محتاجة مساعداتكم خاصة المتزوجات

[توبة توتة]

سلام عليكم، من فضلكم اعطوني طريقة لإزالة شعر تعيشو ماتقولوليش لحلاوة برك"عرسي بعد رمضان ان شاءالله" حابة تكون ماشي مؤلمة ماعليش غالية شكرا

مساء الخير خيتي
انا عندي ماشينة براون نحي بيها تحت الابط و رجلين فعالة جدا ومتنوضش الشعر من الشهر لشهر كل ما طولي متنحيش ينقص هذاك الشعر
اشري ماشينة تاع براون تقلع الشعرة من الجذور

 

[sanaya]

@sanaya
يا الحبيبة وين راكي
راني نحوس على هادا المصيبة نتاع زيت السعد زعما كاين هنا في الجزائر
إلا نعم قوليلي سعره ومن اي شركة ولو ممكن الصورة تعيشي

سمحيلي حتى درك شفت الإشارة
زيت نبات السعد موجود
نشريه من العطار وبالضبط لشركة الكابتن المصرية و النتيجة رووووووووووة بحيث يتأخر بزاف نمو الشعر ويخف
وكاين كريم نبات السعد مي خطيك منو أكيد فيه مواد أخرى
و مؤخرا شريت هاذ الزيت مصنوع فالحزائر وللأسف خلطولو زيت آخر لذلك معطاليش النتيجة
لذلك الأفضل حسب تجربتي هي زيوت شركة الكابتن
سلام
السعر 23 الف
ومبعد نصورولك أوكي

 

[sanaya]

وهادو شرائح ميم مؤلمة كيما الحلاوة أو لا؟ أنا والله الحلاوة قد ماحاولت ماقدرتش ماعنديش طاقة ،زيت السعد كيفاه داير؟ وهل هناك بديل عنه؟ شكرا

الشرائح أسهل من الحلاوة تتألمي خترة وحدة مصح تنحي كامل الشعر شنو هو لازم تعرفي كفاه تستعملها مي غالية مقارنة بالحلاوة العادية

 

[sanaya]

السلام عليكم
اختي أنا نستعمل حلاوة صح توجع في الاول
بصح غير توالفيها خلاص وكاين زيت يتباع وهو
بنج باش ما تحسيش بصح نسيت اسمو لأني
استعملتو مرة واحدة فقط بصح تصيبيه يتباع

رجاءا عبورة صوري لنا هاذ الزيت واسمو وين يتباع

 

[sanaya]

ني حلاوة ني براون استعملي بودرة اسمها غالية لليدين والرجلين ضربة ضربة وللابطين والمنطقة الحساسة لكن مع المداومة والصبر قصدي عن المنطقةعن تجربة وشرائح ميم للشاربين انا هاذ واش نستعمل

معليش صورة البودرة

 

[عاشقة الإحسان]

السلام عليكم
ربي يهنيك و يكملك حبيبتي جنات

بالنسبة لما أستعمله أنا فقد جربت كل أنواع الكريمات و كنت نستعمل ماشينة إمجوي و براون بس الشعر دائما يعاود يطلع و مايخفش .وكنت نخاف من الرجينة مثلك تماما و كي تزوجت درتها مجبرة و لكني لما كرهت من الوسائل الأخرى كان لازم أتنازل و أرجع للحلاوة ،صحيح صعبة في الأول لكن رح تتعودي عليها و يزول الألم تدريجيا و الشعر يخف و تتباعد فترات نزعه ،و ماتنسايش أنو الحلاوة تنظف البشرة أيضا و تقضي على الخلايا الميتة فتعطيك بشرة ناعمة و نظرة .

و إذا ما حبيتيش الحلاوة التقليدية يمكنك إستعمال الشرائح لكن كيما قالت الأخت سنايا تجيك غالية على الحلاوة الأخرى .

ههههه معليش إستحملي لما تشوفي جسمك كثير حلو و تشوفي إنبهار زوجك بك كلو يهون .

دعواتي لك بكل السعادة غاليتي .

 

[دعاء الجنات]

@عاشقة الإحسان شكرا على المعلومة علابالي نرجع نرجع للحلاوة راني شريت براون نجرب ونشوف وكيما قلت كي تكون نتيجة مليحة هذاك هو الصح ،شكرا اختي

 

[دعاء الجنات]

@sanaya شكرا عل معلومة ،راني نحوس على زيت السعد مازال مالقيتوش ،@تونة توبة راني شريت براون مازل ماجربتهاش شكرا لكن عل الإفادة

 

[دعاء الجنات]

@sanaya أختي هذاك زيت لي يخفف الألم هو زيت القرنفل ،أنا مازال ماجربتوش كي نجرب نقولك وإذا صح.

 

[صانعة الإبتسامة]

كاين بومادة اسمها فينيس حطيها على الساقين أو الذراعين أو الابطين بعد3 دقائق اشطفيها بالماء ولاتغسلي بالصابون أنا شخصيا أستعملها لكن ريحتها ماشي شابة بنسبة ليا

 

[دعاء الجنات]

شكرا أختي @صفاءdz
بصح دقيقة يعاود يرجع، حبيت حاجة تطول باه يرجع الشعر، شكرا لمشاركتك

 

[{مُدَلَّلَتُهُ}]

السلام عليكم ..

