الو اهلا :زوجي نائم ..زوجتي نائمة

[~أمِيرَة الخَجل~]

رد: الو اهلا :زوجي نائم ..زوجتي نائمة

موضوعك يشبه لموضوع الاخ محمد الامين ( وبااء ينتشر اسمه الخيانة الزوجية )
غير الاخر بالفصحى و هذا بالعامية .. و رانا تناقشنا فيه مليح على هاذي الخيانات ..
الراجل يولي كبير و متزوج و عندو الاولاد و تلقاه يتعرف على بنات و يحكي معاهم
هذا الشيء يصير معايا انا لما نكون في الفيس بوك تجيني طلبات مراسلة
يعني لما يكون واحد ماش صديق عندي و يبعتلي رسالة نلقا فيها "هاااي واش راكي
ممكن اضافة " اكيد انا ما نردش وكأنني ما وصلتنيش رسالة كيما هاذيك
و شحال من مرة نلقا بلي هاذاك الشخص متزوج و عندوالاولاد
تخيلو واحد كان مصور هوو اولادو في البروفايل تاعو و بعتلي شيء كيما هاذا:-o
الوغ نخرجو من الفيس و نروحو للرجال الي يخرجو يحوسو ..
شيء مش غريب عليا لما واحد من الاقارب ما يديش مرتو تحوس معاه و يقوللها
راني مسافر بحجة العمل وووو .. و هو واش يروح يدير .. يروح يصاحب البنات
و يبات معاهم وكل مرة مع وحدة حاشاكم!!
و كذلك النساء فيهم هاذي الطبيعة تاع الخرجة بلا ما تخبر زوجها و لا تكلم راجل
سي هاذا كلو خيانة !!! و مجتمعنا الاهبل ... يشوف الشباب يديرو هكا و يقولولهم
انتم فيكم و فيكم العيب .... و مغطيين العين على المتزوجين لوكان برك يتلفتو
شويا للحياة الزوجية يلقاو الكوارث ..، على الاقل الشباب الي في سن المراهقة
اقل فلاتة من هاذوك المتزوجين اللي ماش مكفيهم واحد و لا وحدة ...
الله غالب راهو هذا هو المجتمع راهو على حافة القمة !!!
​

 

[¬Đỉaмơŋđ ✿]

رد: الو اهلا :زوجي نائم ..زوجتي نائمة

وعليكم السلآم ورحمة الله تعآلى وبركآته

جبتلنآ موضوع فالصميم خويا على خآطر كآمل وآش قلت حقيقة ولينآ نشوفوهآ بعينينآ ، الخيآنة الزوجيّة أصبحت آفة العصر ربي يعآفينآ.
- حكايات كيمآ هآذو كنآ نسمعو بيهم فالجرائد والمجلآت برك درك ولآت جزء من يومياتنا .. كسرنآ الطآبوهآت وتخلينآ على قيمنآ ومبآدئنا وصرنآ نلهث وراء غرائزنآ كالحيوآنآت ..
- أول أسباب الخيآنة هيّ نقص الوآزع الديني،الفرآغ،التكنولوجيآ اللي فسدت حيآتنآ على خآطر ديمآ نستعملوهآ بشكل سلبي .. الشآت،الهآتف،الفيس بوك موآقع التوآصل الإجتمآعي بأنوآعهأ..خربت بيوت كثيره .
- والله غير رآسك يحبس فالبشر هآذو تلقآه عريس جديد يخلي مرتو فالدار ويدير رايو برآ ونفس الشي للمرأة تخلي رآجلها يخرج وتدير رآيهآ سوآءُ فالهاتف أو فالنت ..
وكيمآ قلت اللي فيه طبع مآينطبع،اللي موآلف بالتمسخير والحرآم يبقى ديمآ في طبعو مآيتبدلش.
وقت فآت كان المبرر الأول اللي نسمعوه أنو المرأة مقصرة في حق زوجهآ أو الزوج مقصر في حق زوجته بصح درك بحجة التطور والعصرنة أصبح كل شىء عآدي واللي تغيضك صح تجي تنصحهم يطلقو عليك لفظ "نتي دآعشيّة" ولآيقولك بركآي ماتفتي علينا .. !
ولينآ عآيشين في مجتمع منحل وفآسد نسأل الله العفو و العافيه
.
​

