اتهلاو فارواحكم....

[الصحافية الساخرة]

السلام عليكم و رحمة الله تعالى و بركاته

إن شاء الله تكونوا كامل بخير ، أحببتكم حقا إخوة و أخوات ، رحبتم

بي جميعا ، عاملتموني بكل طيبة و حب جميعا ، لن أنسى فضلكم

علي ، خاصة أخي الغالي الذي وثقت فيه ما خيبني @السحاب العابر

الذي سميته ضبابة كحلاء هههه و لكن احداهن وقفت لي لم يعجبها

الاسم @Soumia hadj mohammed هههههه ان شاء الله تكوني

ارتحت اختي ، ومننساش أختي الغالية التي أحببتها كثييرا وتشبهني

في أشياء كثيرة ، المعروفة بهز البشماق هههه @missing heart

ربي يفرج عليك و يشفيك يا ختيتو نقولك : راكي فالبال منسيتكش

واسمحيلي مانيش فحوالي متلوميش ، الرقم تاعي بدلته و كي

تتسڨم الاحوال نعيطلك يا اختي بالاكي تزعفي عليا ، راني في حالة

متعجبش نتمنى تتفهميني ، و مننساش كذلك أختي العزيزة اللي

عقلها كبير ومثقفة و علمتها الدنيا حوايج بزاف و ديما تنصح فيا

و واش نطلبه متردنيش راكي عزيزة عليا @sanaya ، كامل عزاز

عليا @الورد الأحمر ربي يرحم جدك و يجعله من اصحاب الجنة

وربي يفرحك يا اختي ، @Skor m@k يا سكر اللمة هههه متتبدلش

اقعد هكا ديما تضحك و ربي يرزقك واش متمني ان شاء الله ،

@ليليا مرام يا اختي العزيزة اللي تقاست بزاف فحياتها

ربي يفرج عليك و يعوضك بلي خير ،،، راكي في بالي و منسيتكش



تعرفوا اليوم أختكم "فاطمة" راها بلغت قمة اليئس و الحزن ،،،

لحقت وين نشوف كل حاجة تخرجني من ظلمة اللي طاحت عليا

مي تزيد تظلام كل مرة ، ماجيتش نشكي ، علابلي اكره حاجة عند

الناس الشكوى ، يقولك : الشكوى لربي ، جيت برك نكتب اخر حرف

هنا فاللمة و قلبي يوجع بزاااف ، ايه يوجع خاطر دورت لكل واحد

نحكيلوا ماكانش اللي يفهم منك حتى كلمة ، وتغيضوا الدمعة اللي

من عينيك نازلة ، واش الفايدة كي نقعد هنا نكتب و نكتب منخلصش

ومنحلش مشاكلي ، واش الفايدة ؟ واش ندير ؟ واش نحبه

ما يبغوهش فدارنا ، تحب تفهم لمصلحتك يقولوك خاطيك واش تفهم

انتي ، تبدا تحلم ، تحاول تدير حاجة يحبسوك بالهدرة المعوجة و لا

يقولولك ماهيش صالحة هنا ، يقولك بوجي ، اتحرك ، اتقدم


هههه نضحك صح كي يقولي واحد هكا ، كيفاه تبوجي طفلة

المجتمع حاقرها بيجوز و لا يجوز ؟ كيفاه تتحرك ولا تتقدم

مع عايلة متدعمكش و متخليكش تدير حتى حاجة

يقولولك بين شطارتك غير هنا هههه

معليييش اختكم صابرة ، تتمنالكم التوفيق فحياتكم ،،،

معليش اختكم مالقاتش وين بيها ، كيفاه تبدى مكانش ،،، كيفاه تكمل

حياتها هكذا ، كيفاه تمحي كل حاجة متعبتها ضربة وحدة ،،


بزااف والله بزاااف و قلتلكم واحد ما يفهم خوه ويحس

اذا اختك اللي من دمك تديرك غريبة عليها و تعاملك كانك وحدة

تتفهة مافيهاش فايدة ، تخبي عليك كلشي و تحطك الاخرى فالقايمة

و تشوفك كي اللي مترضالهاش الخير واش بقى اه ؟

ولا خوك اللي كبير عليك يشوف فيك بكرهة يتمنى تموت ويتهنى

منك ، ومايشوفش فيك كي تمرض ، وما يطلش عليك ، و يفضل

