|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : دعاء الجنات

[ضآحكة مستبشرة]

السلام عليكم اختي سوسو رجعت من جديد
وشراكي لباس

- واش هي الاكلات لي تعرفي تطيبيهم ؟
- زعما راكي تشوفي في روحك مرا تاع دار بامتياز ؟
- واش هي نصيحتك للي راهم يجهزوا مثلا واش هي الحاجة لي تأكيدلهم عليها يدروها في الجهاز ؟؟
- لو خيروك بين تسافري لدبي و لندن في شهر العسل واش تخيري ؟​

- كاين بعض العرائس راهم يديو صالونات معاهم انتي رح تدي ؟
- واش هو الشيء لي يعجب سوسو في الاعراس ؟
- تقاليد اعرس تاع اي دولة يعجبوك ؟
- اسكو كاين اعضاء فاللمة تعرفيهم في الواقع ؟
- شحال درتوا من عرس فالدار ؟
- في عراس خاوتك واش تلبسي ؟
- و في عراس خياتك واش تلبسي ؟
- تحبي تلبسي حجاب و لاغوب في الخرجاآت ؟
- واشمن الستيل تحبي فـي لاغوب بلونش الحوتة ولا gـــــونفلي ؟
- واش عوايدكـــــم في سبوع العروس ؟​

 

[دعاء الجنات]

**أهلا وسهلا ب @المتفآئلة من جديد ** الأكلات لي نعرف نطيبهم الأكلات البسيطة نعرف ندير الفطير فكرتيني في بيتزا دورك نديرها ههه مانعرفش نفتل

 

[دعاء الجنات]

الحمد لله أكيد نشوف روحي مرأة ونص وعلابالي زواج ماهوش راجل وولاد برك راهو مسؤولية كبيرة من اليوم لي ندخل دار راجلي نشمر للمسؤولية هه

 

[دعاء الجنات]

-في الجهاز ننصح العروس تكثر من النويزات، قمصان والملابس الداخلية هوما الأساس والأشياء لي تخص بالعناية بجسمها مثل العطور وماكياج وغيرها،

 

[دعاء الجنات]

في الحقيقة ماني رايحة لا لندن لا دبي ههه اذا روحت لجيجل راني هايلة ، بصح إذا كتب ربي حابين نروحو لتونس وكل شي بالمكتوب

 

[دعاء الجنات]

-في الحقيقة مانديش صالو ماعندناش ندي لي كوفر برك-صالو ماروكان-
في العراس تعجبني اللمة ولومبيونس وحنة العروسين خاصة حنة العريس روعة تجوز

 

[دعاء الجنات]

أما التقاليد تعجبني تقاليدنا ومانعرفش تقاليد أخرى،أما أعضاء في اللمة للأسف مانعرفش واحد ي الواقع، درنا زوج عراس في الدار تاع أخي وتاع أختي

 

[دعاء الجنات]

أما في عرس خاوتي كنت شويا صغيرة المهم نلبس حاجة مليحة فور المهم نكون مميزة، أما في الخرجة راني مدايرا ،،جلباب، أما لاروب بلونش نحب gونفلي

 

[دعاء الجنات]

أما عوايد تاع سبوع والله ماعلابالي نعرف بلي في الصبيحة يدورو بغرير والقاطو ويديرو فطور تاني للضياف ،أما شي آخر والله ماعلابالي،،

 

[دعاء الجنات]

نتمنى نكون جاوبتك حبيبتي @المتفآئلة ،أسماء. عقبال ليك ولجميع لي مزال ان شاء الله *تحياتي*

 

[ضآحكة مستبشرة]

السلام عليكم أختي الغالية
شكرا على قبولك الدعوة سررت جدا باستضافتك و اشكرك على صراحتك
و اتمنى لك السعادة و الهناء و اتمنى ان يكون زوجك زوجا صالحا و انتي زوجة صالحة و ان يرزقكم الله اطفالا صالحين
بزيان السعـــــد و ربي يهنيكم
الف الف الف مبروك حبيبتـــــــــي
نورتي
نلتقي في مواضيـع أخرى



انتظـــــــــــروني مع ضيفـــــــــــة و عروسة اخرى في الاعداد القادمة​

 

[Malika Tlm]

السلام عليكم
اعتذر هذا وين شفت الموضوع
علي كل الف مبروك لك اختي
ربي يكملك فالخير يارب

 

[دعاء الجنات]

شكرا لك أختي في الله @المتفآئلة على اهتمامك إن شاء نكون جاوبت على كل الأسئلة ونلتقي في نشاطات أخرى إن شاء الله _تحياتي_

 

[دعاء الجنات]

دون أن أنسى أن أشكر كل من @آميرته ،@بنقابي أفتخر ،@أم ياسمينdz, وأيضا @soumia hadj , @Malika Tlm
شكرا لكم وربي يوفقكوم إن شاء الله _تحياتي_

 

[ام تسنيم واحلام]

السلام عليكم ورحمة الله وبركاته
هذاوين شفت المنشور مبروك عليك حنونة ان شاء الله ربي يكملك بالخير ويعطيك ماتتمناي

 

[السلطانة]

يعطيكم الصحة جميعا والف شكر للضيفة .يغلق الآأن
الرجاء تروحو هنا
|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : Lovely ღ smile