 

[{مُدَلَّلَتُهُ}]

رد: الو اهلا :زوجي نائم ..زوجتي نائمة

هههه حبيت برك نضحك على قلبي شلفط خخخ يخي مهبولة جبتي الكلمة ايكزاكت لي تصلح في الموقف هذا .
عاش من شافك نور يخي عرفتيني مون لايت :p لبست برك الشاpـو :yahoo01:

خخخخخ يعني صيدتيها في وسط رد في 2 وراقي :p

الله يسلمك عاش من شافك انت تاني الزينة ♥ .. باينة نعقل عليك و هل يخفى القمر :love01:

Enregistrer​

 

[لؤلؤة قسنطينة]

رد: الو اهلا :زوجي نائم ..زوجتي نائمة

السلام عليكم
ماكانش جملة قتلتني ضحك قد هادي ههههه عندها الحق فيولا كي قاتلك بالسيف لا لقيت الخيط العجيب

وعاطيتها ديسكيتاسيون مع
المرخس لانو رخيس اللي يحكي مع مرت راجل وهي ارخس منو لانو تحكي مع رخيس قبل انو يحكي مع رخيسة ارخس منو

ربي يهدينا برك ويهديهم، كيما قلتها حنا نزوجو راجل باه يستقيم ويربي اجيال ونفس الشي بالنسبة للمرأة نزوجوها باه نستروها
وباه نجنبو كلا الطرفين الحرام ونقربوهم للحلال، لكن درك العكس نزوجوهم باه يزيدو يجهلو، كاين حتى لي بالاولاد ومازال يخون
هاد الناس رخاس كيما قلتها وبلا ضمير صح، واش من قلب راجل مرتو في دارو توجدلو في غداه وعشاه .. تقابلو بابتسامة تربيلو
ولادو وهو مايقدرش هاد التضحية ويروح يخونها مع وحدة ماتسواش، نفس الشي بالنسبة للمرأة راجلها كل يوم يتعب باه يجيبلها
لقمة حلال يخدم في نص الظهيرة والشمس تاكلو في راسو غير باه يلبيلها طلباتها وهي تروح لرخيس مايسواش خلاص
بصح ياخويا تاني الشعب تاعنا ولا وجهو تقول وجه صباط حاشاك ولاو مايحشمو مايستحيو، ساعات ندخل بدافع الفضول
لصفحات الفايس بوك لي تسهل مثل هاد العلاقات صدقني ياخويا تبقى بلا راس يجيك القي حاشاك تقول رانا كفار ومسيحيين بالاك تشوف كيفاه النساء يجيو يعرضو نفوسهم على رجال متزوجين تحير والله ونفس الشي بالنسبة للرجال تولي تحير اذا فيهم ريحة الاسلام وتحشم حتى تسميهم مسلمين، درك السبب الرئيسي يا خويا هو تسهيل الحرام، الحرام ولا بضغطة زر والخيانة ولات كي شربة ماء، تحس روحك كلي راك تجاهد باه تحافظ على دينك باه تكون قدقد مع ربي، يعني ولينا تقول عايشين في عصر الجاهلية
وكيما قلتها من قبل في موضوع خويا الامين محمد "الخيانة الزوجية" خيانة الوطن تعتبر حاجة مقززة وخيانة الصديق تعتبر قلة مروءة فمابالك بخيانة تقيس علاقة مقدسة كيما الزواج؟ وهادا كامل خاطر الناس ماش فاهمة معنى الزواج مليح، طفل وطفلة مازالو مابانوش من الارض يحكيو على الزواج حتى ولا لعبة، والأولياء يزوجو بناتهم تقول سلعة ولا تجارة يعني اكيد لي ماش مبني على الصح يتهدم في النهاية
واش نقولو غير ربي يهدينا ويرزقنا الستر والعفاف ويبعد علينا الحرام
شكرا خويا على الموضوع وماتستغربش لأنو هاد الامور ولات حاجة عادية في مجتمعنا
تحياتي
​

