الحاج و السراق

Salah eddin

:: عضو بارز ::
أحباب اللمة
إنضم
27 جانفي 2016
المشاركات
10,188
نقاط التفاعل
27,515
النقاط
1,886
محل الإقامة
الجلفة
الجنس
ذكر
السلام عليكم
جماعة صحيتو و صح صيامكم و فطوركم و سحوركم
وش راكم ؟ لاباس ..الحمد لله حتى انا راني لاباس و الحمد لله
امالا كي العادة حكاية خفيفة ظريفة

...
بصح يا جماعة راكم راقدين ...ها شاركو شوية ...كن تزعفوني ..راني ما نزيدش نجيب حكايات و نخليكم تعقبو رمضان بدون سكاتش ...ههه

ايا بسم الله ...هذا واحد الحاج شيخ ...ياتل قضى عمرو خلاص ...مستحاثة راني نقلولك

هههه

و الحاج هذا ق لاهي يعس ..يعس الرايح و الجاي و االقاشي راكم عارفين حالة الشيوخة

االمهم ...وهذا الحاج عندو جارو شيطان ...ياتل تريسيتي ..سراق ..عكراف ناري الله لا تربحو

ههه

و هذا السراق شني ..ق صقير ....في عمرو واحد ال15 سنة هكذاك ...ههه

ايا نهار من النهارات ..هذاك الشيخ معروض عند صحابو ..ايا هذاك السراق قالك هذي فرصتي باه نطيح على الحاج و نصفرلو دارو

راح شاف حتى راح الحاج و نقز فوق السطح ناع الدار ..ايا راه يشوف منا ..يخرب ملهيه ...كذا منا ...المهم عمر شكارتو زين في زين

بصح طول و ما فاقش لروحو بيه لهى يعمر و نسى الوقت

لحقت لحداعش تاع الليل الحاج رجع لدارهم ...فتح الباب جات عينو طول في عين السراق ...

يابوي ..؟؟ ...وش راك دير يا وليدي ؟؟ ...حgا ق العافية ؟؟ ههه

و حكمو من الوذنة و طاح ليه ...اخبط ..اخبط ...اخبط ...ياودي جابها بيه حتى الفجر و هو يخبط فيه

بومباه راني نقلك ..هههه...

ايا كي عيا الحاج ...قالك والله ماني طالقو ..راح ربطو بلاريار تاع الكروسة و قال يسحب فيه مع الطرق هذيك ...ههههه
راه يكركر فيه ..ياتل طيبلو جنبو ....حتى لحقو لواحد الجامع ..و الطفل ق يزهق و يبكي ...
ايا حgا راه الفجر ...الجماعة جاو خارجين من الجامع ..و قبالهم بالسيد يكركر فالطفل ..ههه
ناض ليه واحد اخينا قالو يا الحاج الله يهديك ...و علاه راك تكركر فالطفل هاك ما تخافش ربي .. ؟؟
قالو راني لقيتو يسرق في داري ...
قالو هيه ومبعد ؟؟ طبق عليه القصاص ....
( و الطفل هذاك ناض و بدا ينفض في قشو يحسب الجماعة رايحين يحامو عليه )
ههه
فقالو شني القصاص هذا ؟؟
قالو ها اقطع لو يدو لي سرق بيها ....
ههه
الطفل هذاك السارق صد للحاج و قالو ::
يا الحاج... كر ..كر.. الرحمة على والديك ما ديرش عليه

راني مقديلك واحد الحدرة كرفاشة .هه..قالو اقطعلو ...خههه
ههههههههههههه
 
مسكين. خلوه يتكركر وما يقطعولوش يدو وكون يعاود يسرق قطعولو يدو هههههه امنت لحكاية
مشكووووووور صلاحو
امالا قاضك
روحي فكي عليه خير
ههه
شكرا مروة
 
ههههه يعطيك الصح صلاحو راك مبدل علينا شوية الجو
في ظل الرقاد و الحمان
هههه عجبتني كلمة بومباه هههه
 
امالا قاضك
روحي فكي عليه خير
ههه
شكرا مروة
ههههههه نروح بصح يكركرني برك ما يقطعليش ايدي ما درت والو نلعب شوي ونرجع لدار هه
 
ههههه يعطيك الصح صلاحو راك مبدل علينا شوية الجو
في ظل الرقاد و الحمان
هههه عجبتني كلمة بومباه هههه
شكرا ايمان
ههه
قلنا شوي نزهو الحالة في ظل الرقاد و بيع البلاد
ههه
و ما عجباتكش كلمة عكراف ناري ؟؟
هههه
 
ههههههه نروح بصح يكركرني برك ما يقطعليش ايدي ما درت والو نلعب شوي ونرجع لدار هه

لا لازم يقطعلك يدك ماناش نلعبو
ههه
 
لا لازم يقطعلك يدك ماناش نلعبو
ههه
اواه مين راهي الحالة هكا يقطعولو يديه ورجليه تاني المهم يخطوني بطلت ما نلعبش
 
ههههههههههههههههه
حلو‏‏هہ بآرگ الله فيك خويا صلاح
شكرا خويا همام
فهمتها و لا نشرحلك ؟؟؟
هههههه
 
فهمتها خويا صلاح
هههههههههه
العفو خويا
اصلا انت فاكهة اللمة خويا صلاح
هه
الله يعزك خويا همام
بارك الله فيك​
 
هه
الله يعزك خويا همام
بارك الله فيك​
تسلم يا طيب
هذا عمل مثل الرجل اللي كان يضرب مرته مر من عنده شيخ قال النساء دوائها النساء
ما سمعه منيح قاله شو قلت
ردت مرته تقله كمل ضرب هذا يخرف
ههههههههههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top