رمضان القارة السوداء

[فيتامين سي]

سلام احبابي

رمضان مبارك .كل عام و نتوما بخير
ربي يقدرنا على صيامو ..اللهم امين:Love:
هههه شحال محطيت اي موضوع هنا
و المضحك راني نكتبهم و كي نكمل نمحيهم هاه مراكمش تخلصونا
جيت ندي قفة رمضان من عندكم ..نكدب انا اذا تحبوني حطو 100 100 باش نشري ملابس العيد
المهم المهم ماشي هذا موضوعي
اليوم جيت نحكيلكم:X3: نحكيلكم و نحكيلكم و ندردش معاكم على عمي رمضان و هبال الناس
كما كان الحال اليوم انا و ماما خرجنا للسوق شحال مصرفناش ..:X3::X3::X3:
ركبنا الحافلة كي قريب نوصلو شفت تجمهر كبير تقول معرض في طريق ..تعرفوني على نيتي بصح كي وصلنا مكانش وين تمشو طريق كومبلي خضر خضر فواكه ماعن ماعن ماعن ماعن ماعن خضر ماعن ماعن ماعن ماعن
الغاشي اللهم بارك
حكمتاها طريق من قنت لقنت ....(بيناتنا كي تدخل مكانش كفاش تخرج بسيف تكمل تخرج من قنت زاوج ) و المضحك كما دخلنا خرجنا رجعتا ركبنا و وصلنا للدار
اتا سؤال لي خممت فيه نقولو تشري و تخبي علاش :X3::X3::X3: زعما كامل ديك الماكلة تفوت لكرشنا سيرتو الرجال في رمضان تقول يخمو بكرشهم يشرو خبز :X3: يعاود يخرج يشري خبز يزيد يشري خبز يزيد يقرب المغرب يشري الخبز من بعد مياكل والو :p ولا نسا من ال10 و هي مع الكوكوطة فشششششفشششششفششش خلط خلط قص الخضرة وجد مرقة بالبرقوق دجاج بوراك معقودة سلاطة 5 نواع باش كي يأذن تخمم زوج صوالح اما وين تخبي الماكلة اما كفاش ترمي الماكلة
زيد نروحو لحاجة وحدخرا يحيروني لي يشرو القسبر و المعدنوس سمانة قبل رمضان لرمضان و يرموه يقولو خسر يشروه 5 ايام قبل 3 ايام :X3: نهار قبل و نهار رمضان يزيدو يشرو نقول يربو الارانب
منشرت بزاف نحبس وقيلة
خلينا نزورو دارنا
مرحبا بيكم تفضلو تفضلو
حنا في داغنا اكيد كما الشعب الجزائري مقسومين نص تقول يتوحم في رمضان من الفئة كل شويا يشوف شاكاين في الكوزينة و نص عكس كل شويا يطل و يقولك حرام تبذير متكتروش رمضان ماشي للماكلة و نبع الحنان تبقا بيناتهم
بصح هما يخمو في كرشهم و انا نخمم في الماعن شكون يغسلهم
تعرفو كي تتعمر الكرش واش يصرا :X3: و تبدا تخمم في بلاصتك
و تزيد تسمع سيارات برا
نزيدكم :X3: حنا في دواغنا في الصيف و خصوصا رمضان في الليل نسا كامل يقعدو عند البيبان و لي يفرشو يفرشو و لي يقعدو وقيلة نجرب نقعد معاهم باش منغسلش معاعين
و مننساوش رمضان عند الفتاة الاوغوبية كما كيفي و كيفك انت من يدخل رمضان تخمم تلاتة صوالح اولا انواع الحلويات و تانيا واش تلبس في العيد و تالتا ديكور الدار للعيد توجور سابقين نخمو في المستقبل
كما كان الحال نقول ليا و ليكم رمضان مبارك ربي يدخلو علينا بالصحة و الستر و يقدرنا على صيامو و رمضان ماشي غير ماكلة بالعكس هو شهر راحة عبادة و اجر
تصومو بالصحة :Love::Love::Love::Love::Love::Love::Love::Love::Love::Love::Love::Love::Love::Love::Love:

 

[Skor m@k]

السلام عليكم
ههههههههه قتلتيني علبالك سورتو بماعن ماعن ماعن ماعن ماعن هههههه تقول فتحو فالدار دار الرحمة هههه
تعجبني كي يقولولك وجارتنا علاه شراتها
ياحوجي بلاك تكسرو ولا سرقوهوملها ههههه مي حنا فالدار كاين ههههههه
ولي يعجبوني كامل فلمارشي تلقى النسا يديرو تجمهر فدام كاش طابلة هههههه
وبلاك وحدة فيهم لي تشري برك ولا لوخرين يبقاو يخزرو فيها واش تشري ههههههههههه

