اِهتمام الخطيبة أو الزوجة -يهمنِي رأيكم كثيرا-

[بشرى ملاك]

يا مريومة ختي متنخلعيش من شخص كيما هدا مانقولش راجل باسكو الرجلة ماشي هاك..
وين بان هدا مع اشخاص وحدوخرين لي يوصل يدخل صحابه للمنزل ويشوفو مرته ولا احترام لا جد ماليهم كيما قال عثمان عريوات...
هدا اكيد محقور يماه وكملتله خطيبته عنده كبت مسكين خرجه فلفيسبوك باش يقنع روحه ومبعد يقنع الناس بلي راجل وماعلابالهش بيها... كان يسنى في هاديك الردود واكيد عجبوه ومدام قبل يطيحو ويحكو على لي غادية تولي ام ولاده غدوة تان يتقبل كلش عليها...

 

[الأزرق الملكي]

وعليكم السلام ورحمة الله وبركاته
شكرا أخي عصام على ردك القيم بارك الله فيك
ولكن كما ذكرت سابقا مع الاخ الموضوع ماطرحتوش على اساس العلاقة بين الخطيبين لأنو هاد الامر مفروغ منو
وكما سبق وقلت للمخطوبين حدود لا يجب تجاوزها وكثرة الاتصالات تجيب الممل كما ذكرت ومشاكل عديدة
قد تكون قبل او بعد الزواج، يعني امر واضح انا ذكرت الخطيبة على أساس أنو القصة جات على لسان شاب
يتكلم على خطيبتو لكن لب الموضوع على الزوجين ولي غاضتني لما شفت شاب يتكلم على خطيبتو امام ناس
ماتسواش، هاديك لي بكاتني بغض النظر عن حرام وحلال يعني هادا أمر مفروغ منو ولكن تروح تتكلم على
امرأة رايحة تكون أم اولادك قدام خلق ربي ويسبوها نورمال؟ هادا لي غاضتني أولا لأني تخيلت نفسي مكان هاد
المرأة وزيد غاضتني عدم احترام مشاعر المرأة، مانحكيش على هاديك المرأة لي تعيط .. وينك؟ واش قاعد دير؟
مع من راك؟ شكون معاك؟ وكل 3 ثواني تعاود تتصل لنفس الاسئلة خاطر هادي راهي موسوسة وماعندهاش
ثقة في راجلها ورايحة تسببلها مشاكل وعندو الحق راجلها كي يقلق، لكن نتكلم على هاديك لي تتصل مثلا
الصباح ورا ما يروح راجلها للعمل تسقسيه اذا وصل لاباس ومن بعد في الغدا تتصل بيه اذا تغدا واذا احوالو لاباس
لعشية تسقسيه اذا يجي مباشرة للدار ولالا باه ماتتقلقش عليه وحتى ولو يقولها راني نتأخر تتقلق وتعاود تتصل
باه تطمن عليه يعني من اهتمامها بيه تتصل بيه بزاف باه تسأل على احوالو ماش باه تقلقو ولا تتوقب عليه
يعين أنت كرجل لو مرتك ديرلك هكا تروح للدار تسبها؟ تقولها واش دخلك تعيطيلي؟ رايح تحطملها مشاعرها
وحتى ولو كانت اتصالاتها مزعجة فهمها بطريقة بسيطة راهي تفهم وراهي انسان ماتحتاجش تجرحها بالكلام
يمكن هي تشوف اهتمامها بيك جابلها غير البخص والشتم وباه تتقرب للانسان بمحبة واهتمام ويقابلك بكلام ماش مليح
ماش امر سهل، نظن هادا كان لب موضوعي وهو احترام الرجل لهاد الامر العفوي في المرأة لأنها تتعامل بقلبها
اكثر من عقلها اما امور المخطوبين المتعلقة بالجانب الشرعي فلا غبار عليها
بارك الله فيك خويا وشكرا على كرم المرور​

السلام عليكم

مرحبا أختي مريم

لأنك ضربتي المثال بخطبين لهذا وضحت أن هناك إختلاف في تعامل الخطيبة لخطيبها و الزوجة لزوجها

المهم مثل هذه الأمور لايجب ان ننظر إليها بلغة العواطف بل بنظرة العقل و النضج لأن أباؤنا عاشوا بدون تواصل

وكانت حياتهم هادئة فالمراة يكفي أن تدعوا لزوجها بالستر عندما يخرج فلا أرى حاجة للإتصال كل وجبة أكل وكل يضع

ساعات لأنه يعتبر دلال فقط خصوصا الزيجات الجدد تبقى فيهم عادة التواصل عبر الهاتف مثلما كانوا قبل الزواج

أرى أن لا إفراط و لا تفريط يعني للضرورة و في حالة التأخر الزوج عن الرجوع إلى البيت أو تطلب منه شيء يشتريه

يعني للضروريات يصبح الاستفسار واجب لهذا قلت سابقا يجب يكون هناك ثقة و تفاهم بين الزوجين ويفهم عيوب بعضهما

كي تكون هناك تنازلات نسبية فلا يجب أن نرضي عاطفة الزوجة على حساب الزوج لأن هناك رجال لا يحبون من يراقبهم طوال اليوم

و لوكانوا من أفراد العائلة حتى كثرة المكالمة تكسر التشويق الذي يجب ان يكون بين الزوجين لهذا الإهتمام يجب أن نضعه في

حدود وإلا سيجعل الزوجة دائمة الخوف و الزوج دائم التوتر بسبب أشياء في غنى عنها .

تسلمي ​

 

[aljentel]

حتى تحمي شجرتك عن سموم القيض لتكون يانعه على الدوام تحمل بصدر رحب كل ما يصدر ممن تحب فالحب يجب ماقبله ..
ثم مالذي يزعج حينما تُسأل أين كنت او لماذا تأخرت ؟ الا اذا كان غيابك فيه شيء من الريبه وهنا تكون لاطبت ولاغدا شرك ..!
موضوع في غاية الاهميه فشكرا جزيلا ..
شكرا اسماء على الاشاره

 

[لؤلؤة قسنطينة]

موضوع في بلاصتو
هدي المرة مراح نقول والو
هادو يجاوبو عليه الرجال
الله يهدينا

اهلا حبيبتي وسام صباح الورد
معليش حبيبتي هو الجميع رايهم مهم في الموضوع ولكن حبيت الرجال أكتر
لأنو الامر يخصهم هوما أكتر نظن
شكرا على كرم مرورك حبيبتي وسام وكوني بالقرب لأنو الموضوع في النهاية باه نستفادو بيه جميعا
ربي يهنيك ان شاء الله​

 

[لؤلؤة قسنطينة]

السلام عليكم و رحمة الله تعالى و بركاته
اولا شكرا للاخت @عآشقة الجنـة على الاشارة في الموضوع
...
( نتكل قبل على الموضوع عامة ... و مبعد نهدر على السيد تاع الفيسبوك هذا )

