مشكلتي مخطوبة ولا ارغب بالزواج

[مشكلتي]

السلام عليكم و رحمة الله تعالى وبركاته
اخواني اخواتي
انا فتاة في عمر الزهور راني مخطوبة لشاب قمة فالاخلاق و المعاملة محتارمني و مدين فيه الصفات لي تتمنها كل بنت فشريك حياتها
باختصار جميل من الباطن و من الظاهر مشكلتي اني مانيش نبادلوا نفس الشعور انا كنت نحب واحد قبلو حبيتو بجنون وربي ماكتبش بيناتنا
بصح والله ماراني نخمم نولي ليه لانو عكس الانسان لي راه خاطبني في الخلق حاولت وحاولت
نحب خطيبي بصح ماقدرتش بالفترة الاخيرة وليت مقلقة و نفاتن و هو غير يساعف فياا و يقولي ماكيش مليحة نديك نرقيلك مشكلتي اني بعد حبي الاول مانيش نأأمن كليا بمفهووم الحب حتى اني راني عازفة عن فكرة الزواج كل مايقولي تحبيني نقولو وي نحبك تاع مانضركش
وكل مايحكي على الفاتحة نصيبلو الف سبة باه نبعدها خايفة نزوج بيه و انا مانحبوش عارفة راح تقولو لي كنت تحبيه راه عايش حياتو
و مش سامع بك بصح انا مش مشكلتي فالماضي ماقدرت نحس بوالو جيهتو نحبو حب احترام و تقدير يمكن تقولو الحب يجي بعد الزواج
بصح انا نشوف فيه انسان عادي و مش هولي لي نتخيل روحي نكون معاه مانيش قادرة نضروا مانيش حابة نكون سبب فالالم
باسكو عاوني و كان معايا راجل وقف معايا باصعب الاوقات جامي سمعت منو كلمة تاع عيب ولا شر ساعات نقول علاه بان في طريقي
علاه ماكانش اول حب في حياتي ماني حابة نزوج ني به ني بغيروا كرهت مصطلح الزواج
و ماني حابة نكون مع حتى راجل حابة نبقى براسي نخدم نروح لدارنا نتعامل مع الرجال في اطار العمل فقط مانيش حابة نزوج بجاه رب عاونوني
​

 

[السلطانة]

رد: مخطوبة ولا ارغب بالزواج

وعليكم السلام ورحمة الله وبركاته

كيما يقولو غير المحبة لي ماشي بالسيف
اذا كنتي ماكش قادرة تحبي خطيبك تقدري تبطلي من درك قبل ماتتزوجي علاه تعذبيه معاك ؟.ولا من مباعد تخمي في الطلاق مثلا . غير كان عاد شعورك مجرد شعور عابر فقط راح يزول عنك

استخيري لله في أمرك وان اشاء الله يسهلك إلى ماهو خير

 

[باسم1]

رد: مخطوبة ولا ارغب بالزواج


مفيش حد يقدر يأكلك لقمة انتى مش عايزه تاكليها
وواضح انه رغم كل مميزات هذا الشاب لكنه مقدرش يوصلك
مقدرش يوصل لاحساسك معندوش مميزات انه يقتحمك
يسهرك يحيرك يبعثرك عاطفياً

انتى لسه بتدورى على حد يشبه حبيبك القديم
بصفاته بكلماته بنظراته لسه عايشه فيه وجواه
لسه عايشه على ذكرياته

انتى الوحيدة اللى هتقدرى تحددى ترفضى او تقبلى
بعقلك وبقلبك الاتنين مع بعض
لكن اوعى تفتكرى ان عمر الزهور بتاعك هيضل كتير
مع الوقت فرصك ممكن تقل تضعف وهتقولى يارتنى
مش معنى كده انى بقولك اقبلى لا
لكن اغتنمى الفرص

كل الشكر

 

[Salah eddin]

رد: مخطوبة ولا ارغب بالزواج

السلام عليكم
ياودي الله يهديك يا ختي
وش هذا حب لول و الحب الثاني ؟؟؟
هاخلونا من الخرطي تاع المسلسلات رحمة على والديكم ..و الله العظيم
السيد راكي نتي قلتيها ..انسان مريgل و متخلق ..ونتي راكي في الحب لول و الثاني
..
ياودي الله يهديكم ..ياو نراهنك يا اختي بلي نتي راكي على الاقل شايفة 20 و لا 30 مسلس تركي و مكسيكي ...هاني قلتلك
بدلولكم gاع الرحمة تاعكم بالافكار الغريبة هذي
الله يهديكنا اجمعين
...
على كل يا اختي ..ادعي ربي يصلح لك حالك
و اسمعي راي الكبار عندكم
و
السلام عليكم
و
العفو
​