نهار كامل وانتم بصح تخممو على لماعن لماعن لماعن تغسلوهم انا جامي جاو في بالي ههههه
بلاك يما عاد ترميهم وجيب وحدوخرين ههههههه
يا صح رمضانك ختي والراس اليابس وين راهي مزالها مع الاختبارات ولا ماتتفاهمش معانا في رمضان
يستاهل ختم التميز خخخخخخ فيخاطر لماعن ههههههه​

 

[همس الوُرود]

السلام عليكم ورحمة الله وبركاته
أهلا فيتامينتي وش أحوالك؟؟ إن شاء الله تكوني مليحة
هاه وأخيييرا كتبتي الموضوع ههههه من البارح وأنا نستنى فيه
والله يا أختي كاينة منها الناس كامل تجري ورا كرشها فرمضان هذا رغم أنو من المفروض يكون شهر توبة وعبادة لله عز وجل
عجبتيني كي قلتي غير نتي تخممي فلماعن ههههه صراتلك كيما أنا
أنا مين تقول ماما عبير ديري ديك الحاجة نقوللها ومبعد لماعن شكون يخسلهم؟؟ ديما حاصلة في جرتي
مرات نقوللهم علاش الرجال ميخسلووش ههههه تالمو غير أنا الطفلة فالدار لماعن رايحين يهبلووووووووووووني
بارك الله فيك أختي موضوع شباب وزين ها متبخليناش مرة أخرى بكتاباتك​

 

[الورد الأحمر]

السلام عليكم ورحمة الله

ههههه ضحكتيني ماعن ماعن ماعن خضر خضر خضر فواكه فواكه ماعن خضر فواكه ههههه

الغاشي منين تروح تلقاه والكل يشكو ويبكو بصح الكل يشرو ولي يحيرك هذوك لي خلفتيهم يتسوقو ام وحدهم وتروحي لابوست تلقاي غاشي خلاف كبير يكوفر باه يجبد الدراهم ويروح يشري حتى هو هههه يعني اصبري ينطلقو لي محبوسين في لابوست وشوفي

خفت حتى نروح نخلص لا بونكا لا بوسطا صافيين الكل معمرين تقول تم رح يفوتو رمضان ولا زيهم دايرين رصيد مخصص لرمضان ويروحو يجبدوه

ربي يهدينا الكل عندنا أمور خايبة في رمضان وانا الخيابة تاعي جاتني في الرقاد بين الظهر للمغرب ما نحشم ما نستحي ما نقول مرا قدي تقضيها رقاد وكي يقول الله أكبر انوض نجري ناكل ونعلق ع الماكلة

مشكورة ع الموضوع فعلا ممتع

 

[ضآحكة مستبشرة]

السلام عليكم و رحمة الله تعالى وبركاته
اووووووو موضوع بزاااااف هايل يعطيك الصحة الزينة
هذي المرة راكي قستيها جبتيها سواسوة ههههه
يا ختي أحنا الشعب الجزائري يخلعنا رمضان portent كل عام كاين رمضان مثلا نديرو عفسة هذا العام نقولوا اوااه رمضان الجاي منعودوهاش بصح نوقعو في نفس المشكلة هههههه
المارشيات يتعمرو و النسا تلقايهم طايحين على المواعين اشري اشري كيما انا نحب بزااف نجدد الاواني في سيدنا رمضان
و الرجال مساكن بكل وجه عبوس يروح جيهت الخضر يساومم يلقا النار شاعلة هههههه

أما في رمضان ثم لي خلات كامل المرا تحصل مع الكوزينة و الراجل مع القضيان
والتبذير الله يستر


و غسيل المواعين هو اكبر مشكل عند البنات في رمضان بصح فيهم بنة سبيسيال خآصة كي تحتسب الأجر في غسلهم ههههه
و رمضان ماشي للأكل رمضان شهر عبادة و ربي يقدرنا


و نسيتي حاجة ههههه راهي دايرة حالة هي
رمضان الجاي نغسل المواعين في دار راجلي هذي سبيسيال للمختشوبات خخخخم


المهم رمضان في الجزائر غير شكل ههههه
شكرا على الموضوع
و صح رمضانكم كل عام وانتم بخير
​

 

[miss victoria]

السلام عليكم
ههههه ما تفكرينيش ي الماعن نتاع رمضان
و هادا هو رمضان بلادنا بصح كيماهاك و حلوووو
صح رمضانكمو كل عام و نتوماا بخييير يا اهل اللمة