الناس عليك واش بقى ؟

اذا اللي تمشي معاهم بالنية يضربوك ضربة يعوجولك مخك و قلبك

بيها واش بقى ؟

راك تشوف اخويا العزيز @الامين محمد اختكم اللي تقول عليها

مجرمة راها ضحية اليوم ههههه ، ربي يفرج عليك و يحفظلك

وليدك و الزوجة ، أنا حاسة اليوم همي اكبر من هموم الناس كااامل

هههه ، @mohamedfathi متنساش ترسمني هههههه ربي يوفقك

وطور موهبتك نفخروا بيك ، ان شاء الله تكون لباس مراكش تبان

و ربي يوفقك و تحقق واش متمني ، ،،،،

سلاااام...
​

 

[ليليا مرام]

السلام عليكم ِِ
واش هذا اختي علاه عليك وين رايحةِياخي لو تظلام الدنيا فوجهنا علاه نزيدو نغلقو باب اللي لقينا فيه خوتات وخاوه خير. من اللي من دمنا ولحمنا تضايقتي من اهلك نفسيتك تاعبة وحنا وين رحنا هكذا تراسليني وتقوليلي راني اختك ومعاك واليوم رايحة علاه انا ما وصلتش للضعف اللي راكي فيه ما وصلتش وين انا مرا وحدي مع المرض والمشاكل والحقرة بالعين وعلاه ما خرجتش منا وعلاه ما غلقتش على روحي واعتزلت الناس. علاه حتى ما خممتش ننتحر وننهي حياتي وخممت فيها علاه الكذب مي قلت محال نخلي بليس يضحك عليا فاطمة اختي كلمة اختي مش ساهلة راني نقولك انتي ختي واذا صح تعزيني وتعزي الخاوة بلاكي تخرجي راني والله ما نسمحلك فاطمة اختي رقمي عندك تضايقي عيطيلي بلاك ما نقدرش نعاونك مي نقدر نحكي معاك كاخت نقدر نسمعك اي ساعة عادي والله جربيني واش خاسرة
الله يخليك والله اللي فيا يغطي بلاد تعيشي ما تزيديش انتي معليش فضفضي وزعفانة تقلقتي اصبري يفرج ربي

 

[Hakan]

قبلت بالموضوع فقط من جهة مشكلتك مع المجتمع
ونضرة الفتاة الى نجاحات الفتاة
ليس لباقي الموضوع لانو ممنوع وتمنيت ان تقومي بالتعديل حتى لا نظطر لغلق الموضوع لان مواضيع الوداع مرفوضة في المنتدى بارك الله فيك​

 

[Soumia hadj mohammed]

زدتي غلقتي على قلبي

 

[لؤلؤة قسنطينة]

يا بنتي الله يهديك بالعكس اللمة راهي متنفس لينا ونخرجو فيها من همومنا
شكون درك لي ماش عايش في مشاكل والله تاني رانا كامل غارقين فيهم
واحد مع عايلتو وواحد في دراستو وواحد في المجتمع لي عايش فيه
واحد ماراهو هاني ختي لعزيزة، بالعكس اللمة راهي متنفس لينا وين نخرجو المكبوتات
نضحكو ونتكلمو ونعبرو على مشاعرنا غير باه يجوز الوقت ويبدا نهار جديد يطوي القلقة لي كنا فيها
ختي لعزيزة راكي اقوى من انك تعتازلي العالم اقوى من انك تفشلي، كلما تضيق بيك الدنيا
تفكري الرسول عليه الصلاة والسلام يتيم ووحدو جا برسالة كاملة وواجه العجب وما استسلمش
وكاين بزاف قصص تاع الانبياء لي راهم قدوة لينا باه مانستسلموش
مالا ختي لعزيزة شهدي واستغفري وروحي اتوضاي وصلي زوج ركعات واقراي شوي قرآن واستغفري
درك تحسي بالراحة والله غالب اختي هادي هي الدنيا كن جا الانسان يستسلم مع اول عثرة كن واحد ماكمل حياتو
كوني قوية كما عهدناك اوكي حبيبتي
ومانحبش نسمع هاد الكلام مرة اخرى، ربي يوفقك للخير ان شاء الله ويفرج همك​

