المال ... زينة / وسخ ... الدنيا

صح الدراهم زينة و متخليكش تحتاج بصح بزاف الناس الي طغاو بالدراهم يحقر و يتكبر و ميزكيش على اساس انه ماله ،يدفع الرشوة و ميحسش بالفقير و ربي قال المال عدوا لكم احذروه ،صعب بزاف الحال ،ياما كانوا ناس طيبة و اخلاق و تواضع مبعد تبدل عليهم الحال
انت واحد منهم اشكون يعرف كي تكبار و ترجع طبيب كبير كيفاه تولي ،أمالا تفكر مليح الموضوع هذا انتاعك عند كبرك ان شاء الله
 
انت واحد منهم اشكون يعرف كي تكبار و ترجع طبيب كبير كيفاه تولي ،أمالا تفكر مليح الموضوع هذا انتاعك عند كبرك ان شاء الله

ربي يكبرنا على الطاعة و الشفاعة نشالله
و الله لا يجعلنا نتكبرو على مومن
 
هاذي المقولة لي تقول : (الدراهم وسخ الدنيا) .. جميع لي سمعتهم قالوها في حقيقتهم (des escrocs du première catégorie) و في حقيقتهم مستعدين يبيعوك في سوق النخاسة بـ 20 دورو و ممكن حتى يقتلو على جالها
-
و الحقيقة أنو لي وجه شر تلقاه ديما وجه شر سواء في الفقر و إلاّ في لغنى
نحكيلكم على واحد (وجه شر) .. طول حياتو فالفقر باسكو فنيان لا خدمة لا والو .. بْرَاكَاسِي نتاع الصح .. ديما قاعد فالقهاوي و يتمسكن على جال باش يخلصولو قهوة و قارو دخان ..
كي جاه الورث زوج ملاير و نص (2,5 مليار) ما دوّرش 6 شهور راحو !!! .. واش دار بيهم ؟؟ .. ما نعرف ؟؟ .. الرئيس نتاع الماريكان ما صرفوش علىه كيما هكذا !
حسب ما سمعت، يقولو أنو راح يتبّع في محتالين مختصين فالاحتيال و الخداع .. و ركبولو شحال من قالب
القالب الأول :
عمرولو راسو حتى راح شرا كاتكات لاندروفر بـ 600 مليون و هو ما يعرفش يسوق و بالتالي هوما لي يسوقو بيه و بالشوية حتى عاد يسلفهالهم و من ثم خنتشولو فيها و بدلولو بياسات غاليين حتى وين عادت طيح أونبان و هي جديدة ، حتى وين كره باعهالهم ليهم بـ 360 مليون (طبعا أكيد هوما رايحين يرجعولها البياسات دوريجين نتاوعها و يبيعوها على الأقل بـ 550 مليون)
القالب الثاني :
تفاهمو مع واحد أنهم فالوقت الفلاني لما يبيبولو فالبورطابل يقوم هو بسرعة بتثبيت لافتة (مكتوب عليها : بيع أرض 04 هكتار، و رقم هاتف) يثبتها على جنب الطريق على أرض فلاحية مليحة و من نوعية رائعة و عندها واجهة على طريق ولائي مهم .. و من بعد ما يفوتو يزيدو يبيبولو يروح يقلعها .. و الخطة هي أنهم يفوتو بالسيارة مع وجه الشر هذا على هاذيك اللافتة ، و يلفتو الإنتباه نتاعو و يقولو بلّي هاذي بون آفير .. وهكذا صلحت فيه الضربة لقى روحو شايف حاجة و شاري حاجة أخرى، لأنو بعد ما تكاتبو عند الموثق ظهرت بلّي الأرض لي مذكورة فالعقد موجودة في بلاصة أخرى و هي جيرية غير صالحة للفلاحة و جاية منعزلة بعيدة على الطريق و في شيوع و عروشية و ناسها ما يتخالطوش خلاص، منين يقرب لثماك يخرجولو في جيش و يطردوه، و أصلا هاذيك الأرض قيمتها قليلة خلاص، و من بعد راح راح و باعها لواحد من الدوار هاذاك بـ 300 مليون (بعد ما شراها بزوج ملاير -02 مليار-).
و من بعد، الشيء لي قعدلو قعد يقرقز بيه من قزديرة لقزديرة حتى خلّص كل شيء و رجع لقعدة لقهاوي و الطلبة من جديد .. فقط في ضرف 6 شهور !!!! .. ماشي هذا وجه شر صح ؟؟
 
