لا تضيعي مستقبلك

[السلطانة]

وعليكم السلام ورحمة الله وبركاته
الشهادة سلاح في يد المرأة
تخبيها للزمان
كاين نساء تزوجت عن حب ومع مرور الوقت الراجل تبدل عليها وطلقها
وكاين لي خدمتو ماكفاتوش لقات هي قرايتها وكاين وكاين يقولك وحد المثل الراجل والزمان مايتامنوش
على كل حال كل واحد ومكتوبو
شكرا على النصيحة .

 

[،كارينا،]

السلام عليكم
بعد ماقريت قاع هاد المشاركات
نختصر هدرتي بكلمة (المكتوب)
ماكالا تبداو طلعوا في الحسابات نقرا منقراش نتزوج مانتزوجش .....كي يكتبلك المكتوب طيحي في جبل طيحي في جبل فمكالا تكثروا التخمام ....
وكي تتزوجي ومايخرج عليك الزواج ماكالا تبداي تقولي اوه غلطت كان لازم نقعد نقرا.....
واذا كملتي قرايتك وقلتي اوه كان لازم نتزوج ....
هنا اعرفي بلي الدنيا قضاء وقدر ومكتوب ولازم ترضاي بلي كاتبتلك وتخليها على ربي .....هاي انا ما احلاني نخمم غير في نهار اليوم والباقي مخلياتو على ربي ....
وبارك الله فيكم جميعا ...وربي يهنيكم ويسعدكم ^_^

 

[programmeur]

والله نحير فيكم
اختي كاين اللي ماقراتش وتتزوج وتعيش خير من ديك اللي قرات 1000 مرة
يعني المشكلة ماهيش في القراية

للأسف ولينا ندخلو للزواج وحنا نفكرو في طلاق
للاسف ولات المراة تسمح في دارها وتضحي براجلها وبيتها علي جال المال و العمل
للأسف كاين اللي يحب المرأة الخدامة ويقولك تعاوني في مصروف الدار

المرأة اللي تفوت العشرينات دخلت في منعرج خطير
وزواج يابنت الناس راهو تحصين لرجل والمرأة
ومايحدث في الجامعات برهان مقنع

 

[racha001]

السلام عليكم
والله مقدرت نفهم شكون نصدق
انا عمري 20 سنة يخي مرات نقول نكمل قرايتي للاخييييييير يعني بعد 6 سنين قراية من بعد مزال متخلاصش قرايتي
مرات نقول لالا نكمل ليسانس برك و اذا حب نكمل نكمل واش خاسرة
مرااات نقول الماستر. حيروني

.
حتي معرفتش شكون نصدق و الله

 

[Mademoiselle carbone]

.
حتي معرفتش شكون نصدق و الله

السلام عليكم راسي يقولي ندي دبلوم ليسانس و نحبس نرو نتزوج على روحي واش رايكمممممممممم

 

[racha001]

Hhhhh wlh hada hwa hal chabab

 

[محمد التبسي]

اللي يجيها واحد يخطب ويكون صالح ماكان لاه تضيع الفرصة لأنو الخطابة قلال وكثر الحرام وقل الحلال وصعب الزواج.​

 

[racha001]

C vrai

 

[aljentel]

حبيت نعطيكم نصيحة لوجه الله

يالبنات لي تدرس نوصيك ثم نوصيك حطي راسك لقرايا قرايتك هي المستقبل تاعك قبل الزواج و الله والله والله وهاني حلفت اذا راحت قرايتك راحلك كلش رايحة تتكلحي والله رايحة تندمي اذا خليتيها اضمني مستقبلك قبل ما تتزوجي عيشي حياتك ومتخميش في الزواج اذا ضيعتي دراستك
نقلك الزواج ماشي هارب رايحة تتزوجي رايحة تتزوجي
واذا فضلتي زواج على قرايتك ساخبرك مع الوقت ستندميييييين كثييييييراااآ منيش نهدر هكذا في الباطل راني نهدرلك خطراكش راني مجربة و حاسة
خطراكش راني نشوف بنات 18 سنة يخمو غير في الزواج لاه زواج راه لعبة راه مفيهش مشاكل راه غير كيما افلام التركية لالالا او زواج راه واعر و يحتاج مسؤولية كبيرة و يلزملو قلب كبير رايحة تتنازلي على بعض الاشياء عندما تكونين مظطرة لذالك
نقلكم لي راهي تقرا اقراي و اشبعي من قرايتك و كي تخلصي قرايتك خمي في الزواج خطراكش بعدها مكيش رايحة تندمي
ولي تخدم اخدمي و اشبعي من خدمتك و بعدها خمي في 1 نحبكم مننصحكمش
ومنيش حابتكم تندمو في مستقبل
سامحوني اذا غلطت معاك

