مشكلتي احتاج نصيحتكم

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
شكرا على كل من يحاول مساعدتنا في هذا القسم
اولا انا ذات 22 كنت مخطوبة و مفتحة وفسخت خطيبي كانت عندي علاقة معاه لمدة 3 سنوات كان متهاون معايا و مهملني في الاونة الاخيرة و صراو مشاكل بزاف و ظلمني وخدعني شحال و خطبني و صراو مشاكل في الخطبة ميتصورهمش العقل يعني كان اسوأ يوم هو يوم خطبتي لانو اهلي حاولو يحكيو مع خطيبي و بالاحرى امي قاتلو بلي مجابش لوازم كان لازم يجيبهم وهو معجباتوش هاذ الجاست و سمعني كلام ميتحملوش القلب فاتت ايام و تسامحنا و اخبرني انو كلشي صرا بسبب القلقة و لا علينا مشاكل بزاف صراو و كان دائما يهملني وهو يعترف بهاذ شيء حتى انو قبل العيد كان عندي شهرين متقابضين محكيتش معاه على جال سبب تافه جدا جدا جدا هو منعني اني نسافر مع دارنا و انا اصلا مسافرتش و هز روحو لمدة و ماحكاش معايا خلاص لاني على حسبو هو قتلو كلام معجبوش...صح لانو كان يحاول يفرض رجولتو في اشياء فقط
شهرين بدون حتى السؤال ولا تطييب خاطر وكي وصل العيد حب يجي لدار زعما وماكلمنيش انا نهائيا وانا مكانش عندي علم حكا مع الوالدة و كان متشدد حتى قاتلو ارواح ادي حوايجك وهو ماعليه غير وافق بلا اي تردد و جا حكا مع الوالد و قال كلام ميعجبش نهائيا و بينلهم بلي انسان معقد خلااااااص و حتى قاسهم بالهدرة وقاسني حتى انا و مابغاش يحكي معايا وقال مكيش مرتي قدام تاع دارنا منحكوش بزاف تفاصيل وانا معيطتلوش ومحبيتش نفهم نهائيا بويسك قاسني بزاااااف و انا مقدرتش نزيد نذل روحي كثر و دا حوايجو و كل شيء و ماشافش وراه بويسك دارنا غير قالولو ادي حوايجك ما ترددش و هذاك الشي لي خلاني منعيطلو ما نحب نفهم
بعد ما مرت على الحكاية تقريبا 20 يوم رجع يحوس عليا ورجع ندمان و اعترف بخطئو و حب يراضيني بأي طريقة بعد ايام حكيت معاه لانو كثر عليا بزاااف و اعترف بغلطتو وبلي ميقدرش يعيش بلا بيا وبلي مش راح يخلي حتى واحد يدي بلاصتو وحوايج هكا انا بعد ما خلاني رحت شفت حياتي نجحت في مسابقة الاساتذة و لقيت عمل بعد ما كنت ماكثة بالبيت على جالو....رجع نااااااااادم بزاااف واعتذر وكل شيء و حب يعتذر قدام دارنا تقريبا سامحتوو ولكن مزال قلبي ياكل فيا لانو بطبعي انسانة متسامحة بزاف حبيت ننسى لانو ظهرلي انسان جديد فيه ماشي لي كان خفت من حاجة يسموها يجي نهار ويرجع لي كان و نتحطم صحيح رجعت حكيت معاه وراني نحاول ننسى وهو وعدني بلي جاست ينسيني و ميزيدوش يتعاودو اخطاء هكا
الان انا في حيرة مع نفسي بعد ماكنت مرتاحة من التفكير بعد ما حبيت ندخل فكرة الكره في بالي رجع هو و انا مقدرتش نرجعو نهائيا كل شيء كان يمنعني منو عطاني فيه حرية بحجة انو في حياتو ميلقى انسانة كيفي لي تساعفو وصح بويسك شي لي دارو مش ساهل باه يتفات
الا شيء واحد الخدمة قالي منحبكش تخدمي نهائيا الا اذا كنت انا مش قادر نخدم لا قدر الله وانا نجحت بعد عناء وجهد وحبيت فقط نكمل هاذ الخطوة وننجح في الشفهي ولكن منعها عليا منعا باتا و انا احترت وش ندير يا ترى
صراحة قلبي ليس مرتاح نهائيا له وفي نفس الوقت مش نحوس نسمح فيه بعد ما رجع مكسور الخاطر
من جهة شيء يقلي متسمحيش في خدمتك يجي نهار ويتبدل عليك ومن جهة شيء يقلي اوقفي معاه بويسك راه نادم وراح يعوضك !!
ولو نصيحة وبارك الله فيكم
 