... بالنظر لموضوعك اختي نمدلك رايي مباشرة ( رغم اني ماني خاطب ماني متزوج )
لازم نفرقو بين الخطيبة و الزوجة ..وبين الخطبة و الزواج ...... كيفاه ؟ ...
- نبداو بالخطبة و الخطيبة ... ضرك راها كاين تجاوزات كبيرة في الخطوبة
كيفاه يا عجابة ... الخطيب و الخطيبة راهم لسع غرباء على بعض مش ق خلاص تاهمو و صلو لحل معاناه خلاص راحت كل الحدود و اخدم ارضك يا فلاح
( ورأي الشرع في هذا الامر ربما اخر تماما على وش راني رايح نقول )
يهدرو صح لكن في حدود ... و مش في كل وقت ... و مش كل يوم ... لازم شوي حرمة لانهم لسع مش ازوج
................
- نروحو للزواج و الزوجة ... كاين زوجة من زوجة ... كاين الي تتقلق على زوجها و تحب تسال عليه و تشوف حالو
بصح كل شي عندو حدود ...
كاين الي مش عارف ...طبيعة فيها تنقر على راس زوجها و هذي مش هي ...
...
*** أما صاحبنا هذا الي ناشر عرضو في الفيس بوك و القاشي يسبلو في مرتو و لو راهم لسع في طور الخطبة
هذي مش هي قاع ... و هذا و الله ق جاتني عيب نقول عليه كلمة مدرحة لانو المقام الي رانا فيه ما يسمحلناش نتفوهو بمثل هذي الكلمات
قاشي لا حيا لا حشمة الله لا تربحهم ...
...
هذي هي اختي ... ان شاء الله تكون الفكرة صولت
و بارك الله فيكم​

وعليكم السلام ورحمة الله وبركاته
صباح الخير خويا صلاح وبارك الله فيك على ردك القيم جزاك الله خيرا
وفيما يخص الجانب الديني كيما قلت للإخوة لي قبل يعني الامر مفروغ منو والخطيب والخطيبة اليوم راهم عايشين كي المتزوجين
يعني كلامكم لا غبار عليه، اما فيما يخص لب الموضوع وهو سؤال الزوجة كيما قلت لي تسأل على زوجها باه تطمن عليه
ماش شك فيه يعني حابة رايك الشخصي، نتا اذا زوجتك نقولو تتصل بيك 5 مرات في اليوم باه تطمن عليك
هل هاد الامر يزعجك؟ واذا ازعجك كيفاه تتعالم معاها؟ يعني تتكلم معاها بلطف وتفهمها بطريقة حسنة
قصدي يعني تقدر الاهتمام تاعها ماتعتابروش مثلا فضول منها ولا شك
أما هاداك لي وضع الموضوع خليه برك ههههه خاطر اذا مشكل صغير كيما هادا يشاور فيه الناس مالا نهار يجيوه الولاد
بالاك يرميهم للناس يربيوهم، ربي يهديه برك وربي يعافينا ان شاء الله
شكرا خويا صلاح على كرم المرور وبارك الله فيك على الرد ربي يهنيك خويا
​

 

[لؤلؤة قسنطينة]

الله المستعان ..
كخطبة و كزواج فيه توفيق و سداد
وفق الاخوة في تعليقاتهم
ليس عندي ما ازيد على ما اثروه هنا

صباح الخير أخي وشكرا لكرم مرورك
صح الأعضاء بارك الله فيهم قدموا آراء قيمة ولكن تمنيت كذلك لو شاركتنا برأيك الشخصي
أكيد بعيدا عن علاقة الخطيبين من الجانب الديني ولكن فيما يخص لب الموضوع
واذا الزوج يقلق من مرتو ولو كي تعيطلو لأنها مقلقة عليه
يعني اذا ممكن تعطينا رأيك الشخصي وشكرا مسبقا
بارك الله فيك على المرور الطيب​

 

[لؤلؤة قسنطينة]

أولاً وقبل كل شيء...
اشكركِ شكراً جزيلاً على كتابتكِ لهذا الموضوع...

لأني حقاً كنتُ اتساءل بيني وبين نفسي...مثل تساؤلكِ ذاك...
لمَ اهتمام المرأة...وسؤالها...وحديثها...يكون مصدر ( إزعاج ) له..من شأنه حتى أن يغير مكانتها في قلبه...

ثم تساءلت تساؤلاً آخر...

هي تتصرف على طبيعتها...بعفويتها...هل عليها أن تتصنع وتتكلف؟ هل عليها أن تفكر ألف مرة قبل كتابة أو قول حرف؟
ثم إلى متى ؟
ثم يدور تساؤلاً آخر في ذهني...

وهو..إن كان يحبها ( بحق ) ..لأحبها بعيوبها قبل مميزاتها وحسناتها...
ولأَحب فيها كثرة اهتمامها وسؤالها...
ليس عليها أن تتصنع الثقل وعدم الاكتراث أمامه...فقد أحبها لأنها على ماهي عليه....


هذا ماكان ودي أن أقوله...وكنتُ أتمنى أن يكون هو الصواب...
لكني علمتُ فيما بعد...أنه ربما...أكون مخطئة في رأيي...ربما لأن الزمن غير الزمن...أو لأن الناس غير الناس...فلقد علمتُ أنه لاستمرار المحبة...يجب أن لانظهرها كلها مرة واحدة...

ومن المصادفة أني وجدتُ مايؤكد قولي في هذه العبارات:

يبدو أن عليها أن تبذل ( جهداً ) في طريق محبتها ذاك...للأسف ههه


شكراً لكِ مرة أخرى عزيزتي...واعذري لي إطالتي...

دمتِ في حفظ الله...

صباح الورد حبيبتي
شكرا على كرم مرورك وعلى ردك القيم
صراحة كل ما أردت قوله جاء في ردك ربما انفعلت كثيرا ولم أوصل الفكرة بشكل أفضل ولكنكِ في كلماتكِ لخصتِ الكثير
فأنا اعتبر عفوية المرأة في سؤالها عن زوجها يعبر عن محبتها وخوفها عليه واهتمامها به أليس زوجها وشريك حياتها؟
بالمقابل هذا الاهتمام يراه الزوج مبالغة وربما ازعاج، أنا لست رجلا لأعرف كيف يفكر الرجال وربما قد يشكل
بالفعل اهتمام المرأة ازعاجا لها ولكن يمكن أن يوصل لها فكرة انزعاجه بلطف فهناك بعض الرجال من يقابل اهتمام
زوجته بالسب والشتم، وكما قلتِ كيف لزوجة أن تتحمل زوجها في كل حالته وهي أم اطفاله تعتني بهم وتربيهم أحسن تربية
كيف للزوج أن لا يتحمل بعض عيوبها هذا ان كان اهتمامها من الاساس عيبا
وأظن كلامكِ صحيح يجب أن تبذل المرأة جهدا لتعبر عن اهتمامها ومحبتها للاسف
العفو حبيبتي كل الشكر لكِ على كرم المرور مع أن الموضوع ليس بالفصحى فكل الشكر لكِ على كرم تواجدكِ
ربي يحفظك ان شاء الله

​

 

[لؤلؤة قسنطينة]

يا مريومة ختي متنخلعيش من شخص كيما هدا مانقولش راجل باسكو الرجلة ماشي هاك..
وين بان هدا مع اشخاص وحدوخرين لي يوصل يدخل صحابه للمنزل ويشوفو مرته ولا احترام لا جد ماليهم كيما قال عثمان عريوات...
هدا اكيد محقور يماه وكملتله خطيبته عنده كبت مسكين خرجه فلفيسبوك باش يقنع روحه ومبعد يقنع الناس بلي راجل وماعلابالهش بيها... كان يسنى في هاديك الردود واكيد عجبوه ومدام قبل يطيحو ويحكو على لي غادية تولي ام ولاده غدوة تان يتقبل كلش عليها...