 

[فيتامين سي]

السلام عليكم
ههههههههه قتلتيني علبالك سورتو بماعن ماعن ماعن ماعن ماعن هههههه تقول فتحو فالدار دار الرحمة هههه
تعجبني كي يقولولك وجارتنا علاه شراتها
ياحوجي بلاك تكسرو ولا سرقوهوملها ههههه مي حنا فالدار كاين ههههههه
ولي يعجبوني كامل فلمارشي تلقى النسا يديرو تجمهر فدام كاش طابلة هههههه
وبلاك وحدة فيهم لي تشري برك ولا لوخرين يبقاو يخزرو فيها واش تشري ههههههههههه

نهار كامل وانتم بصح تخممو على لماعن لماعن لماعن تغسلوهم انا جامي جاو في بالي ههههه
بلاك يما عاد ترميهم وجيب وحدوخرين ههههههه
يا صح رمضانك ختي والراس اليابس وين راهي مزالها مع الاختبارات ولا ماتتفاهمش معانا في رمضان
يستاهل ختم التميز خخخخخخ فيخاطر لماعن ههههههه​

و عليكم السلام اخي سكاكر
هههههههههه تالية نشوفو حاجة نقوللها بصح وين نحطوها درك خليها لي عندنا شابة عليها
لي بيزاغ تاع قبل 5 سنين نفسهم هذا العام يبدلو لون برك و مادة الصنع بلاستيك لوح نصححلك معلومة وحدة تشري 20تجمهر 15 :X3::X3::X3::X3: لي في بالي و بالك يدو ماعن باطل
انا نخمم في الماعن وين نحطهم كفاش نغسلهم هههههههههههه سيرتو داغنا ادا يشرو ميرموش و ميخرجوهمش ربي يسمحلي سيرتو هذي المرة غفلتها و رميت
ههههههههههههه مزااااااااااااااالها
شكرا على ختم التمييز دوك راسي يكبر

 

[لؤلؤة قسنطينة]

السلام عليكم
ههههههههه قتلتيني ضحك يا مهبولة
شهر رمضان كي يجي تقول لاخرة يا لطيف، مع انو شهر رمضان معروف بالرحمة والبركة
بصح الناس جاهلة، تقول رايحة تهرب الماكلة كيما قلتيها يشريو الخبز بالثلاثين خبزة هادي ماعن هادي خضرة
هادي لحم، تجي تحط يدك يطيروهالك هههه كلشي يتهز حتى لحشيش يعني دبشة ومعدنوس ويطيرو للسما
كارثة عظمى، والماكلة هادي 4 و 5 أطباق على الطابلة ومن بعد تاكلهم البوبال حاشاك وهادا كامل حرام
حنا في دارنا الحمد لله خاطينا التبذير شوي جاري وبوراك ولاكان زدنا سلاطة وخلاص مانفسدوش الحمد لله
أكديلي برك على لماعن تقول تاع عرس ههههه الشيعة ماناكلوش بزاف بصح لماعن بزاف هههه مع اني نخدم ونغسل بعد
وهكاك كيما قالت أسماء رمضان شهر العبادة، لازم نفرحولو خاطر نكسبو فيه الاجر الله يبارك
اما على الماكلة رانا ناكلو طول العام والحمد لله
شكرا يا الفيتامينة على الموضوع ربي يهنيك ورمضانكم مبارك
تحياتي
​

 

[الصحافية الساخرة]

هههههههههه اعلا فيتامينتنا كي تحطي هنا تنشط الحالة عجبتني تاع ماعن ماعن ماعن ، فواكه فواكه ، هههه الخ ههه ...
هذا هو رمضان عندنا فالجزاير ، الماعن ، الماكلة
ربي يقدرنا على الصيام والقيام وان شاء الله منلحقوش نديروا هكذا ونخمموا فاشياء متهمش و متجيبلنا حتى ربح ، عبادة ربي خير من كلشي ، ربي يهدي من خلق
ومرسي على الموضوع ☺

 

[Mårőųā Řāhïł]

ههههخه ضحكتيني وهذالي قلتيه غي النص كون نكملوا بلاك نموت ضحك

 

[Malika Tlm]

السلام عليكم
ضحكتيني والله
تعرفي حنا تاني هنا يالطيف الهبال حكمهم تحسب كلشي رايح يكمل
ناس جاهلييييييييييييين وبزاف نساو بلي رمضان شهر الرحمة والعتق من النار وختم القران وووووو
ربي يهدي عبادو
رمضان كريم
ربي اعنا علي صيامه وقيامه يارب
تاحياتي اختي

 

[Salah eddin]

