|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ شهيناز بنت بلادها

الحالة
مغلق ولا يسمح بالمزيد من الردود.
صباح الخير حبيبتي @شهيناز بنت بلادها
إن شاء الله تكوني بخير

ممم رجعت ليك ببعض الأسئلة ههههه ،:

- خطيبك شحال في عمرو ؟
-فارق السن بيناتكم ؟
- واش هو الشي لي خلاك تقبلي بخطيبك ؟
- واش كانت شروطو ؟


لي عودة ان شاء الله
 
السلام عليك
مرحبا بيك وربي يهنيك
نصيحة ممكن تعلمتيها وفاداتك في فترة خطوبتك
 
بون صوار عليك لالة لعروسة ربي يسهلك ان شاء الله علاقة اهل الزوج بالعروسة في ايام الخطوبة كيفاه تكون؟ نصيحة للبنات المقبلات على الخطوبة؟
 
السلام عليكم
وعليكم السلام حبيبتي

مرحبا بشاهيناز بزيان السعد حبيبة ربي يهنيك في زواجك و يجعلك قرة عين لزوجك و يجعله قرة عين لك
آمين يا ربي ربي يخليك

ضحكتني بشرى في الرد تاعها هههههههه مهبولة و الله
هههههههه راني نشوف

شاهيناز ناوية تخدمي بعد الزواج ولا لا؟
وي ناوية ان شاء الله

إذا واه قوليلي يعني تقدري على مسؤولية الزواج و العمل ؟
بربي علاش لا، المهم تنظيم الوقت

راكي تشوفي في روحك قد مسؤولية الزواج ؟
نوعا ما، رايحة نحاول قدر المستطاع نكون، ومع الوقت نتعلم اكثر

حطيلي موديلات تع نايلي بما أنكم بلاد النايلي ههه راني هابلة عليه و ما لقيتش موديلات جدد :p
هههههه نايلي غير هو عولي برك لا جيتي للجلفة انا نخيرلك، كاين كل على حسب الاذواق

imgres


imgres



أكتفي بهاذو برك بصح نرجعلك ان شا الله

اهلا وسهلا منتضراتك :kiss:
 
يا بن عمي ماخليتولي والو....
هههههه ماعليش كاين بزاف اسئلة خمي وارواحي نجاوبك حبيبتي

صح اختي واش هو احساسك وانت مخطوبة?
احساسي... الحمد لله سعيدة اني لقيت الانسان لي تمنيتو ورايحة نكمل نصف ديني معاه

واحساسك كي يقرب العرس? فرحانة ولا خايفة?
كلش هههههه بما انو مسؤولية خايفة اكيد... مي في نفس الوقت فرحانة بسكو رايحة نكون مع الانسان لي حبيتو تحت سقف واحد ، اخيرا رايحة نهبلو مليح هههههه مسكين وشراه يسنا فيه.

الشهرة كملتي ولا مازلتي?
مازال والله مادام مش قريب العرس قلت نخلي مانزربهاش، مش حابة نخيط مودال دوك وباعد يحطوا دي مةدال جد ونندم.

درتي كيما ورتنا ختنا اسما ولا كثر?
ماشفتش والله، انا نحب البساطة نحاول ندي قدر كافي بدون المبالغة.

وخطيبك لقيتيه كيما تمنيتي?
ايه الحمد لله

جاوبي في انتظار المزيد ادا خلولنا الاخوات....
ومن هاد الشي قااااااااااع الله يسخر لختي
اللهم آمين يا رب
يعطيك الصحة حبيبتي في انتضارك...
 
السلام عليك
مرحبا بيك وربي يهنيك
وعليكم السلام حبيبتي
ترحب بيك الجنة نشالله، الله يسلمك وانتي كذلك
نصيحة ممكن تعلمتيها وفاداتك في فترة خطوبتك
نصيحة لكل فتاة مخطوبة انها تحصن روحها وتصلي اوقاتها. و تقرا القرآن وتدعي ربي يسهللها. وماتكرش الهدرة على العرس و تحاول قدر المستطاع ماتبذرش وكل حاجة تدرلها حساب مليح بلا ماتكسر راسها وتعتني بنفسهاا مليح.
 