كلام جميل ونصيحه تسوى ملايين لكن من سيعمل بها ...
هناك من هو ضد علم المرأه ويكرر بكل قوه المرأه مكانها بيتها وفقط ...
نحن نقول نعم المرأه مكانها بيتها ولم نطالب ان يكون مكانها الشارع لكن العلم نور وفيه مصلحة للأمه ..
الغريب ان من يطالبوا بجهل المرأه ويكونوا فرقا ضد تعليمها حينما يتزوجوا تلعب بهم زوجاتهم لعب ابو عتابه وينسوا خواتهم وامهاتهم الذين حرموهن من فرصة التعليم
وتركوهم عالة على الزمن ... هم يعتقدوا ان طلب العلم باب من ابواب الانحلال فتجديهم يرددوا بكل صفاقه تحجبي والزمي بلاصتك ولاتذهبي للجامعه لانها مكان الاختلاط
حقيقة لاادري كيف يفكرون !!
أضم صوتي لصوتك واقول ايتهن النساء انتن امهات المستقبل ولا مستقبل لكن بلا علم ومعرفه وتعليم سليم ولاتنظرن لدعاة الجهل الذين يعتقدوا انهم ينطلقوا من منطلق دعوي ديني وهم عن الدين ابعد من زحل .. لقد قال صل الله عليه وسلم ( اطلبوا العلم ولو في الصين )وقال ( اطلبوا العلم من المهد الى اللحد ) ..

 

[محمد التبسي]

المرأة مكانها البيت نعم حتى صلاتها في بيتها افضل من صلاتها في المسجد فما بالك عملها في الاختلاط؟!!
قال تعالى: ((وقرن في بيوتكن))
اقرؤوا دينكم وتفقهوا فيه
طلب العلم واجب على كل مسلم
خاصة ما يقيم به الانسان دينه كالتوحيد والطهارة والصلاة والصوم
لكن هل يا تُرى جامعاتنا تقدّم هذا العلم؟؟
وهل الجامعة الجزائرية بشكلها الحالي منارة للعلم والمعرفة
الداخل اليها يخيل اليه انه في مكان للجهل واستباحة المحرمات
اعرف فتيات ملتزمات ذهبت مرة للتسجيل فالجامعة فانبهرت بما شاهدت من محرمات
وقررت التوقف عن الدراسة
وهاهي الان متزوجة وام لثلاث ابناء ومتهنية في دارها مع زوجها
العلم ليس بالشهادات الجامعية
يمكن نيله بالقراءة والبحث والانترنت بدل الدردشة واللهو
ثم هل نحن حصلنا العلم الشرعي الواجب تحصيله على كل مسلم مكلف
حتى نتجه للعلوم الأخرى ونخترع الصواريخ؟؟
اصلا خريجو جامعاتنا لو تسأله في تخصصه لا تجد عنده علم ولا شيء
خاصة في الفترة الاخيرة مذكرات تخرج مسروقة
واساتذة وصلوا بالغش والمعريفة
عن اي دراسة وطلب علم تتحدثون؟؟
​

 

[بنت الـ25]

السلام عليكم
انا نشوف انو الفتاة كون تصحلها فرصة للزواج بشخص مناسب وهي ديجا تكون تقرا متبطلش قرايتها ولكن يكون شرطها تكمل قرايتها
وهكدا رايحة تحكم منا ومنهيه ، لأننا بصراحة في وقت صعيب باش تلقاي الراجل لي تفتشي عهليه يحبلك وتاني حاجة مراهي مضمونة والشهادة سلاح في يد المرأة
وحدة نعرفها مليح مليح مليح كي خطبها شرط عليها تحبس قرايتها وبالفعل حبست قرايتها كانت تقرا سنة 2 جامعي قعدت عندو مامبا عامين ذاقت كل الوان العذاب النفسي والجسدي
وممبعد رجعت لأهلها مطلقة وما قدرتش تولي لقرايتها يعني ما ربحت والو ني راجل ني شهادة وزيد دمرت نفسيتها
علابيها ننصح اي بنت متفرطش في قرايتها وديرها هي رقم 1 وممبعد يجي الزوج إلا في حالة كان الزوج قابل فكرة مواصلة الدراسة وهي قادرة على مسؤبولية الدراسة والبيت هي حرة
سلام​

 

[**laila**]

صحيح كلامك اختي

 

[صانعة الإبتسامة]

اختي الزوااااج نصف الدين كاين بنات نعرفهم تزوجو دون العشرين والله غير لباس عليهم والنصيحة انو الفتاة تختار الشخض المناسب كحديث الرسول ص انه قال( من أتاكم على خلق ودين فزوجوه) ماشي غير يخطب تقبلي لازم تعرفيه مليح وتزيدي تصلي صلاة الاستخارة لأنها هي لدلك على الطريق الصحيح والله المستعان