هاذي المقولة لي تقول : (الدراهم وسخ الدنيا) .. جميع لي سمعتهم قالوها في حقيقتهم (des escrocs du première catégorie) و في حقيقتهم مستعدين يبيعوك في سوق النخاسة بـ 20 دورو و ممكن حتى يقتلو على جالها
-
و الحقيقة أنو لي وجه شر تلقاه ديما وجه شر سواء في الفقر و إلاّ في لغنى
نحكيلكم على واحد (وجه شر) .. طول حياتو فالفقر باسكو فنيان لا خدمة لا والو .. بْرَاكَاسِي نتاع الصح .. ديما قاعد فالقهاوي و يتمسكن على جال باش يخلصولو قهوة و قارو دخان ..
كي جاه الورث زوج ملاير و نص (2,5 مليار) ما دوّرش 6 شهور راحو !!! .. واش دار بيهم ؟؟ .. ما نعرف ؟؟ .. الرئيس نتاع الماريكان ما صرفوش علىه كيما هكذا !
حسب ما سمعت، يقولو أنو راح يتبّع في محتالين مختصين فالاحتيال و الخداع .. و ركبولو شحال من قالب
القالب الأول :
عمرولو راسو حتى راح شرا كاتكات لاندروفر بـ 600 مليون و هو ما يعرفش يسوق و بالتالي هوما لي يسوقو بيه و بالشوية حتى عاد يسلفهالهم و من ثم خنتشولو فيها و بدلولو بياسات غاليين حتى وين عادت طيح أونبان و هي جديدة ، حتى وين كره باعهالهم ليهم بـ 360 مليون (طبعا أكيد هوما رايحين يرجعولها البياسات دوريجين نتاوعها و يبيعوها على الأقل بـ 550 مليون)
القالب الثاني :
تفاهمو مع واحد أنهم فالوقت الفلاني لما يبيبولو فالبورطابل يقوم هو بسرعة بتثبيت لافتة (مكتوب عليها : بيع أرض 04 هكتار، و رقم هاتف) يثبتها على جنب الطريق على أرض فلاحية مليحة و من نوعية رائعة و عندها واجهة على طريق ولائي مهم .. و من بعد ما يفوتو يزيدو يبيبولو يروح يقلعها .. و الخطة هي أنهم يفوتو بالسيارة مع وجه الشر هذا على هاذيك اللافتة ، و يلفتو الإنتباه نتاعو و يقولو بلّي هاذي بون آفير .. وهكذا صلحت فيه الضربة لقى روحو شايف حاجة و شاري حاجة أخرى، لأنو بعد ما تكاتبو عند الموثق ظهرت بلّي الأرض لي مذكورة فالعقد موجودة في بلاصة أخرى و هي جيرية غير صالحة للفلاحة و جاية منعزلة بعيدة على الطريق و في شيوع و عروشية و ناسها ما يتخالطوش خلاص، منين يقرب لثماك يخرجولو في جيش و يطردوه، و أصلا هاذيك الأرض قيمتها قليلة خلاص، و من بعد راح راح و باعها لواحد من الدوار هاذاك بـ 300 مليون (بعد ما شراها بزوج ملاير -02 مليار-).
و من بعد، الشيء لي قعدلو قعد يقرقز بيه من قزديرة لقزديرة حتى خلّص كل شيء و رجع لقعدة لقهاوي و الطلبة من جديد .. فقط في ضرف 6 شهور !!!! .. ماشي هذا وجه شر صح ؟؟

ياودي هذا راه مدعوي ههه
ياالله ههه زوج ملاير و نص في 6 شهر !! ههه
لاحول ولا قوة الا بالله
ههه
 
ياودي هذا راه مدعوي ههه ...
--
هههههههه
هاذيك هي قد قد .. مدعوي تاع الصح و مدعوي من قدّاش من جيهة .. من جيهة مّو و من جيهة بوه .. و من جيهات أخرين بزّاف (ماكل دراهم ناس بزّاف .. يتسلّف و ما يرجّعش)
--
و تقول كاشما تحرّكلو .. والو .. قلب بارد ميت .. تقول معوّق من دماغو
 