 

[بشرى ملاك]

السلام عليكم و رحمة الله تعالى و بركاته

إن شاء الله تكونوا كامل بخير ، أحببتكم حقا إخوة و أخوات ، رحبتم

بي جميعا ، عاملتموني بكل طيبة و حب جميعا ، لن أنسى فضلكم

علي ، خاصة أخي الغالي الذي وثقت فيه ما خيبني @السحاب العابر

الذي سميته ضبابة كحلاء هههه و لكن احداهن وقفت لي لم يعجبها

الاسم @Soumia hadj mohammed هههههه ان شاء الله تكوني

ارتحت اختي ، ومننساش أختي الغالية التي أحببتها كثييرا وتشبهني

في أشياء كثيرة ، المعروفة بهز البشماق هههه @missing heart

ربي يفرج عليك و يشفيك يا ختيتو نقولك : راكي فالبال منسيتكش

واسمحيلي مانيش فحوالي متلوميش ، الرقم تاعي بدلته و كي

تتسڨم الاحوال نعيطلك يا اختي بالاكي تزعفي عليا ، راني في حالة

متعجبش نتمنى تتفهميني ، و مننساش كذلك أختي العزيزة اللي

عقلها كبير ومثقفة و علمتها الدنيا حوايج بزاف و ديما تنصح فيا

و واش نطلبه متردنيش راكي عزيزة عليا @sanaya ، كامل عزاز

عليا @الورد الأحمر ربي يرحم جدك و يجعله من اصحاب الجنة

وربي يفرحك يا اختي ، @Skor m@k يا سكر اللمة هههه متتبدلش

اقعد هكا ديما تضحك و ربي يرزقك واش متمني ان شاء الله ،

@ليليا مرام يا اختي العزيزة اللي تقاست بزاف فحياتها

ربي يفرج عليك و يعوضك بلي خير ،،، راكي في بالي و منسيتكش



تعرفوا اليوم أختكم "فاطمة" راها بلغت قمة اليئس و الحزن ،،،

لحقت وين نشوف كل حاجة تخرجني من ظلمة اللي طاحت عليا

مي تزيد تظلام كل مرة ، ماجيتش نشكي ، علابلي اكره حاجة عند

الناس الشكوى ، يقولك : الشكوى لربي ، جيت برك نكتب اخر حرف

هنا فاللمة و قلبي يوجع بزاااف ، ايه يوجع خاطر دورت لكل واحد

نحكيلوا ماكانش اللي يفهم منك حتى كلمة ، وتغيضوا الدمعة اللي

من عينيك نازلة ، واش الفايدة كي نقعد هنا نكتب و نكتب منخلصش

ومنحلش مشاكلي ، واش الفايدة ؟ واش ندير ؟ واش نحبه

ما يبغوهش فدارنا ، تحب تفهم لمصلحتك يقولوك خاطيك واش تفهم

انتي ، تبدا تحلم ، تحاول تدير حاجة يحبسوك بالهدرة المعوجة و لا

يقولولك ماهيش صالحة هنا ، يقولك بوجي ، اتحرك ، اتقدم


هههه نضحك صح كي يقولي واحد هكا ، كيفاه تبوجي طفلة

المجتمع حاقرها بيجوز و لا يجوز ؟ كيفاه تتحرك ولا تتقدم

مع عايلة متدعمكش و متخليكش تدير حتى حاجة

يقولولك بين شطارتك غير هنا هههه

معليييش اختكم صابرة ، تتمنالكم التوفيق فحياتكم ،،،

معليش اختكم مالقاتش وين بيها ، كيفاه تبدى مكانش ،،، كيفاه تكمل

حياتها هكذا ، كيفاه تمحي كل حاجة متعبتها ضربة وحدة ،،


بزااف والله بزاااف و قلتلكم واحد ما يفهم خوه ويحس

