لو كنت رجلا ...

[Ma$Ter]

السلام عليكم ورحمة الله
هاذ الامر والتفكير يتغير من انسان لانسان
ومسؤوليات الراجل كي يكبر يعلم بيها عير ربي

 

[الصحافية الساخرة]

موضوع فيه 5 ردود مشاركات واش بيكم قلوبتوه جنازة ق وحدكم يخي قلتولنا هل تمنيتو تكونونساء جابوناكم
والاخ فريد جاوبكم كذالك بالمنطق المعاكس وموضوع اصلا ماهوش نتاع سيريو حتى تحذفو الردود هذيما فهمتش شكون اللي استهزأ ​

قلنا هل تمنيتوا تكونو نساء ، والاخ فيصل كان ردو خارج الموضوع متقوليش منطق معاكس .. خاطر المعاني و التناطح ليس موضوعنا !! و اللي يهدرلك على الدين وواش قال ربي سبحانه هذا دوك يعرف غير هو ربي حنا منعرفوش واقبلا .. واللي يسقسيك باستهزاء هذا تان منطق معاكس

موضوع للتسلية نعم بصح ماشي باش تتناطح ههه و لا توليلي فحكاية خلاف

انا نعرف كي نحكي على حاجة تحي فيها ماتخرجليش رجل تاع دين و ولا حاجة خلاف هكذا تبين لي بلي ما تعرفش تناقشوا الفكرة ..

 

[ليليا مرام]

السلام عليكم ورحمة الله
هاذ الامر والتفكير يتغير من انسان لانسان
ومسؤوليات الراجل كي يكبر يعلم بيها عير ربي

وعليكم السلام
يتغير التفكير لأن الله وضع فالرجل سلبيات وإجابيات ووضع في المرأة لهذا الموضوع يتغير حسب كل شخص كيف يرى نفسه لو كان في موضع الآخر
وحتى مسؤولية المرأة عظيمة ياخي من صغرها اول شي يعلموهولها يعطوها باسينة وتغسل الماعن ههههههه
بمعنى أخي الكريم لا ننكر مسؤولية الرجل تعب خارج البيت وإعالة منزل بأكمله ومرات بيته الصغير زوجة وأولاد وأهله والمرأة أيضا تعيل أسرة وتتدبر أمرها ويبدو دور المرأة جليا عندما تترمل تتحمل عبئ الأولاد وتربيهم وهي الأب والأم امثلة كثيرة
لا أحد ينكر تعب الآخر وتبقى الآراء تختلف
أشكر رقي ردودك وهذا ليس بغريب عنك

 

[أبو عاتكة]

اعتذر من الجميع وصاحبة الموضوع .
الله يعلم اني شاركت بنية صافية والمشاركة تميل الى الدعابة وهكذا قرات الموضوع ربما تم اعتبارها شيء اخر .
لكن باللهِ عليكم تعيدوا اظهار مشاركتي الان حتى لا يتخيلها من يعرفني شتما او اسائة او تقليل احترامي .
استحلفكم بالله تعيدوا مشاركتي الان قبل اي وقت ثم دعوا من يجدها مسيئة يشتمني فلا ابالي المهم لا يتخيلها احد انها شيء اخر لا قدر الله .

 

[أبو عاتكة]

الليلة لا يغمض لي جفن وعضو او عضوة في اللمة او خارجها حامل عني شيء في قلبوا عمري ولا صراتلي في حياتي .

 

[الامين محمد]

السلام عليكم
أستاذي أبوفيصل و الله نعرفوك صاحب اخلاق عالية و انت أستاذنا
الاأخت ليليا خذفاتو خافت الموضوع ينزلق عن هدفه
رجاءا لا تكبروا القضية الأمر عادي
أصبر علي للحظات رايح نرجع المياه إلى مجاريها

 

[يونس قاسم]

لو كنت رجلا؟ زعما في بالكم تخدمو ا و المسجد ماتخطوهش و تشوفوا منكر تغيروه و الحق تقولوه و .......الخ ؟ بين الخيال و الواقع اشياء صعبة جدا ليس من السهل تطبيقها ، النفس المجتمع الاهل الاصدقاء ظروف الحياة صعاب امام الجميع في الواقع تكتشفها و امور اكثر و اصعب
كاين الايجابيات و السلبيات في حياة الرجل مثلها مثل حياة المرأة ... الصالحة تكون صالح و الفاسدة تكون فاسد هههه و الله اعلم

 

[ليليا مرام]

السلام عليكم جميعا
الإخوة الكرام لم يحدث شي الأخت دارت موضوع نضحكو و ونعبرو لا مشكل
اسمحولي انا أخطأت بين الأخ ابو فريد وعضو آخر هذاك اللي وين نكون انا راه يهاجم وبلا سبب معليش وكيلو لله
نرجعو للحادثة ما صار والو خونا ابو فريد والاخت فاطمة قلبها ابيض وهي اول شي قاتلي اغلقي الموضوع وانا نراعي تعب كل عضو حذفت تفاديا للمشاكل وبرك ونخلي الموضوع في إطارو
يا جماعة القلوب متصافية وماكان والو
خويا أبوفريد انا أعتذر منك ومن الجميع تدخلي كمشرفة كان في محله نبعد المشاكل
والأخت فاطمة انسانة ماشاء الله الموضوع مجرد مزاح ودعابة
شكرا لكم

