بئي بئي يا ناموسة ....ويا ناموسة بئي بئي

الحالة
مغلق ولا يسمح بالمزيد من الردود.

ليليا مرام

:: عضو بارز ::
أحباب اللمة
إنضم
16 جوان 2009
المشاركات
9,759
نقاط التفاعل
29,218
النقاط
1,656
محل الإقامة
اللمة
الجنس
أنثى
السلام عليكم واش راكم وكيفها احوالكن وان شاء الله تكونو بألف خير
على مقولة النمس بئي بئي يا ناموسة
راح اليوم نخصص موضوع للعزيزة ناموسة خانم او فخامة الطيارة البوينغ :oops::oops::oops:
يا جماعة من الجيل الذهبي يقدرو يدخلو يعبرو والجيل الفضي اللي هوما الجيل هذا عندهم حق يعبرو
ونبدا انا الناموسة اييييه زمان كانت تحشم واحد يسمع صوتها بنت فاميليا :cool::cool::cool:تعرف انو صوت الانثى عورة .....مي ناموسة اليوم جاية وتغني ناموسة آيدل تبرح يا ناس ايا وهذي وهذي وقرصلي هذي وعضلي هذي:unsure::unsure::unsure:
وناموسة زمان تبقى واقفة على يدك تبكي تخمم اذا تقرصك والا لالا وتطلب سماح وتعاود وتستناك راقد تحشم تقابلك وهي تقرص:Love::Love::Love::Love: ....ارواحو لناموسة اليوم وقاحة توقفلك فوق نيفك وتشوف فعينيك وتقرص وقاحة ماكانش فوقها :(:(:(:(
وبكري كنا نديرو فليطوكس الناموس سمانة مايدورش فالدار ضرك يا ناس الباستي فيها فيتامين راه الناموس يتحول ذبان راه يسمان يا ناس:devilish::devilish::devilish: ضرك نولي نشم الباستي باه نسمان هذي استوس للنحيفات :p:p:p
نهدرو على رشاقة الناموسة بالعصر الذهبي لاطاي فين تنوي تضربها فوق يدك الريح يقتلها ضرك انت تضرب ناموسة اليوم وهي تخرج لسانها وتضحك عليك ايييييه الناموس يتحدانا يا قوم :cry::cry::cry::cry:
يا ناموسة بئي بئي .... كيما قالها عثمان عليوات حشمنا ما حبيتي تحشمي درنا فليطوكس ما متي وبدل ما تشياني زدت سمنتي سمعوني زغروتة

وضرك قولولي راكم مع الناموس كيما راني والا انا زهري المسود عشقني الناموس وما بغاش يفارقني
المشكل ضرك السخانة وكيما تعرفو الزبل حاشاكم والوديان وغيرو مي هنا وين راه دور البلدية كنا نشوفو كل عام يديرو الدوا هذا العام قالك ماجابوناش
مافاد لا فليطوكس وحتى ريد الفعال فعال فالخليج هنا عند ناموسنا راه ديودورو:ROFLMAO::ROFLMAO: قولولي واش الحل
واحكولي على ناموسكم:kiss::kiss:


ايا في لامان من بلاد الناموس الشاسعة:alien::alien::alien:

 
السلام عليكم
هههههه أختي ليليا ربي يعينكم ههههه
و الله صح الناموس راه كثر او ولا واعر بزاف تاع هذا الجيل
احنا الحمد لله معدناش رآنا مهنيين منو
وآش نقولك ربي يصبركم صراحة الناموس ميتحملش و معاد تفيد ني باسطي ني فليتوكس خاطرش حاشاك الزبل في كل بلاص و بلادنا ماهي بلاد لي قال على الأقل يلمو الزبل
يعطيك الصحة حبيبتي على الموضوع
 
السلام عليكم
هههههههههه والله يا ليلوش انا هذا الصيف تقول راهم حالفين فيا
جي فوق راسي وتبدا تغني وتغني وتزنزن وتزنزن وعلاه عمبالك تحشم ههههههه
وكيما قلت مايفيد معاها والو الباستي تقول علف ولا بارفا راهي ديرها
ولوكان تشوفيها شحال تعرف تراوغ
انا نرش هنا نلقاها لهيك نرش هناك نلقاها عندي تقول ميسي كي يديماري بالبالون ههههه
نغطري رجلي بليزار ونزيد وجهي وراسي ونسد وذني
مي والله سامطا تخي لبلايس كاملين وجي لعند وذني وتبقى تغنيلي تقول ام كلثوم يامحاينك ههههه
منذاك نبقى نحلل فيها أقرصيني ماتغنيليش هههههه

 
توحشت هذاك الناموس لي يدير ززززززززززززززززززززززززززززززززززززززززززززززززززززززززززز يقولك راني هنا دوك نقرصك تنوضي نتي ترفدي بليغة 45 تحوسي عليها و تقضي عليها كانت هنا و راحت
نجو لناموس درك يا عجبة كانالناموس كبير و قرصته صغيرة درك متشوفي والو لا صوت لا صورة حتى تلقي يدك تكبر تكبر تكبر

ديري فاز و فليصوكس و الرهج نتي تمرضي و هو يبقا عايش
 
وعليكم السلآم ورحمة الله
حنا في بدآية الصيف صح كان كاين، بصح ضرك رحمة ربي
بالاكم تحسدونا خمسة في عينيكم :rolleyes:
الوقت لي رانا فيه جآ صعيب من كلش أبدايها من الأولاد الصغار وروحي للكبار، الناموس، الجو ...
ربي يستر
 
هههههههههههههههه
اعتبريهم ضيوف فلم يبقى من خشاش الارض شيئا الا الناموس فلما مستعجلين على اندثاره .
 
عـــلاه تفكري فيا عــــلاه !!!
ياااووو غير يطيح الليل نشوف أســراب مقاتلة من الناموس
جاية للشمبرة
تقول معـــركة لندن غــادي تتعاود في الشمبرة نتــاعي
وقت كان فليطوكس الأسود , حصـان يطيحه
دروك الواحد يدير في الفليطوكس والناموسة تقول زيد !!!
وش نديرو
نصبرو حتى يدخل شوية برد
ومن تما ننساو الناموس حتى الصيف الجاي
 
السلام عليكم
مشكوريين وراح نرجع نرد على كل واحد فيكم واسمحولي ما رجعتلكمش فالوقت
مشكوريين
 
ههخههههههههخخههههه انتيا ناموسة من الكبار ليلوش قتلتيني بالضحك شوفي @فيتامين سي واش قالت : تمرضي انتي و هو يبقى عايش هههخههههههه والله مهابل صح حنا الحمد لله عشرة في عين الناموس تاعكم هانيين منو ^^ ربي يكون معاكم بصح لوكان تتبرعو بالدم تاعكم ساعة على ساعة دولة النواميس متجيش فورصي تمص دمكم حتى تخليلكم لاتراس ههههههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top