هههه
السلام عليكم
و الله يعطيك الصحة
راكي وصفتي الحلة كما يجب
ههه
ماينة ليك
ههههههههههههههههه​

 

[فيتامين سي]

السلام عليكم ورحمة الله

ههههه ضحكتيني ماعن ماعن ماعن خضر خضر خضر فواكه فواكه ماعن خضر فواكه ههههه

الغاشي منين تروح تلقاه والكل يشكو ويبكو بصح الكل يشرو ولي يحيرك هذوك لي خلفتيهم يتسوقو ام وحدهم وتروحي لابوست تلقاي غاشي خلاف كبير يكوفر باه يجبد الدراهم ويروح يشري حتى هو هههه يعني اصبري ينطلقو لي محبوسين في لابوست وشوفي

خفت حتى نروح نخلص لا بونكا لا بوسطا صافيين الكل معمرين تقول تم رح يفوتو رمضان ولا زيهم دايرين رصيد مخصص لرمضان ويروحو يجبدوه

ربي يهدينا الكل عندنا أمور خايبة في رمضان وانا الخيابة تاعي جاتني في الرقاد بين الظهر للمغرب ما نحشم ما نستحي ما نقول مرا قدي تقضيها رقاد وكي يقول الله أكبر انوض نجري ناكل ونعلق ع الماكلة

مشكورة ع الموضوع فعلا ممتع

ربي يحفضك حنونة
روحي للمرشي تقو يطيبو الماعن في الخضرة
انا بغيت نفهم لي كل عام يشرو كوكوطة و قدرة كي يوصلو 10 سنين نورمالمو يشاركو بيهم في كاش حرب
والله تلقيهم اه غالي و مطقناش و مقديناش و بلابلابلا من بعد تشريلك ماعن باش تعيش هي و جيران كومبلي :X3::X3::X3: و تروح تسلف حبة طوماطيش على الجارة الفوقانية و بصل على تحتانية و بطاطة تجيبها من عند مرت خوها هههه
هههههههههههههه اوه لابوسطمعتالي تاع الشهر والخلصة تدخل هههههه تدخلي بيناتهم يطحنوك
اللهم امين اكيد مراناش معصومين كل انسان و عندو حجات خايبين كانت عندي هدي ننعس من ضهر للمغرب هههه و شحال مليحة الرقدة سيرتو كي يقرب المغرب درك انا طبيعتي هي نجوع :X3: و كي نجوع مدوروش بيا ولا نعيا هههه كما كامل شعب نجوع نعطش نفشل و نحوس غير على بلاصتي ننعس
العفو غاليتي اسعدني مرورك و الحمد لله الي عجبكم
تحياتي

 

[Oussama.GF]

سلام ليوم دخلت لسوق
ملقيتش حتى وين نحط رجليايا قلت ندخل بدز ونلحق على خضرة
ووقت كان غير 6:30
يعني مفهمتش وش ندير عام جاي نجي على 4:30 وخلاص
مهم وانا ندور في سوق ونلقى غاشي متجمع على طابلة تاع قش
يبيع في رخيس ناس غير هات منا. هات ساشي. هاك ندي هادو .
ايا كرهت روحت لدار وقفة فيها كيلو بطاطا -ربطة ماعدنوس - بوراك -لاوازم طاجين حلو
مهم روحت فتحت فيسبوك نلقى فيسبوك ولا كتاب تربية الاسلامية
هدا منا رمضان كريم ومنا انا اتقيت ربي
ونشوف غير سطاتيات الاسلامية خخخ
طفيت فيسبوك لعشية جبتها رقاد وصل اذان المغرب ذهبت الى مسجد ريحت نقرا القران شوية
وصليت وروحت نتعشى مهم وحنا فاتحين شروق نستناو وقتاش ثبوت هلال
ونسمع بلي غدوة ايا تهنيت اناقلت نروح نفرح غاشي لي في حومة
وبعد دوران في حومة اذن العشاء وانا كنت متحمس ومشتاق الى صلاة التراويح
صليت العشاء والتراويح ومبعد ريحت في حومة شوية وجيت للمة اتجول هنا

 

[شاعرة الأمل]

