مشكلتي حياتي انتهت

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
سامحوني على العنوان ماشي قصدي نطيحلكم المورال مي الله غالب قلبي رح يطرطق ماقدرتش نتحمل اكثر
استغفر الله العلي العظيم واتوب اليه . انا انسانة كنت ناجحة على حد قول الجميع قارية وكنت خدامة لاباس عليا جا النصيب تزوجت زواج تقليدي حبيت زوجي حب جنون وهو رجل غيار قالي حبسي الخدمة قدمت استقالتي لاني غبية
دام زواجي 4 سنوات كاي زوجة عايشة مع العايلة كنت كارهة حياتي باتم معنى الكلمة وخصوصا مع العجوز الي عندها وش تلقى قدام ربي . ربي وكيلها والله ما نسمحلها لا دنيا لا اخرة حسبي الله ونعم الوكيل حسبي الله ونعم الوكيل وبما اني ما جبتش اولاد طلقوني بدون رحمة ولا شفقة
الان مر على طلاقي 3 سنين ولا خاطب جا لاني كبرت في العمر وثاني لا خدمة ولا والو حتى دارنا وليت خادمة نسا خاوتي واخواتي يجيبولي اولادهم نحكمهم هذي هي خدمتي حتى باش نخدم راحت عليا خدمتي ضيعتها بيدي
لولا لطف الله بي لكنت انتحرت تعبت نفسيا وماوليتش قادرة نصبر اكثر على هذي الحالة ممنوع الخروج راكي مطلقة ممنوع الكونكسيون راكي مطلقة ممنوع ممنوع ممنوع ........................ اليوم بعثت الموضوع من ميكرو بنت خويا ربي يحميها ماعلاباليش وايلا نشوف ردودكم بصح حبيت برك تدعيولي ربي يفرج عليا ويصبرني وربي ينتقم من الزوج لي ضيعلي حياتي هو وامو حسبي الله ونعم الوكيل اللهم اني ضعيفة فانتقم حسبي الله ونعم الوكيل فيهم وفي كل ظالم وفي كل واحد ضيع حياة مرة
 
السلام عليكم
تم الإعتماد
أعتذر منك أختي لست بخير..
إن شاء الله نرجع بعد ما نريح
رحمة الله واسعة فلا تقنطي من رحمة الله
 
والله ياااختي واش نقلك بما انك كنت خدامة يعني باذن الله حقك محفوظ تقدري تبحثي على عمل ولو يكون بمستوى عادي
ربي يفرج عليك اختي اذا كانت عندك شهادة تقربي لاقرب مركز نتاع تشغيل وان شااء الله الفرج ليك وما تيئسيش ابدا اياك ثم اياك
كاين رب وكاين عدل فقط لازم تصبري
 
الُسِلُامٌ ْعلُيَكِمٌ وَ رَحُمٌةِ الُلُُه وَ بّرَكِاتُْه
ربي يفرج عليك اختي
وش نقلك حاولي تبني حياتك من جديد
ومش كل شي متوقف على الزواج
كوني روحك من جديد بحثي على فرصة عمل
تكون بعيدة على المشاكل يعني باش ميقلولكش اسمعي
انت اكي مطلقة ومالزمش ديري هكا ولا تخرجي هكا
الله غالب هذا مجتمعنا ومايرحمش!
ربي يفرج عليك اختي ورح ندعيلك ياختي
 