صباح الخير حبيبتي @شهيناز بنت بلادها
إن شاء الله تكوني بخير

اهليين الحمد لله نعمة وانتِ؟
ممم رجعت ليك ببعض الأسئلة ههههه ،:
ياا اهلا وسهلااا
- خطيبك شحال في عمرو ؟
26
-فارق السن بيناتكم ؟
خمس سنوات وشوي


- واش هو الشي لي خلاك تقبلي بخطيبك ؟
عرفتو قبل مايكون خطيبي وحبيبتو بزاف والحمد لله راح نكون زوجتو، شي لي خلاني نقبل بيه اخلاقو تواضعو ويفهمني ومثقف ويظحكني يعني فيه كامل المواصفات لي تمنيتها

- واش كانت شروطو ؟
مسكين ماشرط والو قاللي المهم تكوني زوجة حنونة ومطيعة

لي عودة ان شاء الله
اهليين فيك في اي وقت حبيبتي منورة


[
 
بون صوار عليك لالة لعروسة ربي يسهلك ان شاء الله
بونصواغ حبيبتي، امين يارب، ربي يحفظك ويهنيك

علاقة اهل الزوج بالعروسة في ايام الخطوبة كيفاه تكون؟
اهل الزوج... العلاقة اكيد لازم تكون عطوفة يعني راهم رايحين يجيبو عروسة لابنهم رايحين يبعدو بنت على دارهم ويتباناوهاا اكيد لازم يعتبروها كاببنتهم ومن فترة الخطوبة لازم يحسسوها بلي راهي رايحة تكون في بيئة آمنة وينحولها داك الخوف تع رايحة تفارق اهلها ورايحة تاسس حياة جديدة تسما لازم يكون دعم من طرف اهل العريس، يزوروها و يعاملوها بلطف و حنان . يسقسو عليها و يتقربو منها اكثر.

نصيحة للبنات المقبلات على الخطوبة؟
كما سبق وذكرت... التحصين لازم تحصن روحها وتصلي صلواتها وتقرا القرآن وتتقرب من الله سبحانو وتدعيلو يسهللها طريقها، و تصون لسانها و تعتني بنفسها.
مشكورة حبيبتي على الاسئلة
 
السلام عليكم و رحمة الله تعالى وبركاته
وشراكي شاهو لباس ؟؟
رجعت ليك بمجموعة من الأسئلة ^^



- ختي شهيناز اسكو النايلي لبسة تقليدية ملازمش تتخلاي عليها في التصديرة ديالك ؟
و في أي لون تحبي تخدمي ولا تشريها ؟
- تفضلي لي كوفرولـي المخدومين في الدار ولا المشريين ؟
- انتي من النوع لي يحب ليماش ولا لالا تفضلي يكون شعرك عادي ؟
- واش هي فترة الخطوبة في رأيك ؟
- يقولو الزواج التقليدي ناجح خير من عن حب ! واش رايك ؟
- شحال ترتيبك في العائلة ديالك ؟
- لوكان راجلك يقولك ديري الجلباب تديريه ؟


نكتفي بهذا القدر و لي عودة ان شاء الله حبيبتي ^^
 
السلام عليكم و رحمة الله تعالى وبركاته
وشراكي شاهو لباس ؟؟

وعليكم السلام حبيبتي، والله الحمدلله
رجعت ليك بمجموعة من الأسئلة ^^
يااا سهلا ومرحباااا


- ختي شهيناز اسكو النايلي لبسة تقليدية ملازمش تتخلاي عليها في التصديرة ديالك ؟
وي لازم، انا قبل مانتخطب كنت نقول مانديرش تصديرة منكذبش عليك، كنت ضد هاد الفكرة، وحابة مجرد حفلة و نلبس لاغوب بلونش برك، مي دارنا وسورتو ماما ماقبلتش قاتلش كفاش تعارضي التقاليد ايا رايحة ندير برايها ونتصدر واكيد ربة نايلي لازم تكون في التصديرة هي اهم حاجة.