 

[Malika Tlm]

رد: مخطوبة ولا ارغب بالزواج

السلام عليكم
اختي مدامك رافضة فكرة الزواج علاه من الاول تقبلي بيه وتوافقي باش تتزوجيه لالا حرام عليك
حبك الاول واش من حب وكان حبك نتاع صح يدير المستحيل ويديك اوك هدي لازمك تعرفيها
انعلي الشيطان وتوكلي علي ربي وخممي بعقلك حبيبتي ماشي بقلبك
ربي يكملكم فالخير
يارب يتاوي بيناتكم​

 

[بقايا إنسان]

رد: مخطوبة ولا ارغب بالزواج

سلام وبعد:جربتي الحب في غيرشرع رب العالمين وعاونك فيه الشيطان ولما رجعتي لحلال رب قلتي قلبي لغيرو حرام نظر وليد الناس هذا شي قبيح والغدر بيه حرام وهذا في راي دبارة شيطان ولقى منك تناغم وصورلك لحلال حرام
يا اختي وين راح كلام ربي في قلبك:وعسى أن تكرهوا شيئا وهو خير لكم
أو قوله:وعسى أن تكرهوا شيئا ويجعل الله فيه خيرا كثيرا
الزمان يجري والعمربعد الواقع يصبح تاريخ او تقولي عنو منام
كملي برايك وقولي:كلمة لالا عندي وعلاش نقول إيه؟ياك لي حبو قلبي مصبتوش وعلاش لي رزقني بيه ربي نديه؟
سلام

 

[بنفسج]

رد: مخطوبة ولا ارغب بالزواج

السلام عليك

الي عشتيه من قبل وسميتيه حب اول مااهوش حب الحب لي يتبناا فالحلال ويجي من العشرة والولف
مدااام هادا الانسااان باغيك وفيه كل الحوايج والصفاات لي تخليك تقبلي فاخطيك من الاوهااام وانسااي داك لي من قبل
بيسك كان جاك صح يحبك ميخليكش لواحد اخرر
متقاارنيش واحد جاك حابك فالحلال وواحد غير عدااا بيك الوقت
نظن رح يجي نهاار تندمي عليه خمي بعقلك واتفكري بلي الفرص ماهيش ديمااا تجي
والحب رااه يجي مع الوقت الفايدة في الاخلاق والدين
انتي برك بدلي القنااعة نتاعك وبركااي متخمي فهداك الانسان لقديم

بقاا نقلك استخيري قبل مااا تدي اي قرار
ربي يعاونك
تحياتي

​

 

[أم الأولاد]

رد: مخطوبة ولا ارغب بالزواج

متتزوجيش ومتغبنيش الراجل معاك
مسكين هو بنيتو معاك وأنتي تخمامك مع اخر !

​

 

[❤️كلي أمل❤️]

رد: مخطوبة ولا ارغب بالزواج

اختي الغالية واش نقولك فكري مليح
قبل ما تتخذي اي قرار هذي حياتك قبل كل شيء
وهذا انسان اذا شفتيه مليح ووليد فاميلية هذا هو
صح اما الحب الحقيقي لي يكون بعد الزواج ماشي
قبل الزواج ربي يفرج عليك ويهديك لطريق الصحيح

 

[،كارينا،]

رد: مخطوبة ولا ارغب بالزواج

ربي يعاونك اختي

 

[Soumia hadj mohammed]

رد: مخطوبة ولا ارغب بالزواج

[CENTE

R]السلام عليك أختي​

يا ختي راكي قلتيها ربي مكتبش بيناتكم وراكي قلتيها في حيرة وتساؤل بينك بين نفسك كيفاه حتى ظهرلك هاذ الانسان لي خطبك ، سبحان الله ربما فيه الخير فبعه الله لك ، فارضي بما هو خي وطيب .

ساطرح لك راي ونصحي وبالله التوفيق ان شاء الله :

ما دمتِ قد قدمت شهادة على هذا الاخ الذي هو خطيبك بانه خلوق ويحترمك ومدين والله لهذا هو الكنز الرجولي بام عينه ؛ يا اختيي مالكي تركضون وراء القلب حتى لو ادهم بكم الى ما لا يحمد عقباه والعقل واع لعقباه سلفا ، تنبيهي هذا ما هو الا مما استخلصته من كلامك .