صباح الورد أختي بشرى ان شاء الله احوالك بخير
والله يا أختي قلب الانسان يولي دم لما يشوف اشباه الرجال هادو لي لا تربية ولا حشمة ولا غيرة ولا رجولة ولا اي شي
بكري الناس أمور كبيرة جدا ويفريوها الرجال بين بعض ودرك يجي امر تافه يحكيه قدام الناس كامل
انا مرأة وداتني الغيرة على الطفلة وهو راجل وجاتو نورمال والله عيب هاد الشي
ربي يهدينا برك ويهديهم ويعافينا ان شاء الله
شكرا حبيبتي بشرى على كرم المرور بصح ماقلتيليش رايك حول موضوع اتصال الزوجة الدائم بزوجها باه تشوف احوالو
حيث هي تعبر على اهتمامها وهو يشوفو ازعاج
اذا قدرتي اعطينا رايك حول الموضوع وبارك الله فيك غاليتي على تواجدك القيم​

 

[لؤلؤة قسنطينة]

السلام عليكم

مرحبا أختي مريم

لأنك ضربتي المثال بخطبين لهذا وضحت أن هناك إختلاف في تعامل الخطيبة لخطيبها و الزوجة لزوجها

المهم مثل هذه الأمور لايجب ان ننظر إليها بلغة العواطف بل بنظرة العقل و النضج لأن أباؤنا عاشوا بدون تواصل

وكانت حياتهم هادئة فالمراة يكفي أن تدعوا لزوجها بالستر عندما يخرج فلا أرى حاجة للإتصال كل وجبة أكل وكل يضع

ساعات لأنه يعتبر دلال فقط خصوصا الزيجات الجدد تبقى فيهم عادة التواصل عبر الهاتف مثلما كانوا قبل الزواج

أرى أن لا إفراط و لا تفريط يعني للضرورة و في حالة التأخر الزوج عن الرجوع إلى البيت أو تطلب منه شيء يشتريه

يعني للضروريات يصبح الاستفسار واجب لهذا قلت سابقا يجب يكون هناك ثقة و تفاهم بين الزوجين ويفهم عيوب بعضهما

كي تكون هناك تنازلات نسبية فلا يجب أن نرضي عاطفة الزوجة على حساب الزوج لأن هناك رجال لا يحبون من يراقبهم طوال اليوم

و لوكانوا من أفراد العائلة حتى كثرة المكالمة تكسر التشويق الذي يجب ان يكون بين الزوجين لهذا الإهتمام يجب أن نضعه في

حدود وإلا سيجعل الزوجة دائمة الخوف و الزوج دائم التوتر بسبب أشياء في غنى عنها .

تسلمي ​

وعليكم السلام ورحمة الله وبركاته
صباح الخير أخي عصام وبارك الله فيك على العودة مجددا لإثراء الموضوع
وكما أخبرت الأخ الأمين محمد أنا طرحت الموضوع هنا في اللمة لأنو علابالي فيها ناس واعيين ورايحين يفديونا بآراءهم
في النهاية قسم الحياة الزوجية ماراهوش مفتوح باطل رانا هنا باه نستفادو منو كامل ان شاء الله
والله معك حق فيما يخص ذكر الخطيبة في الموضوع، البارح كنت شوي مقلقة ولقيت هاداك المنشور في طريقي ساع بردت فيه قلبي ههههه
لدرجة الفصحى نسيتها لكن لب الموضوع لا يختلف ربما غلطت شوي في ايصال الفكرة لكن لب الموضوع متعلق باتصال الزوجة المتكرر
وحسب مافهمت من كلامك أنو الرجل بطبعه مايحبش خلاص المرأة تتصل بيه إلا للضرورة أو مرة على مرة كي تكتر معليش هههه
يعني مرة في الفال ماش كيما دايما، يعني فكرتك وصلتني لكن فقط نأكد على حاجة لو الرجل فقط يوصل هاد الفكرة بشكل لطيف
المرأة انا نشوفها كي الطفل الصغير تطمعها بكلام حلو تفهمك يعني لي يشوف مرتو تكتر عليه يشرحلها الوضع ويفهمها تفهم وتعود تحترم
خصوصيات زوجها، لأنو كاين رجال يقابل اهتمام زوجتو بالعنف حتى ولو هي غالطة وحتى ولو هي كترت عليك الاتصالات ماتلحقش للسب والشتم
يعني فهمتني واش حابة نقصد؟ الرجل ولا المرأة الاثنين فيهم عيوب ونقدرو نعالجو العيوب بحكمة ماش بعنف يعني انا كإمرأة ماعلاباليش الرجل
في واش يفكر انا ندير حاجة بحسن نية بصح كي يفهمني بلطف بلي الشي هادا غالط نفهم ونحاول نحسن من نفسي لكن لما يقابل الخطا تاعي
بالعنف تجرحني الحاجة هادي ومانوصلش لنتيجة، لازم كل من الطرفين يعرف كيفاه يتعامل برك مع الآخر ويوصلو لحل ويعيشو حياة سعيدة
كيما قلتها ناس بكري ماكانش عندهم هاتف ماتقدرش المرأة تسقسي على راجلها لكن درك كلي كلشي متوفر بضغطة زر تتكلم الزوجة مع زوجها
لازم الزوج برك يعرف كيفاه يعالج المشكلة بحكمة هادا ماكان، نتمنى فكرتي تكون وصلت
وشكرا جزيلا على اعطاء الموضوع أهمية والمشاركة فيه مرتين لأنو هدفي أولا وآخرا الاستفادة فقط والخروج بعقل واعي قادر على تحمل المسؤولية
ولي هي مسؤولية الزواج يوما، بارك الله فيك
​

 

[لؤلؤة قسنطينة]

حتى تحمي شجرتك عن سموم القيض لتكون يانعه على الدوام تحمل بصدر رحب كل ما يصدر ممن تحب فالحب يجب ماقبله ..
ثم مالذي يزعج حينما تُسأل أين كنت او لماذا تأخرت ؟ الا اذا كان غيابك فيه شيء من الريبه وهنا تكون لاطبت ولاغدا شرك ..!
موضوع في غاية الاهميه فشكرا جزيلا ..
شكرا اسماء على الاشاره

صباح الخير أخي
وشكرا لكرم مرورك وردك على الموضوع
يعني أنت موافق أن المرأة تسأل زوجها بين الحين والآخر؟ ولا يشكل هذا ازعاج لك؟
يبدو أن رأيك مختلف عن البقية ^^
أتمنى توضيح لرايك أكثر وبارك الله فيك مجددا على كرم مرورك​

 

[Hakan]

