- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلااااام عليكم ناس اللمة الكرام
واش احوالكم؟ ان شاء الله راكم لاباس؟ ان شاء الله شبعتو لحم هههه
ربي يدوم هناكم وربي يوفقكم جميعا (واشوا ماتكتروش من اللحم بزاف يوجع)
يا سيدي جبتلكم اليوم موضوع جديد بعد سبات طويل ماش طويل بزاف شوي برك ههه المهم لا علينا
حبيت نتكلم اليوم على لي فيديو كليب تاع الاغاني لي يديروهم حول العالم
كنا زعما نتمسخرو بالمكسيك والاتراك ياو ظهرو قمة تتفرج فيديو كليب تاعهم تحس روحك في فيلم واش من كاليتي تاع ليماج
وواش من لبسة وواش من مشاعر تحسهم في الاغنية هاديك ياو تفهم لقصة حتى ولو ماتفهمش اللغة وتبكي معاهم بالدموع
الهنودة لي زعما خرطي تتفرج فيديو كليب تاعهم عينيك يوليو يشطحو وحدهم اللبسة تحفة والديكور ولا اروع والرقص قمة
والموسيقى ولا اروع حتى ولو الكلام خالوطة (واسوارك يرقص والمطر يرقص ههه) المهم العرض هايل
حتى الجنس الاصفر الكوريين واليابانيين لي ضحكنا عليهم عندهم مجموعات للرقص كي يكونو يشطحو تقول روبوات تبقى مدهوش
تناغم وتناسق وديكور ممتاز تبقى حال عينيك وداهش 5 دقايق هادوك ولا 10 ماتحسلهم لدرجة المتعة هاديك
ولو نجيو لأروع شعب وافضل شعب الشعب الصاعد والواعد والمبهر الشعب الجزائري الله يبارك عليه
مافهمتش يديرو فيديو كليب ولا جبانة؟؟ راهم يحرضو الشباب على الانتحار والمخدرات والقتل والحرقة ماش على السعادة ههههه
الصباح برك زعما قاعدة نبدل في ليشان بملل يا سيدي نطيح في مغني زعما مداير غناية على حوادث المرور :s
درك لي يحب يدير حاجة توعي من حوادث المرور لازم موسيقى حزينة ومشاهد مؤثرة باه الناس تتأثر وتحس بخطورة الوضع يا سيدي
نلقى في الموسيقى عراسي وهو "يا بابا بلعقل ماتزربش" ولابس اللبسة تاع الحماية المدنية ولاتي يشطح برد قلبو
والدربوكة تضرب من هيه قريب نضت نشطح ههههههه ومن بعد يقولك نوعي الناس، ياو لي يشوف الاغنية هادي يزيد
يقوي السرعة ويزيد يزدم في حيط ويرمي روحو من راس الجبل وزيد تطلع الروح تاعو معذبة مسكين ههههه
كاش حوادث مرور فيهم دربوكة وشطيح ؟ درك هادو عباد
مرة تاني قاعدة نبدل في ليشان نلقى في محبوب الجماهير كادير الجابوني (ماخصو جابوني -_-) يا سيدي فيديو كليب
تاع قراصنة، واشوا هادا؟ الشعب فوق البابور ولابسين تاع القراصنة ولاتيين يشطحو في الراي :down:
درك قراصنة يشطحو الراي هادو ماش حلال فيهم الذبح؟ مليح ترميهم لاسماك القرش من تم بعد
يجي ديرلك اغنية على الام من المفروض اغاني طربية ويا ربي تحس بقيمة الام هوما لالا تلقاها غناية قبايلي ولا شاوي
ولا راي والناس مقلبة الدنيا بالشطيح والدربوكة لسانها خرج وهو لاتي يبكي على يماه لي فقدها
تتمسخر بينا درك -_- راك درتلي اختلال في المشاعر
وياسيدي الصورة ماش مليحة دير على الاقل كلمات ملاح زعما باه تجبد بيهم الناس وتحس بالمشاعر لي في الاغنية
بصح تاعنا يديرلك غير الكلمة اللخرة تخلص كيف بعضاها زعما باه تجي متناغمة تلقاه يقول
" عشت معاك لا سوفرونس" ويتبعها بلافامي تاعها كوريسبوندونش ديفيرونس لاسوتنونس فواياج دونونس ههههههه
آآآو بلعقل علينا شوي هادي بالعربية وماتفهمش اللغة تاعها ولا المغزى تاعها
حتى ولاو يجيو توانسة يديرولنا فيديو كليبات كلي حنا مختلين عقليا كيما نهار شفت الاغنية تاع وردة
ربي يرحمها تاع "ايام" وفيديو كليب تاعها ماشاء الله والمخرج تاعها شاب تونسي "شااااب" وحنا عندنا الشياب مادارو فيها والو
الناس راهي بهوليود وبوليود وحنا جاي يشطحلي ويقولي بالاك من حوادث المرور -_-
هكا نزيد نرمي روحي في نص الطريق السيار شرق غرب ونخلي الكاميو يقتلني وقليل
يعني مافالحين لا في الفيديو كليبات ولا في فيلمات ولا في اشهارات تبقى حاير والله
المهم راني ثرثرت بزااااف نخليلكم المايكروفون ليكم
وقولولنا واش رايكم في لي فيديو كليب تاع المبدعين تاعنا هادا اذا شفتوهم اصلا هههه