احمدي الله على ان رزقك بخطيب مثل الذي هو لك الان بخلقه واحترامه لك واهتمامه لك

مسأله وقت فقط انتي اسعي وحاولي ان تحبيه سبحان الله شخص مثل هذا ولا يحتل في قلبك محبة ، يا عجبا منك !!!؟، يبدو ان ذلك الانسان الاول حبه قد شوّش على ذهنك فاختطت المشاعر بين الحاضر والماضي ، عيشي حاضرك وابني مستقبلك وتعلمي من ماضيك ، ماضيك اجعليه درسا ، فما دمت قد ادمجت في طرح مشكلتك شخص من الماضي لم يكن بينكم نصيبا ، وبين الخطيب فانت تهدمين لبنات مستقبلك

عليك بالمحاولة اختي ان تحبي هذا الذي هو خطيبك

{ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة }​

من كان متخلقا بخلق حسن ويحترم من ستكون زوجه ومدين ستحضين معه بالسكينة ان شاء الله
اعيدي التفكير بعقلك ثم حركي مشاعرك
صلي صلاة الاستخارة​

اسال الله لك التوفيق اختي [/CENTER]

 

[Hakan]

رد: مخطوبة ولا ارغب بالزواج

وعليكم السلام
يعني لولا مكانة اللمة في قلبي ومكانة اعضائها كنت نقول كلام ممكن ندم عليه طول حياتي
لانو في مثل هذه المواضيع عينيا يعماو ويديا يرجفو وحدهم المهم خيتي
انت لا ترغبين في الزوااج حاجة ملحيحة مي مشكلتك كي قلتي راني مخطوبة لهذا الشخص
يعني واش هاذ التبهليل تلعبو بالاشراف والرجال
ما عجبكش وعندك قصة حب يااختي ما تلعبيش بولد الناس
وهاذ العقلية شفتها في شحال من طفلة
كي شغل تحط واحد في قلبها ومن بعد تحب تزيد تضمن واحد يحبها ودير معاه الخطبة الرسمية ومن بعد
تقعد تستنى في الاشارة نتاع الاول باش تتخلص من الثاني واكيد الثاني هو الضحية
المهم ختي روحي توبي لربي
انا ما نقلك لا راكي رايحة تنسايه لا والو لانو في شريك الحياة كاين معايير اذا ما لقيتيهاش فيه اكيد مارايحاش تنساس الاول ونضن الثاني ما زال حتى ما لحقش للمسافة اللي لحقها الاول
وفي الاخير يا بنتي ما تشوفيش روحك برنسيسة البنات راهم بزااااف بزاااف بزااااف وغير لخرى اللي تقول لختها زيدي لهيه
والرجال الملاح ناقصين بزااف بزاااف هامالا اخطيك من عقلية المسلسلات التركية وشوفي لحياتك ومستقبلك وما تقعديش بارة كي احلام مستغانمي
والراجل هذا قوليلو وبكل صراحة قلبي وعيني وشعري وما نعرف واش راهم عند وحد آخر وانت ماعنديش ادنى فرصة كيما يقولو بالتركية
" تَكٌ بي سانس " باسكو انتوما تبعو بزااف الترك​

 

[لؤلؤة قسنطينة]