يعني من موضوع الاخت الكثير ابتدأ بمسئلة تحدث الخطيب مع خطيبته لكن الموضوع ارفع من هذا واعلى منو واللي يتكلم على ظاهرة نفسية موجودة في المجتمع نتاعنا وهي قلة التواصل بين الجنسين
ذكور واناث اخ او اخت ام واب زوج وزوجة خطيب ومخطوبة وكي نقولو قلة التواصل مش معناتها اتصالات وغيرها نقصد بيها التواصل العاطفي يعني الاخ يسب في ختو والاخت ترد على خوها
الزوج يشتم الزوجة والزوجة تشتم الزوج وهكذا يعني هذي مشكلة منطلقها الطفولة نتاع الانسان الجزائري او المواطن الجزائري اللي غالبيتها لم تمتاز بالحنان يعني العنف سيد الطفولة الام من صغرها
تربي الابن على السلطنة على ختو ماشي حب اختو والاب كذالك يربي الابن على السلطة يعني انت مول الدار في حين ما علموش انو انت حامل لامانة الدار
الازواج ثاني كيف كيف المراة تعلمها الام نتاعها انو الراجل لازم ما تغفلش عليه كي شغل تعلمها الامنيات قبل لا تعلم القلبيات واللي هي مهمة جدا تلقاها كل يوم عند راسو بالشك
والابن للاسف الشديد وهنا مربط الفرس يعلموه صحابة ..وهنا نرجع للسطر ونبدا الحكاية .

ياخاوتي نحبو ولا نكرهو اغلب شباب الجزائري يتعلم ثقافة الزوجة من رفاق السوء وثقافة الزوجة يعني من كل الجهات طرق التكلم معاها طرق معاملتها حتى في الفراش يعلموه كيفاش يكون
وللاسف الشديد اغلبت النصائح يكون منطلقها تخيلات هوما ماهومش عارفين مصدرها وراكم تعرفو اصحاب السوء واللي تحيرني تصيب هذا الانسان في كي كل مشكلة يسقسي صاحبو هذا
على مرتو كيفاش ندير وكيفاش نصنع وحنا كيما تعرفو الرجلة هذي قاتلتنا اغلب الشباب الجزائري مريض بمرض الرجلة نتاع بكري بصح ما يدير والو
تلقايه يعطيه نصائح مرتك لازم تسكتها لازم انت هو سيد الدار يقلو حتى اذا كان هو متزوج انا مرتي نديرلها ونصنعلها ولوكان تقلي هاك ولا هاك نطلقها ورانا نشوفو في النتائج
نرجع ضركي للموضوع المهم :
واللي هي مشاعر الانثى صدقيني يااختي ماكانش راجل في الدنيا يقدر يفهم المرا علابيها ديما ديما تصرى المشااكل انا واحد من الناس ساعات الام نتاعي كي تكثر السؤال عليا نقلها راكي عييتيني
لانو ما نحبش بزااف التفاااصيل مالغري هي نفسية الام انا ما جربتش الخطيبة او الزوجة ونشالله نجربوه ورايح يكون تصرفي هو هو يعني نعطي الرابور والتقرير كي ندخل للدار
لكن ما نعنفش علاه سقسات عليا وما نشتمش كيما الغالبية نفهم وين كنت واذا كان الامر بسيط ومافيهش اي داعي نكتم التقرير ونقلها ماكاين والو وهنا لازم المرا تفهم
راجلها اذا كان زوجها انسان يخاف ربي وتعرفو من اخلاقو كي يقلها مكان والو تغلق الفم نتاعها وتقوم بالواجب نتاعو وهنا تخرج الثقة الحقيقية اما اذا تعرف راجلها نتاع هاك وهاك
لثم تستخدم الذكاء باش تخرج التقرير من اللسان ...
اما هذا الراجل يعني مافهمتش علاه جرحتو الرجولة نتاعو وقلتو عليه ما يسواش يعني اذا كانت عندي مشكلة مع الزوجة نتاعي مالازمش نطرحها وقسم مشكلتي يعج بهذي المشااكل ..

المراة كائن حساس وعاطفي بزااف الرجل كائن منطقي وعقلاني ويحب الحرية
تالمون المرا تقعد بزااف في الدار كبر في الذهن نتاعها مصطلح الخوف من الخارج علابيها ديما ديما تخاف من واش يصرا في الخاارج
والراجل تربى على الخارج واغلب اليوم نتاعو برا من صغرو حتى الممات لهذا صعب جدا انو واحد اي كان رجل او امراة يقلو
اعطيلنا تقرير على الخارج نتاعك والله اعلم بالتوفيق .​

 

[لاريمان]

السلام عليكم ورحمة الله وبركاته
الموضوع موجه للشباب لكن وجعني قلبي من المستوى الهابط للذكورالي علقوا كما ذكرت
انطلاقا من الواقع لم يعد هناك رجل بما تحويه الكلمة شكلا ومضمونا يعني ذكر وراحت لانو تشبه بالمرأة الا قلة قليلة ربي يحفظهم
لولاهم لكانت الكارثة
الشاب تاع سروال لمقطع وصبيغة والمناقش وقت فراغو في النت ويعمر راسو بالكاشيات
ماننتظر منو غيرالمستوى الهابط وتدني التفكير
شكرا جزيلا على الطرح المميز للموضوع​

 

[بشرى ملاك]

صباح الورد أختي بشرى ان شاء الله احوالك بخير
والله يا أختي قلب الانسان يولي دم لما يشوف اشباه الرجال هادو لي لا تربية ولا حشمة ولا غيرة ولا رجولة ولا اي شي
بكري الناس أمور كبيرة جدا ويفريوها الرجال بين بعض ودرك يجي امر تافه يحكيه قدام الناس كامل
انا مرأة وداتني الغيرة على الطفلة وهو راجل وجاتو نورمال والله عيب هاد الشي
ربي يهدينا برك ويهديهم ويعافينا ان شاء الله
شكرا حبيبتي بشرى على كرم المرور بصح ماقلتيليش رايك حول موضوع اتصال الزوجة الدائم بزوجها باه تشوف احوالو
حيث هي تعبر على اهتمامها وهو يشوفو ازعاج
اذا قدرتي اعطينا رايك حول الموضوع وبارك الله فيك غاليتي على تواجدك القيم​

يا حبيبتي شوفي المراة ماتصبرش تسقسي تسقسي مهما كانت مزعجة ولكن الاحسن ماتسمطش عليه وتخلي له شوية حرية ماشي غير تزوج بيها راه ليها وحدها وتملكه وتملك وقته يبغي يخرج مع صحابه يبغي يروح لدارهم يشوف حبابه تسقسيه ادا طول تتهول عليه مي ماشي عارفة راه مع صاحبه ولا عند يماه وهي تهبل فيه بتيليفونات والله ختي دي فوا راجلي يكون عند يماه ونبغي ندخل فتليفون باش نعرف واش راهم يحكو هههههه بصح نزير على روحي ونخليه حتى يحكيلي هو باش مايكرهش مني ولا يحسب راني نكره يماه ولا خايفة كاش ماتقوله... وكي يخرج مانعيطلهش ابار ادا حتاجت كاش حاجة يجيبهالي معاه من برا سي تو...
والمراة كيما كانت فضولية غير واش لازم تتحكم فهاد الفضول...
وهدا خطيتبه بلاك مسكينة تبغيه وبغات توريله بلي مهتمة بيه وهو مايبغيش هكا من الاحسن يفهمها...
وانا كونتر الراجل لي يدخل الناس في مشاكله مع الخطيبة ولا الزوجة...