اذا اختك اللي من دمك تديرك غريبة عليها و تعاملك كانك وحدة

تتفهة مافيهاش فايدة ، تخبي عليك كلشي و تحطك الاخرى فالقايمة

و تشوفك كي اللي مترضالهاش الخير واش بقى اه ؟

ولا خوك اللي كبير عليك يشوف فيك بكرهة يتمنى تموت ويتهنى

منك ، ومايشوفش فيك كي تمرض ، وما يطلش عليك ، و يفضل

الناس عليك واش بقى ؟

اذا اللي تمشي معاهم بالنية يضربوك ضربة يعوجولك مخك و قلبك

بيها واش بقى ؟

راك تشوف اخويا العزيز @الامين محمد اختكم اللي تقول عليها

مجرمة راها ضحية اليوم ههههه ، ربي يفرج عليك و يحفظلك

وليدك و الزوجة ، أنا حاسة اليوم همي اكبر من هموم الناس كااامل

هههه ، @mohamedfathi متنساش ترسمني هههههه ربي يوفقك

وطور موهبتك نفخروا بيك ، ان شاء الله تكون لباس مراكش تبان

و ربي يوفقك و تحقق واش متمني ، ،،،،

سلاااام...
​

رانا متعودين عليك قوية وساخرة من كلش
صبري ختي محنة وفايتا ماتخليش بليس يتمكن منك
بعدي اي حاجة تقنطك حتى موسيقى بعديها لاغاني قاع فوتيهم
اي واحد مايتقبلش افكارك ولا رايك قلعيه من بالك تفكري بلي ربي هو لي يجازي
احسن شي نوضي توضي وصلي وبكي لربي وحكيله على لي في قلبك يفرج عليك اكيد
ربي يفرج عليك ختي ورانا نستنو خطاباتك الساخرة

 

[Malika Tlm]

السلام عليكم
يا ختي وعلاه راكي تغبني فراسك هكدا
وين رايحة لالا مكانش حبيتي تهربي لالا هنا قاعدة هههه
ايا مديري فبالك والوا رانا خواتاتك وكامل نوقفوا معاك اوك
راني نسني مواضيعك حبيبتي
تحياتي

 

[GI Joe]

couraage denia hakda fiha des hauts et des bas sah d'un coté ki ykounou malin dar mayefehmokech kifeh raha ta9edri tbougi mais bechwia bechwia fahljhom fi 3apliyek w w3ch haba diri kol wahed ahedri m3eh b sa façon bach yefehmek, w nwassik kouni direct ( fi houdoud biensur) mais kima khouk f lil had l wa9t ykoun ha3ed bark w echkilo w fahmih que ghaydhatek 3olrek mafihech 3ayb w diri hakda m3a ness li thebihol kamel bach yefehmouk nchallah
w li mafhamch allah la fham(a part les parents) 3ichi hyatek bla ma tradhihom et alors !!

sa arrive l ness kamel ta3 degouti hadja sghiira tweli taather fik w c la vie lazem ndepassiw had lehwayedj kol wahed kifeh ydir, li yed3i li yssali li yahki hmoumou li ybat yetfaredj ki halti, li yebki, li y3ayet ... doonc elgay hadik la recette li tssa3dek bach diri pause m denia w le lendemain tnodhi foorte

 

[Soumia hadj mohammed]

ما استطعت النوم عقلي ، رح نهبل
لا اله الا الله
كوني بخير اختي فاطمة

 

[فيتامين سي]