--
هههههههه
هاذيك هي قد قد .. مدعوي تاع الصح و مدعوي من قدّاش من جيهة .. من جيهة مّو و من جيهة بوه .. و من جيهات أخرين بزّاف (ماكل دراهم ناس بزّاف .. يتسلّف و ما يرجّعش)
--
و تقول كاشما تحرّكلو .. والو .. قلب بارد ميت .. تقول معوّق من دماغو

@حلم كبير
ههه
هذا دواه عند خونا حليم ... خويا حليم هههه
السيد المدعوي لي رانا نحكو عليه ههه ارواح شوفلو الدوا المشهور هههه


 
@حلم كبير
ههه
هذا دواه عند خونا حليم ... خويا حليم هههه
السيد المدعوي لي رانا نحكو عليه ههه ارواح شوفلو الدوا المشهور هههه


ههههههههههه مصايب والله
الدواء يا ناس هو في اولاد بن خيرة وسبع حبات ڤمح
ضربة بضربة ههههه
hqdefault.jpg
 
الدراهم ليسوووووووووووووونس بنادم
تحياتي عمي صلااااااااااح
الليسونس راه طلع ... راني قلبتها مازوت
يعطيك الصحة خويا صراحة


 
و زيد .. لو كان نحكيلكم على القالب الثالث راكم دوخو و ما تصدقوش .. و ما عرفت إذا رايحين تشبعو ضحك و إلاّ واش
@حلم كبير @Salah eddin
 
السلام عليكم
هاد الموضوع بالاك قريتو 3 مرات وكل مرة كيفاه ساعات نكون بالتيليفون نقول نخلي حتى نشعل الميكرو وننسى هههه
مالا درك بالتيليفون ونجاوب، المهم بالعودة للموضوع وفيما يخص كلمة المال وسخ الدنيا، المال بصراحة هو سلاح ذو حدين
كيفو كيف أي حاجة في الدنيا هادي تقدر منو تدخل للنار وتقدر منو تدخل للجنة، ووكتاه نقولو للمال وسخ الدنيا لما يكون سبب
في تفضيلو على البشر يعني يوقع فتنة بين الناس وبين العائلات، مثلا ابن يأذي باباه بسبب المال ولا انسان يعصي ربي بسبب المال
ولا شخص يقطع علاقتو مع خوه بسبب المال هنا يولي المال وسخ مقارنة بالأهل وصلة الرحم وطاعة الله عز وجل
ولكن اذا ماكانش سبب في الفتنة رايح يكون زينة وحاجة مليحة خاطر يوفرلك كل واش حاب، بيت وملبس وماتخلي حتى واحد من عائلتك
يعاني ولا يشوف لغيرو وفي نفس الوقت تقدر تساعد بيه في بناء مسجد ولا تساعد انسان يتزوج ولا تفرجها على فقير
الصدقة بابتسامة برك وعندها أجر فمابالك تحل ضيقة على انسان، على هادي لي يعرف كيفاه يستغل مالو مليح رايح يخدم عليه
حتى بعد الموت ولي ما يعرفش يستغلو ويفتنو في دنيتو الأفضل يبقى فقير أحسن فكيما قلت من قبل هو سلاح ذو حدين
وكيما قادر ينفعك قادر يأذيك، وبالنسبة ليا أكيد كوني بشر نحب المال لأنو يوفر قداه من حاجة على الأقل بيت تتستر فيه
ولكن اذا يشوفلنا ربي فيه شر خلي نقعدو هكا أحسن واذا شايفلنا نديرو بيه حاجة تاع خير تخدم علينا ربي يرزقنا الحلال
شكرا خويا صلاح على الموضوع بارك الله فيك
تحياتي
 