رد: مخطوبة ولا ارغب بالزواج

ههههه كاين بعض الردود قتلوني الله يهديكم برك
أولا السلام عليكم ختي
شوفي لا مقدمات ولا والو ندخل في الموضوع مباشرة، ماتقوليش مارانيش حابة نتزوج ماتشوفيش لنفسك شابة وصغيرة
وواحد عشتي معاه قصة حب ولاخر خطبك وحاطك في عينيه ونتي تتكسلي وتغرك الدنيا وكلشي خاطر المرأة ماتنفعها
غير دارها تطيري ولا تنزلي ولا تلحقي حتى لأعلى المناصب نهار تشوفي مرأة محضنة طفل صغير بين يديها تحسي بالفرق
نهار تشوفي زوج وزوجتو وولادهم يمشيو مع بعضهم وجو اسري تما قولي ماش حابة نتزوج لو كان كنتي مخطوبة وحرموك
من واحد وفسخولك الخطوبة رغما عنك وعشتي ضغط نفسي نقولو بالاك بصح تكرهي الزواج وتكرهي نصف دينك
علاواه؟؟ على حكاية ماعندها حتى معنى وكانت مجرد قصة عابرة وماعندها حتى علاقة بالحب، المهم لا علينا
انا الشي لي حيرني صراحة ختي لعزيزة هو مفهوم او معايير الحب عندكم كيفاه؟؟ انسان تقي ومتربي وقلتي مليح ظاهرا
وباطنا وحاطك في عينيه وماقدرتيش تقربي ليه؟؟؟ يعني ساعات نحير في عقلية بعض البنات يعني لازم تحبو لي نهار كامل
مشاكل وتكياف ودعاوي الشر وفيه كلشي معوج باه ترضاو؟؟ وماتقوليليش حب وما حب هاداك راهو الشيطان الله
يلعنو ويخزيه حابلك الحرام بدل الحلال، انا من رايي روح اتوضاي وصلي زوج ركعات لربي شكر وحمد لي بعتلك نفس
مومنة درك الرجال لي كيما هكا راهم قريب ينقارضو، نتي بدل ما تحمدي ربي تقولي ماش حابة نتزوج شوفي الزواج ماش غصب
بصح باه تضيعي انسان يحبلك الخير ومحترم وولد عايلة صدقيني يجي نهار تبكي ندم عليه، درك الشيطان يقولك كيفاه
تتزوجي راجل ماتحبيهش وكلشي مالا ختي لعزيزة نساء بكري تكون قاعدة تخبز في الكسرة يجي باباها يقولها السمانة الجاية
عرسك وتتزوج راجل ماتعرفو ما يعرفها ونهار تموت بعد عشرة 50 سنة ولا كتر تلقايه يبكي عليها كي الطفل الصغير
على عكس الزواج تاع دركا 10 سنين وهي تعرفو وحب ومعرف واش بعد شهر يتطلقو ؟؟ وكاين حتى لي بعد اسبوع
وشفتهم بعيني ماش حكاولي، شوفي نقولك حاجة ختي كاينة وحدة من العائلة تزوجت بشخص تعرفو من 5 سنين يعرفو
بعضاهم مليييح وحب وكلشي نهار تزوجو صدقيني 3 ايام تقابدو لحقو للطلاق كن ماش ربي لي ستر عليهم وولاو
يكرهو بعضاهم لدرجة ما تتصوريهاش، مالا ختي لعزيزة الزواج او ماش ورود حمراء وماش شعر وماش كلام رومانسي
لاكان مدايرة مفهوم الزواج هكا راكي غالطة، الزواج هي قدرتك على انك تكوني سند للطرف الآخر وهو يكون سند
ليك وتهزي معاه مشاكلو ويهز معاك مشاكلك وتكون العلاقة تمشي على احترام قبل الحب، والشخص هادا هو لي
قادر يساعدك تكملي حياتك معاه وتتحملو المشاكل ومصاعب الحياة كيف كيف، مالا استغفري وشهدي وصلي
لربي واطلبي منو يفتحلك عينيك وينعتلك الصح ودرك نفسك ترتاح اما اذا بقيتي في العناد تاعك هادا مالا غير خلي
ولد الناس يشوف طريقو خاطر باه تطولي معاه وفي اللخر تقوليلو نحبس صدقيني رايحة تجرحيه بزااااف وفي نفس الوقت
رايحة تندمي عليه بزاف، انا نصيحتي ليك ماتشاوريناش حنا شاوري ربي سبحانو هزي يديك وادعي ربي ينعتلك الطريق
الصحيح درك هو سبحانو ينورلك طريقك وينعتلك الصح من الغالط
واش نقولك ربي يوفقك ان شاء الله خمي بعقلك ماش بقلبك لأنو القلب او يجي دورو ماتخميش مازال وقتو برك
ربي يسهلك ان شاء الله
​

 

[خربشات فتاة]

رد: مخطوبة ولا ارغب بالزواج

سلام اختي انا بنت في طريق الزواج مثلك راح ننصحك و اسمعيني مليح

شوفي يا بنت الناس خمي بعقلك و خليكم من القلب هذا الي خلاكم تعماو عن الواقع

الواقع باين حبيبك الاول راح و تخلى عليك معناها محبكش و انتي وحدك الي درتي فيلم من والو

هذي هي الحقيقة و انتي قعدة تخمي في انك حبيتيه و عندو حبست حياتك

ياو فيقي و خليك من حكايتو لانها كانت ظلام في ظلام و افطني لهذا ولد الحلال الي قصدك و حبك عن حق

