|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ ميمي مرام ~

[{مُدَلَّلَتُهُ}]

السلام عليكم

مرحبا بعروستنا الزينة بزيان السعد ان شا الله ♥ راكي جارتنا برك

نبدآو بالأسئلة

حنونتي في عادتكم 'شلف' عندكم الجفنة نورمالمو ؟ يجيبوها أهل العروسة احكيلي عليها ؟

بديتي تشري في حوايج التبراز ولا ماكيش غادية تتبرزي؟

لوكان نقولك اعطيني صفة وحدة تعجبك في زوجك و صفة ما تعجبكش؟

شاهوما الحوايج الي راكي متمنية تبدليهم في روحك و في زوجك للأحسن ان شا الله؟

كيفاش تشوف مرآم الزوااج ؟ تعريفك ليه يعني ؟

كثرت عليك حنونتي بصح مازالي بزااف أسئلة رح نرجعلك ان شا الله ​

 

[ميمي مرام]

السلام عليكم
و عليكم سلام الله غاليتي
مرحبا بعروستنا الزينة بزيان السعد ان شا الله ♥ راكي جارتنا برك
مرحبا بيك اخيتي آمين ان شاء الله و لك بالمثل
ههه علاه انت منين
نبدآو بالأسئلة
ان شاء الرحمان
حنونتي في عادتكم 'شلف' عندكم الجفنة نورمالمو ؟ يجيبوها أهل العروسة احكيلي عليها ؟
ايه عندنا الجفنة و هي عادة من عوايدنا
الجفنة هي عبارة على قصعة كبيرة تاع طعام تكون باللحم و الخضرة و المكسرات و الدراجي
يجيبوها اهل العروسة لدار راجلها نهار صباحها
يفطرو بيها اهل العريس مع فاميلتو و هوما ثاني يفطرو منها
كي يدخلو الجفنا يدوها عند العروسة ديراكت
العروسة ترفد حبة بيض منها و تاكلها يعني العروسة هي اول من ياكل منها
و بعدها تجي دور التحزام
يلبسو للعروسة عبايا (قندورة) تاع ام العريس او جداتو بالمقلوب
و يديرولها الحايك و العصابة
و حزموها و يحطولها في الحايك الحلوة و السكر
تقيسهم اي ترميهم العروسة على الناس لي معروضين و خاصة وين قاعدين العزبات
و يدوروها في ارجاء البيت كامل يعني من جيه راهي تشوف في الدار و من جيه راهي محزمة على جال التقاليد
و من بعد تنحي كلش و تلبس قفطان خفيف و شباب و تقعد مقابلة الناس
بديتي تشري في حوايج التبراز ولا ماكيش غادية تتبرزي؟
سمحيلي اخيتي مفهمتش شا معناه التبراز
لوكان نقولك اعطيني صفة وحدة تعجبك في زوجك و صفة ما تعجبكش؟
انا مكاش حاجة معينة تعجبني فيه بصح نقدر نقول حنين
حاجة متعجبنيش فيه كي يشد في كلمة لا ميبدلهاش ههه
شاهوما الحوايج الي راكي متمنية تبدليهم في روحك و في زوجك للأحسن ان شا الله؟
نبداو بيا انا نرد الهدرة و ان شاء الله نتسقم و منزيدش نرد و نعرف كيفاه نحل الامور بلا منداgـا معاه
هو كي يزف يداg ماماه و انا راني معاه باه مايزيدش يداg معاها باسكو نبغيها
ربي يحفظها ان شاء الله
كيفاش تشوف مرآم الزوااج ؟ تعريفك ليه يعني ؟
اول حاجة نشوف بيها الزواج ان هي مسؤولية لازم نكون قدها
ثاني حاجة ان هو اشتراك كل حاجة مع الشريك لي تختاريه
تعريفي لزواج هو تقربي من الله مع من احب ان شاء الرحمان
كثرت عليك حنونتي بصح مازالي بزااف أسئلة رح نرجعلك ان شا الله
لا عادي اخيتي و انا راني هنا نجاوبك على لي راكي باغية تعرفيه
ان شاء الله انا منكونش قصرت في حقك ​

 

[{مُدَلَّلَتُهُ}]

السلآم عليكم الله يبارك عليك ربي يحفظك ويكمللكم بالخير ان شا الله

انا من تيارت و كانو عندي صحااباتي من شلف يحكولي على الجفنة حنا مين ما نديروهاش ما نعرفهاش المشكلة عجوزتي أصلها من شلف هههههههه ان شا الله برك ما تقوليش جيبيلنااا االجفنة خخخ تخيليها انت من بلاد لبلاد جايبين القصعة و حالتهم حاالة ماجاياش

