تقلد فيه وكيما يخرج يطلع واحد من الذكور للسبورة ويبقى يقلد فيه
وخفيف ياسر يملي علينا الدرس ويرسم ويشرح يخلط كلش واحنا نولو لاحقين وياربي في الاول كنت ما نكتبش من بعد نسلف كراس نلقاه ما تخرجشش في الحصة تاع ساعة يملي 6 صفحات منا ومنا يا بن عمي
عندي ايدي عام الباك كانت تسطر عليا ما نقدرش نفورسيها بزاف كي نولي نكتب توجعني نحبس وتقد حاكمتها يقولي في الغسيل والعجين نورمال وعلى الكتيبة وجعاتك حشمني اووووووووك هههههههه
هذه بعض الواقف مع الاساتذة وكاين ياسر مواقف وش نحكي وش نخلي
ان شاء الله كنت خفيفة عليكم
هدولة