شوفي روحي صلي و استخيري و صارحي خطيبك عادي قوليلوا راني مزلت محبيتكش قوليلو عاوني باه نحبك متكذبيش تقوليلو اني نحبك

خليه يعلم بلي قلبك مزال منبضلوش باه يسعى انك تحبيه و يكون فاهم الامر

هو الأن او يظن انك تحبيه و انتي لا

و راهو كلش بالمكتوب المهم انك تصارحي نفسك و الخطيب تعك باه تصفاي قدام ربي و يظهرلك الصح

ربي معاك

 

[GOST LADY]

رد: مخطوبة ولا ارغب بالزواج

السلام عليكم
ياودي الله يهديك يا ختي
وش هذا حب لول و الحب الثاني ؟؟؟
هاخلونا من الخرطي تاع المسلسلات رحمة على والديكم ..و الله العظيم
السيد راكي نتي قلتيها ..انسان مريgل و متخلق ..ونتي راكي في الحب لول و الثاني
..
ياودي الله يهديكم ..ياو نراهنك يا اختي بلي نتي راكي على الاقل شايفة 20 و لا 30 مسلس تركي و مكسيكي ...هاني قلتلك
بدلولكم gاع الرحمة تاعكم بالافكار الغريبة هذي
الله يهديكنا اجمعين
...
على كل يا اختي ..ادعي ربي يصلح لك حالك
و اسمعي راي الكبار عندكم
و
السلام عليكم
و
العفو
​

انا تماما مع الاخ الكريم في الكلام لي قالو يا ختي الزواج مودة و رحمة تقدير و احترام هذا الشي راهو كاين بيناتكم كاش واحد قال الزواج عشق و غرام و راكي تقولي عليه مجمول
عن أبي هريرة قال قال : رسول الله صلى الله عليه وسلم :
إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد عريض
( حسن الالبانى باب الاكفاء )

ختي صلي صلاة الاستخارة و ربي يعطيك الخير

 

[ليليا مرام]

رد: مخطوبة ولا ارغب بالزواج

السلام عليكم اختي
انا لما قريت مشكلتك غاضني خطيبك نقولك الصح اولا لانو وليد اصل وماراهش عارف انت كيفاه تخمي ويحبك ويحترمك وكل شي تحبيه يسعى يديرو مي انقلبت الدنيا ورجع راجل كيما هذا ما عندوش قيمة وعلى هذا نقولك كل راجل قرا مشكلتك راه يخمم يقعد باير وما يتزوجش اختي ما تزعفيش مني نقولك الصراحة
شوفي معايا اول شي اللي حبتيه وين راه انا نقولك وين راه مع كاش وحدة او وحدات يدور ونساك ودار حياتو وراح لانو ببساطة لو حبك لو دارلك القيمة اللي دارهالك الراجل هذا ثاني شي تقولي كرهت الراجل من واش كرهت الرجال على جال واحد تجربة حب فاشلة تضيعي حياتك وتضيعي راجل من يدك تندمي عليه طول حياتك الدنيا تمدلك مرة فرصة تضيعيها كل حياتك تندمي عليها تلقاي رجال وتتزوجي ولو ما تتزوجيش هذا مي محال تلقاي كيفو لانو دعوتو تخرج فيك ولو ما يدعيش عليك ولو ما راهش فمخك ويعرف نيتك معاه مي ربي راه يشوف لانو حتى التفكير فغيرو راه خيانة نقولك الصح لو انت خليتيه وطلبت تفسخي اللي راح تكون من مكتوبو والله عليها دعاوي الخير امالا غير خمي مليح وانعلي بليس وشدي فخطيبك وروحي ترقي وشوفي فيه الرجل المحترم وليد الاصل ما تقوليلي لا ما حبيتوش لا والو حنا نسا نعرفو بعضلنا نركبو فالكار نحبو الشوفور ماكانش اسهل منا فالحب تحبيه ولاباس عليك انعلي بليس وما تخسريش راجل كيما هذا
نتمنى ترجعينا وتقولي راني الحمد لله وندمت اني خممت هاكا الله يهديك وينور طريقك قبل ما تندمي

 

[أحبك ياجزائر]

رد: مخطوبة ولا ارغب بالزواج

سلام الله عليكم
ضحايا عمــل المرأة ، لو ددرسنا حقا مايمليه علينا ديننا الحنيف لعمل المرأة ومتى يجوز ماوصلنا إلى ماتتحدثي عنه
ولن أزيد شيئاً سوف ينفعك عملك يوما لاينفع مال ولا بنون إلا من آتى الله بقلب سليم