 

[لؤلؤة قسنطينة]

يعني من موضوع الاخت الكثير ابتدأ بمسئلة تحدث الخطيب مع خطيبته لكن الموضوع ارفع من هذا واعلى منو واللي يتكلم على ظاهرة نفسية موجودة في المجتمع نتاعنا وهي قلة التواصل بين الجنسين

مساء الخير، أهلا بيك خويا حكيم وشكرا على ردك القيم
وبالفعل أن اسلطت الضوء على جانب التواصل أكثر من الجانب الديني لأنو هاداك أمر مفروغ منو
أما التواصل بين الطرفين وغيصال مشاعر كل منهما للآخر هو لب المشكلة

ذكور واناث اخ او اخت ام واب زوج وزوجة خطيب ومخطوبة وكي نقولو قلة التواصل مش معناتها اتصالات وغيرها نقصد بيها التواصل العاطفي يعني الاخ يسب في ختو والاخت ترد على خوها
الزوج يشتم الزوجة والزوجة تشتم الزوج وهكذا يعني هذي مشكلة منطلقها الطفولة نتاع الانسان الجزائري او المواطن الجزائري اللي غالبيتها لم تمتاز بالحنان يعني العنف سيد الطفولة الام من صغرها
تربي الابن على السلطنة على ختو ماشي حب اختو والاب كذالك يربي الابن على السلطة يعني انت مول الدار في حين ما علموش انو انت حامل لامانة الدار
الازواج ثاني كيف كيف المراة تعلمها الام نتاعها انو الراجل لازم ما تغفلش عليه كي شغل تعلمها الامنيات قبل لا تعلم القلبيات واللي هي مهمة جدا تلقاها كل يوم عند راسو بالشك

ربما هذا جزء مهم من المشكلة هو أنو كل طرف ماتعلمش يتعامل مع الطرف الآخر بحكمة ولا بمعاملة حسنة
كيما قلتها الزوجة من لي تتزوج وهي تتوعد الزوج ومديا عليه نظرة ماش مليحة وتستغرب كيفاه تزوجت بيه وهي ماش حاط فيه الأمان
وتحاربو كل دقيقة، وكذلك الرجل يعتبر مرتو عبارة عن كائن يمشي بالضرب والسب والشتم كأنها ماش من فصيلة البشر
بدل ما يعاملها بلطف ويحط فيها ثقة مثلما هي تحط فيه ثقة، يعني زوج متزوجين متزوجين شكليا برك أما داخليا يعني من ناحية
المشاعر والتواصل تلقاهم صفر

والابن للاسف الشديد وهنا مربط الفرس يعلموه صحابة ..وهنا نرجع للسطر ونبدا الحكاية .

ياخاوتي نحبو ولا نكرهو اغلب شباب الجزائري يتعلم ثقافة الزوجة من رفاق السوء وثقافة الزوجة يعني من كل الجهات طرق التكلم معاها طرق معاملتها حتى في الفراش يعلموه كيفاش يكون
وللاسف الشديد اغلبت النصائح يكون منطلقها تخيلات هوما ماهومش عارفين مصدرها وراكم تعرفو اصحاب السوء واللي تحيرني تصيب هذا الانسان في كي كل مشكلة يسقسي صاحبو هذا
على مرتو كيفاش ندير وكيفاش نصنع وحنا كيما تعرفو الرجلة هذي قاتلتنا اغلب الشباب الجزائري مريض بمرض الرجلة نتاع بكري بصح ما يدير والو
تلقايه يعطيه نصائح مرتك لازم تسكتها لازم انت هو سيد الدار يقلو حتى اذا كان هو متزوج انا مرتي نديرلها ونصنعلها ولوكان تقلي هاك ولا هاك نطلقها ورانا نشوفو في النتائج

بصراحة هاد النقطة بالذات مانقدرش نقولك اذا هيه ولالا خاطر أمر يخص الرجال ولكن فيما يخص تاع مرتي انا نديرلها ونضربها
وكن دير نطلقها هادي ربما نوافقك عليها خاطر شفتها في التعاليق تاع المنشور هادا بعد لي هدرت عليه، كاين حتى لي قالو مرتي
انا نتحكم فيها وكن تحل فمها نبعتها لدار باباها، يعني كيما قلتها الرجلة يبينوها في امور تافهة خاطر الرجلة ماش تضرب مرتك كي تسقسي عليك
وللأعراس تبعتها بكامل فتنتها وتسمحلها تخرج للسوق تقضي في بلاصتك وتحكي مع الخضار وتخرج محمرة تما مايتولهوش للرجلة
بصح كي تسقسي عليه مرتو يتفكر الرجلة للاسف

نرجع ضركي للموضوع المهم :
واللي هي مشاعر الانثى صدقيني يااختي ماكانش راجل في الدنيا يقدر يفهم المرا علابيها ديما ديما تصرى المشااكل انا واحد من الناس ساعات الام نتاعي كي تكثر السؤال عليا نقلها راكي عييتيني
لانو ما نحبش بزااف التفاااصيل مالغري هي نفسية الام انا ما جربتش الخطيبة او الزوجة ونشالله نجربوه ورايح يكون تصرفي هو هو يعني نعطي الرابور والتقرير كي ندخل للدار
لكن ما نعنفش علاه سقسات عليا وما نشتمش كيما الغالبية نفهم وين كنت واذا كان الامر بسيط ومافيهش اي داعي نكتم التقرير ونقلها ماكاين والو وهنا لازم المرا تفهم
راجلها اذا كان زوجها انسان يخاف ربي وتعرفو من اخلاقو كي يقلها مكان والو تغلق الفم نتاعها وتقوم بالواجب نتاعو وهنا تخرج الثقة الحقيقية اما اذا تعرف راجلها نتاع هاك وهاك
لثم تستخدم الذكاء باش تخرج التقرير من اللسان ...

كيما قلتها حتى الأم تسقسي على ولدها كل ما يخرج وكل دقيقة بعكس الأب تجيه نورمال على هادي ماش غريب من الزوجة
تسقسي على زوجها لكن في المعقول، الاسئلة هاديك تاع الشك هاديك راهيت اع الموسوسين سواء من الرجل ولا المرأة
خاطر كاين الرجال لي عندهم غيرة زايدة لي كل ثانية يتصل بمرتو وبدون اي سبب يضربها خاطر عندو عقدة معينة
يعني المشكلة ماش غير في المرأة، لكن انا نتحدث على المرأة العادية لي كي يروح راجلها تسقسيه كيفاه جاز نهارو اذا مليح ولالا
ماش وين قعدت ومع من قعدت وعلى قداه خرجت بالساعة والدقيقة والثانية، يعني كاين امور مقبولة داخلة في الاهتمام
وكاينة لي تابعة للتحقيقات

اما هذا الراجل يعني مافهمتش علاه جرحتو الرجولة نتاعو وقلتو عليه ما يسواش يعني اذا كانت عندي مشكلة مع الزوجة نتاعي مالازمش نطرحها وقسم مشكلتي يعج بهذي المشااكل ..

