الإنتخابات اللماوية 2017

Salah eddin

:: عضو بارز ::
أحباب اللمة
إنضم
27 جانفي 2016
المشاركات
10,188
نقاط التفاعل
27,515
النقاط
1,886
محل الإقامة
الجلفة
الجنس
ذكر
السلام عليكم و رحمة الله
جماعة الخير صحيتو ... ان شاء الله راكم بخير و عافية....و الحمد لله على كل حال
...
و اسي مع الدخول الجامعي و المدرسي بالتوفيق ان شاء الله للجميع و الي مبرمج كاش هدف و لا قضية و حاجة الله يسهلو امرو ليها ان شاء الله
و اسي كلّي راني نشوف فالحية راها راقدة... لا دورة... لا حية ههه
اسي ها pوسيو الحالة شوي اسيدي ....هههه...
في حقيقة الامر ...قلت مادام الجامعة راها قريب و الواحد راه رايح ينقّص الدورة هنا
قلت ندير موضوع... بيا مانيش موالف ندير مواضيع ياسر ...ها ندير موضوع تنشاط بيه الحالة
المهم ... كيما راكم عارفين الانتخابات المحلية راها قرّبت ..تاع البلديات و الاميار و ما الى ذلك
و القاشي راه الطايح اكثر من النايض يجرو جري على الحيّة شكون يحكمها ههه
و الي يجمل في النوامر تاع النكاوي يجمل ( نكاوي جمع نكوة و هي بطاقة التعريف الوطنية ) ... و الي يقدّي و يعشّي فالقواشي هذك ياااتل راه عقابها ...و كل واحد يقني بقناه...... حكاية gاع ...روح اطلقني مش نتيجك !!!
ماام راني نشوف في الحالة راقدة هنا
...
امالا راني ليقتلكم اقتراح
القاشي راه يجري باه يولي مير ملهيه ... و انا قلت علاه ما نترشحش ... بصح مش في البلدية تاعي ...لا راكم قالطين !!
ههه
نترشح مير على اللمة
ههه
وش رايكم ؟ ههه
ها الجماعة تاع الادارة راهم سمحوا فالحالة هنا gاع
و المشرفين ديميسيوناو خلاص ..ههه...و الاعضاء حكمهم الرقاد و عرق الخباط ولاو يشاركو ق في الملف الشخصي برك
ههه
لذلك ... تنتخبو عليا ان شاء الله نوعدكم نجيبلكم الدقيق ... و البيض ... و بايط الزلميت ... و بايط الزيت تاع الصانgو ... و المقرون
ههه
ايا هذي هي
والي عجبو البرنامج تاعي ... يشارك في موضوعي هذا و يدير اشارة ليا و يطاgي لي يعرفهم باه يشاركو في موضوعي
و يفوطو عليا
و الي شايف كاش واحد اخر يستاهل باه يولي مير ... ماعليش يديرلو اشارة
ههه
ها باه تنشاط الحالة شوي
ههه
...
ايا بالعافية جماعة
ههه



 
وعليكم السلام ورحمة الله وبركاته

والله رانا بخير الحمد لله ههه
ندعموك ترجع مير
بصح كيما وعدتنا عندك تخرجلنا الطريق

جاني خبر بلي @الورد الأحمر الطيارة تاعها راهي في الطريق هههه
تاع الرجعة
 
هههههههههههههنهههههه عجبني موضوعك اه انا منسوطيش ههه خاطر انت علابلي تحلل المعريفة و تدخل النسا تاعك الأربعة هنا شافات ههههه اوااه لازم ناخد حذري هههه
مرسي على الموضوع
وخلي ندير اشارة للاخوات و الاخوة هنا نشوفوا رايهم باش ندير احتياطاتي لكان فوطاو عليك ندخل فاللعبة و نشيت كاش ما تجيبلنا ياوورت كل يوم باطل زكارة فاللي حسدونا فيه هههه

@لؤلؤة قسنطينة ارواحي انتيا مشرفة هذا القسم و متنظميش الانتخابات ايا بعدا وج.ي الستيلو و البريات
خخخخخ

@ليليا مرام انتيا احكمي راجلك ههههه و لا ديريلي معاك بلاصة كاش ما ناكل من خيرات المير المستقبلي هههه

@السحاب العابر العصا للمير إذا غلط ههههه

@Skor m@k m@k انت وجد الطوابل و الكراسى و زور كاش ما نديوا فايدة هههه
 
ههههههههههه هاه وكيفاه ؟
تكوس تولي مير !!!!!!يليقلك ...وتستاهل
نفوتي عليك بصح ....هههه بصح الديرني النائب الأول نتاعك
هههه الدنيا مصالح
يا عاشور
 