السلام عليكم ورحمة الله وبركاته
أختي نهدر معاك في موضوع العمل برك .. رأيي أنك متخدميش لو تمكثي فالبيت يكون أحسن وأفضل بكثير من العمل

ثاني شيء ديري صلاة إستخارة قبل القيام بأي خطوة و ربي يهنيك إن شاء الله
 
واش نقول يااختي المشورة مشورة والديك واللي ممكن انت تسمحي بصح اسكو باباك سمح كي خصر في الهدرة معاه
اسكو يماك سمحت علاه حتى تشوفو غير لرواحكم وتنساو والديكم شاوري والديك ونورمالمون كي عيطلك المرة الاولى تروحي لباباك ولا يماك وتقوليلهم راهو عيطلي
وخليهم هوما اللي يقررو اسكو ترفدي عليه ولا ؟ هذا اولا
ثانيا يااختي هذا زوااج ماهوش تمسخير واللي طلق في الخطبة ما يتامنش وانا واحد من الناس لوكان تصرى لا قدر الله واختي فسخ معاها الخطيب هكاك وسب والديه
والله يحب عينو اذا رجع داها لا بغى هي تكون قابلة بيسك كاين حدود واولها وآخرها هو الاحترام
نجيو للعمل ياختي مع انسان كيما هذا ومافيهش لامان يااختي العمل نتاعك ما تخليهش وخليه يكون نقطة القوة نتاعك وهذا رايي وربي يهنيك.
 
قبل منحكي نقولك ادا كاش كلمة في تعليقي معجبتكش نقولك اسفة :giggle: الله غالب لساني طويل :sleep:
نرجع لموضوعك
قريت و فهمت باش منخلطكش بزاف صرات لوحدة نعرفها كما حكايتك :cautious: مي هي زادت عثد شرعي و العقد تاع البلدية :unsure: و نحكيلك واش صرالها بصح ميعنيش كامل كيف كيف اكيد ..المهم بعد مكان كما السيد لي تحكي عليه فقط يدخل روحه يروحو عند خالتهم لا نتروحيش باباهم يخرجهم متخرجيش معاه و بدا وصل يسبلها اهلها و يطيح من قيمتهم :mad: حسب روحه هو مبشر بالجنة وقيلة فات وقت و للصبر حدود حبست كلش و قالتلهم الى الوالدين لي ميحترمنيش معندي مندير بيه :cautious:
درك واحد تعرفيه من 3 سنين :giggle: ميحترمش اهلك تتخيلي بعد الزواج يحترمك انت ؟؟! يقدرك مستحيل .انا نعرف الخطاب رطاب سيرتو حدا الوالدين :sneaky: مفهمتش هدو توصل بيهم للاهل واش باغيين
نزيدك منك صح متفوتيش الشفهي و بسبت شكون بسبت شخص هانك رماك وقت لي يكره يجي :X3: ..كملي الامتحان و راكي عند اهلك (n) يروح يبيع الجلبان خيرله
نصيحة استخيري استخيري استخيري و خمي الزواج عمر اساسه الاحترام و المودة مكان احترام مكان مودة :sneaky: تتخيلي تعيشي مليح ؟؟ و غدوا اولادك
بلاك والفتيه على بالي حنا البنات طيوبات بكلمة نوالفو عبد و بكلمة ننسو gاع الشر لي يديروه فينا :sick: بصح في هذي الامور خلي عقلك يخدم ماشي قلبك
انا كأخت و صديقة نقولك فوتي الشفهي و كملي و نسيه و ربي يجيبلك سيد سيدة يحترمك و يحترم اهلك :D
نادم :cautious: امنتي :mad::mad::mad: مندمش غير بغا يحرم عليك الامتحان وبلاك يغيب شهرين وحدخرين :sneaky: شكون ضمنك بلي يعوضك و ندم بلاك مندمش
يا سيدي راكي عند اهلك فوتي نهار تروحي عنده يحكم :unsure: سقسي اهلك و خمي بعقلك قبل قلبك ميجي نهار تندمي
 
chouufi ya khti koun l probleme kan binkom bark w massem3ouch la famille ngoulek peut etre sah essemhilo w 1vanciw m3a ba3dh kamel nagheltou
mais l mr tayeh le9der m3a mamak w papak wch taam3a nbar akhor?? la doka raki f d1rhom mou3azaza moukarama rakinune fois trohi lih w yesra probleme ygololek allah yssahel nti li habiti had chii doonc a mon avis khairou fi ghirou ba3di 3lih w 3ichi hyatek khiir
 