 

[هالة]

رد: مخطوبة ولا ارغب بالزواج

سلام اختي نقلك حاجة قصتك تقريبا تشبه لقصتي لكن نقلك حاجة راكي غالطة الف بالمئلة والمشكلة مشي انك محبيتيش هذاك الشخص المشكل انك حصرتي حياتك وحبك وزواجك مع هذاك الشخص وهذي هي المشكلة ونزيد نقلك صعب صعب صعب تحبي اي شخص مهما تكون صفاته حتى تتخلصي من ماضيك من اعماق قلبك وتحاولي تحبي هذا الشخص وحطي مقارنة بين محاسنة ومحاسن حبيبك هو ميستاهلش انو يتضر منك ونزيد نقلك لو تضيعيه من يدك رايحة تندمي ماخرا لانو بهذا الوقت صعب تلاقي واحد يحبك نتاع الصح ويحترمك لانو كاين الي يحبك بصح ميحترمكش وانتي بهذا التصرف تخسري كل شيئ مراكي بحبيبك الاول ولا بالرجل الثاني ولا بنفسك الي خسرتيها وضاعت مع الماضي نعطيك مثل انا تاني كنت نحب شخص لكن الضروف مسمحتش بالرغم من انو يحبني اكثر من اني نحبه وحاولت ننساه ونسيته وعايشة حياتي عادي لكن كل ميتقدملي شخص نقول ياريت جاء هو ونبقى نقارن حتى ضيعت كم من رجل الله يبارك بعدها لما فقت بروحي قررت نبحث على نفسي قبل نفسي الي ضاعت وخممت بمعادلة انو لو نبقى طول عمري مني رايحة نتزوج ولا رايحة نديه هو يعني انا الخاسرة في كلتا الحالتين لهذا سلمي امرك لله واستغفري ربي واحمديه على هذي النعمة الي عطاهالك غيرك راهي تتمنى في راجل يقدرها ويحترمها ومشي لاقية غيرك راهي عايشة الذل مع راجلها وخطيبها وصابرة وانتي قلتي يساعف فيا اختي نقلك بصراحة متكونيش انانية وتخمي بنفسك فقط الرجل تاني ميستاهلش هذا منك والعيب راهو فيك لانك انتي رضيتي تبقاي مع الماضي ولو تبقاي معاه عمرك كاملة مشي رايحة تغيريه نصيحة اخت ومجربة ادعي ربي يخرج هذا الماضي من قلبك ويبردلك قلبك منو ويحبك في خطيبك هذا ويقذف بينكم الحب والراحة صدقيني لو تدعي ربي هذا الدعاء متاكدة رايحة تتبدل ومن يدري ممكن لو تقربي منه اكثر رايحة تحبيه اكثر حتى من حبيبك الاول انتي مشكلتك برك انك حصرتي نفسك لشيئ اخر مقدرتيش تشوفي غيرك كيما هذاك الانسان يبقى يشوف غير لمعان الذهب لكن معلابالوش انو ذهب مزيف مشي حقيقي نتمنى فهمتي كلامي فكري مليح واياكي واياكي انك تفرطي فيه وتباقي نادمة وممكن حتى ربي يناقمك لانو عطاك نعمة ومقدرتيهاش ربي يقدملك الخير ويسهل حالك

 

[Smile Queen]

رد: مخطوبة ولا ارغب بالزواج

سامحيني مي نتي الغالطة النهار الاول كي ماكيش حابة تتزوجي علاه قبلتي الخطبة؟؟؟
سبحان الله ياربي يعني واحد يعطيه ربي نعمة يطيشها وواحد يدعي ربي يرزقو وماكان والو هههه
واش راح نقول صح صح يعطي ربي اللبن للي ماعندوش طاس
ربي يهديك ختي
وعاودي تفكيرك ضرك قليل وين يكون ولد فاميلة وراكي قلتيها والدليل الاول هذا لي خلاك
واسفة على صراحتي
سلام

 

[**laila**]

رد: مخطوبة ولا ارغب بالزواج

هذا الشيطان يلعب براسك

قالوها قبلك و بطلو و ندمو و حبوا يرجعوهم بصح بعد فوات الاوان

داومي على الاستغفار حنونة و ادعي ربي ينورلك طريقك