تحياتي للجميع
سلااام
واش احوالكم؟ ان شاء الله راكم لاباس؟ ان شاء الله شبعتو لحم هههه
ربي يدوم هناكم وربي يوفقكم جميعا (واشوا ماتكتروش من اللحم بزاف يوجع)
يا سيدي جبتلكم اليوم موضوع جديد بعد سبات طويل ماش طويل بزاف شوي برك ههه المهم لا علينا
حبيت نتكلم اليوم على لي فيديو كليب تاع الاغاني لي يديروهم حول العالم
كنا زعما نتمسخرو بالمكسيك والاتراك ياو ظهرو قمة تتفرج فيديو كليب تاعهم تحس روحك في فيلم واش من كاليتي تاع ليماج
وواش من لبسة وواش من مشاعر تحسهم في الاغنية هاديك ياو تفهم لقصة حتى ولو ماتفهمش اللغة وتبكي معاهم بالدموع
الهنودة لي زعما خرطي تتفرج فيديو كليب تاعهم عينيك يوليو يشطحو وحدهم اللبسة تحفة والديكور ولا اروع والرقص قمة
والموسيقى ولا اروع حتى ولو الكلام خالوطة (واسوارك يرقص والمطر يرقص ههه) المهم العرض هايل
حتى الجنس الاصفر الكوريين واليابانيين لي ضحكنا عليهم عندهم مجموعات للرقص كي يكونو يشطحو تقول روبوات تبقى مدهوش
تناغم وتناسق وديكور ممتاز تبقى حال عينيك وداهش 5 دقايق هادوك ولا 10 ماتحسلهم لدرجة المتعة هاديك
ولو نجيو لأروع شعب وافضل شعب الشعب الصاعد والواعد والمبهر الشعب الجزائري الله يبارك عليه
مافهمتش يديرو فيديو كليب ولا جبانة؟؟ راهم يحرضو الشباب على الانتحار والمخدرات والقتل والحرقة ماش على السعادة ههههه
الصباح برك زعما قاعدة نبدل في ليشان بملل يا سيدي نطيح في مغني زعما مداير غناية على حوادث المرور :s
درك لي يحب يدير حاجة توعي من حوادث المرور لازم موسيقى حزينة ومشاهد مؤثرة باه الناس تتأثر وتحس بخطورة الوضع يا سيدي
نلقى في الموسيقى عراسي وهو "يا بابا بلعقل ماتزربش" ولابس اللبسة تاع الحماية المدنية ولاتي يشطح برد قلبو
والدربوكة تضرب من هيه قريب نضت نشطح ههههههه ومن بعد يقولك نوعي الناس، ياو لي يشوف الاغنية هادي يزيد
يقوي السرعة ويزيد يزدم في حيط ويرمي روحو من راس الجبل وزيد تطلع الروح تاعو معذبة مسكين ههههه
كاش حوادث مرور فيهم دربوكة وشطيح ؟ درك هادو عباد
مرة تاني قاعدة نبدل في ليشان نلقى في محبوب الجماهير كادير الجابوني (ماخصو جابوني -_-) يا سيدي فيديو كليب
تاع قراصنة، واشوا هادا؟ الشعب فوق البابور ولابسين تاع القراصنة ولاتيين يشطحو في الراي :down:
درك قراصنة يشطحو الراي هادو ماش حلال فيهم الذبح؟ مليح ترميهم لاسماك القرش من تم بعد
يجي ديرلك اغنية على الام من المفروض اغاني طربية ويا ربي تحس بقيمة الام هوما لالا تلقاها غناية قبايلي ولا شاوي
ولا راي والناس مقلبة الدنيا بالشطيح والدربوكة لسانها خرج وهو لاتي يبكي على يماه لي فقدها
تتمسخر بينا درك -_- راك درتلي اختلال في المشاعر
وياسيدي الصورة ماش مليحة دير على الاقل كلمات ملاح زعما باه تجبد بيهم الناس وتحس بالمشاعر لي في الاغنية
بصح تاعنا يديرلك غير الكلمة اللخرة تخلص كيف بعضاها زعما باه تجي متناغمة تلقاه يقول
" عشت معاك لا سوفرونس" ويتبعها بلافامي تاعها كوريسبوندونش ديفيرونس لاسوتنونس فواياج دونونس ههههههه
آآآو بلعقل علينا شوي هادي بالعربية وماتفهمش اللغة تاعها ولا المغزى تاعها
حتى ولاو يجيو توانسة يديرولنا فيديو كليبات كلي حنا مختلين عقليا كيما نهار شفت الاغنية تاع وردة
ربي يرحمها تاع "ايام" وفيديو كليب تاعها ماشاء الله والمخرج تاعها شاب تونسي "شااااب" وحنا عندنا الشياب مادارو فيها والو
الناس راهي بهوليود وبوليود وحنا جاي يشطحلي ويقولي بالاك من حوادث المرور -_-
هكا نزيد نرمي روحي في نص الطريق السيار شرق غرب ونخلي الكاميو يقتلني وقليل
يعني مافالحين لا في الفيديو كليبات ولا في فيلمات ولا في اشهارات تبقى حاير والله
المهم راني ثرثرت بزااااف نخليلكم المايكروفون ليكم
وقولولنا واش رايكم في لي فيديو كليب تاع المبدعين تاعنا هادا اذا شفتوهم اصلا هههه
تحياتي للجميع
سلااام
تتوحشك الجنة ان شاء الله