و في أي لون تحبي تخدمي ولا تشريها ؟
نخيطهاا راني نضل نشوف في لي مودال ههههه مي مازال ماخيرتش

- تفضلي لي كوفرولـي المخدومين في الدار ولا المشريين ؟
مشريين طول خير، كاينين بزاف شابين

- انتي من النوع لي يحب ليماش ولا لالا تفضلي يكون شعرك عادي ؟
انا لحد الآن جامي خلطت في شعري مازالو طبيعي ويعجبني لونو شاتان مش حابة نخلط فيه لا دوك لا بعد الزواج نخليه كيما راه

- واش هي فترة الخطوبة في رأيك ؟
هي من الاحسن ماتطولش بزاف باش تتجنب المشاكل مي على حساب الظروف
كيما في حالتي انا مطولة شويا، عندنا لحد الآن 6 اشهر ومازالني نكمل القراية و هو يكمل الدار باش نديروا العرس، والوحدة لازم تعرف كيفاش تتجنب المشاكل سوغتو كي تكون فترة الخطوبة مطولة وتساعف ومنا ومنا راكي فاهمة حتى تفوت على خير
وهي فترة وين يتعارفو اكثر تعرف وش يحب ووش يكره، طبايعو وهي الفترة وين المخطوبة او الخاطب يتاكد اسكو هادي ولا هادا هو لي حابة تكمل معاه حياتها و يتقاسموا الحلوة والمرة ولا لا


- يقولو الزواج التقليدي ناجح خير من عن حب ! واش رايك ؟

ماهوش مقياس
نضن كيما ممكن يكون الزواج التقليدي ناجح ممكن يكون الزواج عن حب ناجح كذلك كاين زواج تقليدي غير ناجح وكاين زواج عن حب غير ناجح، عمرك ماتقدري تعرفي.


- شحال ترتيبك في العائلة ديالك ؟
انا الثالثة وبعدها ختي الصغيرة

- لوكان راجلك يقولك ديري الجلباب تديريه ؟

نو مانديروش هههه

نكتفي بهذا القدر و لي عودة ان شاء الله حبيبتي ^^
اوكي حبيبتي منتضراتك
 
فرحتيني كي قلتيلي لي تبغيه خطبك احلى حاجة في زواج الحب والله كي تكونو من البداية تبغو بعضكم كلش يجي شباب حتى الزعاف وشباب باسكو مبعد المصالحة تكون احلى واحلى.... الله يهنيك من القلب ختي
 
فرحتيني كي قلتيلي لي تبغيه خطبك احلى حاجة في زواج الحب والله كي تكونو من البداية تبغو بعضكم كلش يجي شباب حتى الزعاف وشباب باسكو مبعد المصالحة تكون احلى واحلى.... الله يهنيك من القلب ختي

الحمد لله والله صح شي هادا نحمد عليه ربي صبحة وعشية نشالله يا ربي كامل لبنات يعيشوا هاد الفرحة ماكاش احسن من انك تدي لي تحبيه ويحبك ، مشكورة. حبيبتي وربي يفرحك
 
السلام عليكم و رحمة الله تعالى و بركاته

شكرا لك اختي شاهو على قبولك للدعوة
سررنا جدا بتواجدك معنا كنت ضيفة خفيفة علينا
شكرا لصراحتك ان شاء الله ربي يهنيك و يوفقك في قرايتك و يتمملك مع خطيبك بكل خير
بزيآن السعد

نلتقي مع اخت اخرى في موضوع اخر ان شاء الله ^^
 

السلام عليكم
شكرا جزيلا اختي شاهيناز على قبولك للدعوة
سررنا جدا بتواجدك معنا و التعرف عليك عن قرب
ان شاء الله ربي يهنيك و بزيآن السعد ان شاء الله ^^

نلتقي في موضوع اخر مع الاخت فيتامين سي
 
الحالة
مغلق ولا يسمح بالمزيد من الردود.

المواضيع المشابهة

لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top