منك صح !؟
لو كنت حدايا .سلكتي
يأستي
يا مجرمة .باذن الله ...نجاوبك في صباح

 

[Abodi84]

لا يقنط من رحمة الله الا القوم الظالين
خذي وقت عيدي التفكير و لا تغلقي المنفذ الذي تنفسي منه عن همومك و مشاكلك
استجمعي قواك و ان شاء الله يتفرج

 

[بشرى ملاك]

حكي ان كان هناك رجل يشكو أن في بطنه ضفدعا يسمع صوته ويشعر به في كل وقت، فذهب إلي الطبيب وحكي له عن مشكلته، تعجب الطبيب في البداية من شكوى الرجل ولكن علي أي حال قام بعمل جميع الفحوصات والتحاليل اللازمة له، وبالطبع لم يجد في بطنه الضفدع المزعوم، فأخبر الرجل بالنتيجة، فاستنكر المريض رد الطبيب وقال في غضب شديد : إنك مجرد طبيب فاشل، كيف يمكنك أن تنكر وجود ضفدع في بطني وتقول عني أنني أتوهم، وأنا أقسم أنني أسمع صوته وأشوف به، وترك العيادة وذهب وهو يشتعل غضباً .

ذهب بعد ذلك إلي العديد من الأطباء والمستشفيات ولكن الكل اجمع علي انه ليس هناك أى ضفدع في بطنه وأنه يتخيل ذلك، وازداد وضعة الصحي سوءاً ، حتي أشار عليه أحد اصدقاءة أن هناك أحد الأطباء المشهورين يمكنه أن يحل مشكلته ويخلصه من هذا الضفدع المزعج وأعطاه عنوانه .

أسرع المريض علي الفور إلي ذلك الطبيب المشهور وقال له : لقد مررت خلال الفترة الماضية بالكثير من التجارب الفاشلة مع أطباء فاشلين لا يتقنون عملهم ولا يفقهون من الطلب شيئاً والكل قال لي إنه لا يوجد أى ضفدع في بطني، مع العلم أنني أشعر بحركته وأسمع صوته ومتأكد تماماً من وجوده، فهل يمكنك مساعدتي ؟

كشف الطبيب علي المريض واكتشف بالطبع أنه لا يوجد ضفدع في بطنه، وقبل أن يعطيه النتيجة فكر قليلاً وخشى ان يشوه هذا الرجل سمعته إذا أخبرة من جديد بعدم وجود ضفدع في بطنه كما فعل مع باقي الاطباء، فقال للرجل : لقد رأيت بالفعل أن هناك ضفدع يتحرك في بطنك، فرح الرجل كثيراً وهو يقول باعتزاز وفخر : أنت أول طبيب أثق به، أنت مثال للطبيب المخلص المتقن لعمله، أنا كنت متأكد من ذلك ولكن باقي الأطباء الفاشلين لم يصدقوني مما زاد الوضع سوءاً وتأخرت حالتي الصحية، فأرجوك ساعدني وأخرج هذا الضفدع من بطني حتي أرتاح واعود من جديد إلي صحتي .

فقال الطبيب الذكي : علينا أن نقوم بإجراء عملية جراحية بسيطة لإخراج هذا الضفدع، فوافق الرجل علي الفور فقام الطبيب بتخدير المريض وطلب من إحدي الممرضات أن تشتري له ضفدعاً من إحدي محلات بيع الحيوانات القريبة من العيادة، وما إن فاق المريض من التخدير وجد حوله الطبيب والممرضات يهنئونه وأمامه وجد الضفدع المزعوم، ففرح كثيراً ومن يومها تحسنت صحته ولم يشتكي مرة أخري من الضفدع .

الحكمة من القصة : هٰذا هو حال من يأسر نفسه بقيود نفسية ليس لها وجود واقعي .. تخلص من قيودك النفسية وأوهامك وانطلق.

