انا عييت ...قتلو نحبك...قالي ماتخيلتيش تخرجيلي بهاد الخرجة

[salma-palestine]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

قصتك مؤثرة فعلا بس لازم انتي ما خرجتي معاه قبل الزواج او الخطبة لانو هيك الاصول والله حاسة فيك بس هيك حال الدنيا غدااااااارة وما تزعلي اكيد في فارس احلام عم ينتظرك لتشاركيه حياته :sun:

 

[السعادة]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

يا اختي ما عندي ما نقولك كي قريت موضوعك
بصح نقولك حاجة انتي حبيتيه بجنون او راكي تسامحي فيه او تعدريه يا لوكان غلط معاك كاش غلطة تسامحيه
او هو يحبك تاني بجنون او ما يسامحكش ؟؟
يا ختي ما ديريش الثقة في كل واحد هادي الدنيا غدارة او تتبدل او يتبدلو فيها الناس او انتي لازم تخففي على روحك او اقراي القران او صلي صلاة الاستخارة او ادعي ربي يجمعكم من جديد
ان شاء الله يارب يااااااااااارب يسامحك او ترجعو مع بعض من جديد

 

[zagane]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

السلام عليكم

بالصراحة استطعتي ان تثبتي انك على الطريق الصحيح

ولكن اعلمي انه ليس كل ما يتمناه المرء يدركه

وتهب الرياخ بما لا تشتهي السفن

من المفروظ ان الدي يتعدب هو وليس انت لانه تاخر على الدخول من الباب ولم يقدم على اية خطوة تنبؤ بانه سيتزوجك رغم ما كان بينكما رغم انني ظد العلاقات التي تكون قبل الزواج وهدا من مساوئها

ولكن اتمنا ان يتدارك خطاؤه ليسترجع جوهرته ان كان في قلبه مكانا لها

ادا لمن يكن منه دلك فما عليك الا ان تتمسكي بما كتبه الله لك لان
عسى ان تكرهو شيئا وهو خير لكم
وعسى ان تخبو شيئا وهو شر لكم

وهناك قصص كتيرة من الواقع فاعتبري بها

 

[nanouta]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

اشكر كل من مر من هنا وتعاطف معي واهتم بموضوعي وتاثر بقصتي
وكما قلت سابقا واقولها دوما
اعجب لزمن يحس فيه بحالي الغريب....في حين يقسو عليا قلبو الحبيب
لا تنسوني بالدعاء
​

 

[ريمة 82]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

السلام عليكم
يا اختي العزيزة انتي غلطتي من المرة الاولى كي قبلتي بالخطبة خوف من والديك
اولا لان هدي حياتك وانت صاحبت القرار فيها
ربما في الاول تجيك رهبا وخوف من تقرير المصير لكن لازم توقفي وتقولي لا انا مش حاب نزوج قبل ما تروحي الامين
وكي تروحي الامين فرحيه وقوليلو راني فريتها لانو هو ماعندو اي حق باش يدخل ( ماعندوش صفة رسمية الا في قلبك )
وبعدها تهدى الحالا ويتقدملك وبكل قوة وعزيمة قولي هدا الي نحوس عليه
وكلشي افوت وتفرحي انشاء الله​

 

[fidou]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

و الله يا ختي ... انتي شايفة بللي يستاهل ؟؟؟؟ اسمحيلي راكي غالطة ....

راهو مادار حتى حاجة تخليك تحكمي فيه هك ... هو علابالو راكي تحبيه ...... سيبور سا يدير هكا ....
انتي راكي سور انو حكا مع العايلة نتاعو ؟؟؟ ما ضنيتش ؟؟؟ و زيد الصحاب يغطيو على بعضاهم ...

نتمنى نكون ظالماتو ... مي هو مادار والو .....حكالك هدرة فرات ما شفتي والو ... خمي فيها ختي ....

و زيد هاذا اللي خطبك واش ذنبو مسكين اعطيلو اوم موا حقو ....