ههههههههههه ياخي مهبولة ياخي واالله غير قتلتيني بالضحك الله يعطيك الخير
شوفي انا خرجت وحد اليوم معا ماما يا محاينك جيت حاكمتنيي الشقيقة شا عصبت بالبطاطا والبصل والقرفة والليم قريب درت طاجين فوق راسي ههههههه والبراسيتامول وليت ناكل فيها كيما الكاوكاو خخخخخ غي ميزك علاش !!؟؟ مليت خرجت وصحاب طوابل يضبحو ماعن ماعن شري الجديد ورمي القديم سلعة تاع اليوم ماشي كليوم وداك ملهيه كسوة العيد راهي بروموسيون كلشي باطل يااااااااااي راسي طرطرق ونسا ها حووجي النسا مانعرف كاع مين راهم يجيبو دراهم وين ماتروحي واي حانوت تدخليه تلقايهم يشرو تقول ماعينهم كامل تهرسو ولا خونوهم ونروحو للرجال المتوحمين تلقايه غير يشري ويعاود تقول صح رايح ياكلهم كاملين وانا وانا وانا تلات مرات نخمم غير في غسيل الماعن والكارثة الكبرى انو ماعنديش كي ندير نسمح فيهم لانو كاين غير انا طفلة ونبع الحنان تمرض كي تصوم وتحكم قنت وتبدى تكموندي فيا ايييه مهليش ماعنديش زهر واش راح ندير هه
شحال هدرت تقول مانيش صايمة اووف
صحيتي ختو سوجي هايل الله يحفظك
صحا رمضانك تصومي بالصحة والهنا
سلام

 

[ha kh]

رمضان صار موسم التجارة
المحطات يزينو بالاكلات و الناس تجري وراهم
و كانهم ما ياكلو طول السنه بس رمضان
الله يعين الناس

 

[فيتامين سي]

السلام عليكم و رحمة الله تعالى وبركاته
اووووووو موضوع بزاااااف هايل يعطيك الصحة الزينة
هذي المرة راكي قستيها جبتيها سواسوة ههههه
يا ختي أحنا الشعب الجزائري يخلعنا رمضان portent كل عام كاين رمضان مثلا نديرو عفسة هذا العام نقولوا اوااه رمضان الجاي منعودوهاش بصح نوقعو في نفس المشكلة هههههه
المارشيات يتعمرو و النسا تلقايهم طايحين على المواعين اشري اشري كيما انا نحب بزااف نجدد الاواني في سيدنا رمضان
و الرجال مساكن بكل وجه عبوس يروح جيهت الخضر يساومم يلقا النار شاعلة هههههه

أما في رمضان ثم لي خلات كامل المرا تحصل مع الكوزينة و الراجل مع القضيان
والتبذير الله يستر


و غسيل المواعين هو اكبر مشكل عند البنات في رمضان بصح فيهم بنة سبيسيال خآصة كي تحتسب الأجر في غسلهم ههههه
و رمضان ماشي للأكل رمضان شهر عبادة و ربي يقدرنا


و نسيتي حاجة ههههه راهي دايرة حالة هي
رمضان الجاي نغسل المواعين في دار راجلي هذي سبيسيال للمختشوبات خخخخم


المهم رمضان في الجزائر غير شكل ههههه
شكرا على الموضوع
و صح رمضانكم كل عام وانتم بخير
​

و عليكم السلام
ربي يحفضك حبيبة ..اللهم امين
شحال نفرح كي تعجبكم خربشاتي
رابع يوم في رمضان و مزالهم هما هما الماعن دايرين حالة بلا منحكو على الماكلة لي تترمى
اووه يحكمنى الجوع على بيها يخلعنا
و لي يطيبو غير باش يديكوريو طابلة
قالتهالي وحدة اليوم نطيبو بزاف باش نعمرو طابلة برك و كلش ينقاس مياكلوش البابت + هما 3 و بنت صغيرة
هههه اكديلي على رمضان الجاي نغسل ماعن في دار راجلي نخمم لي تسكن في دار العايلة تغسل 100 طبسي و 100 كاس
اسعدني مرورك غاليتي

 

[aljentel]

وانا الخيابة تاعي جاتني في الرقاد بين الظهر للمغرب ما نحشم ما نستحي ما نقول مرا قدي تقضيها رقاد وكي يقول الله أكبر انوض نجري ناكل ونعلق ع الماكلة

آمون انتي تنامي حتى وقت الفطور ثم تنوضي تأكلي !! معقول ؟!!
ومن يسوي فطورك ؟!! @الورد الأحمر

 

[الورد الأحمر]

آمون انتي تنامي حتى وقت الفطور ثم تنوضي تأكلي !! معقول ؟!!
ومن يسوي فطورك ؟!! @الورد الأحمر

السلام عليكم ورحمة الله وبركاته

عادي أنا مش من النوع لي عندو رغبة يطبخ كل واحد ومجالو وطالما وقت المغرب نلقى الفطور فوق الطابلة واش خصني .

 

[أمين 27]

تحية للناس لي كل شوية طل على الفريجيدار و الكوزينة هه