 

[الصحافية الساخرة]

حكي ان كان هناك رجل يشكو أن في بطنه ضفدعا يسمع صوته ويشعر به في كل وقت، فذهب إلي الطبيب وحكي له عن مشكلته، تعجب الطبيب في البداية من شكوى الرجل ولكن علي أي حال قام بعمل جميع الفحوصات والتحاليل اللازمة له، وبالطبع لم يجد في بطنه الضفدع المزعوم، فأخبر الرجل بالنتيجة، فاستنكر المريض رد الطبيب وقال في غضب شديد : إنك مجرد طبيب فاشل، كيف يمكنك أن تنكر وجود ضفدع في بطني وتقول عني أنني أتوهم، وأنا أقسم أنني أسمع صوته وأشوف به، وترك العيادة وذهب وهو يشتعل غضباً .

ذهب بعد ذلك إلي العديد من الأطباء والمستشفيات ولكن الكل اجمع علي انه ليس هناك أى ضفدع في بطنه وأنه يتخيل ذلك، وازداد وضعة الصحي سوءاً ، حتي أشار عليه أحد اصدقاءة أن هناك أحد الأطباء المشهورين يمكنه أن يحل مشكلته ويخلصه من هذا الضفدع المزعج وأعطاه عنوانه .

أسرع المريض علي الفور إلي ذلك الطبيب المشهور وقال له : لقد مررت خلال الفترة الماضية بالكثير من التجارب الفاشلة مع أطباء فاشلين لا يتقنون عملهم ولا يفقهون من الطلب شيئاً والكل قال لي إنه لا يوجد أى ضفدع في بطني، مع العلم أنني أشعر بحركته وأسمع صوته ومتأكد تماماً من وجوده، فهل يمكنك مساعدتي ؟

كشف الطبيب علي المريض واكتشف بالطبع أنه لا يوجد ضفدع في بطنه، وقبل أن يعطيه النتيجة فكر قليلاً وخشى ان يشوه هذا الرجل سمعته إذا أخبرة من جديد بعدم وجود ضفدع في بطنه كما فعل مع باقي الاطباء، فقال للرجل : لقد رأيت بالفعل أن هناك ضفدع يتحرك في بطنك، فرح الرجل كثيراً وهو يقول باعتزاز وفخر : أنت أول طبيب أثق به، أنت مثال للطبيب المخلص المتقن لعمله، أنا كنت متأكد من ذلك ولكن باقي الأطباء الفاشلين لم يصدقوني مما زاد الوضع سوءاً وتأخرت حالتي الصحية، فأرجوك ساعدني وأخرج هذا الضفدع من بطني حتي أرتاح واعود من جديد إلي صحتي .

فقال الطبيب الذكي : علينا أن نقوم بإجراء عملية جراحية بسيطة لإخراج هذا الضفدع، فوافق الرجل علي الفور فقام الطبيب بتخدير المريض وطلب من إحدي الممرضات أن تشتري له ضفدعاً من إحدي محلات بيع الحيوانات القريبة من العيادة، وما إن فاق المريض من التخدير وجد حوله الطبيب والممرضات يهنئونه وأمامه وجد الضفدع المزعوم، ففرح كثيراً ومن يومها تحسنت صحته ولم يشتكي مرة أخري من الضفدع .

الحكمة من القصة : هٰذا هو حال من يأسر نفسه بقيود نفسية ليس لها وجود واقعي .. تخلص من قيودك النفسية وأوهامك وانطلق.

قرات هذه القصة من كتاب "الاسلوب الاقوى و الالطف للتغيير" للمؤلف "نايف عبد الرحمن الزريق" كان اعتمد على قصص راائعة قلت ربما تؤثر في
لا لا شيء اوووف تعبت اقلب صفحات كتب فاتعب
ما هو المخرج ؟

 

[الصحافية الساخرة]

ما استطعت النوم عقلي ، رح نهبل
لا اله الا الله
كوني بخير اختي فاطمة

كذلك انا لا استطيع النوم حتى انني نمت ساعة واستيقضت على حلم مزعج اخافني
متهبليش و مال دمعك ينزل ؟