يا ختي واش نقولك ... ربي يهديه و اذا كان مكتوبك راهو يجيك و انا شاء اذا كان يحبك راهو يرجعلك ....

اسمحيلي اذا كلامي معجبكش ....

 

[السعادة]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

ختي رانا معك والله اثرت فيا قصتك بزاف
حبيت برك نقولك حاجة ما تفقديش كرامتك على جال الحب _ الحب يروح او يولي بصح كرمتك ادا فقدتيها ما توليش خممي مليح او تاني ادا تلقيتي معاه او ما سامحكش خليه معليش المهم انتي خلي كلامتك في يدك ما تروحيش تبكي او تشكيلو قوليلي ربي يسهل او هو يولي يخمم مع روحو_ان شاء الله انا نتمنى ترجعو مع بعض ادا كان يحبك صح _رجعنا لخبر يا اختي واش يصرا معك باش نكونو معاك

 

[ahras algerie]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

nanouta رسلتك طويلة قريت من الفوق ومن التحت رايي الخاص كأخ أنو الأنسان يمكن يفقد كل شيء ويصبر غير كرامتو وانت مع الأسف طيحتي بروحك -لوكان نرجعو للماضي ونعطيك اسماء تشوك الحم تاع الأنسان مثلا فاطمة نسومر17 سنة سن المراهقة وفي قمة الجمال كانت اتقود جيش تاع ارجال وتغلبت على خمس جينيرالات زيد اقري على جميلات الجزائر في اي شيء فنو حياتهم استلهمي منهم القوة والنيف والعفاف -انت تقولي بلى بينك وبين الموت شعرة تقصدي الأنتحار انا نذكرك بلى الموت ماهوش راحة ونوم كاين عذاب القبر وسؤال المحي والممات ....الخ نعرف واحد انتحر على جال طفلة والله الناس شبعت عليه ظحك سيرتو الرسالة لكتبها وعلقها قدامو (جايح) انا نحير في الأنسان لعندو القوة والأرادة للانتحار ويكون مصيره النار . وماعندوش القوة والارادة باه اواجه مشاكلو والابتلاء ويصبر ويرجع لله ويكو مصيره الجنة باذن الله -- اما الأنسان لتتكلمي عليه ونكلمك بصفتي راجل ونعرف واش كاين الراجل الوت هذا احب اعقب الوقت احب الطفلة الشابة لتلبس العريان احبها نية وتامن بالحب هكا باه يوصل لمراده باسرع وقت كيما الصيد كي جوع وانتي كي جبتيلو على الزواج كي شغل سمطيه من الممكن ذرك هو افكر يبحث على واحدة صغيرة 16 سنة تأمن بالحب وماتفكرش في الزواج لانها صغيرة ونهار لي جي يزوج يبحث على واحدة زعمة بنت فميلة قاعدة في الدار كيما هاك افكرو شباب اليوم انا لنقلك ارجعي الى الله واستغفري ولازم تأمني بالقضاء والقدر هذا الأنسان اذا اجتمعو كل الناس باه يمنعو زواجك منو مايقدروش الا باذن الله واذا تلمو كامل باه ازوجوك منو ما يقدروش الا باذن الله متكسريش راسك وربي اقولينا عسى ان تكرهو شىء وهو خير لكم اصبري وقبل ما تغلطي فكري في امك في خوك في بباك في نفسك على خاطر الطفلة في بلادنا كي تنتحر مباشرة يربطوها بقضية شرف طولت عليك هذا هو راي ادي الراي لبكيك وما تديش الراي لظحكك

 

[قمر ال14]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

و الله حنونة موضوعك صعب ومعقد فانت بين نارين الله يكون معاك انا نطلب منك صلي صلاة الاستخارة و اطلبي ربي الي فيها الخير ايجيك المهم ندعيلك ربي من قلبي يفرحك ويجيبلك واش راكي تتمني انشاء الله من المفروض هو يكون عارف عقليتك و ما يخممش فيك بهد الطريقة وكان لازم له ايشف حل ليكم والحاجة الي انوصيك ردي بالك اديري في روحك حاجة و الا تغلطي حتلى حاجة ما تستاهل وارجو ان تزوديني بمستجداتك وتطمنيني عليك بالتوفيق خممي مليح