السلام عليكم ورحمة الله وبركاته
موضوع مميز وجد مهم اخي الكريم
بارك الله فيك وجزاك كل خير وجعل كل حرف في موازين حسناتك
المال مجرد جماد ويكفينا قوله عز وجل انه زينة الحياة الدنيا
المشكل في الناس وفينا نحن كبشر كيف نستعمله ولاي غرض، المشكل في نفوس وعقليات البشر وليس في المال
فمن كانت نفسه حسنة سيستعمله لاخرته ودلك بالتصدق او عمل حسنة جارية كالمساعدة في بناء مسجد حتى ولو ب 1000 دج
ومن كانت نفسه سيئه فسيستعمله في امور سيئة
نسال الله ان لا نكون منهم وان كنا منهم عن قصد او عن غير قصد فنسال الله الهداية والثبات لنا ولكل المسلمين

حكم قول ان المال وسخ الدنيا :
https://www.google.com/url?sa=t&rct=j&q=&esrc=s&source=web&cd=2&cad=rja&uact=8&ved=0ahUKEwjY74OgqdLYAhWJ8RQKHRljDNMQtwIIKjAB&url=https://www.youtube.com/watch?v=33E5dMfq3S0&usg=AOvVaw2ZTgobMAaz7Q8GbvPmS1Js

ارجو تقبل مروري
تحياتي احترامي وتقديري
في امان الله وحفظه​
 
آخر تعديل:
و زيد .. لو كان نحكيلكم على القالب الثالث راكم دوخو و ما تصدقوش .. و ما عرفت إذا رايحين تشبعو ضحك و إلاّ واش
@حلم كبير @Salah eddin
هههههههههه
وعلاه مخبيه أحكي خويا راني نستنا

باه نلايمهم اكل ونديهم لولاد بن خيرة :LOL:
 
هههههههههه
وعلاه مخبيه أحكي خويا راني نستنا

باه نلايمهم اكل ونديهم لولاد بن خيرة :LOL:
--
أيا سيدي القالب الثالث :
هذا لَمْدَعْوِي (كيما قال @Salah eddin ) ، لمّا شاف روحو رايحتلو غير في لخساير حب يسترجع شوية الدراهم .. و كي العادة دارو بيه الضْبوعة و قذفو في راسو واحد الفكرة نتاع مهابيل .. قالولو أنّو كاين واحد القزّان (سحّار، مشعوذ) عندو فن و موهبة في الكشف على الكنوز و الذهب لقديم لي مخبّي من زمان .. و قعدو يدّو و يجيبو فيه لهاذاك المشعوذ (و نظن هاذوك الضبوعة متفاهمين معاه) .. و علابالكم يلزم يقعد معاه بليسيونس (séances) تقول طبيب .. و كل مرّة يغنيلو غنية .. حتى وين خرجهالو طاي طاي و قالو أنو لكنوز في جهتكم كلهم محروسين بالجن منذ قرون :alien: .. و إذا باغي تدّي هاذو لكنوز يلزملك طقوس (و العياذ بالله) .. و كل مرّة واش يقولو يدير و في كل مرّة يدفع دراهم .. حتى وين قالو فالأخير أنو يلزم يْعَيَنْلُو زوج جنون يبعثهم معاه باش يوقفو معاه و يعاونوه فالبحث و استخراج الكنز و لكن بمقابل :sneaky: .. إيييييه و بعد تفكير :unsure: سي لمدعوي وافق ، و لما دخل في مساومة مع المشعوذ قالو مالا نبيعهملك خير (الزوج جنون) و تقعد تخدم بيهم طول حياتك :LOL: .. طلّع لفوق هبّط لتحت حسبلو الجان لواحد بخمسة و سبعين (75) مليون :eek: !!! .. (علابالكم قالو بلّي راني فْكَرْتْلَك زوج جنون صغار و شابين و ما خدموش خلاص و ما تعبوش و جدودة و راهم فالساشية نتاع السيلوفان مغلوقة :ROFLMAO: ) ...
أنا هاذي حكاهالي واحد من المقربين نتاع هاذا لمدعوي .. بقات آسكو خلّص الـ 150 مليون و إلاّ لا ما نعرف .. و لو أنو أحمق و غبي و مدعوي كيما هذا يديرها.
ماشي تقول هذا الجنس جا من المرّيخ ولاّ من أورانوس :confused:
--
في كل الأحوال و في آخر المطاف هاهو كيفاش قرقز الدراهم لخرين لي قعدولو و روّح للكرسي نتاعو فالزاوية نتاع المقهى لَمْزَنْجَرْ (مْصَدَّد) كيفو .. كل يوم صباح و عشية يطلب قهوة و قارو ..
زوج ملاير و نص !! يعني 2500 مليون !! .. o_O
 