خويا حكيم ماش كيف كيف، لو الانسان هادا حط مشكلة ضخمة تتعلق بحالة طلاق ولا امور كبيرة تتطلب استشارة معليش
راهم تاع قسم مشكلتي يطلبو النصح أولا لأنو معظم المشاكل كبيرة وتاع عايلة وثانيا خاطر قاعدين يستشيرو في ناس واعيين ماشاء الله
كاين منهم المتزوجين والواعيين والمثقفين ماش تاع الفايس بوك لي نصهم علاقتو بربي مايعرفهاش وزيد تحكيلو على مشكل خاص
كيما هادا لي تقدرو تحلو وحدك، اذا كان راجل مايقدرش يلقى حل لأمر بسيط كيما هادا مالا نهار يتزوج ويصراولو مشاكل
كبار مالا يروح للنهار تيفي، اما لي خلاتني نقول عليه ماش راجل لأنو خلا ناس ماتسواش تتكلم في مرتو وتسبها
كيفاه تجي للفايس بوك تشاور ناس ماحتارموش حتى لي خلقهم ينوضو يسبو الله تعالى ويرقدو يسبوه تجي نتا تطلبم نهم النصيحة؟
وترضاها نتا مرتك عرضك وشرفك يسبوها قدامك آلاف أشباه الرجال ونتا تتفرج فرحان؟ انا مافهمتش ماعجبوش الحال
كي مرتو ولا خطيتو تعيطلو كل يوم من بابا الرجلة ويشوف فيا لرجال تسبلو في مرتو وماتحركش قلبو يعني بدون تعليق

المراة كائن حساس وعاطفي بزااف الرجل كائن منطقي وعقلاني ويحب الحرية
تالمون المرا تقعد بزااف في الدار كبر في الذهن نتاعها مصطلح الخوف من الخارج علابيها ديما ديما تخاف من واش يصرا في الخاارج
والراجل تربى على الخارج واغلب اليوم نتاعو برا من صغرو حتى الممات لهذا صعب جدا انو واحد اي كان رجل او امراة يقلو
اعطيلنا تقرير على الخارج نتاعك والله اعلم بالتوفيق .​

آخر ماقلت خويا حكيم كلام في محلو نظن خاطر كيما قلت المرأة والفت الدار وتخاف من الشارع
يعني تخاف على أي شخص قريب ليها من مكان مخيف بالنسبة ليها مادابيها تطمن قلبها مادابيها كي يروح ولدها ولا راجلها تطمن بلي ماصرالو والو
لكن الراجل بالمقابل يفهمها بلي حابة تضيق عليه ويولي بدل مايفهم مشاعرها يرجعها بالسب والشتم وجرح المشاعر
يعني يقدر إما يتفهم مشاعرها وإما يفهمها بلطف باه تنقص خوفها عليه هادا ماكان
وربي يوفق كل المتزوجين ان شاء الله
بارك الله فيك خويا حكيم على المرور الطيب وعلى الاضافة القيمة، جزاك الله خيرا

​

 

[ليليا مرام]

السلام عليكم مريومة
اولا لعيونك اتنازل ونخليك تفرغي قلبك خير من تروحي تكسري الماعن فالدار
نرجع للسوجي نقولكم ونعاود الكائنات هذو ما تعمروش راسكم بيهم يا مريم اول شي الناس من هذا النوع رجعت تعالج مشاكلها فالفايس بوك ونكونو صراحا أختي كالمرا كالراجل فمرة نلقى وحدة كل دقيقة تحط واش راهي ديري وتوري فدارها وحتى مرة وحدة فضيحة تحكي على إنها عروسة وطولت ما حملتش وتفسرلهم كل شي وتعليقات سخرية على راجلها ما نحكيلكش وهي ترد قوليلي هذي بنت فاميليا ماشي حرام عليها الراجل هذا اللي الناس الكل تعاير فرجولتو نفس الشيء للسيد هذا
قضية يحكي وينشرو تبهديلتهم قدام الناس رجعت عادي ما تستغربيش منها الاوروبيون إخترعو الفايس للعرب خاطر يعرفوهم يكسرو كل قوانين الإختراع
نرجعوا لقضية سؤال الخطيبة يا أختي انا وحدة من الناس نحب نفهم كل حاجة وين راح مع من جا وواش دار مش من باب مركز شرطة لالا في حدود نفهم منو وكنت مخطوبة وكل شوي نعيط ونفس الشي لما كنت نخرج هو كل شوي يعيطلي متفاهمين وانا نتقلق لو ما يردش لكن يقولي راني خدام خلاص ساعات حتى يقولي قتلك خدام ماشي رحلت ما نحوسش حتى يكمل ويعيطلي وحدو الرجال هذو شوفي كيما ديري معاهم تحيري تهمليهم يقولك ختك كاينة فالسوق على اساس خوه ماكاش تهتمي يقولي تجيف فيا جيفوهم في نخلة قولو آمين الصراحة مريم ديري كيما أختك طنشي المجموعات والهدرة ماشي عباد هذو تعمري راسك بيهم ولما يكتب المكتوب ويجيك راجل حطي شروطك واذا بنتيلو بوليسية خليه يندب شوفي زميل فالعمل ههههه بوليسي طبعا راح يتفهم ههههه
الله يهدي أو يدي ينقص شوي عباد من هذو الأشكل عشنا ورانا نشوفو ونزيدو نولو بث مباشر العام الجاي تلقاي فايس بوك اون لاين من حياتهم للشعب كامل شكرا

 

[الامين محمد]

وعليكم السلام ورحمة الله وبركاته
بارك الله فيك أخي الأمين على ردك القيم وعلى مرورك الطيب
ورايحة نجاوب على كل قسم قسمت بيه الرد تاعك ان شاء الله
أولا فيما يخص أول قسم فلا غبار على كلامك وبارك الله فيك على النصائح القيمة لأنه من الاساس
ماحبيتش نعالج الجانب الديني لأنو أمر مفروغ منو وكما قلت للإخوة من قبل ربما ذكرت الخطيبة في عنوان الموضوع
لأنو لب القصة على لسان شاب يتكلم على خطيبتو على هادي ماقدرتش ندير الموضوع على الزوجة والموضوع
يحكي على الخطيبة، لذلك النصائح المتعلقة بالجانب الديني لا غبار عليها وموافقة عليها لانو لب موضوعي على
مشاعر المرأة اذا لقات مقابل اهتمامها بزوجها شتم ولا معاملة سيئة
أما القسم الثاني فهو ربما القسم الاهم وهو الذي دفعني لكتابة الموضوع خاطر اقسم بالله قلبي وجعني لدرجة البكاء
كي شفت راجل يتمسخر بمرتو ولا يحطها يتمسخرو بيها قلال التربية غاضتني بزاف مهما كانت الانسانة هادي
اما القسم الثالث وهو الأهم ولب الموضوع ربما علي أن أضع خطا عريض وباللون الأحمر تحت جملة المرأة كالطفل
لأنها فعلا كالطفل من ناحية المشاعر ورقة تعاملاتها وكذلك هي منبع حنان تلقاها تتقلق بزيادة وتخاف بزيادة
يعين بعيدا عن المرأة الموسوسة والمرأة لي تحب تقوم باشياء باه يشوفها الغير نتكلم على الرمأة لي تشوف نفسها
بالنسبة لزوجها كأنها يماه، حيث تخاف عليه وتسقسي عليه وتطمن عليه كل دقيقة خوفا عليه ربما احيانا تتعدى الحدود
ولمن ليس لدرجة السب والشتم تقدر تتكلم معاها بعطف ولطف وهي تفهم، ونت يا أخي الامين ألا تتصل
بك زوجتك بين الحين والآخر تطمن عليك كي تتأخر ولا تروح بلاصة؟ وهل تشوف اتصالاتها تنقص من قيمتك
ولا حبس ليك؟ ولا تشوفها اهتمام ؟ وهل سبق ان مثلا عصبت عليها ولا عيطت عليها فقط لأنها اتصلت بيك؟
حابة نسمع منكم الاجابة من الواقع لأنو لي ردو على التعليقات مايستاهلوش حتى الانسان يقيمهم لكن انتم رجال
مثقفين وواعيين على هادي طرحت الموضوع بيناتكم باه نتناقشو فيه
وشكرا جزيلا على كرم مرورك بارك الله فيك​