السلام عليكم
اختي انا هاذي نصيحتي و الشورى شورة والديكي
فوتي الامتحان الشفهي نتاعكي و اذا قالكي لالا قوليلو نهار نرجعو و نعقدو نرجع نسمع هدرتك ... بما انه مكان دركا حتى علاقة رسمية بناتكم معندوش اي حق عليك
و زيد اختي منضنش والديكي يقدرو يسامحوه و ما نضنش انه العلاقة بناتهم ترجع مليحة حتى و لو كان سامحوه على جالك
اقل حاجة روحي شوفي اذا والديكي اصلا يقبلو باش ترجعيلو او لا و من بعد ربي برحمتو
و كاينة تاني حاجة ... لي يخون و لي يشتم مستحيل او صعب جدا انك تغيريلو من طبايعو
ربي يوفقكي لما يحب و يرضى
 
انا راح نقولك رايي بصراحة اختي و نتمنى متزعفيش
انا رايي انك غلطتي كي رجعتيلو بويسك ناس كيما هك مديريش فيهم الامان
و زيد كيما قال خويا حكيم اي علاقة مبنية على الاحترام
اذا محترمكش انتي و اهلك في فترة الخطوبة و سبكم
واش راح يدير بعد الزواج
الرجال مديريش فيهم الامان كل خطرة بحال
اختي كرامتك فوق كلش حتى لو كان تحبيه
اما خدمتك متسمحيش فيها الاف لي تمناو هاد الفرصة
خدمتك خليها سلاح بين ايديك
و زيدي استشيري والديك هوما يعرفو مصلحتك خير ومش راح يبغولك الشر
ان شالله نكون نصحتك
ربي يسهلك اختي
 
وعليكم السلام ورحمة الله

أختي الحلال بين والحرام بين وبينهما أمور مشتبهات ... ومن وقع في الشبهات فقد وقع في الحرام

وإذا شكيت ماكلتي خاسرة، نشري غيرها.
وإذا شكيتي منقصة ركعة تجيبي غيرها.

الحلال قاوي والماكلة كاينة والركعات ما تخلصيش عليهم.

كيف كيف، الرجال كاينين. راكي شاكة فيه وخايفة، اقطعي معاه وربي يجيب لك غيره بلا ماضي معاه ف الحرام، بلا تطياح ليك وللعايلة. وأولا وأخيرا صلي استخارة، واللي يريح لو قلبك ديريه.
~
أما سؤال الخدمة، طبعا إذا تقطعي معاه تدبري راسك.
كاين الرجال اللي تجيهم عادي مرتو تخدم، وراكي غير 22 سنة ما تدخليش روحك في مشاكل أنت في غنى عنها.
 
السلام عليكم
نصيحتي يا اختي شدي في خدمتك بييدييك و رجليك في هاد الزمان الفرصة كيما هادي قليل وين تجيك اما هو ختي لي فيه طبيعة ما تروح منو.زاد خسر مع والديك. والديك هوما الصح و هوما اللي بعرفو مصلحتك مليح شاوريهم و متتندميش
 
السلام عليكم ورحمة الله وبركاته
أختي نهدر معاك في موضوع العمل برك .. رأيي أنك متخدميش لو تمكثي فالبيت يكون أحسن وأفضل بكثير من العمل

ثاني شيء ديري صلاة إستخارة قبل القيام بأي خطوة و ربي يهنيك إن شاء الله
السلام عليكم اولا الاخت ربي معاها و نشاء الله تكون وجدت حل مناسب ...... اول رد شد انتباهى يا ترى لمااااذا قلتيلها من الاحسن متخدمش و الله نحترم رأيك غاليتى لكن علاه !؟ بصفتى متزوجة الآن و متفاهمين بلى نخدم حبيت نعرف السبب لى خلاك تقولى هكذا و حابة نستفاد من التجربة !؟ شكرااا مسبقا
 
السلام عليكم اولا الاخت ربي معاها و نشاء الله تكون وجدت حل مناسب ...... اول رد شد انتباهى يا ترى لمااااذا قلتيلها من الاحسن متخدمش و الله نحترم رأيك غاليتى لكن علاه !؟ بصفتى متزوجة الآن و متفاهمين بلى نخدم حبيت نعرف السبب لى خلاك تقولى هكذا و حابة نستفاد من التجربة !؟ شكرااا مسبقا
وعليكم السلام ورحمة الله وبركاته
أهلا حبيبتي , تفضلي فتوى الإمام ابن باز رحمه الله ~ فيه تفصيل ,, أرجو منك فقط أن تصبري على القراءة وتكمليها حتى الأخير
وبارك الله فيك أختي
حكم عمل المرأة - الموقع الرسمي للإمام ابن باز
 