السلام عليكم
قطعتيلي قلبي والله العظيم
ربي يفرج ان شاء الله ختي لعزيزة وربي يوفقك لكل خير
اذا قدرتي تقراي ردودنا نقولك اياك وثم اياك تقطعي الأمل ولا تفكري في الانتحار ماتخلصيش حياتك بعد هاد العذاب بنار جهنم
بالعكس اصبري اذا تكتبلك الشقاء في الدنيا بالصبر تاعك ربي رايح يجازيك على صبرك في الآخرة
مالا احكمي في ربي وماتيأسيش مهما تغلقت يجي نهار تفرج كوني متأكدة وبالعكس افرحي انو ماراكي ظالمة حتى عبد بالعكس
مظلومة وربي مايضيعش حق المظلوم كوني واثقة، واذا ربي كتب لزوجك يتزوج امرأة أخرى رايحة تذوقو الويل كوني متهنية حقك والله العظيم يخرج
كوني شجاعة واتمسكي بالقرآن هو لي ينصرك وهو لي يخفف عليك وهو لي يريحك نفسيا، ماتخليش الشيطان يتغلب عليك
بالعكس اتقبلي ابتلاء ربي سبحانو ورايح يجازيك الله سبحانه وتعالى لأنو سبحانو يحبك وكن هكاك مايعطيكش ابتلاء كيما هادا
مالا كوني قد هاد الابتلاء وربي يفرج عليك عليك ان شاء الله
اذا ماقدرتيش تقراي ردودنا نقولك روحي ربي يفتحلك كل بيبان الخير في وجهك وربي يبدل كل دمعة حزن نزلت على خدك بضحكة فرحة
وكل اكتئاب بسعادة ان شاء الله ربي يفرجها عليك وتنساي كامل الهموم لي عداو عليك والحمد لله انو ربي دارلك سبة
وتهنيتي من مثل هاد الناس لي يطلقو امرأة على حاجة تاع ربي الحمد لله ربي رايح يعوضك بما هو خير ان شاء الله

ربي معاك ختي لعزيزة ودعواتي معاك ان شاء الله
 
ربي يفرج عليك
وكثري من الاستغفار والصلاة واتقربي من ربي رايحة تهون عليك المشاكل ويرزقك ربي من حيث لا تحتسبين
 
يا اختي وش نقلك
الله يفرج همك
ان مع العسر يسرا
و راني عارف قد ما نهدرو ما نقدروش نحسو بيك صح
وش نقولو
الله يفرج و خلاص

 
السلام عليكم اختي الكريمة
انتي قولتي كلشي ممنوع عليك كل وليتي مطلقة على هدا مالقيتش باش ننصحك اسمحيلي ......وربي يكون معاك ويعاونك ...ويرزقك راحة البال .....وربي يفتح عليك ...اكثري من الدعاء والصلاة ...فلايخذل الله يد رفعت له .....رايحين ندعولك
 
نصيبك و رزقك لا يتوقف عند انسان واحد فأمضي في حياتك تمضي الحياة بك و مديري والو في بالك غير رحمة ربي و هذا كل او ابتلاء فقط كيما قاتلك الاخت اكثري من الصلاة و الدعاء
 
nchallah rabi yfaredj 3lik
la dkhelti w 9riti weech ngoulek,, enofdhi l ghobar 3la rohek nssa khawtek habssihom 3and hadhom madam mzalou waldik efhali 3ma rohek w hawssi 3la khadma nehilhom 3a9lyet metalgua madir walou, essaayi lazem wala diri l crochet edokhli f des groupes ta3 khyata w had swaleh fi facebook, la 3andhom chek jhali l compte dima mahloul maalich almohim tethassi que raki 3aycha que raki diri fi hadja fi hyatek machi trabi wled ta3 ness yehta9rouk
 
السلام عليكم
واش نقلك ختي ربي يفرح حاسة بيك
وكامل عندنا جراح ونحسوا بغيرنا
لازم تصبري وادعي ربي
اكثري من قول: لا اله الا انت سبحانك اني كنت من الظالمين كل يوم ان لدينا ربا رحيما سميعا مجيبا