 

[بشرى ملاك]

قرات هذه القصة من كتاب "الاسلوب الاقوى و الالطف للتغيير" للمؤلف "نايف عبد الرحمن الزريق" كان اعتمد على قصص راائعة قلت ربما تؤثر في
لا لا شيء اوووف تعبت اقلب صفحات كتب فاتعب
ما هو المخرج ؟

بدلي ساعة بساعة خرجي من الدار ادا تنجمي تفرجي فليوتوب فيديوها يضحكو ادا عندكم فدار طفل صغير عنقية العناق يجعل الجسم يفرز هرمونات السعادة
بعدي اي شيء كئيب حوسي على صوالح تفرح
انت داوي روحك طلعي مورالك بايدك كيما قال الشافعي: ماحك جلدك مثل ظفرك.....
حاربي الاكتئاب بكل السبل كيما قتلك بعدي كل حاجة تاثر في مشاعر الانسان

 

[بشرى ملاك]

ما استطعت النوم عقلي ، رح نهبل
لا اله الا الله
كوني بخير اختي فاطمة

وانت مالك نعلو شيطان والله هدا بليس باغي يقنطكم كل مشكلة وليها حل اكيد بعدو قد ماتنجمو على ما يحزن ماتقروش مواضيع محزنة ولا جارحة ماتسمعوش اغاني حزينة قرو شويا قران وادا جاتكم البكية بكو معليش واستغفرو

 

[الصحافية الساخرة]

وانت مالك نعلو شيطان والله هدا بليس باغي يقنطكم كل مشكلة وليها حل اكيد بعدو قد ماتنجمو على ما يحزن ماتقروش مواضيع محزنة ولا جارحة ماتسمعوش اغاني حزينة قرو شويا قران وادا جاتكم البكية بكو معليش واستغفرو

اتحسبينه سهلا ؟

 

[بشرى ملاك]

اتحسبينه سهلا ؟

لوكان نحكيلك لمشاكل لي سراولي كي كنت قدك تقطعي شعرك والان انا في قمة الاكتئاب بسبب اهل زوجي بصح راني نحارب فالمشاكل
علاه راني نقولك ماتخليش مشاكل والحزن ياثرو عليك ديجا انا فت بلاج تاعك وعارفة وحاسة واش راكي تحسي والله يجي نهار لي تندمي على هاد ليام لي ضيعتيهم فالحزن
اهم حاجة تكوني بصحتك شوفي الناس لي مريضة ومالقاوش علاج دخلي للنت وشوفي قصص الناس وين وصلت بالمشاكل تشوفي بلي مشكلتك هينة مهما كانت الاسباب وديجا قتلك لي يفوتك فوتيه

 

[الصحافية الساخرة]

لوكان نحكيلك لمشاكل لي سراولي كي كنت قدك تقطعي شعرك والان انا في قمة الاكتئاب بسبب اهل زوجي بصح راني نحارب فالمشاكل
علاه راني نقولك ماتخليش مشاكل والحزن ياثرو عليك ديجا انا فت بلاج تاعك وعارفة وحاسة واش راكي تحسي والله يجي نهار لي تندمي على هاد ليام لي ضيعتيهم فالحزن
اهم حاجة تكوني بصحتك شوفي الناس لي مريضة ومالقاوش علاج دخلي للنت وشوفي قصص الناس وين وصلت بالمشاكل تشوفي بلي مشكلتك هينة مهما كانت الاسباب وديجا قتلك لي يفوتك فوتيه

ماني حاسة بوالو كلام خلاص ما عادش يفيدني

 

[بشرى ملاك]

راكي في واحد المرحلة وين تحسي قاع ناس ماتبغبكش حتى والديك تحسيهم مايبغوكش تحسي بلي ماعندكش الزهر مكانش لي يدعمك تحسي روحك وحيدة كل هاد شي عادي في هاد الوقت قاع حسيناه ومع مرور الوقت عرفنا بلي كنا غالطين