اول حاجة اختي لازم اتصلي صلاة الاستخارة حتى تقطع الشك باليقين و تعرفي بلي الي اخترهولك ربي هوا الصواب لحياتك بلا ماتخافي و كوني على يقين بلي ربي اذا بعدك عليه رايح ايعوظك سبحانه بخير منوبالنسبة للخدمة هذا يبقى راجع ليك نتي سيدة القرار هوا ماعندو حتى دخل لو كان جا قد المسؤلية لو كان ماوصلتوش لهاد المواصيل اصلا يبقى نتي و رايك و تدرسي القضية مع روحك اذا كاين الي يصرف عليك واذا واذا....و شوفيها من الناحية الشرعية عمل المراة و الشروط اللازمة لعماه و ربي الحمد لله رزقك مستوى علمي ايخليك اتميزي و تعرفي دينك
والمراة اذا ماقيمهاش الراجل و ماقيمش دارهم و خاصة في فترة الخطوبة وقتاش ايقيمها لازم ايعدل نفسو ويحترم والديك
دوك ربي عالم اذا صح راهو ندمان ورجع عن عاداتو كيما قال و الرجال يدخلو من الباب ماشي من التاقة كيما ايقولو لازم يهدر مع والديك و لازم عليك اتقولي لداركم ماتبنيش احلام وحدك و تنصدمي بالواقع او رفض والديك ليه منبعد تتحطمي قوليلهم و ريحي روحك باش تعرفي طريقك
واختي عليك بالاستخارة ثم الاستخارة و لا تنسي الاستشارة
وارجو من الله ان يفتح ابواب الفرج لكي و يرشدك بالراي الصائب ان شاء الله
 
لم اقرأ كل شيء لكن فهمت انك مترددة بالفبول به او لا

بداية خطبتك سيئة .. و الزواج فيه الفال بزاف يبدا من الاول
اسمعيني جيدا ..
انصحك بالابتعاد عن الموضوع كليا ..
و ادعي الله ان يبدلك خيرا منه ..
تجربتي البسيطة جدا في الحياة علمتني ..
اي علاقة زواج بدأت بتنافر بين الطرفين او معصية لله عز و جل .. لن تنجح ..

لا تلوميني لم انا قاس في نصيحتي .. فالامر جد و ليس بالهزل
 
الله أكبر الله أكبر الله أكبر لا إله إلا الله الله أكبر الله أكبر ولله الحمد
 
مدري بس احس خطيبك خبل ولا له مبدأ
لكن نصيحتي لك لاتتركي عملك مهما حصل حتى لو قدم لك ما تريديه لاتتركي خدمتك
ثم لاتبدائي حياتك بالشكوك اذا انتي شاكه فيه وبتصرفاته فلك الله عنه .. وسيعوضك الله خير منه ..

هناك امر لاحظته من خلال طرحك انك مهما كان سيئا الا انكِ تحبيه ولاتريدي الاستغناء عنه وتلك مصيبه حينما تكابري وتراهني على من لايستحق ...
الله يسترك ويوفقك
 
شدي في والديك و في خدمتك .الرجال يروحو يجو
 
الله أكبر الله أكبر الله أكبر لا إله إلا الله الله أكبر الله أكبر ولله الحمد
 
السلام عليكم
انا قريت مشكلتك وقريت الردود أغلبها يقولك خدمتك وخليه وغيرو انا ممكن نقولك
اول شي الإنسان هذا خطيبك بشر ماراهش ملاك ما تتوقعيش يكون كيما خطيبر صحبتك او راجل أختك الناس تختلف هذا ما يعطيهش الحق يعاملك هاكا انت واهلك ولو انت سامحتيه ومع اهلك ديما يبقى بيناتهم حساسية خاطر غلط معاهم ووصلهم وهذا عيب كبير
ثاني شي عاملك شعال من مرة ذيك المعاملة انت تعرفيه هذا عصبي دايما والا بارد وإلا قاسي أـو غير كي يتقلق برك لو على هذي نقولك انو كل الرجال هاكا وقت القلق ما يعرف واش يقول ولا يدير ولما يهدا يندم ويرجع حنين هذي انت تعرفيها ولو نخلو كل انسان غلط ما نسامحوهش وما نمدولوش فرصة برايي احنا رانا نخسرو بزاف أنسان غلط وراكي شايفاتو ندم معليش مديلو فرصة وراهي جات الفرصة فيدك
لو يحب تسامحيه يبينلك انو تبدل ويخليك تخدمي لانو بصراحة هي الضمان لحياتك معاه معليش سامحيه وشوفي مي خدمتك فيدك غدوة من غدوة ولو تكوني مرتو ويحقرك راكي خدامة ما تستنايش مزيتو وما تندميش انك مديتيلو فرصة
حطيه عند امر الواقع قوليلو خدمتي مقابل انو نسامحك ونرجعلك ولو ما قبلش اعرفي راح يرجع لعوايدو ويكرهلك حياتك املا جربيه وشوفي شدي في خدمتك وقوليلو هذا شرطي وشوفي
ربي يوفقك وديري ‘ستخارة بما انك ما رتحتيش
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top