ربي يفرج عليك سادعوا لك في ظهر الغيب باذن الله
 
السلام عليكم
أولا الله يفرج عليك يا رب وبما أنك فوضتي أمرك لله اكملي وخلي إيمانك كبير انو اللي خلقك ما يضيعك
أنت توكلي ربي من جهة وجهة أخرى تقولي تنتحر لالا أختي والله مقدرة وضعك وفاهمة معنى تكوني بلا خدمة وتحسي. روحك عالة وحياتك راحت لالا شوفي تقولك مش يعني طلقتي معناها راحت الحياة. المكتوب عند الله دعيه يعوضك وربي يستجيب ليك لكنني خدامة معناها حاولي ترجعي اهدري مع أهلك يخلوك ترجعي او اخدمي حاجة وانتي بالدار مهم اشغلي روحك بحاجة. انتي اتجهي لربي وصلي وكثري الدعاء واكيد لو إيمانك قوي ربي ربي راح يستجيب ما تتقلقيش واستغفري
ربي يفرج عليك ويبعثلك زوج يصونك وتكون مرحلة وراحت لحالها أن شاء الله
 
متقنطيش من رحمة ربي جربي اخدمي حرفة ما من االمنزل واستثمري فيها خياطة وماشابه اما الزواج والطلاق راهم مكتوب عاودي ابني حياتك من جديد ربي يفرج عنك اختي
 
سلام الله عليكم ورحمة الله وبركاته وبعد:ماأخذ الله نعمة من عبده إلا وعوضه مثلها أو خيرا منها ومن ترك شيئا لله عوضه الله خيرا منه
ولايأتي اليسر الا بعد العسر فقط جرعة صبرليعظم الاجر
سلام
 
كان الله في عونك أختي
وصبر جميل و الله المستعان
الزمي الاستغفار و الدعاء و الله يجعل لك من بعد ذلك مخرج باذن الله
و تذكري قوله {طه ما أنزلنا عليك القرآن لتشقى }
أثلجي صدرك بالقرآن
و بخصوص العمل تحاوري مع لأهلك بهدوء و بالتكراران شاء الله تنجحي
 
السلام عليكم و رحمة الله تعالى و بركاته
هدا الامر يا اختي داخل في كيفية نظرك للحياة
فلما لا تجدين شيءا ايجبيا في كل شيء سيء ؟ هكدا افضل ان شاء الله
تفاءلو خيرا تجدوه ان الله عند حسن ظن عبده به
شوفي يا اختي ماتشوفيش انك تحكمي اولاد خوتك انك خدامة عليهم ، بل شوفي فيهم طريقة للراحة لانو الاطفال نعمة من عند ربي و ينحو على النفس و على الخاطر
و تان خدمتك على اهلك ديريها لوجه ربي و شوفيها كانها فرصة من عند ربي تعقبي بيها خوتك وبما انك كنتي خدامة كيف كيف كي في بيت زوجك كي في بيت اهلك
على الاقل في بيت اهلك مقدرين العمل اللي تقومي بيه موش كيما في بيت زوجك
لازم يا اختي نشوفو امور جيدة في الامور السيئة اللي تصرالنا و نثق انو حكم ربي و قضاؤو و قدرو افضل واحسن لينا من اي حكم
و زوجك واهلو ربي يهديهم ان شاء الله و وين علابالو بالا يبان الغلط فيه موش فيك انتي صح من حقو انو يكون اب لكن موش بالطريقة هدي ربي ماقالش هكدا
لا حول ولا قوة الا بالله العلي العظيم
ايه يا اختي كوني خير عليهم لانو ربي سبحانو غفور رحيم على عبدو يدير معاصي كبار و يسمحلو و يعفو عليه
على الاقل ماتخبيش في قلبك كل داك الغيظ شوفي كانو امتحان من عند ربي و انتي ان شاء الله الرابحة فيه
هدا واش نقدر نقللك
تحياتي احترامي و تقديري​
 
ربي يفرج عليك ان شاء الله ... حوسي على خدمة تشغلي بيها روحك باش ماتحتاجي حتى واحد ...والزواج ماشو كلشي المهم تكوني مرتاحة حتى وحدك مايسالش
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top