 

[لاريمان]

رد: الو اهلا :زوجي نائم ..زوجتي نائمة

السلام عليكم
موضوع من قلب وجع هدا المجتمع
الزوجوالزوجة الخاينة لايمكن باي حال ان يمثلا المجتمع باي حال من الاحوال وان كانت هده الظاهرة قد طفت على السطح
الاسباب كثيرة لا اقول دينية لانه ببساطة ليست لدينا كافراد قاعدة متينة تمنعنا من الاقتراب الى كل ماهو محرم
اردها الى طبيعة وشخصية الزوج والزوجة فهناك من تجد الخيانة تسري في دمه مسرى الدم وللزوج اللعوب هو كان في الاصل زير نساء كيف له ان يقنع بواحدة وهو بالعادة متعدد الوجهات فلانة وفلانة كيف ننتظر ان ينصلح حاله بعد الزواج لهدا اقول ان هاته العينة باينة
شكرا على الموضوع الحساس

 

[Msb security]

رد: الو اهلا :زوجي نائم ..زوجتي نائمة

هههههههههههههه راك معمر عمو حكييمو
بشويا بالاك مرته هع هع هع
ممممممم بالنسبة للرجال او نسموهم ذكور احسن لانهم بعاد على الرجولة و معانيها المهم ..كاين اشخاص يديرو هكدا ولف برك و شفتهم و لي تخلع بلي هدا ولا هدي تلقا المجتم علاباله بخرايبهم الراجل يقولك نورمال ياك راجل و المرا يقولك مريضة ولا مسحورة متحصيش الاعذار لي يحطوهم
و كون نخمو بالعقل ...واحد يحكي مع دي و بنت الجارة و بنت خالته و كامل ناويهم للزواج و هو باش يركب الbus والديه يمدوله دراهم و فلانة تحكي مع فلان و فلان و فلان و تشوف لي يصدق من بعد نتا تقدر تقوللها او تقوله حبسو حرام عيب تزوجتو ..لالا خلاص والفو و زيد بعد ميتزوج و تتزوج يبدو اه كون غير ديت فلانة بفففف ضيعت على روحي فلان هدي هي ...........ربي يهديهم برك و يهدينا ويبعدهم علينا ...

نعم اختي صدقتي
للاسف

حتي النساء بعاد علي الانوثة و الحشمة
للاسف :s

ربي يهدينا
برك

 

[باتنية و نص]

رد: الو اهلا :زوجي نائم ..زوجتي نائمة

السلام عليكم
كيف حالك أخي
انا رح نحكي على جانب واحد ولا على حالة من بين حالات عدة
ممكن تدفع الراجل او المرا باش يتصرفو هاك
عندي جاري شاف اخت صاحبو عجباتو خطبها من صاحبو مش خطبة خطبة لكن قدم لها فالحلال
لما فاتح والدتو بالموضوع قاتلو غير هذي متدخلش لداري رغم انو في عمرها 24 سنة وفي سن زواج قاتلو صغيرة ومهيش مرا تع دار .. حاول والدتو بجميع الطرق ودار علجالها المستحيل لكن لما وصلت بيه لدرجة قاتلو منسمحلكش كون تديها ...مبقاش عندو خيار
خطبتلو امو وحدة اخرى وازوج..لكن منساش البنت اللي حبها وبقا يحكي معاها فلفايسبوك
يعني وش ذنب مرتو مسكينة باش راحت ضحية ؟ ووش ذنب هذيك البنت لي حرقولها قلبها
ساعات نقول ربي يهدي الوالدين
ممكن من هاذ الحالات تنتشر الخيانة ويروحو فيها ضحايا معندهم حتى ذنب
بالنسبة للحالات اللي ذكرتهم الله غالب كاينين عباد فيهم هاذ الطبع و "القناعة" منعدمة عندهم
منقولكش كامل سيئين كاين اللي ظروفو ممكن تدفعو يدير هاذ الشي ويوسوسلو الشيطان
مباعد مع الوقت يفيق مع روحو ويصلح غلطتو لانو بشر ..ولانو معدنو وضميرو مزال حي
واللي عايش على هاذ التخمام..نطلبولهم الهداية
تحياتي