وعليكم السلام ورحمة الله وبركاته

والله رانا بخير الحمد لله ههه
ندعموك ترجع مير
بصح كيما وعدتنا عندك تخرجلنا الطريق

جاني خبر بلي @الورد الأحمر الطيارة تاعها راهي في الطريق هههه
تاع الرجعة
اهلا بالسيدة أم ياسمين
شرفتينا اسي بمشاركتك ههه
هذاك هو دعموني باه نولي مير هنا
و اخطونا قاع من فتحي و ذات الرداء الاحمر
ههه
و راني عند وعدي ... الدقيق و الطماطيش ...ههه
و الورد الاحمر هذيك ...قولولها من الطيارة لدارهم خلاص
ههه

 
هههههههههههههنهههههه عجبني موضوعك اه انا منسوطيش ههه خاطر انت علابلي تحلل المعريفة و تدخل النسا تاعك الأربعة هنا شافات ههههه اوااه لازم ناخد حذري هههه
مرسي على الموضوع
وخلي ندير اشارة للاخوات و الاخوة هنا نشوفوا رايهم باش ندير احتياطاتي لكان فوطاو عليك ندخل فاللعبة و نشيت كاش ما تجيبلنا ياوورت كل يوم باطل زكارة فاللي حسدونا فيه هههه

@لؤلؤة قسنطينة ارواحي انتيا مشرفة هذا القسم و متنظميش الانتخابات ايا بعدا وج.ي الستيلو و البريات
خخخخخ

@ليليا مرام انتيا احكمي راجلك ههههه و لا ديريلي معاك بلاصة كاش ما ناكل من خيرات المير المستقبلي هههه

@السحاب العابر العصا للمير إذا غلط ههههه

@Skor m@k m@k انت وجد الطوابل و الكراسى و زور كاش ما نديوا فايدة هههه
اهلا بيك صحفاية فطوم
و راكي داخلة عليها ضحك وش ق الخير ؟؟ هههههه
ياودي وشمن معريفة ... انا راني عند وعدي و قضية ربع نسا خليها بيجهة
رانا في البوليتيك هههه
و عيطي للجماعة و لا قعدي ... كي نولي مير ... تجي تحلي كاشما يصحلك
ههه
رانا عليها ههه
 
ههههههههههه هاه وكيفاه ؟
تكوس تولي مير !!!!!!يليقلك ...وتستاهل
نفوتي عليك بصح ....هههه بصح الديرني النائب الأول نتاعك
هههه الدنيا مصالح
يا عاشور

ايا و كيفاه ؟؟ ههه
راني رجعتها بلا بيك قاع
هه
هيه نولي مير و اذا حب ربي شاف دايرة قاع
هذاك هو امالا فوطي عليا
و نمدلك السكنة f35 ...ههه
و نديرك مستشارة و لا نايبة
هذاك هو مصالح ... يا رزان مصالح
ههه
 
من سيكون الرئيس الجديد في اللمة
يا خوي افوطي عليا برك و خاطيك
ههه
شوفي البرنامج و اذا عجبك ... فوطي عليا و نتهلى فيك
ههه
 
السلآم عليكم و رحمة الله تعالى و بركاته
ههههه موضوع بزاف فور تزامنا مع الانتخابات البلديــــــة
انا ثاني من رايي نعاودو نديرو انتخابات جذرية لكل الاقسام
يا ريت ام ياسمين تشوفي كيفاش تنظمي الانتخابات و حنا معلينا غير نفوطيو
هههههههه و نبداو بالاخ الفاضل " صلاح "
راني معاك نسوطي عليك خخخ قصدي نفوطي برك انت اتهلا فينا و ديرلنا بوست معاك
 
انا نترشح بشعار " انتخبوني و اذا لقيتوني حاسبوني " و نوعدكم نحققلكم كل الاماني اذا لقيتوني
فوتي على الرقم 28 ماتخافش راني هنا معاك يا مواطن يا قليل
انا تاع زواولة
28
 
السلام عليكم
صلاح راح تولي مير وماقتلوش هههه
خلاص راح نفوطي عليك بصح بشروط لازم ممم
هههه روح برك صلاح راني معاك
 