أهلا أختي مريومة
رايح أجاوب على سؤالك بكل صدق
أختي رؤيتي لزوجتي ربما مختلفة نوعا ما لا أعلم لماذا ربما بسبب نوعية شخصيتي و طريقة تفكيري
اختي أنا زوجتي ليست مجرد زوجة بل أراها صديقتي و حبيبتي و جزء من روحي و قطعة من قلبي و جسدي
لا أخجل بها و لا بذكرها بل افتخر بها و بحبها فهي تاج راسي و أم أولادي و شضريكة حياتي حلوها و مرها
فكم أمتزجت دموعنا و ضحكاتنا فكفها مسح دموعي و يدها حملت لي الدواء و قلبها حمل لي الحب و الوفاء
و ابتسامتي هدفها و راحتي غايتها و ديني همها يوم جعت أطعمتني و يوم مرضت سهرت لي
أنا صفحة شفافة أمامها لا أخفي عنها أمري صغيره و لا كبيره
أيام كان معي هاتف و كانت ضروفي المادية تسمح لي جعلت لها خط ( لالين ) تحدثني مجانا وقتما شاءت
و كنت أفتح الهاتف في أي مكان أكون فيه في مجالس الاصحاب او في الملعب او في المسجد
و أبادرها بكلمة حبيبتي و أمام أصحابي و لأا اخجل من ذالك أسعغد باتصالها و احمد الله أن
جعل لي قلبا يتذكرني في غيابي و في كل لحظة و اسعد عندما تقول لي إشتقت لك فأردت سماع صوتك
و أرجوا أن لا تتأخر في العودة إلى البيت
ربما تربيتي و أخلاقي جعلها تتأكد أنني لن أتواجد في المكان الخطأ مهما كانت الاسباب
و حتى مكانتي الاجتماعية جعلها تحترمني في طريقة سؤالها أو اتصالها فلم تبالغ و لم تشك
و ربما الثقة الكاملة التي أضعها في شخصها جعلها تبادلنا نفس الثقة
الآن ليس معي هاتف و هي تخلت عن خطها لكن أتخيل , احس أوقات إتصالها , احس و أسمع أسئلتها
و أجيب عليها . لما أعود إلى البيت أقول لها لقد أحسست أنك تساءلت عن تأخري و عرفت أنك وقفت عند النافذة ترمقي عودتي
فتجيبني فعلا كما تخيلت وقع معي
أعتذر عن الثرثرة أختي مريومة

 

[لؤلؤة قسنطينة]

السلام عليكم ورحمة الله وبركاته
الموضوع موجه للشباب لكن وجعني قلبي من المستوى الهابط للذكورالي علقوا كما ذكرت
انطلاقا من الواقع لم يعد هناك رجل بما تحويه الكلمة شكلا ومضمونا يعني ذكر وراحت لانو تشبه بالمرأة الا قلة قليلة ربي يحفظهم
لولاهم لكانت الكارثة
الشاب تاع سروال لمقطع وصبيغة والمناقش وقت فراغو في النت ويعمر راسو بالكاشيات
ماننتظر منو غيرالمستوى الهابط وتدني التفكير
شكرا جزيلا على الطرح المميز للموضوع​

وعليكم السلام ورحمة الله وبركاته
أهلا حبيبتي لاريمان ومبروك الاشراف ^^ ان شاء الله بالتوفيق عزيزتي
لا معليش حبيبتي شاركي كيما تحبي الموضوع مووضعك ربما المعنيين أكثر هوما الرجال لكن حتى للأخوات الحق في المشاركة
أما فيما يخص ردك راكي قلتيها يا أختي هادو ذكور لكن ماش رجال لأنهم يسبو مرت راجل وتفكيرهم راح لبعيد
ولكن كيما ذكرتي الناس تشاور المثقف باه يعطيها رأي حكيم ولي يشاور مثل هاد الناس لي مستواهم هابط رايح يسمع منهم
غير مالا يرضي، ربي يهديهم برك ويهدينا ويعافينا
العفو حبيبتي كل الشكر لك على مرورك الطيب والجميل في الموضوع ربي يهنيك ان شاء الله​

 

[لؤلؤة قسنطينة]

يا حبيبتي شوفي المراة ماتصبرش تسقسي تسقسي مهما كانت مزعجة ولكن الاحسن ماتسمطش عليه وتخلي له شوية حرية ماشي غير تزوج بيها راه ليها وحدها وتملكه وتملك وقته يبغي يخرج مع صحابه يبغي يروح لدارهم يشوف حبابه تسقسيه ادا طول تتهول عليه مي ماشي عارفة راه مع صاحبه ولا عند يماه وهي تهبل فيه بتيليفونات والله ختي دي فوا راجلي يكون عند يماه ونبغي ندخل فتليفون باش نعرف واش راهم يحكو هههههه بصح نزير على روحي ونخليه حتى يحكيلي هو باش مايكرهش مني ولا يحسب راني نكره يماه ولا خايفة كاش ماتقوله... وكي يخرج مانعيطلهش ابار ادا حتاجت كاش حاجة يجيبهالي معاه من برا سي تو...
والمراة كيما كانت فضولية غير واش لازم تتحكم فهاد الفضول...
وهدا خطيتبه بلاك مسكينة تبغيه وبغات توريله بلي مهتمة بيه وهو مايبغيش هكا من الاحسن يفهمها...
وانا كونتر الراجل لي يدخل الناس في مشاكله مع الخطيبة ولا الزوجة...