--
أيا سيدي القالب الثالث :
هذا لَمْدَعْوِي (كيما قال @Salah eddin ) ، لمّا شاف روحو رايحتلو غير في لخساير حب يسترجع شوية الدراهم .. و كي العادة دارو بيه الضْبوعة و قذفو في راسو واحد الفكرة نتاع مهابيل .. قالولو أنّو كاين واحد القزّان (سحّار، مشعوذ) عندو فن و موهبة في الكشف على الكنوز و الذهب لقديم لي مخبّي من زمان .. و قعدو يدّو و يجيبو فيه لهاذاك المشعوذ (و نظن هاذوك الضبوعة متفاهمين معاه) .. و علابالكم يلزم يقعد معاه بليسيونس (séances) تقول طبيب .. و كل مرّة يغنيلو غنية .. حتى وين خرجهالو طاي طاي و قالو أنو لكنوز في جهتكم كلهم محروسين بالجن منذ قرون :alien: .. و إذا باغي تدّي هاذو لكنوز يلزملك طقوس (و العياذ بالله) .. و كل مرّة واش يقولو يدير و في كل مرّة يدفع دراهم .. حتى وين قالو فالأخير أنو يلزم يْعَيَنْلُو زوج جنون يبعثهم معاه باش يوقفو معاه و يعاونوه فالبحث و استخراج الكنز و لكن بمقابل :sneaky: .. إيييييه و بعد تفكير :unsure: سي لمدعوي وافق ، و لما دخل في مساومة مع المشعوذ قالو مالا نبيعهملك خير (الزوج جنون) و تقعد تخدم بيهم طول حياتك :LOL: .. طلّع لفوق هبّط لتحت حسبلو الجان لواحد بخمسة و سبعين (75) مليون :eek: !!! .. (علابالكم قالو بلّي راني فْكَرْتْلَك زوج جنون صغار و شابين و ما خدموش خلاص و ما تعبوش و جدودة و راهم فالساشية نتاع السيلوفان مغلوقة :ROFLMAO: ) ...
أنا هاذي حكاهالي واحد من المقربين نتاع هاذا لمدعوي .. بقات آسكو خلّص الـ 150 مليون و إلاّ لا ما نعرف .. و لو أنو أحمق و غبي و مدعوي كيما هذا يديرها.
ماشي تقول هذا الجنس جا من المرّيخ ولاّ من أورانوس :confused:
--
في كل الأحوال و في آخر المطاف هاهو كيفاش قرقز الدراهم لخرين لي قعدولو و روّح للكرسي نتاعو فالزاوية نتاع المقهى لَمْزَنْجَرْ (مْصَدَّد) كيفو .. كل يوم صباح و عشية يطلب قهوة و قارو ..
زوج ملاير و نص !! يعني 2500 مليون !! .. o_O
ههه
و الله ق كارثة يا صاحبي ههه
شنوا هذاااا !!! هههه على طريقة رؤوف خليف ههه
يا الله ههه شني هذا الغباء المطلق ههه و اصلا ال 150 مليون الاخرى مين دبرها ؟ هههه
و الله العظيم ق يحير الواحد ههه
تالف راي مليار ... الله يعوضو ولو انا ما يسحهاش ههه كن فاقلها ق من القالب الاول
ههه


 
و اصلا ال 150 مليون الاخرى مين دبرها ؟
-
ههههه
نتا نسيت أنو باع الكاتكات بـ 360 مليون و باع الأرض بـ 300 مليون ؟
المهم .. بين الشرا و البيع و التفرزيع و شوية من هنا و شوية من لهيه .. و كمية يتكرّم بيها و أخرى يبرّح بيها .. و هكذا و هكذا حتى وين خلّص على كل دورو و رجع آزيرو ..
يا خويا هذا عجيب .. ما تهنّاش حتى هلكهم على آخر سنتيم !! .. واقيلا هذا لمدعوي من جماعة هاذي المقولة : (الدراهم وسخ الدنيا) .. و هكذا كيما قلت ما تهنّاش حتى قضى على لوسخ .. ( هههه )
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top