السلام عليكم
ديرولنا في الشوشرة والمشاكل والانقلابات هنا هههه شفتو الحالة ساكتة حبيتو تقلبوها علينا هههه
ماتخممش رانا غير هنا نعسو في الناس لي دير في مثل هاد الانقلابات ههه
حاب تطيرنا من المنصب تاعنا يا خويا صلاح وتولي مشرف ولا مراقب ونوليو حنا شوماج ههه
تلعبولنا بالخبزة :cry:
المهم اذا فيها كاش كادوات راني نسوطي هههه ونمد القفزة تاعي
المهم ماتوعدني لا بدقيق لا ماقارون نحتاج دار F80 ههههه السكنة ثم السكنة :LOL:
المهم نشوفو الوعود تاوعك ساع ومن بعد نتفاهمو اذا نسوطيو ولالا
عاونا في السكنة نعاونوك في الانتخابات هههه

 
السلام عليكم و رحمة الله
جماعة الخير صحيتو ... ان شاء الله راكم بخير و عافية....و الحمد لله على كل حال
...
و اسي مع الدخول الجامعي و المدرسي بالتوفيق ان شاء الله للجميع و الي مبرمج كاش هدف و لا قضية و حاجة الله يسهلو امرو ليها ان شاء الله
و اسي كلّي راني نشوف فالحية راها راقدة... لا دورة... لا حية ههه
اسي ها pوسيو الحالة شوي اسيدي ....هههه...
في حقيقة الامر ...قلت مادام الجامعة راها قريب و الواحد راه رايح ينقّص الدورة هنا
قلت ندير موضوع... بيا مانيش موالف ندير مواضيع ياسر ...ها ندير موضوع تنشاط بيه الحالة
المهم ... كيما راكم عارفين الانتخابات المحلية راها قرّبت ..تاع البلديات و الاميار و ما الى ذلك
و القاشي راه الطايح اكثر من النايض يجرو جري على الحيّة شكون يحكمها ههه
و الي يجمل في النوامر تاع النكاوي يجمل ( نكاوي جمع نكوة و هي بطاقة التعريف الوطنية ) ... و الي يقدّي و يعشّي فالقواشي هذك ياااتل راه عقابها ...و كل واحد يقني بقناه...... حكاية gاع ...روح اطلقني مش نتيجك !!!
ماام راني نشوف في الحالة راقدة هنا
...
امالا راني ليقتلكم اقتراح
القاشي راه يجري باه يولي مير ملهيه ... و انا قلت علاه ما نترشحش ... بصح مش في البلدية تاعي ...لا راكم قالطين !!
ههه
نترشح مير على اللمة
ههه
وش رايكم ؟ ههه
ها الجماعة تاع الادارة راهم سمحوا فالحالة هنا gاع
و المشرفين ديميسيوناو خلاص ..ههه...و الاعضاء حكمهم الرقاد و عرق الخباط ولاو يشاركو ق في الملف الشخصي برك
ههه
لذلك ... تنتخبو عليا ان شاء الله نوعدكم نجيبلكم الدقيق ... و البيض ... و بايط الزلميت ... و بايط الزيت تاع الصانgو ... و المقرون
ههه
ايا هذي هي
والي عجبو البرنامج تاعي ... يشارك في موضوعي هذا و يدير اشارة ليا و يطاgي لي يعرفهم باه يشاركو في موضوعي
و يفوطو عليا
و الي شايف كاش واحد اخر يستاهل باه يولي مير ... ماعليش يديرلو اشارة
ههه
ها باه تنشاط الحالة شوي
ههه
...
ايا بالعافية جماعة
ههه



ياخي مهبول ياخي...
نعطيك صوتي غير مادورش علينا مبعد كتر لمصروف برك
 
انا نترشح بشعار " انتخبوني و اذا لقيتوني حاسبوني " و نوعدكم نحققلكم كل الاماني اذا لقيتوني
فوتي على الرقم 28 ماتخافش راني هنا معاك يا مواطن يا قليل
انا تاع زواولة
28
ه‍ههههههههههههههه
 
السلام علك
راني فوطت عليك مادروك
المهم ماتنساش السكن F4 ولاراني نديرلك إنقلاب وإذا راك حاب نشوفلك 500صوت المهم تعطيني سكن
رانا معاك ياخويا صلاح إلى الأمام
 
آخر تعديل:
الديمقراطية لا تصلح لمجتمع جاهل ....الشئ نفسه ينطبق على المنتدى
السلام عليك أخ الكريم
لدي ملاحظتين
الأولى :الديمقراطية وهي مخالفة للشرع
والثانية إطلاق العموم بالجهل وتنزيلك للحكم على المنتدى
إذا كانت لديك نصائح أنشرها ولايهمك من يتبع او لا أما الحكم على المجتمعات أو الأعيان فهذا مخالف للشرع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top