 

[grand coeur]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

اسمعي يا ابنتي هذا الكلام صادر من انسان عمره 52 عام يعني انا راني فى مقام ابيك
وقد لا يعجبك كلامي لكن قصدي النصح والتخفيف عنك
الم تتسائلي لماذا لم يتقدم لخطبتك هذا الوقت كله ولا اظن ان له سبب الذي يحب يبادر يسرع للمحبوبة - لماذا جفاك وهجرك مع انك لم تفعلي شيئا يتوجب هذا الهجر ومع ان المحب لابد ان يغفر لمحبوبه بعض الزلات الهينة ويتغاضى عنها
شوفي يا ابنتي قوليلي تجي تخطبني ولا لالا
فان تلكع وسمعك كلام غير كلمة نعم انا جاي فاعلمي انه شاب يتسلى
فعليك بخطيبك الجديد واقول لك امرا ان الحب الحقيقي ياتي بعد الزواج
كرامتك وكرامة اهلك فوق كل شيء
ولكن يا بنيتي سادعوا الله لك فى صلاتي واسال الله ان يهدي سرك ويهدي امين وان يجمع بينكما فى سعادة وهناء
ارجو ان تقبلي من ابيك هذا الكلام

 

[Ra Off]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

السلام عليكم

اختي ..... كيما راني نشوف وحسب ماكتبتي ... حب من طرف واحد
من طرفك ... وتأكدي فقط انو هاد السيد ماراهش يحبك .... لأنو ببساطة لو كان يحبك
كان قام بشيء ما ... يتحرك ... لأنو سيفقدك اذا تخطبتي

والرجل يا أختي يحب بالافعال ... يثبت حبو بالافعال

نتمنى تعيشي بفكرة :
ابكي على اللي يحبك وما تبكيش على تحبو

وتبقى كلها ذكريات جميلة مالازمش تأثر على مستقبلك !!!
​

 

[nanouta]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

واش نقولكم
كلمة شكرا قليلة عليكم
نقولكم ربي يحفظكم ويهنيكم ويفرحكم ويسعدكم دنيا واخرة نشالله
الله لا يغبن احد وربي يكمل لكل واحد و وحدة باللي تتمناه ويفرج على الجميع باذن الواحد الاحد
صدقوني كلامكم اثر فيا بزاف اكتر مما تتخيلو من البارح لليوم حاسة روحي مرتاحة واكثر قوة صدقوني واش راني نقول يمكن عاللي فرغت واش كاين في قلبي وكنت محتاجة نفرغ من زمان مي مكاش اللي يسمعني ويفهمني والحمدلله نعمه الاخ ونعمه الاخت ونعمه الاب بارك الله فيكم ونشالله نردهالكم فالافراح وربي يجعل كل ايامكم افراح نشالله
كل كلمةقلتوها حسيت بيها واثرت فيا بزاف وخلات الوقع نتاعها في نفسيتي الضعيفة والمنهارة هادي مدة ماكليتش بصح من البارح لليوم راني الحمدلله الحمدلله الحمدلله
بصح كاينة حاجة من السهل جدا اننا نقول مايصعب تطبيقه ومن الصعب ايضا تطبيق ما يسهل قوله معادلة ارواح انت واحلها وكل كلمة تقالت انا على علم بيها بصح في لحظات الضعف يتشتت فكر الانسان ومايعودش يميز.... يمكن ...لا لا اكيد ...هاد الكلام اللي تقال ليا انا فيوم من الايام نصحت بيه غيري وما اكثر ما قلتو ولكن لما وليت في نفس الموقف حسيت باللي كانو يحسو بيه
مانطولش عليكم
الحمدلله على كلش وشكري للجميع
اهم حاجة لا تنسوني بالدعاء
نسيت حاجة
كل كلامكم تقال على عيني وراسي وماتزيدوش تقولو يمكن كلامي مايعجبكش او حاجة من هدا القبيل
مادمت انا اللي حكيت قصتي بقناعتي وبحريتي الشخصية وطلبت المساعدة والمشورة فكل كلام يقال هو على عيني وراسي
​