 

[ليليا مرام]

اسمحولي انا أخطأت قرأت الرد مباشرة وأحسست إنو تهكم وتهجم من عضو معين
ولم ألحظ عضوية الأخ أبو فريد الرد ككل انا لما قرأته اردت محوه تفاديا للمشاكل وخفت انا نتقلق وكاش ما نقول وفبالي انو ذاك العضو لانو كثرها بزاف
أعتذر من خونا ابو فريد شخصك يكفي ولا داعي للحلفان انت تاريخك فالمنتدى الكل يشهد بيه لو تغلط فحقي انا اللي نقولك إسمحلي لانو قيمتك كبيرة بزاف
اختي فطومة نعرفك انسانة فوق الوصف وما صار والو
شكرا لكم واكرر إعتذاري

 

[الصحافية الساخرة]

السلام عليكم ورحمة الله
هاذ الامر والتفكير يتغير من انسان لانسان
ومسؤوليات الراجل كي يكبر يعلم بيها عير ربي

و عليكم ااسلام و رحمة الله

هذي غيبة اخي ^^ ان شاء الله راك بخير ( نشفى نهار تجمعنا فملفك الخاص ، راك نسيت العرضة تاع انت تطيب ههههه )

المهم نرجعوا لردك ، ايه صح اكيد مسؤولية الرجل كي يكبر واعرة صح ، و ماناش ننكروا بلي الرجل يتعب و يشقى خارج البيت .. مي حنا نفرضوا برك هههه
مشكور اخي على مرورك

 

[ليليا مرام]

اختي فاطمة اعتذر
راني رجعت المشاركاتا المحذوفة حتى نتأكد اني فعلا أخطأت بين الأخ أبو فريد وعضوية أخرى وهو حلفني بالله نرجع المشاركة حتى يأكد انو كان يمزح وفقط
ومعليش تكملو الموضوع بمزاح وما صار والو
اعذريني اختي فاطمة خلطنالك الموضوع نتمنى ما تزعفيش ونعرفك
شكرا للجميع

 

[الفارس النبيل]

و عليكم السلام و رحمة الله و بركاته

اعذرني أخي لكنني لم اطلب تشخيص الحالة ههه فقط احكي على واقع نعيشه و فقط و مجردتسلية و ليس للنقاش ^^

شكرا لك على المرور

ومادا فعلت أنا ؟؟ أعلم أنه واقع وأنا أجبت عنه

تحياتي

 

[الصحافية الساخرة]

اعتذر من الجميع وصاحبة الموضوع .
الله يعلم اني شاركت بنية صافية والمشاركة تميل الى الدعابة وهكذا قرات الموضوع ربما تم اعتبارها شيء اخر .
لكن باللهِ عليكم تعيدوا اظهار مشاركتي الان حتى لا يتخيلها من يعرفني شتما او اسائة او تقليل احترامي .
استحلفكم بالله تعيدوا مشاركتي الان قبل اي وقت ثم دعوا من يجدها مسيئة يشتمني فلا ابالي المهم لا يتخيلها احد انها شيء اخر لا قدر الله .

الليلة لا يغمض لي جفن وعضو او عضوة في اللمة او خارجها حامل عني شيء في قلبوا عمري ولا صراتلي في حياتي .

السلام عليكم و رحمة الله

اخي ابو فيصل ماكنتش علابلي بلي موضوعاتي الفكاهية تزلي جنازة و دموع هههه ، المهم انا ما طلبتش يحذفوا الردود قلت يغلقوا الموضوع لانكم كامل خرجتوا عن الموضوع وفقط ، وردك ماكانش فيه تطياح عادي جدا بصح خرجت عن الموضوع تحكي على حاجة خلاف

لا داعي لكل هذا ، راك بعثتلي جيش يدافع عليك @الامين محمد خوفني قالي عاجل جدا خهههه وليلوش بغاتني نجري ليها هههههه

ما صرى والوا ^^

 

[الامين محمد]

هههههههههههههه الحمد لله الآن طمأنيت
طمطومة المكشردة لو كان نحكمك راني نلصق ليك شعرك بالعلك أنا أبوشهاب كيف تقولي لي تخيل روحك مرا ههههههههههههههه
بصح بيناتنا في حاجة وحدة نغير من زوجتي لما تحكي أنها ولا واحد يسالها كريدي و لا دينار
في ذاك الوقت نقول إيييه شفت واش يطيح على الراجل بسيف عليه
يجيب المصروف و الحليب و الكسوة و يسلك الفاتورات و الدوا بأي طريقة حتى و لو بالكريدي ههههههههههه