 

[{مُدَلَّلَتُهُ}]

رد: الو اهلا :زوجي نائم ..زوجتي نائمة

السلام عليكم
كيف حالك أخي
انا رح نحكي على جانب واحد ولا على حالة من بين حالات عدة
ممكن تدفع الراجل او المرا باش يتصرفو هاك
عندي جاري شاف اخت صاحبو عجباتو خطبها من صاحبو مش خطبة خطبة لكن قدم لها فالحلال
لما فاتح والدتو بالموضوع قاتلو غير هذي متدخلش لداري رغم انو في عمرها 24 سنة وفي سن زواج قاتلو صغيرة ومهيش مرا تع دار .. حاول والدتو بجميع الطرق ودار علجالها المستحيل لكن لما وصلت بيه لدرجة قاتلو منسمحلكش كون تديها ...مبقاش عندو خيار
خطبتلو امو وحدة اخرى وازوج..لكن منساش البنت اللي حبها وبقا يحكي معاها فلفايسبوك
يعني وش ذنب مرتو مسكينة باش راحت ضحية ؟ ووش ذنب هذيك البنت لي حرقولها قلبها
ساعات نقول ربي يهدي الوالدين
ممكن من هاذ الحالات تنتشر الخيانة ويروحو فيها ضحايا معندهم حتى ذنب
بالنسبة للحالات اللي ذكرتهم الله غالب كاينين عباد فيهم هاذ الطبع و "القناعة" منعدمة عندهم
منقولكش كامل سيئين كاين اللي ظروفو ممكن تدفعو يدير هاذ الشي ويوسوسلو الشيطان
مباعد مع الوقت يفيق مع روحو ويصلح غلطتو لانو بشر ..ولانو معدنو وضميرو مزال حي
واللي عايش على هاذ التخمام..نطلبولهم الهداية
تحياتي

و عليكم السلآم و رحمة الله وبركاته

اسمحيلي اختي . . ماكانش حاجة تبرر الخيانة الزوجية ماكاانش ظروف تخليه يدير هاك . . ماكان لا يبغيها لا تبغيه . . راه راجل ؟ يتحمل المسؤولية إما يتزوج و يصون مرته و يبقالها وفيّ إذا ما لقاش كيفاه يدير و دارهم ما قبلوش بلي يبغيها أو إذا عرف روحه ما يقدرش يبعد على هاذيك المرأة ما يروحش يظلم وحدة أخرى . .
​

 

[عاشقة الإحسان]

رد: الو اهلا :زوجي نائم ..زوجتي نائمة

شكرا لك أخي حكيم على الموضوع الرائع الذي كثيرا ما ينرفزني و يبلغ بي مبلغه
لكن بالراحة عليك و على صحتك راه واحد ما ينفع لك
أما عن الجملة التي حيرت العلماء لفك شيفرةها فهي "المرخس لانو رخيس اللي يحكي مع مرت راجل وهي ارخس منو لانو تحكي مع رخيس قبل انو يحكي مع رخيسة ارخس منو" مليح كي درتها في موضوعك باش تبرد أعصاب الثائرين مثلي قبل الرد ، تفاديا لأي كلام ماشي مليح .
بصراحة لا أجد ما أقوله للرخاس الراجل و المرأة الي يخونو بعضهم ، و الخيانة هي عندي مرض قبل كل شيء لا مبرر و لا عذر لها ، ربي يشفي الي ابتلي به
​

 

[Mr Brahim]

رد: الو اهلا :زوجي نائم ..زوجتي نائمة

اعتقد ان الاخوة و الاخوات سبقوني بالرد
و راهم كفاو و وفاو
ربي يهدينا و يهديهم هذا واش نقولوا
​