الصراحة اختي العرائس بشكل عام يديرو الحلاوة و من موراها زيت السعد . . اعفسي على قلبك و جربيها ههه و كاين زيت القرنفل مخدر تدهنيه على بشرتك تتخدر و مبعد تنحي بالحلاوة ..

بصح انت كي ما تقدريلهاش شفت طريقة في الفيس بوك و ما نعرف. . هاذيك تع الترمس المر ديريها في اليوتوب تلقاي الناس كامل تحكي عليها

تنحي الشعر عادي و مبعد ترشي منقوع الترمس المر و على حساب ما قالوا الناس النتيجة فعالة و الشعر ينقص بالفعل و الله أعلم​

 

[Princess nour]

ربي يكملك و تفرحي نشالله

 

[ميمي مرام]

ان شاء الله ربي يكملك على خير اخيتي اما عن الحلاوة نصيحتي ليك ابتعدي عليها نهائيا لانها مع الوقت ديرلك تجاعيد و تقتلك المنطقة الحساسة و مؤخرا سمعت وحد المراة هدرت عليها و قلتلهم مننصحكمش بيها كامل لان المراة ماهيش تتحرك كاع و الطبيب قالها على جال الحلاوة من الاحسن اخيتي نحي بآلة براون و لا بالموس و ننصحك باه داومي على زيت الورد لانها تبيض المناطق السوداء و تعطيك ريحة شابة في المناطق الحساسة و ايضا تقدري تخلطيها مع زيت الليمون و نتائج مبهرة بإذن الله سبحانه انا شخصيا نستعملها و الحمد لله
علبالي طولت عليك آسفة...

 

[Mademoiselle carbone]

شكرا لكم

 

[دعاء الجنات]

السلام عليكم ..

الصراحة اختي العرائس بشكل عام يديرو الحلاوة و من موراها زيت السعد . . اعفسي على قلبك و جربيها ههه و كاين زيت القرنفل مخدر تدهنيه على بشرتك تتخدر و مبعد تنحي بالحلاوة ..

بصح انت كي ما تقدريلهاش شفت طريقة في الفيس بوك و ما نعرف. . هاذيك تع الترمس المر ديريها في اليوتوب تلقاي الناس كامل تحكي عليها

تنحي الشعر عادي و مبعد ترشي منقوع الترمس المر و على حساب ما قالوا الناس النتيجة فعالة و الشعر ينقص بالفعل و الله أعلم​

ربي يكملك و تفرحي نشالله

بارك الله فيكم على الرد والمرور الطيب.

 

[دعاء الجنات]

ان شاء الله ربي يكملك على خير اخيتي اما عن الحلاوة نصيحتي ليك ابتعدي عليها نهائيا لانها مع الوقت ديرلك تجاعيد و تقتلك المنطقة الحساسة و مؤخرا سمعت وحد المراة هدرت عليها و قلتلهم مننصحكمش بيها كامل لان المراة ماهيش تتحرك كاع و الطبيب قالها على جال الحلاوة من الاحسن اخيتي نحي بآلة براون و لا بالموس و ننصحك باه داومي على زيت الورد لانها تبيض المناطق السوداء و تعطيك ريحة شابة في المناطق الحساسة و ايضا تقدري تخلطيها مع زيت الليمون و نتائج مبهرة بإذن الله سبحانه انا شخصيا نستعملها و الحمد لله
علبالي طولت عليك آسفة...

بارك الله فيك اختي ميمي ،صح حتى انا مانحملش الحلاوة أما براون تاني ماعجبتنيش بزاف بصح راني شريتها وقلت نلقاها في الوقت الحصلة اما الحاجة لي عجبتني بعد التجارب طبعا هي شرائح فيت الشمعية ساهلة والألم تاعها أخف من الحلاوة
اما عن تبيض يعني زيت الورد او ماء الورد؟ والله ماكنت علابالي راح نشريه في أول فرصة نخرج ان شاء الله
-لالا اختي ماطولتيش العكس والله استفادت بزاف بارك الله فيك وفي ميزان حسناتك

 

[ميمي مرام]

بارك الله فيك اختي ميمي ،صح حتى انا مانحملش الحلاوة أما براون تاني ماعجبتنيش بزاف بصح راني شريتها وقلت نلقاها في الوقت الحصلة اما الحاجة لي عجبتني بعد التجارب طبعا هي شرائح فيت الشمعية ساهلة والألم تاعها أخف من الحلاوة
اما عن تبيض يعني زيت الورد او ماء الورد؟ والله ماكنت علابالي راح نشريه في أول فرصة نخرج ان شاء الله
-لالا اختي ماطولتيش العكس والله استفادت بزاف بارك الله فيك وفي ميزان حسناتك

سلام الله عليك أخيتي
الحمد لله لأنك استفدتي مني
اما عن زيت الورد بزاف هايلة و الله فيها رائحة روعة ماشاء الله و تبيض المناطق السوداء روعة عن تجربة راني نقول
ان شاء الله تجربيها و تعطيني رايك فيها
:kiss::kiss::kiss:​