 

[جوزيفين]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

اختي انا من تجربتي و ربما راني اكبر منك بالتجربة و حتى بالعمر يمكن انا نشوف الرجل اللي هو فعلا رجل يتقدم للطفلة و يخطبها بينما هذ النوع من الناس اللي تتردد و تطول و تعجن فالموضوع انا نشوفهم ناس تحب تضيع وقت بدليل غير ما يشوف موقف ما يتفهمش و يروح و يغلق موبيله و يحط حالوا ضحية خيانة و ما نعرف هو لا غير لقى سبب باش يجبد روحه من الموضوع اصلا بالنسبالي لو انا بمكانك نرضى بالنصيب و ما نضيعش فرصة زواج على روحي على خاطر قصة حب تقريبا ماش متوازنة و انا هذ النوع من الرجال اللي موقفه مش مفهوم ما عنديش فيه ثقة

اختي دعوة صادقة مني ربي يجيبلك اللي فيه صلاحك و يبعد عنك ولاد الحرام هذي الدعوة الصحيحة سواءا معه او مع غيره و ديري ببالك ربي و فشل قصة حب ماشي نهاية الدنيا ررانا جربنا قبلك و لحقنا لمرحلة اليأس لكن بمرور الوقت اكتشفنا انو هذاك الشخص اللي حبيناه كامل هذاك الحب انو ما يستهلش و لينا نحمدو في ربي صباح و مسا اللي ربي فشل هذيك القصة ما تقلقيش راكي تدي غير مكتوبك

 

[nanouta]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

عمري ماننسى وقفتكم هادي معايا ودعمكم ومساعدتكم واهتمامكم ومشاركتكم لحزني واحساسكم لمعاناتي
كلامكم خلاني نشوف حوايج كنت نعرفهم فالسابق بصح نحاول نغمض عينيا باش مانشوفهمش ونقنع نفسي باشياء مغايرة ممكن تكون صحيحة وممكن تكون غير ذلك وهمية وراني بانية عليها آمال كبيرة ان لم نقل كل حياتي
كلامكم اثر فيا بزاف اكثر مما اثرت فيكم قصتي وردودكم راني نقر فيها ونعاود باهتمام وبتفهم وتعقل وصدقوني غيرت في نفسيتي بزاف وحاسة روحي مرتاحة واقوى من قبل
كنت حاسة روحي وحدي بصح الان كسبت اخوة واخوات ولا اعز منهم ولا احن منهم
وقفتو معايا وقفة ماننساهاش
وقفة حبيبي وماوقفهاش معايا لما كنت بل لازلت في امس الحاجة ليه
فطنتوني بكلامكم وفتحتولي عينيا على وقائع كنت غاظة النظر عنها ومتجالتها ومشي حاطتها فالحساب
تحية من قلبي المجروح الى كل من مر من هنا
وهادي هي الدنيا يوم ليا ويوم عليا
واللي بكاتني تبكيه...واللي حرقتلي قلبي تحرقلو قلبو..والكاس اللي شربت منو المر يشرب منو هو ثانيك
مانيش ندعي عليه انا نقول الله يهدينا ويهديه ويهدي جميع امة محمد
بصح
ان الله يمهل ولا يهمل
​

 

[قمر ال14]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

اختي لا تقولي انك ثقيلة او انك ستزعجيني بالعكس ساكون سعيدة لو ساعدتك طب اذا لنرى مادا سيقول لك لم ترينه وقولي له تقدم لخطبتي او اكون لغيرك الي باعك بالفول بيعه بقشورو

