وصلولي سوالي

[حلم كبير]

السلام عليكم و رحمه الله تعالى وبركاته
استعملت كلمات جزائرية قديمة مع الشرح، وحالة امي الموصوفة من عشرين سنة فاتت
راني نفرغ في قلبي برك يا جماعه

اللي رايح ولا عاقب على المسيلة يلقى دار من قرمود ،
في دوار ورثوه الجدود .
تلقى فيها مرا عندها ربعة من العقود
(يعني عمرها ربعين سنة)

تطيب المطلوع على الحطب والعيدان عليها شهود ،
خدودها وردات الياسمين ،وعينيها مكحلين ،وسنيها مسوكين(مجوزين بالجوز)

لابسة قندورة حمرا فيها نقطات بيض كبار....
وشادة راسها محرمة بالشراشب ماهيش فولار......
ريحة الدخان في الغرفة الشرقية تديك ليها ما توه ما تحتار.
يديها محنيين حنة ورقية ودايرة خاتم فضة هاذاك ما كسبت الاعمار.

ضحكتها تحيي الموتى من القبور.
بحثت عتبة الباب بالمثنان(عشبة تستعمل في التنظيف) والشيح والزعتر.
وطراتها (رشت الماء على الارض) بالما باه ريحة العتبة تعطر
فرشت في الباب وقعدت تستنى اللي جا يزور.

.......
سالولي عنها قولولها توحشتك يا كبدتي ،يا ميمتي ،يا زهرة الانوار .........
يا صورة في قلبي خبيتها عندها من السنين عشرين....

يا حرقة قلبي اللي ما حسيت بيها حتى بعدت عنها سنين وسنين......
كل عام نشوفك ونروح وما شبعت بوجهك ولا بريحتك ولا شفاو منك العينين
سالولي عنها ......



سالولي عنها...........

ربي يطول في عمرك يا أمي أنت وأبي ويرزقكما زيارة مكة يا رب

إحترامي​

 

[الامين محمد]

السلام عليكم و رحمه الله تعالى وبركاته
استعملت كلمات جزائرية قديمة مع الشرح، وحالة امي الموصوفة من عشرين سنة فاتت
راني نفرغ في قلبي برك يا جماعه

اللي رايح ولا عاقب على المسيلة يلقى دار من قرمود ،
في دوار ورثوه الجدود .
تلقى فيها مرا عندها ربعة من العقود
(يعني عمرها ربعين سنة)

تطيب المطلوع على الحطب والعيدان عليها شهود ،
خدودها وردات الياسمين ،وعينيها مكحلين ،وسنيها مسوكين(مجوزين بالجوز)

لابسة قندورة حمرا فيها نقطات بيض كبار....
وشادة راسها محرمة بالشراشب ماهيش فولار......
ريحة الدخان في الغرفة الشرقية تديك ليها ما توه ما تحتار.
يديها محنيين حنة ورقية ودايرة خاتم فضة هاذاك ما كسبت الاعمار.

ضحكتها تحيي الموتى من القبور.
بحثت عتبة الباب بالمثنان(عشبة تستعمل في التنظيف) والشيح والزعتر.
وطراتها (رشت الماء على الارض) بالما باه ريحة العتبة تعطر
فرشت في الباب وقعدت تستنى اللي جا يزور.

.......
سالولي عنها قولولها توحشتك يا كبدتي ،يا ميمتي ،يا زهرة الانوار .........
يا صورة في قلبي خبيتها عندها من السنين عشرين....

يا حرقة قلبي اللي ما حسيت بيها حتى بعدت عنها سنين وسنين......
كل عام نشوفك ونروح وما شبعت بوجهك ولا بريحتك ولا شفاو منك العينين
سالولي عنها ......



سالولي عنها...........

ربي يطول في عمرك يا أمي أنت وأبي ويرزقكما زيارة مكة يا رب

إحترامي​

كلماتك تصل الى القلب بلا استئذان
لأنها صادقة
ربي يبارك ليك في كل أهلك و أحبابك

 

[ليليا مرام]

السلام عليكمِِ
واش تسالني بكيتني يا راجل نقولك.ربي يحفظ الكرش اللي جابتك نروح هناك ليماك نقولها عرفتي.تربي تبارك الله.من اروع ما قرأت كلام. بكاني والله ربي يخليلك والديك ويحفظهم ويطول فعمرهم ويخليك.ليهم. كي نجي قولها ديرلي الزفيطي ياخي طيبوه
وابعثلي بابي مشوار

 

[ملامح شاعر]

إيه فكرتني في شيح والزعتر والمطلوع على الحطب
توحشت قهوة بشيح و خبزة مطلوع على نار الحطب وطاس لبن
ربي يحفظ والديك وطول أعمارهم وافرحهم بيك وافرحك بيهم

 

[طموحة]