التبراز هو التصديرة ^^​

 

[ميمي مرام]

السلآم عليكم الله يبارك عليك ربي يحفظك ويكمللكم بالخير ان شا الله
و عليك سلام الله غاليتي اللهم آمين و لك بالمثل اخيتي
انا من تيارت و كانو عندي صحااباتي من شلف يحكولي على الجفنة حنا مين ما نديروهاش ما نعرفهاش المشكلة عجوزتي أصلها من شلف هههههههه ان شا الله برك ما تقوليش جيبيلنااا االجفنة خخخ تخيليها انت من بلاد لبلاد جايبين القصعة و حالتهم حاالة ماجاياش ​

ههه حنا رانا هنا في شلف و مراهمش يديروها لي يسكنو غير شوية بعاد
حنا في بنت خالتي العام لي فات تزوجت في وهرن و نورمالمو الوهارنا ما عندهمش الجفنة و عجوزتها شرطتها
تمرمدنا فالطريق
و لكن انت اذا شرطتهالك عجوزتك غاليتي و ان شاء الرحمان ما تشرطهاش
و لكن في حالة ما جيبلها طعام بلا طياب و خضرتو معاه و جبيلها جومبو ههههه قلها لحم يخنز حشاك فالطريق هههههه
عني جيبيهالها نهار لي يجو يدوك بلا مطيبيها و هوما يطيبوها لوحدهم و ان شاء الله ربي يكملك بالخير و الهنا
و ربي يزين سعدك ان شاء الرحمان
التبراز هو التصديرة ^^
اه صحا نديرها و لكن غير في دارنا
منديرهاش عند عجوزتي لان ماهومش رايحن يديرولي عرس
و لكن بخصو التديرة شا ندير فيها رايحة نقلك و ان شاء الله يعجبوك و اعطيني رايك
رايحة ندير طايور في الغوز كلاغ و رايحة ندير كراكو فالـgـرونا و رايحة ثاني ندير
و رايحة ندير لباس بالقاطيفة ( البلوزة الوهرانية) فالفاغ و سواريه تكون ستيل تاها لباس نديرها في الغوز
و عنابية في الـgـرونا و لاغوب بلونش مننساهااااااااش هههه
ان شاء الله تعجبك تصديرتي غاليتي
ماتنسايش اعطيني رايك فيها و ف لي كولاغ
:kiss::kiss::kiss:​

 

[{مُدَلَّلَتُهُ}]

الله يبارك راكي موجدة روحك مالا

عرسك السنا ولا العام الجاي اان شا الله؟

ربي يكملك بالخير

ما تنسينيش بالهدرة قتلك غادية نسلخك بالأسئلة هيهيهيهي

حنونتي قوليلي العمل انت وحدك رح تحبسيه ولا زوجك ما قبلش؟

انت مع أو ضد المرأة المتزوجة العاملة ؟

تشوفي روحك واجدة 100 بالمية لهاد الخطوة ؟ "قصدي الزوااج"
​

 

[ميمي مرام]

الله يبارك راكي موجدة روحك مالا
يبارك في عمرك اخيتي ان شاء الرحمان موجدة روحي

عرسك السنا ولا العام الجاي اان شا الله؟
لا عرسي العام الجاي ان شاء الرحمان
ربي يكملك بالخير
اللهم آمين و لك بالمثل غاليتي
ما تنسينيش بالهدرة قتلك غادية نسلخك بالأسئلة هيهيهيهي
ههههههههه اوك الحبيبة و انا واجدة هههه
حنونتي قوليلي العمل انت وحدك رح تحبسيه ولا زوجك ما قبلش؟
دارنا هوما لي مخلاونيش نخدم قالولي راكي رايحة تتزوجي لكن هو يشرطلي الخدمة لي نبغ نخدمها شاهي
كيما قلت من قبل خدمتي بائعة في الصيدلية
هو قالي تتعاملي مع رجال متخدميهاش و لكن خياطة و لا حفافة غير مع النسا معليش
و انا قررت بعد الزواج ان شاء الله نخدم خياطة باسكو عندي حانوتي
انت مع أو ضد المرأة المتزوجة العاملة ؟
في اوقات مع المراة العملة و في اوقات ضد المرأة العاملة
تشوفي روحك واجدة 100 بالمية لهاد الخطوة ؟ "قصدي الزوااج"
ان شاء الرحمان اكيد وجدتلها و لكن خليني نقول 95%
​