 

[Im here for ever]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

يارب اصلح حالو
شوفي ختي نهنيك انك مع قاع واش دارلك راكي شايدة فيه شوفي ادا راكي سور بلي يموت عليك ما تعيياي ما والو ديري البوسيبل باش تكسبيه بصح ادا كان يستاهلك
وكي يجي لعندك هاد المرة حاولي تفهميه وما تحسسيهش بلي راهو غالط على خاطر راسو يابس اسمحيلي على هاد التعبير فهميه بلي درتي هاد الشي باش تحافدي عليه ماشي باش تخسريه وقوليلو بلي رااكي عييتي وتحملتي بزاف اوموان يحس شويا بيك وما راكيش قادرة تتحملي هادا قاع وحدك
صلي وادعي ربي في الثلث الاخير من الليل وما تنسايش راكي مخطوبة يعني يقدر يوصل الكلام لخطيبك ويروح يقول لباباك وتحصلي نتيا عبالي تقولي معليه المهم يولي لك حبيبك الاول بصح راكي غالطة فب حق خطيبك الجديد راكي تخوني فيه وهو تان مايسمحلكش
بصح ادا طول شوفي مع صحابو وحاولي تفهميهم وهوما يقولو لو وادا مالانش نقولولو ربي يهديه وهادي مسالة وقت وان شاء الله يولي.........
يارب يارب يخليكم لبعض
صلي صلاة الاستخارة وراكي رايحة ترتاحي وتعرفي واش ديري وما تبينيش روحك بلي راكي مدلولة وراكي تحلي فيه على خاطر يولي مايحسبكش ويدير في بالو بلي هو وما كانش بغيرو في هاد الدنيا
ربي يهديه ويصلح حالكم وربي يوفقك
اختك انيا

 

[mouna26]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

الحب في هدا الوقت ما يقسيستيش يا أختي مايلزمش المرأة تحب من قلبها لاخطار ماكنش اللي يستهل أضحي أعلى جالوا أنساي....................................

 

[sirinearouh]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

السلام عليكم
أشكرك أختي على الثقة الكبيرة ، في البداية أقول أنني أدعو الله من كل قلبي أن يوفقك وأن تعود المياه إلى مجاريها مع حبيبك الغالي . ولا تنسي عندما تلتقي به تحكي له كل شيء وتصاريحيه حتى على أصغروأبسط شيء .ويجب أولا أن تكون ثقتك وإيمانك بالله قوي وأن لا تجعل الافكار والتصرفات السيئة تسيطر على تفكيرك لكي لا تندمي على فعل شيء تخسرين فيه كل ماهو أجمل في هذه الحياة خاصة ثقة ورضا الوالدين لأنه مهما يكون فتبقى قيمتهما هي الشيء الوحيد الذي يجب ألا نخسره وأظن أن هذا الشخص إذا كتبه الله لك فمهما كانت العقبات والمشاكل فسوف تتزوجينه إن شاء الله وهذا ما أتمناه لك أختي العزيزة .لا تنسي الإكثار من الدعاء وحافظي على صلاتك وأكثري من قراءة القرآن لأنه علاج لكل شيء فبه تحسين بالإستقرار والطمأنينة النفسية والذاتية . وشكرا

 

[nanouta]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

شكرا على الاهتمام وعلى مرورك وردك
كما اشكر كل من مر من هنا حتى ولم يترك ردا
واعلمو ان كلامكم يثلج قلبي
​

 

[نيناNina]

رد: انا عييت ...قتلو نحبك...قالي ماتخيلتيش تخرجيلي بهاد الخرجة

دورك انا كي قريت حكايتك والله اثرت فياا بزاف وقسمتلي قلبي

​

ما لقيت ما نقول الله يهديك برك
​

والله يصبرك اختي وان شاء الله يوفقك معاه او مع غيره و
ان شاء الله تلقاي الي يستاهاك وما يغبنكش
الله يوفقك اختي
اختك نينا

​