دمعتي سقطت وأعدت القراءة أكثر من مرة
حفظ الله أمك و رعاها ورزقها كل ماتتمنى
ورزقك الروي من بحر حنانها
وان شاء الله تزورها في أقرب الأجال و تاكل من عندها
شخشوخة مسيلية بالهرماس
تقبل فائق احترماتي
​

 

[Oum Loukmane]

كلمات من القلب تدخل لقلب بدون تردد الله يطول عمر الوالده ويخليها تاج فوق رأسك اخي

 

[Malika Tlm]

السلام عليكم
يا لروعة كلامك اخي
تقشعر البدان لكل كلمة قلتها في حق الوالدة
بارك الله في عمرها هي والوالد يارب
قبلة حارة علي جبينها
بوركت اخي انت رائع

 

[Amira28]

كلام في قمة الروعه...
ربي يحفظلك والديك والدينا كامل ويرحمهما كما ربيانا صغار ربي يطول في أعمارهم.

 

[حلم كبير]

السلام عليكم و رحمه الله تعالى وبركاته
خاوتي خواتاتي المرض مصاحبني هاذ اليامات ما نقدرش ندخل بزاف .
نرد على الجميع نشالله كي نولي.
واللي بكيتو يسمحلي
احترامي

 

[*amani*]

السلام عليكم
كلمات رائعة ومأثرة من القلب الى القلب
ربي يخليلك والديك ويجعلهم تاج فوق راسك

 

[حلم كبير]

كلماتك تصل الى القلب بلا استئذان
لأنها صادقة
ربي يبارك ليك في كل أهلك و أحبابك

السلام عليكم و رحمه الله تعالى وبركاته
شكرا لك أخي على الرد الراقي وجزاك الله خيرا على الدعوات الصادقة.
بارك الله فيك
تقبل مني فائق الاحترام والتقدير
حلم كبير

 

[حلم كبير]

السلام عليكمِِ
واش تسالني بكيتني يا راجل نقولك.ربي يحفظ الكرش اللي جابتك نروح هناك ليماك نقولها عرفتي.تربي تبارك الله.من اروع ما قرأت كلام. بكاني والله ربي يخليلك والديك ويحفظهم ويطول فعمرهم ويخليك.ليهم. كي نجي قولها ديرلي الزفيطي ياخي طيبوه
وابعثلي بابي مشوار

السلام عليكم و رحمه الله تعالى وبركاته
يعطيك الصحة والعافيه ،ويهديلك سرك أختي الفاضلة
لا عاش ولا كان اللي يبكيك ،ميش قصدي ،كي نتفكر صغري والحياة البسيطة ،ما فيهاش تعقيدات، نلقى روحي نكتب ونكتب .

واسمحيلي مرة اخرى
تقبلي مني فائق الاحترام والتقدير
حلم كبير

 

[ليليا مرام]

السلام عليكم و رحمه الله تعالى وبركاته
يعطيك الصحة والعافيه ،ويهديلك سرك أختي الفاضلة
لا عاش ولا كان اللي يبكيك ،ميش قصدي ،كي نتفكر صغري والحياة البسيطة ،ما فيهاش تعقيدات، نلقى روحي نكتب ونكتب .

واسمحيلي مرة اخرى
تقبلي مني فائق الاحترام والتقدير
حلم كبير

اهلا خويا
انت قلت كلام من القلب ووصل للقلب انا اول مرة نقرا كلام هاكا على الام وبساطة الحياة والواحد يفخر باصلو وعيشة اهلو ووين تربى نرجع نقول يرحم الكرش اللي جابتك وربي يطول عمر والديك ويخليك ليهم يا رب
لالا مش تطلبش السماح لانو حنا نحترموك وكلامك اثر فيا بزاف بزاف
ربي يحفظك خويا

 

[حلم كبير]

اهلا خويا
انت قلت كلام من القلب ووصل للقلب انا اول مرة نقرا كلام هاكا على الام وبساطة الحياة والواحد يفخر باصلو وعيشة اهلو ووين تربى نرجع نقول يرحم الكرش اللي جابتك وربي يطول عمر والديك ويخليك ليهم يا رب
لالا مش تطلبش السماح لانو حنا نحترموك وكلامك اثر فيا بزاف بزاف
ربي يحفظك خويا

ختي الكريمة وأنا نحترمكم كامل ونعتبركم ممري السري لبلادي وأهلي ،كي ندخل نشم ريحة بلادي ،أي كلام نكتبو يخرج من أعماق قلبي.
وأنت أخت طيبة وتظهر عليك من خلال كتابات.
وقوتك تكمن في حب الناس ليك
دمتي طيبة .
نتمنالك الافضل في حياتك لاخاطر تستاهلي الافضل.
جميلة هي كلماتك
احترامي أختي

 

[هواري بومدين.]

ربي يخليهملك أن شاءلله
تحياتي​