اهلا حبيبتي بشرى ومرحبا بعودتكِ وبردك القيم
كلامك كلو صحيح وراهو عن تجربة ماشاء الله
وانا معاك في كل لي قلتيه المرأة مالازمش تضغط على الرجل باه ما يكرهش منها وما يتقلقش يعني تتصل بيه للضرورة فقط
كيما قلتي اذا طول تسقسي عليه ولا كاشما حتاجت حوايج للدار ولا كاشما صرا في الدار
وبالمقابل اذا كترت المرأة السؤال يعرف هو كيفاه يتعامل معاها ويوصلها الفكرة بلعقل برك باه مايجرحش مشاعرها
يعني شوي من عندو وشوي من عندها وهي رايحة باه تمشي الحياة الزوجية بسعادة
أما فيما يخص لي يسقسي الناس وكن حتى جاو اقاربو هادو برانية عليه يستشريهم في امر مهم بينو وبين خطيبتو
هادو يعني مالقى العبد مايقول فيهم غير ربي يهديهم برك
شكرا حبيبتي بشرى على كرم مرورك ربي يحفظك ختي وربي يهنيك​

 

[لؤلؤة قسنطينة]

السلام عليكم مريومة
اولا لعيونك اتنازل ونخليك تفرغي قلبك خير من تروحي تكسري الماعن فالدار
نرجع للسوجي نقولكم ونعاود الكائنات هذو ما تعمروش راسكم بيهم يا مريم اول شي الناس من هذا النوع رجعت تعالج مشاكلها فالفايس بوك ونكونو صراحا أختي كالمرا كالراجل فمرة نلقى وحدة كل دقيقة تحط واش راهي ديري وتوري فدارها وحتى مرة وحدة فضيحة تحكي على إنها عروسة وطولت ما حملتش وتفسرلهم كل شي وتعليقات سخرية على راجلها ما نحكيلكش وهي ترد قوليلي هذي بنت فاميليا ماشي حرام عليها الراجل هذا اللي الناس الكل تعاير فرجولتو نفس الشيء للسيد هذا
قضية يحكي وينشرو تبهديلتهم قدام الناس رجعت عادي ما تستغربيش منها الاوروبيون إخترعو الفايس للعرب خاطر يعرفوهم يكسرو كل قوانين الإختراع
نرجعوا لقضية سؤال الخطيبة يا أختي انا وحدة من الناس نحب نفهم كل حاجة وين راح مع من جا وواش دار مش من باب مركز شرطة لالا في حدود نفهم منو وكنت مخطوبة وكل شوي نعيط ونفس الشي لما كنت نخرج هو كل شوي يعيطلي متفاهمين وانا نتقلق لو ما يردش لكن يقولي راني خدام خلاص ساعات حتى يقولي قتلك خدام ماشي رحلت ما نحوسش حتى يكمل ويعيطلي وحدو الرجال هذو شوفي كيما ديري معاهم تحيري تهمليهم يقولك ختك كاينة فالسوق على اساس خوه ماكاش تهتمي يقولي تجيف فيا جيفوهم في نخلة قولو آمين الصراحة مريم ديري كيما أختك طنشي المجموعات والهدرة ماشي عباد هذو تعمري راسك بيهم ولما يكتب المكتوب ويجيك راجل حطي شروطك واذا بنتيلو بوليسية خليه يندب شوفي زميل فالعمل ههههه بوليسي طبعا راح يتفهم ههههه
الله يهدي أو يدي ينقص شوي عباد من هذو الأشكل عشنا ورانا نشوفو ونزيدو نولو بث مباشر العام الجاي تلقاي فايس بوك اون لاين من حياتهم للشعب كامل شكرا

وعليكم السلام ورحمة الله وبركاته
مساء النور ليلوشة واش احوالك
ههههههه شكرا كي انقذتيني ولا كنت نكسر الميكرو هو اللول وماعنديش باه نكونيكتي ههه
والله يا ليليا ختي عندك الحق الناس عادت تنشر حوايجها وأكيد ماش الرجل برك ربما الحكاية جات على لسان رجل
لكن حت ىالنساء ولاو كتر والدليل راني درت عليهم موضوع من قبل تاع هاد النساء لي ولاو في النت ناشرين كلشي
وفاضحين رواحهم يعني كثرت هاد الظواهر السيئة وربي يعافينا ان شاء الله
ههههههههه ضحكتيني والله، والله صح عندك الحق وراكي فهمتي لب الموضوع وهو اذا تسقسي خاينة ولا مزعجة
واذا ماتسقسيش خاينة في كلتا الأحوال محكوم عليك بالاعدام
ربي يهدينا برك ويهديهم وربي يرزقن ابراجل نتاصلو بيه ومايقلقش ههههه غير نضحك
شكرا ليلوشة على كرم المرور ربي يحفظك حبيبتي​

 

[لؤلؤة قسنطينة]

أهلا أختي مريومة
رايح أجاوب على سؤالك بكل صدق
أختي رؤيتي لزوجتي ربما مختلفة نوعا ما لا أعلم لماذا ربما بسبب نوعية شخصيتي و طريقة تفكيري
اختي أنا زوجتي ليست مجرد زوجة بل أراها صديقتي و حبيبتي و جزء من روحي و قطعة من قلبي و جسدي
لا أخجل بها و لا بذكرها بل افتخر بها و بحبها فهي تاج راسي و أم أولادي و شضريكة حياتي حلوها و مرها
فكم أمتزجت دموعنا و ضحكاتنا فكفها مسح دموعي و يدها حملت لي الدواء و قلبها حمل لي الحب و الوفاء
و ابتسامتي هدفها و راحتي غايتها و ديني همها يوم جعت أطعمتني و يوم مرضت سهرت لي
أنا صفحة شفافة أمامها لا أخفي عنها أمري صغيره و لا كبيره
أيام كان معي هاتف و كانت ضروفي المادية تسمح لي جعلت لها خط ( لالين ) تحدثني مجانا وقتما شاءت
و كنت أفتح الهاتف في أي مكان أكون فيه في مجالس الاصحاب او في الملعب او في المسجد
و أبادرها بكلمة حبيبتي و أمام أصحابي و لأا اخجل من ذالك أسعغد باتصالها و احمد الله أن
جعل لي قلبا يتذكرني في غيابي و في كل لحظة و اسعد عندما تقول لي إشتقت لك فأردت سماع صوتك
و أرجوا أن لا تتأخر في العودة إلى البيت
ربما تربيتي و أخلاقي جعلها تتأكد أنني لن أتواجد في المكان الخطأ مهما كانت الاسباب
و حتى مكانتي الاجتماعية جعلها تحترمني في طريقة سؤالها أو اتصالها فلم تبالغ و لم تشك
و ربما الثقة الكاملة التي أضعها في شخصها جعلها تبادلنا نفس الثقة
الآن ليس معي هاتف و هي تخلت عن خطها لكن أتخيل , احس أوقات إتصالها , احس و أسمع أسئلتها
و أجيب عليها . لما أعود إلى البيت أقول لها لقد أحسست أنك تساءلت عن تأخري و عرفت أنك وقفت عند النافذة ترمقي عودتي
فتجيبني فعلا كما تخيلت وقع معي
أعتذر عن الثرثرة أختي مريومة

والله يا أخي الأمين ماعندي مانزيد على كلامك
ماشاء الله ربي يحفظلك الزوجة الكريمة ويجمعكم ربي في الجنة كيما جمعكم في الدنيا
كلام رائع ولا اعتبره ثرثرة صراحة ^^
ربي يهنيكم ان شاء الله​