السلام عليكم و رحمة الله تعالى و بركاته
اليوم في بلادنا صاير العجب ، و كأننا في العصور الوسطى ، بكري كان قانون الغابة هو السائد : القوي يأكل الضعيف ، كيما الاسد و الغزالة ، و الغني يأكل الفقير ، و تعدات الحكاية حتان رجعت العبودية ، عبد يستعبد عبد ، يضربوا و يجوعه و يخدمه و كي يكره منه يبيعه ، حقا اغرب من الخيال
مع ظهور الحضارة بدا هذا القانون نتاع الغابة يروح و القانون ياخذ مجراه على الغني و الفقير ، القوي و الضعيف ، الرئيس و الموظف . الرئيس الامريكي و البغيظ الجديد دونالد ترامب اول ماحكم منصبه حب يسترجع قانون الغابة و راح يصدر اوامر بطرد المسلمين و منع دخولهم امريكا و حسب روحه اسد ، لكن العدالة في امريكا مبنية على الصح يعني قوية و متينة و القاضي نتاعها لما اقسم قسم التخرج حافظ عليه و قال للرئيس الامريكي توقف انا مانستعرفش بيك و القانون فوقك ، و الرئيس ماقدر يدير والوا لانو عندهم القانون يطبق على الجميع سواسية ، لافرق بين ابيض و اسود ، و لا بين مسلم و مسيحي و يهودي ، و لا بين غني و فقير .
بصح في بلادنا القانون اصبح ملكية خاصة يستعمل على حسب المصالح يعني بطبيعة ماهمش اكل ، في الاسبوع هاذا شاب فقير يبيع الحوايج على الطابلة ، متربي ماشاء الله و يخدم باش يصرف على اهله ، عنده اخ صغير دايما يتعدى عليه واحد من الناس اللي لاباس عليهم ، و كل مرة يقول لاخوه معليش لازم نبعدوا على المشاكل ، الشاب الاخر عجبه قهره على الاخ الصغير حتان فقد الشاب اعصابه و اعطاه طريحة نتاع الله الله اللي صراحة يستحقها ، قدموا عليه شكوى فحكم عليه القاضي بكل بساطة 5 سنوات ، اما تجار المخدرات يدخلوا الصباح يخرجوا العشية بفضل الشكارة نتاعهم اللي التحت التحت و الزوالي مسكين لازم يدخل لانو ماعندهش باش يدفع من التحت التحت ، و كلما كبارت القضية تكبار الشكارة معاها . و نساو العبارة اللي تقول ويل لقاضي الارض من قاضي السماء .
نتمنى تشاركوني ارائكم ..
تحياتي
اليوم في بلادنا صاير العجب ، و كأننا في العصور الوسطى ، بكري كان قانون الغابة هو السائد : القوي يأكل الضعيف ، كيما الاسد و الغزالة ، و الغني يأكل الفقير ، و تعدات الحكاية حتان رجعت العبودية ، عبد يستعبد عبد ، يضربوا و يجوعه و يخدمه و كي يكره منه يبيعه ، حقا اغرب من الخيال
مع ظهور الحضارة بدا هذا القانون نتاع الغابة يروح و القانون ياخذ مجراه على الغني و الفقير ، القوي و الضعيف ، الرئيس و الموظف . الرئيس الامريكي و البغيظ الجديد دونالد ترامب اول ماحكم منصبه حب يسترجع قانون الغابة و راح يصدر اوامر بطرد المسلمين و منع دخولهم امريكا و حسب روحه اسد ، لكن العدالة في امريكا مبنية على الصح يعني قوية و متينة و القاضي نتاعها لما اقسم قسم التخرج حافظ عليه و قال للرئيس الامريكي توقف انا مانستعرفش بيك و القانون فوقك ، و الرئيس ماقدر يدير والوا لانو عندهم القانون يطبق على الجميع سواسية ، لافرق بين ابيض و اسود ، و لا بين مسلم و مسيحي و يهودي ، و لا بين غني و فقير .
بصح في بلادنا القانون اصبح ملكية خاصة يستعمل على حسب المصالح يعني بطبيعة ماهمش اكل ، في الاسبوع هاذا شاب فقير يبيع الحوايج على الطابلة ، متربي ماشاء الله و يخدم باش يصرف على اهله ، عنده اخ صغير دايما يتعدى عليه واحد من الناس اللي لاباس عليهم ، و كل مرة يقول لاخوه معليش لازم نبعدوا على المشاكل ، الشاب الاخر عجبه قهره على الاخ الصغير حتان فقد الشاب اعصابه و اعطاه طريحة نتاع الله الله اللي صراحة يستحقها ، قدموا عليه شكوى فحكم عليه القاضي بكل بساطة 5 سنوات ، اما تجار المخدرات يدخلوا الصباح يخرجوا العشية بفضل الشكارة نتاعهم اللي التحت التحت و الزوالي مسكين لازم يدخل لانو ماعندهش باش يدفع من التحت التحت ، و كلما كبارت القضية تكبار الشكارة معاها . و نساو العبارة اللي تقول ويل لقاضي الارض من قاضي السماء .
نتمنى تشاركوني ارائكم ..
تحياتي