 

[الصحافية الساخرة]

@ليليا مرام يا اختي انتيا سمحيلي انا السبب ، الغلطة جات مني

 

[الصحافية الساخرة]

لو كنت رجلا؟ زعما في بالكم تخدمو ا و المسجد ماتخطوهش و تشوفوا منكر تغيروه و الحق تقولوه و .......الخ ؟ بين الخيال و الواقع اشياء صعبة جدا ليس من السهل تطبيقها ، النفس المجتمع الاهل الاصدقاء ظروف الحياة صعاب امام الجميع في الواقع تكتشفها و امور اكثر و اصعب
كاين الايجابيات و السلبيات في حياة الرجل مثلها مثل حياة المرأة ... الصالحة تكون صالح و الفاسدة تكون فاسد هههه و الله اعلم

ههههههه والله الاخيرة نوافقك فيها ، بصح بالاك لوكان المرى تتحول رجل يتبدلوا الهرمونات والطبايع ما تدري ههههه

 

[الصحافية الساخرة]

هههههههههههههه الحمد لله الآن طمأنيت
طمطومة المكشردة لو كان نحكمك راني نلصق ليك شعرك بالعلك أنا أبوشهاب كيف تقولي لي تخيل روحك مرا ههههههههههههههه
بصح بيناتنا في حاجة وحدة نغير من زوجتي لما تحكي أنها ولا واحد يسالها كريدي و لا دينار
في ذاك الوقت نقول إيييه شفت واش يطيح على الراجل بسيف عليه
يجيب المصروف و الحليب و الكسوة و يسلك الفاتورات و الدوا بأي طريقة حتى و لو بالكريدي ههههههههههه

هههخهههخخخهههه راك خوفتني وزاد تضحك هههه

انت عندك افراط فالغيرة يا مجرم ههههه واقيلا نسيت بلي المرى كي راجلها يولي عنده الكريدي تولي تخمم كتر عليه و تمرض بالسكر هههه مالا لا داعي للغيرة راها تحمل همها وهمك وهم ولادك يا مجرم يا شرير ههههه

 

[Ma$Ter]

و عليكم ااسلام و رحمة الله

هذي غيبة اخي ^^ ان شاء الله راك بخير ( نشفى نهار تجمعنا فملفك الخاص ، راك نسيت العرضة تاع انت تطيب ههههه )

المهم نرجعوا لردك ، ايه صح اكيد مسؤولية الرجل كي يكبر واعرة صح ، و ماناش ننكروا بلي الرجل يتعب و يشقى خارج البيت .. مي حنا نفرضوا برك هههه
مشكور اخي على مرورك

الحمد لله وان شاء الله راكي بخير
العرضة في رمضان الجاي ان شاء الله واذا ما زوجتش خخخ
بارك الله فيك اختي

 

[الفارس النبيل]

لو كنت رجلا مكنتش دمرت و دفعت النسا عند الحافلة كي الجايح
لو كنت رجلا مكنتش تمسخرت مع صحابي فالجامعه و صورت البنات الي يقرو معايا بلا ما يعرفو و نحطهم فالفايس بوك و نجياح
لو كنت رجلا مين تفوت عليا وحده عارية نحط راسي و اذا فاتت وحده محتشمه تاني نحط راسي مخصهاش كلمة الله يبارك و منيش عارف واش .... منحطش راسي ياسيدي على الاقل نتجاهل
لو كنت رجلا مكنتش حطيت هاذ المقياس - الكلام الطايح = الرجلة .... و البنت مين متقيمش نبدى فالكلام الفاسق
لو كنت رجلا مكنتش راح نعتبر البنت كائن ناقص و انا منتعيبش
لو كنت رجلا مكنتش عممت انه كل وحده تخدم و لا تقرا فالجامعه و لا تسكن في اقامة جامعية هي عاهرة
لو كنت رجلا كنت قلت بلي كاين بنات وصلو لخدمتهم بتعبهم و ماشي بجسدهم
لو كنت رجلا كنت كيما شفت بلي كاين بنات انحطاط كاين حشى رجال انحطاط تاني ...
لو كنت رجلا كنت اذا شفت وحده يغبنها واحد فالطريق نعاونها منقعدش نتفرج كي الدابة
لو كنت رجلا مكنتش قعدت في قهوة نعس شكون جات و شكون راحت
لو كنت رجلا منحكيش على بنات الناس مع صحابي و اذا بغيت نخطب وحدة و لا نتزوج منحكيش عليها عند صحابي لا بسوء و لا بحسن

ياخي مطلبناش منك تكون راجل ... على الاقل متكونش دابة ... اقعد انسان

تستطيعين فعل واجباتك وأنت أنثى وهدا كاف وواف

 

[ليليا مرام]

@ليليا مرام يا اختي انتيا سمحيلي انا السبب ، الغلطة جات مني

طمطومتي انت أختي ما تعاوديهاش صار سوء تفاهم وبرك